Prevent Yangon

Prevent Yangon Prevent is a page where you can find useful information about all HIV prevention tools. You can also reach out experts anonymously to ask your questions.

This page is created by Medical Action Myanmar, a medical charity based in Yangon-treating HIV/AIDS.

💊 ART ဆေးသောက်ချိန်ကို ဘယ်လိုရွေးချယ်သင့်လဲ?"မနက်သောက်ရင် ပိုကောင်းလား?""ညသောက်ရင် ပိုထိရောက်လား?" အမှန်တော့ ART ဆေးအတွက...
28/08/2026

💊 ART ဆေးသောက်ချိန်ကို ဘယ်လိုရွေးချယ်သင့်လဲ?

"မနက်သောက်ရင် ပိုကောင်းလား?"
"ညသောက်ရင် ပိုထိရောက်လား?"

အမှန်တော့ ART ဆေးအတွက် အရေးကြီးဆုံးက နေ့တိုင်း အချိန်တူတူ သောက်နိုင်ဖို့ပါ။

သောက်ချိန်ရွေးတဲ့အခါ👇

✅ နေ့တိုင်း မမေ့ဘဲ သောက်နိုင်မယ့်အချိန်ကို ရွေးပါ။
ဥပမာ - မနက်စာစားပြီး၊ ညစာစားပြီး (သို့) အိပ်ရာမဝင်ခင်

⏰ ဖုန်း Alarm (သို့) Reminder ထားပြီး သတိပေးစနစ်ကို အသုံးပြုပါ။

🍽️ အစာနဲ့တွဲသောက်ရမလား မတွဲသောက်ရဘူးလားဆိုတာက ART ဆေးအမျိုးအစားပေါ် မူတည်နိုင်တာကြောင့် ဆရာဝန် သို့မဟုတ် ဆေးဝါးကျွမ်းကျင်သူရဲ့ ညွှန်ကြားချက်ကို လိုက်နာပါ။

💚 ART ဆေးကို နေ့တိုင်း အချိန်မှန်သောက်ခြင်းက HIV ကို ထိန်းချုပ်နိုင်စေပြီး ကျန်းမာတဲ့ဘဝကို ဆက်လက်ရရှိဖို့ အရေးကြီးတဲ့အလေ့အကျင့်တစ်ခု ဖြစ်ပါတယ်။

📌 မှတ်ထားရမှာက...
"အကောင်းဆုံးသောက်ချိန်" ဆိုတာ မရှိပါဘူး။
"ကိုယ်နေ့တိုင်း အချိန်မှန်သောက်နိုင်တဲ့အချိန်" က အကောင်းဆုံးသောက်ချိန်ပါ။
"ဆရာဝန်များ နှစ်သိမ့်ဆွေးနွေးသူများနဲ့တိုင်ပင်ပြီး အကောင်းဆုံးဆေးသောက်ချိန်ကိုရွေးပါ။

ဒါဆိုရင် သင့်အတွက် အကောင်းဆုံး ဆေးသောာက်ချိန်ကို ရရှိပါလိမ့်မယ်။
တိုင်ပင်ဆွေးနွေးလိုပါက ဆက်သွယ်ပါ။

ထွန်းအခမဲ့ဆေးခန်း
09453512012
Viber>09453512012
Telegram>https://t.me/Tun_Free_Clinic
Messenger>http://m.me/PreventYangon

#ထွန်းအခမဲ့ဆေးခန်း

📢 HIV ရှိမရှိ သွေးစစ်ဖူးလား?အောက်ကတစ်ခုကို ရွေးပြီး Comment မှာ ဖြေပေးပါ👇🅰️ စစ်ဖူးတယ်🅱️ မစစ်ဖူးသေးဘူး🅲️ စစ်ဖို့ စဉ်းစားန...
26/08/2026

📢 HIV ရှိမရှိ သွေးစစ်ဖူးလား?

အောက်ကတစ်ခုကို ရွေးပြီး Comment မှာ ဖြေပေးပါ👇

🅰️ စစ်ဖူးတယ်
🅱️ မစစ်ဖူးသေးဘူး
🅲️ စစ်ဖို့ စဉ်းစားနေတယ်

HIV က သွင်ပြင်လက္ခဏာတွေကို ကြည့်ပြီး မသိနိုင်တာကြောမို့ သွေးစစ်ခြင်းပြီး ရောဂါရှာဖွေခြင်းကသာ ကိုယ့်အခြေအနေကို သိနိုင်တဲ့ နည်းလမ်း ဖြစ်ပါတယ်။

HIV စစ်တာက အရှက်ရစရာမဟုတ်ပါဘူး။
✔️ ကိုယ့်ကျန်းမာရေးကို ဂရုစိုက်တာပါ။

ရှိနေခဲ့ရင်လဲ စောစောကုသနိုင်တယ်။
ပိုးကောင်ရေထိန်းချုပ်နိုင်တဲ့အခါ ကိုယ်ချစ်ရသူတွေကို ပိုးမကူစေဘဲ လုံခြုံစေပါတယ်။

HIV ရှိမရှိ သွေးစစ်ဖူးလား?

