27/05/2025
MEC Sustainable Development Training Hnei Aw!
Mara Evangelical Church Hqrs. Lialaipi office patohpatiapa ta Sustainable Development Training cha tari 28-30 May 2025 noh ta Rev. Teitu Hall, Lialaipi liata MEC local to tawhta mo pakha chyu hruapa ta training tao awpa ta pachhuahpanohpa a châ. Chaliata achu awpazy cha;
1. Nga palyna dah - U Phir Mawng
2. Ti mohôhna nata khâsiana dah - Km. Ramthein, TSD
3. Chhotlôpaw taona dâh - Mch. Zasaw, TSD
4. Py palyna châta chicheipa pho 10 taona dah - Mch. Zaphetha, TPA zy a châ.
He training achuna noh 3 chhôh niedo, thopi nah viachhâ zydua he training akiahpa zydua ta training su liata nie khai thei awpa ta patohpatiapa a châ.
MEC Local to tawhta mo pakhy chyu tovyuh hleikhota ano mopakha âchu khohpa cha training registration Ks. 5,000/- tlaw sâhpangaw pangiapa ta niedo nah thopi zydua nie theipa chhao a châ aw.
He training tao thein'awpata âbyuhpa sôh nah piah lâta main sponsor cha MEC LDRP project châ ta, MEC Assembly SDD, nata Japan râh liata a ypa Mara pasaipha Sayar Nay Aung, Japan zy ama châ.
He sustainable development training hawhpa he Mararâh liata y zôzaw leipa, ramâ hawhta rohpady tyhpa kha châ ta, Mararâh chhôh liata a ypa hmasiena apahâhpa zydua ama kia/chu khai awpa he apeimawh kaw.
Mararâh liata Ngakhaoh hluhpi yta Nga deikua hmô awpa nah nie awpa y vei. Tahma training he ta Mararâh liata Nga hluhpi papua ba aw ta, Chavah liata Nga hluhpi aboh via ba aw ta, Marawsawzy Nga he nie thei ba aw pita eima hnatlâhna, pohraohphapa ama vaw pua ba aw.
Chavâta he training achi awpa nôpaw zydua phahnaikhei chyu awpa ta achhuah chyu suh vy!
Program Director - Sayar Abizah