💬 သင်က ဘယ်အဖြေလဲ? A, B, ဒါမှမဟုတ် C? Comment မှာ ရေးပေးခဲ့ပါ။

ထွန်းအခမဲ့ဆေးခန်း
09453512012
Viber>09453512012
Telegram>https://t.me/Tun_Free_Clinic
Messenger>http://m.me/PreventYangon

#ထွန်းအခမဲ့ဆေးခန်း

HIV ရှိနေတာကို သွေးစစ်လို့ မတွေ့နိုင်သေးတဲ့ Window Period အတွင်းမှာရော တခြားသူတွေကို ကူးစက်နိုင်သလား? 🩸လူအများစုကတော့ သွ...
24/08/2026

HIV ရှိနေတာကို သွေးစစ်လို့ မတွေ့နိုင်သေးတဲ့ Window Period အတွင်းမှာရော တခြားသူတွေကို ကူးစက်နိုင်သလား? 🩸

လူအများစုကတော့ သွေးစစ်လို့ HIV ပိုးရှိတယ်လို့ Positive အဖြေရမှ ကိုယ့်ဆီကနေ တခြားသူကို ကူးစက်နိုင်တယ် လို့ ထင်တတ်ကြပါတယ်။

တကယ်တော့ HIV ကူးစက်ခံထားရပြီး Window Period အတွင်းမှာလည်း တခြားသူကို ကူးစက်နိုင်ပါတယ်။

ကူးစက်နိုင်တဲ့အပြုအမူတစ်ခု ပြုလုပ်ခဲ့ပြီး HIV ကူးစက်ခံခဲ့ရတယ်ဆိုရင်—

သွေးစစ်လို့ HIV ကို မသိနိုင်သေးတဲ့ ကြားကာလ (Window Period) အတွင်းမှာလည်း ကိုယ့်ခန္ဓာကိုယ်ထဲမှာ HIV ပိုး ရှိနေနိုင်ပြီး တခြားသူကို ကူးစက်နိုင်ပါတယ်။

ဥပမာ—
ကူးစက်နိုင်တဲ့အပြုအမူ ဖြစ်ခဲ့တယ်… HIV ပိုးလည်း ကူးစက်ခံခဲ့ရတယ်ဆိုရင် သုံးလအကြာမှာ သွေးစစ်လို့ HIV ရှိတယ်လို့ Positive အဖြေရနိုင်ပေမယ့် HIV ပိုးကတော့ သွေးစစ်လို့ မသိနိုင်သေးတဲ့အချိန်မှာကတည်းက ကိုယ့်ခန္ဓာကိုယ်ထဲမှာ ရှိနေခဲ့တာ ဖြစ်နိုင်ပါတယ်။

ဒါကြောင့် HIV ကူးစက်နိုင်တဲ့အခြေအနေတစ်ခု ကြုံခဲ့ရတယ်ဆိုရင်—

🔸 ကိုယ့်ဆီကနေ တခြားသူကို ထပ်မံကူးစက်မှု မဖြစ်စေဖို့ ကွန်ဒုံးကို သေချာအသုံးပြုပါ။
🔸 HIV ကူးစက်နိုင်ခြေနည်းစေမယ့် Safe S*x အပြုအမူတွေကို ရွေးချယ်ပါ။
🔸 သတ်မှတ်ထားတဲ့ Window Period ပြီးတဲ့အချိန်မှာ HIV သွေးစစ်ဆေးမှု ပြုလုပ်ပါ။
🔸 စိတ်ပူနေပါက ကျန်းမာရေးဝန်ထမ်းတွေနဲ့ တိုင်ပင်ဆွေးနွေးပါ။

သွေးစစ်တာက ကိုယ့်ကျန်းမာရေးအတွက်သာမက ကိုယ်ချစ်ရသူတွေရဲ့ ကျန်းမာရေးကိုပါ ကာကွယ်ပေးနိုင်ပါတယ်။ ❤️

HIV သွေးစစ်ဖို့၊ HIV နဲ့ပတ်သက်တဲ့ ကျန်းမာရေးအကြောင်းအရာတွေ တိုင်ပင်ဆွေးနွေးဖို့—

ထွန်းအခမဲ့ဆေးခန်း
📞 09453512012
📱 Viber — 09453512012
💬 Telegram — t.me/Tun_Free_Clinic
💬 Messenger — m.me/PreventYangon

*x *xualHealth #ထွန်းအခမဲ့ဆေးခန်း

🚨 "HIV ကူးစက်နိုင်တဲ့ အခြေအနေကြုံခဲ့ရင်... 72 နာရီက သင့်အတွက် အဖိုးတန်ဆုံးအချိန်ပါ!" ဘာကြောင့်လဲဆိုရင် ကူးစက်နိုင်တဲ့အခြ...
21/08/2026

🚨 "HIV ကူးစက်နိုင်တဲ့ အခြေအနေကြုံခဲ့ရင်... 72 နာရီက သင့်အတွက် အဖိုးတန်ဆုံးအချိန်ပါ!"

ဘာကြောင့်လဲဆိုရင် ကူးစက်နိုင်တဲ့အခြေနေကနေ ကာကွယ်ဖို့အတွက် ၇၂ နာရီပဲအချိန်ရပါတယ်။

PEP (Post-Exposure Prophylaxis) ဆိုတဲ့ HIV ကူးစက်နိုင်မှုကို ကာကွယ်ပေးနိုင်တဲ့ဆေးဟာ ကူးစက်နိုင်တဲ့ အခြေအနေကြုံပြီးနောက် 72 နာရီအတွင်း စတင်သောက်ရပါတယ်။

✅ စောစောစသောက်လေ ကာကွယ်နိုင်တဲ့ အခွင့်အရေး ပိုများလေ ဖြစ်ပါတယ်။
✅ 72 နာရီကျော်သွားမှ PEPဆေးစသောက်ရင် ထိရောက်မှု လျော့ကျသွားနိုင်ပါတယ်။
✅ နေ့စဉ် အချိန်မှန်မှန် နဲ့ အတိအကျသောက်ဖို့လိုအပ်ပါတယ်။
✅ ၂၈ ရက်တိတိ ဆက်တိုက်သောက်ဖို့ လိုအပ်ပါတယ်။

သတိပြုဖို့ကတော့
💡 PEP က နေ့စဉ်ကြိုတင်သောက်ရတဲ့ ဆေးမဟုတ်ပါဘူး။ HIV ကူးစက်နိုင်တဲ့ အရေးပေါ်အခြေအနေကြုံပြီးမှ အချိန်မီစတင်သောက်ရတဲ့ ဆေးဖြစ်ပါတယ်။
💡 ကူးစက်နိုင်တဲ့အပြုအမူမျိုးမဖြစ်ခဲ့ဘဲ စိတ်ပူလို့ သောက်နေတာမျိုးကိုလဲ မပြုလုပ်သင့်ပါဘူး။
💡 ခဏခဏ ကူးစက်နိုင်တဲ့အပြုအမူတွေ လုပ်ပြီး ခဏခဏ ဆေးသောက်နေဖို့လဲ မသင့်တော်ပါဘူး။ အပြုအမူပြောင်းလဲခြင်းနှင့် ကာကွယ်ရေးနည်းလမ်းတွေကို သေချာအသုံးပြုခြင်းကို ရွေးချယ်သင့်ပါတယ်။

HIV ကူးစက်နိုင်တဲ့ အခြေအနေကြုံခဲ့တယ်လို့ ထင်ရင်... တွေဝေမနေပါနဲ့။
အချိန်မီ PEP စတင်သောက်နိုင်ဖို့ အမြန်ဆုံး ဆေးရုံ/ဆေးခန်း သွားပါ။ ကျန်းမာရေးဝန်ထမ်းများနဲ့ တိုင်ပင်ပါ။
👇👇👇👇👇
ထွန်းအခမဲ့ဆေးခန်း
09453512012
Viber>09453512012
Telegram>https://t.me/Tun_Free_Clinic
Messenger>http://m.me/PreventYangon

#ထွန်းအခမဲ့ဆေးခန်း

ကိုယ့်မှာ လိင်မှတစ်ဆင့် ကူးစက်ရောဂါ ရှိနေတယ်ဆိုတာ… ကိုယ်ချစ်ရသူကို ဘယ်လိုပြောမလဲ? ❤️“ပြောလိုက်ရင် သူစိတ်ပျက်သွားမလား?”“င...
19/08/2026

ကိုယ့်မှာ လိင်မှတစ်ဆင့် ကူးစက်ရောဂါ ရှိနေတယ်ဆိုတာ… ကိုယ်ချစ်ရသူကို ဘယ်လိုပြောမလဲ? ❤️

“ပြောလိုက်ရင် သူစိတ်ပျက်သွားမလား?”
“ငါ့ကို မယုံတော့ဘူးလား?”
“ငါတို့ရဲ့ဆက်ဆံရေး ပျက်သွားမလား?”

ဒီလိုအတွေးတွေကြောင့် ကိုယ့်မှာ လိင်မှတစ်ဆင့်ကူးစက်ရောဂါ ရှိနေကြောင်း ချစ်ရသူကို ပြောပြဖို့ ခက်ခဲနေနိုင်ပါတယ်။

ဒါပေမယ့် ဖုံးကွယ်ထားတာထက် ရိုးသားစွာ ပြောပြခြင်းက နှစ်ဦးစလုံးရဲ့ ကျန်းမာရေးနဲ့ ယုံကြည်မှုအတွက် ပိုကောင်းပါတယ်။ 💛

ပြောပြတဲ့အခါ—

🕊 အေးဆေးတဲ့အချိန်နဲ့ နေရာကို ရွေးပါ။
အလျင်လိုမနေဘဲ သီးသန့်နဲ့ စိတ်အေးချမ်းတဲ့အချိန်မှာ ပြောပါ။

💬 အပြစ်တင်တာမလုပ်ဘဲ ရိုးရိုးသားသား ပြောပြပါ။
ကိုယ်သိထားတဲ့ ရောဂါအခြေအနေ၊ ကုသမှုခံယူနေမှုတွေကို တတ်နိုင်သလောက် ရှင်းပြပါ။

👂 သူ့ခံစားချက်ကို နားထောင်ပေးပါ။
စိုးရိမ်တာ၊ ဝမ်းနည်းတာ၊ ဒေါသထွက်တာ၊ ငိုတာ စတဲ့ တုံ့ပြန်မှုတွေ ရှိနိုင်ပါတယ်။ ချက်ချင်းဆုံးဖြတ်ချက်ချဖို့ မဖိအားပေးဘဲ သူ့ကို အချိန်ပေးပါ။

🏥 ကျန်းမာရေးစစ်ဆေးမှုနဲ့ ကုသမှုကို အတူတူလုပ်ဆောင်ပါ။
လိုအပ်ရင် ပါတနာကိုပါ STI စစ်ဆေးဖို့၊ ကျန်းမာရေးဝန်ထမ်းတွေနဲ့ တိုင်ပင်ဖို့ ကူညီပေးပါ။

🤝 နှစ်ဦးစလုံးအတွက် လိုအပ်ရင် Couple Counseling ရယူနိုင်ပါတယ်။

အရေးကြီးဆုံးတစ်ခုက—

လိင်မှတစ်ဆင့်ကူးစက်ရောဂါ ရှိနေခြင်းက လူတစ်ယောက်ရဲ့ တန်ဖိုးကို မဆုံးဖြတ်ပါဘူး။

ကိုယ့်ကျန်းမာရေးကို တာဝန်ယူခြင်း၊ ချစ်ရသူရဲ့ ကျန်းမာရေးကို တန်ဖိုးထားခြင်းနဲ့ ရိုးသားစွာ ပြောပြရဲခြင်းတွေကသာ ပိုအရေးကြီးပါတယ်။

❤️“ပြောပြဖို့ကြိုးစားခြင်း” က သင်ချစ်ရသူကို တန်ဖိုးထားလို့ပါ။"

သင့်ခံစားချက်တွေကို ရင်ဖွင့်တိုင်ပင်ချင်တယ်ဆိုရင်—

ထွန်းအခမဲ့ဆေးခန်း
📞 09453512012
📱 Viber — 09453512012
💬 Telegram — t.me/Tun_Free_Clinic
💬 Messenger — m.me/PreventYangon

*xualHealthAwareness #ထွန်းအခမဲ့ဆေးခန်း #ကာလသား

PrEP ကို မှန်မှန်ကန်ကန် သောက်တတ်ပြီလား?PrEP ဆေးသောက်တဲ့အခါ-အချိန်မှန်အတိအကျသောက်ပါ။-လိင်မှုကိစ္စမပြုခင် သတ်မှတ်ထားတဲ့ ရက...
17/08/2026

PrEP ကို မှန်မှန်ကန်ကန် သောက်တတ်ပြီလား?

PrEP ဆေးသောက်တဲ့အခါ
-အချိန်မှန်အတိအကျသောက်ပါ။

-လိင်မှုကိစ္စမပြုခင် သတ်မှတ်ထားတဲ့ ရက် သို့မဟုတ် အချိန်အတိုင်း ကြိုတင်သောက်သုံးပါ။

-လိင်မှု ကိစ္စမရှိတော့လို့ ဆေးရပ်တဲ့အခါမှာလဲ သတ်မှတ်ရက် အတိုင်း ဆက်လက်သောက်သုံးပြီးမှ သာ ရပ်ပါ။

-ဆေးပြန်စ တဲ့အခါမှာလဲ သတ်မှတ်ရက် သို့မဟုတ် အချိန်အတိုင်း သောက်ပြီးမှ သာ လိင်မှ ကိစ္စပြုလုပ်ပါ။

-HIV တစ်မျိုးထဲကိုပဲ ကာကွယ်ပေးတာမို့ ကာလသားရောဂါတွေ အတွက် ကွန်ဒုံးအသုံးပြု၍ ကာကွယ်ပါ။

ဘေးကင်းလုံခြုံပြီး နောက်ဆံ တင်းမှုမရှိတဲ့ ပျော်ရွှင်ခြင်းတွေ ပိုင်ဆိုင်ဖို့ PrEP ကို သေချာသောက်သုံးဖို့လိုအပ်ပါတယ်။

PrEP ဝန်ဆောင်မှု အခမဲ့ရယူဖို့ ဆက်သွယ်ပါ။

ထွန်းအခမဲ့ဆေးခန်း
09453512012
Viber>09453512012
Telegram>https://t.me/Tun_Free_Clinic
Messenger>http://m.me/PreventYangon

#ထွန်းအခမဲ့ဆေးခန်း #ကျန်းမာရေး

ကာလသားရောဂါ (STIs) တွေဖြစ်ပွားခဲ့ရင် စိုးရိမ်စရာမလိုဘူးနော်။ မှန်ကန်တဲ့ကုသမှုတွေကိုသာ ခံယူမယ်ဆိုရင် ကုသပျောက်ကင်းနိုင်ပါ...
15/08/2026

ကာလသားရောဂါ (STIs) တွေဖြစ်ပွားခဲ့ရင် စိုးရိမ်စရာမလိုဘူးနော်။

မှန်ကန်တဲ့ကုသမှုတွေကိုသာ ခံယူမယ်ဆိုရင် ကုသပျောက်ကင်းနိုင်ပါတယ်။

-ဆီးသွားတဲ့အခါ နာကျင်ခြင်း သို့မဟုတ် ပူလောင်ခြင်း

-လိင်အင်္ဂါနှင့် လိင်အင်္ဂါတစ်ဝိုက်တွင် အနာများ အဖု များဖြစ်ပေါ်လာခြင်း

-ခန္ဓာကိုယ်၊ လက်ဖဝါးနှင့် ခြေဖဝါးများတွင် အဖု့အပိန့် များထွက်ပေါ်ခြင်း

-လိင်အင်္ဂါမှ ပုံမှန် မဟုတ်သော အရည်များဆင်းခြင်း စတဲ့ လက္ခဏာများ ဖြစ်ပေါ်လာပါက ရှက်ကြောက်မနေဘဲ ကျန်းမာရေးဝန်ထမ်းများထံမှာ ကုသမှုရယူဖို့ ဆောင်ရွက်သင့်ပါတယ်။

ရှက်ကြောက်မနေဘဲ စောစီးစွာ စစ်ဆေး ကုသနိုင်ခြင်းက ကိုယ့်ကျန်းမာရေးအတွက် ပို အကျိုးရှိသလို ကူးစက်မှုတွေ ရပ်တန်နိုင်ဖို့ ကာကွယ်တဲ့နေရာမှာလဲ အထောက်အကူပြုပါတယ်။

ကျန်းမာရေးအတွက် ရှက်မနေဘဲ ကုသပါ။ ထွန်းအခမဲ့ဆေးခန်းတွေမှာ အခမဲ့ကုသနိုင်ပါတယ်။

ကုသမှု ရယူဖို့ ဆက်သွယ်ပါ။
👇👇👇👇👇
ထွန်းအခမဲ့ဆေးခန်း
09453512012
Viber>09453512012
Telegram>https://t.me/Tun_Free_Clinic
Messenger>http://m.me/PreventYangon

🌏 International Youth Day 2026💚✨ လူငယ်ဆိုတာ အိပ်မက်တွေကို ပုံဖော်ပြီး အနာဂတ်ကို တည်ဆောက်ပေးမယ့် အင်အားသစ်၊ မျှော်လင့်ချက...
12/08/2026

🌏 International Youth Day 2026💚

✨ လူငယ်ဆိုတာ အိပ်မက်တွေကို ပုံဖော်ပြီး အနာဂတ်ကို တည်ဆောက်ပေးမယ့် အင်အားသစ်၊ မျှော်လင့်ချက်သစ် တွေပါ ✨

ဒီ ၂၀၂၆ အပြည်ပြည်ဆိုင်ရာ လူငယ်များနေ့ မှာ လူငယ်တိုင်း ကိုယ်ကျန်းမာ၊ စိတ်ချမ်းသာပြီး မိမိရဲ့အိပ်မက်တွေကို ရဲရဲဝံ့ဝံ့ အကောင်အထည်ဖော်နိုင်ကြပါစေလို့ ဆန္ဒပြုလိုက်ပါတယ်💪✨

ကျန်းမာခြင်းဟာ လူငယ်တွေရဲ့ အိပ်မက်တွေဆီသွားရာလမ်းမှာ အရေးကြီးဆုံး အင်အားတစ်ခုဖြစ်ပါတယ်။

ဒါကြောင့် လူငယ်ထုတွေရဲ့ ကျန်းမာရေးစောင့်ရှောက်မှုအတွက် ထွန်းအခမဲ့ဆေးခန်း ကလည်း အခမဲ့ ကျန်းမာရေးစောင့်ရှောက်မှုနဲ့အတူ လူငယ်​တွေနဲ့ထပ်တူရှိ​နေပါတယ်။ 🩺

ယ​​နေ့ကျ​ရောက်တဲ့ International Youth Day မှာ လူငယ်တိုင်း ကျန်းမာ​ပျော်ရွှင်ကြပါ​စေ။

​🌻ပျော်ရွှင် ကျန်းမာ
​🌞တောက်ပတဲ့ ​ဘဝ

Happy International Youth Day 2026! 🎉
#လူငယ်များနေ့ #ထွန်းအခမဲ့ဆေးခန်း

🌧️ သဘာဝဘေးအန္တရာယ်တွေကြားမှာ ကိုယ့်စိတ်ကလေးကို ကြင်နာဖို့လည်း မမေ့ပါနဲ့ 🤍သဘာဝဘေးအန္တရာယ်တွေနဲ့ ကြုံတွေ့နေရတဲ့အချိန်မှာစိ...
11/08/2026

🌧️ သဘာဝဘေးအန္တရာယ်တွေကြားမှာ ကိုယ့်စိတ်ကလေးကို ကြင်နာဖို့လည်း မမေ့ပါနဲ့ 🤍

သဘာဝဘေးအန္တရာယ်တွေနဲ့ ကြုံတွေ့နေရတဲ့အချိန်မှာ
စိတ်ပူတာ၊ စိုးရိမ်တာ၊ အိပ်မပျော်တာ၊ ဝမ်းနည်းတာ၊ ကြောက်ရွံ့တာ လေးတွေ ဖြစ်နေနိုင်ပါတယ်။

ဒါဟာ ခက်ခဲတဲ့အခြေအနေတစ်ခုကို ရင်ဆိုင်ဖြတ်ကျော်နေရတာကြောင့် ကိုယ့်ကိုယ်ကို ကာကွယ်နိုင်ဖို့အတွက် ခန္ဓာကိုယ်နဲ့စိတ်က ပြုလုပ်နေတဲ့ သဘာဝတုံ့ပြန်မှုတွေ ဖြစ်ပါတယ်။

ဒီလိုအချိန်မှာ ကြောက်ရွံ့ဝမ်းနည်းနေတဲ့ စိတ်တွေရှိနေတာ၊ အဲဒီစိတ်တွေက ကိုယ့်ကို လွှမ်းမိုးနေတာဟာ
သင်ပျော့ညံ့တာ၊ အားနည်းတာ မဟုတ်ပါဘူး။
ဒါဟာ ပုံမှန်ပါပဲ။ 🤍

🗣️ ခံစားချက်တွေကို ထုတ်ပြောလို့ရပါတယ်။
“ငါကြောက်နေတယ်…”
“ငါပင်ပန်းနေတယ်…”
“ငါစိုးရိမ်နေတယ်…”
လို့ ပြောလိုက်လို့ရပါတယ်။
ကိုယ့်ခံစားချက်တွေကို ဖိသိပ်မြိုချထားစရာ မလိုပါဘူး။ ခံစားခွင့်ရှိပါတယ်။

❤️ ကိုယ့်ကိုယ်ကို အပြစ်မဆိုပါနဲ့။
ကိုယ်ထိန်းချုပ်လို့မရတဲ့ သဘာဝတရားရဲ့ သက်ရောက်မှုအောက်မှာ
“ကိုယ်အခု ရှင်သန်နေတယ်။ ကိုယ်လုပ်နိုင်သလောက် အကောင်းဆုံးလုပ်နေတယ်။ ဒါဟာ လုံလောက်ပါတယ်”
လို့ ကိုယ့်ကိုယ်ကို ပြန်ပြောပေးပါ။
သင်ဟာ ဒီအခြေအနေကို ရင်ဆိုင်ဖြတ်ကျော်နေတဲ့အတွက် သန်မာပါတယ်။ 🌱

🫁 အသက်ရှူပါ။
ဖြည်းဖြည်းရှူပါ။ ဖြည်းဖြည်းပြန်ထုတ်ပါ။
ခန္ဓာကိုယ်ထဲက တင်းကျပ်နေတဲ့ ကြွက်သားတွေကို သတိထားပြီး ဖြည်းဖြည်းချင်း ဖြေလျှော့ပါ။
ရှုပ်ထွေးနေတဲ့စိတ်ကိုလည်း ခဏလောက် အနားပေးပါ။

🫂 တစ်ယောက်တည်း မနေပါနဲ့။
သူငယ်ချင်းတွေ၊ မိသားစုတွေနဲ့ဖြစ်ဖြစ်၊ ဒီအခြေအနေကို အတူတူဖြတ်ကျော်နေရတဲ့ တခြားသူတွေနဲ့ဖြစ်ဖြစ် အတူနေပါ။
တစ်ယောက်နဲ့တစ်ယောက် အနားမှာရှိပေးခြင်း၊ နားထောင်ပေးခြင်းကလည်း စိတ်သက်သာရာရစေနိုင်ပါတယ်။

📱 သတင်းတွေကိုလည်း အဆက်မပြတ် မကြည့်ပါနဲ့။
လိုအပ်တဲ့ သတင်းအချက်အလက်တွေ သိရှိနိုင်ဖို့အတွက်ပဲ ကြည့်ပါ။
ကိုယ့်စိတ်ကို ပိုပြီးဖိစီးစေတဲ့ သတင်းတွေ၊ ဗီဒီယိုတွေကို ခဏလောက် ရပ်ထားလို့ရပါတယ်။

🤝 လိုအပ်တဲ့ အထောက်အပံ့တွေကို လက်ခံရယူပါ။
အခုအချိန်မှာ ကိုယ်က အကူအညီယူနေရလို့ စိတ်မကောင်းဖြစ်စရာ၊ ရှက်စရာ မလိုပါဘူး။
အကူအညီလက်ခံတတ်ခြင်းဟာ တစ်ဖက်လူရဲ့ မေတ္တာနဲ့ ကြင်နာမှုကို အသိအမှတ်ပြုရာရောက်သလို၊ တစ်ယောက်နဲ့တစ်ယောက် အပြန်အလှန်ဖေးမတဲ့ လူမှုအသိုင်းအဝိုင်းတစ်ခုကို တည်ဆောက်ရာလည်း ရောက်ပါတယ်။

📝 လုပ်ချင်တာလေးတွေကို စာရင်းလုပ်ထားပါ။
အရာအားလုံးကို အခုချက်ချင်း ပြီးမြောက်ဖို့ မလိုပါဘူး။
မလောပါနဲ့။
တစ်ခုချင်းစီ၊ တစ်ဆင့်ချင်းစီ၊ ဖြည်းဖြည်းချင်း သွားလို့ရပါတယ်။

🌱 အခုအချိန်မှာ အရေးကြီးဆုံးက အရာအားလုံးကို ဖြေရှင်းဖို့မဟုတ်ပါဘူး။
ကိုယ့်ကိုယ်ကို ဂရုစိုက်ကြင်နာရင်း ဒီနေ့ကို ဖြတ်ကျော်နိုင်ဖို့ပါ။

သင်တစ်ယောက်တည်း မဟုတ်ပါဘူး။

သင့်ရုပ်ခန္ခာကို ​ရော စိတ်ကလေးကိုပါ ဂရုစိုက်ပါ။

ဒီအခြေနေကို အတူတူဖြတ်ကျော်လို့ရပါတယ်။

#ထွန်းအခမဲ့ဆေးခန်း

! HIV ဖြစ်လာရင် အားဆေးတွေပဲသောက်မယ်၊ အားရှိစေတဲ့ အစားစာတွေပဲစားမယ်ဆေးကုသမှုမခံယူဘူး ဆိုရင် အဆင်ပြေနိုင်လား?အဖြေကတော့ No ...
09/08/2026

! HIV ဖြစ်လာရင် အားဆေးတွေပဲသောက်မယ်၊ အားရှိစေတဲ့ အစားစာတွေပဲစားမယ်
ဆေးကုသမှုမခံယူဘူး ဆိုရင် အဆင်ပြေနိုင်လား?

အဖြေကတော့ No ပါ။

အဟာရပြည့်ဝ တဲ့ အစားသောက်တွေနဲ့ အားဆေးတွေက ခန္ဓာကိုယ်ကျန်းမာရေးကို အထောက်အကူပြုနိုင်ပေမယ့် HIV ပိုးကို မထိန်းချုပ်နိုင်ပါဘူး။

HIV ဖြစ်နေပြီး ဆေးမကုဘဲ အားဆေးတွေပဲသောက်မယ် အားရှိစေတဲ့အစားစာတွေပဲ စားနေမယ်ဆိုရင်တော့ ခန္ဓာကိုယ်အတွက် အဟာရတွေ ရနေနိုင်ပေမယ့် HIV ပိုးကတော့ ခန္ဓာကိုယ်ထဲမှာဆက်လက်ပွားများနေမှာပါပဲ။ အချိန်ကြာလာတဲ့အခါ ကိုယ်ခံအားဆဲလ် CD4 တွေလျော့နည်းလာပြီး HIV အပြင်တခြားသော အခွင့်အရေးယူရောဂါများ ဝင်ရောက်လာနိုင်ပါတယ်။

HIV ပိုးကို ထိန်းချုပ်ဖို့ အရေးကြီးဆုံးက ART ကုသမှုခံယူခြင်းပါပဲ။

ဆေးကုသမှုခံယူမယ် ART ဆေးကို နေ့စဉ် အချိန်မှန်သောက်မယ် ဆိုရင် HIV ပိုးကို ထိန်းချုပ်နိုင်ပြီး အသက်ရှည်ကျန်းမာစွာနဲ့ သာမန်လူတွေအတိုင်း ဆက်လက်ရှင်သန်လို့ရပါတယ်။

အစားသောက်နဲ့ အားဆေးတွေသည် ART ဆေးကို အစားမထိုးနိုင်ပါဘူး။

ဒါကြောင့် HIV ရှိနေကြောင်း သိထားပါက ဆေးမကုဘဲ မနေပါနဲ့။ ART ကုသမှုကို စောစောစတင်ပါ။ တခြားဘာမှ လုပ်စရာမလိုဘဲ ဆေးကုသမှုခံယူရုံနဲ့တင် ဆက်လက်ကျန်းမာလို့ရပါတယ်။

HIV နဲ့ပတ်သက်ပြီး တိုင်ပင်ဆွေးနွေးဖို့၊ သွေးစစ်ဖို့ နဲ့ ရောဂါရှိခဲ့ရင် ကုသမှုတွေ ချိတ်ဆက်ဆောင်ရွက်နိုင်ဖို့အတွက် ထွန်းအခမဲ့ ဆေးခန်းကို ဆက်သွယ်ပါ။

ထွန်းအခမဲ့ဆေးခန်း
09453512012
Viber>09453512012
Telegram>https://t.me/Tun_Free_Clinic
Messenger>http://m.me/PreventYangon

#ကျန်းမာရေး #ထွန်းအခမဲ့ဆေးခန်း

Address

ဘားအံလမ်းနှင့် မင်းလှ လမ်း​ထောင့်၊ စ​နေမ မှတ်တိုင်အနီး၊ လှိုင်သာယာမြို့နယ်၊ ရန်ကုန်။
Yangon
11401

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 12:00
Thursday 09:00 - 17:00
Friday 09:00 - 17:00

Telephone

+959403102930

Website

Alerts

Be the first to know and let us send you an email when Prevent Yangon posts news and promotions. Your email address will not be used for any other purpose, and you can unsubscribe at any time.

Shortcuts

Share

Category