ပအိုဝ်းစာပေနှင့်ယဉ်ကျေးမှု အဖွဲ့ - မွန်ပြည်နယ်

01/03/2026

၁၃၈၇ ခုနှစ် တပေါင်းလပြည့်နေ့ (2-3-2026)
သထုံမြို့ နောင်ကုလားကျေးရွာရှိ
ပအိုဝ်းအမျိုးသားဗိမ္မာန်တော်တွင်
ပြုလုပ်ကျင်းပသော
၇၇ နှစ်မြောက် ပအိုဝ်းအမျိုးသားနေ့ အခမ်းအနားကို
ကျေးရွာတိုင်းရှိ ယဥ်ကျေးမှုအဖွဲ့များ
အခမ်းအနား ကျင်းပမည့်နေရာသို့
မနက် ၇ နာရီအရောက် ကြွရောက်ပေးကြပါရန် ပန်ကြားအပ်ပါသည် ။

28/02/2026

Online Voting ကို (1.3.2026) ည(၆)နာရီပိတ်သိမ်းပါမည်။

Offline Voting ကိုမူ (1.3.2026)ရက်နေ့ ပွဲစတင်ကျင်းပချိန် နံနက် (၉) နာရီမှစတင်၍ voting တစ်စောင်လျှင် (1000ks) နှုန်းထားဖြင့်ဝယ်ယူနိုင်မည်ဖြစ်ပြီး လက်မှတ်တစ်စောင်ကိုမူ (10)မှတ် နှုန်းဖြင့်​တွက်ချက်မည်ဟုသိရှိရပါသည်။

28/02/2026

ဝိသာခါ ခမ်းကောင်ဒုံ 😍

27/02/2026

မွန်ပြည်နယ် သထုံမြို့နယ်
နောင်ကုလားကျေးရွာရှိ
စိန်ရတု ပအိုဝ်းအမျိုးသား ဗိမ္မာန်တွင်
ပြုလုပ်ကျင်းပမည့် ပအိုဝ်းအမျိုးသားနေ့ အခမ်းအနားအစီအစဥ်

#တပေါင်းလဆန်း ၁၃ ရက်
Miss pao Thuwanakham part (1) နှင့်
ပအိုဝ်းယဥ်ကျေးမှု အက ဖျော်ဖြေရေးကဏ္ဍ

#တပေါင်းလဆန်း ၁၄ ရက်
Miss Pao Thuwanakham part (2)နှင့်
ပအိုဝ်းယဥ်ကျေးမှု အကပြိုင်ပွဲ
သီချင်းဖျော်ဖြေရေး ကဏ္ဍ

#တပေါင်းလပြည့်နေ့
ပအိုဝ်းအမျိုးသားနေ့အခမ်းအနား
အကပြိုင်ပွဲ ဆုပေးပွဲ
Miss Pao Thuwanakham ဆုပေးပွဲ
ပအိုဝ်းယဥ်ကျေးမှုအကဖျော်ဖြေပွဲများ
ပြုလုပ်ကျင်းပသွားမှာဖြစ်ပါတယ်။

ကြွရောက်အားပေးကြဖို့ ဖိတ်ကြားအပ်ပါသည်။

15/02/2026

သထုံဒေသ စိန်ရတု ပအိုဝ်းအမျိုးသား ဗိမ္မာန်တွင် ပြုလုပ်ကျင်းပမည့်
၇၇နှစ်မြောက် ပအိုဝ်းအမျိုးသားနေ့တွင် ပအိုဝ်းရိုးရာအကများ​​ဖြင့်​​ ကပြယှဥ်ပြိုင်ကြမည့် ယဥ်ကျေးမှုအကအဖွဲ့များအတွက် အကအလှစည်းမျဥ်းစည်းကမ်းများ ကြေညာချက်

✅ စည်းမျဥ်း 1 - ပြိုင်ပွဲဝင်ဦးရေ အနည်းဆုံး ၁၆ယောက်ဖြစ်ရပါမည်။ (မှတ်ချက် - အမျိုးသား/အမျိုးသမီး သီးသန့် ၁၆ ယောက်​ဖြင့်လည်း
ကပြယှဥ်ပြိုင်၍ ရပါသည်။)
✅ စည်းမျဥ်း 2 - ရိုးရာဝတ်စုံပြည့်ဖြစ်ရမည့်အပြင် မျိုးသားများက တိုက်ပုံ ခေါင်းပေါင်း ဆင်တူဖြစ်ရပါမည်။ အမျိုးသမီးများအနေဖြင့် ခေါင်းပေါင်းဆင်တူ/ ဆံထိုးပါပါက ဆင်တူဖြစ်ရမည်။
✅ စည်းမျဥ်း 3- ရိုးရာထုံမောင်းဖြင့် ယှဥ်ပြိုင်ပါက ထုံမောင်းဝိုင်းတွင် လူဦးရေ အနည်းဆုံး ၅ယောက် ဖြစ်ရပါမည်။ ကိုယ်ပိုင်ပအိုဝ်းရိုးရာ သီချင်းဖြင့်လည်း သီဆိုယှဥ်ပြိုင်နိုင်သည်။ သီးချင်းတစ်ပုဒ်ကြာချိန် အနည်း၆ မိနစ်မှအများဆုံး ၁၀ မိနစ် (မှတ်ချက် - ပအိုဝ်းအမျိုးသားနေ့နှင့် သက်ဆိုင်သော သီချင်းများဖြင့်သာ ယှဥ်ပြိုင်ရန်။)

အကပြိုင်ပွဲဝင်မည့်ကျေးရွာများအနေဖြင့်
တပေါင်းလဆန်း (၇)ရက်နေ့ နောက်ဆုံးထား၍
ဆက်သွယ်စာရင်းပေးသွင်းကြပါရန်

ပွဲရက်ကို တပေါင်းလဆန်း ၁၃ ရက် ၁၄ ရက်နှင့် လပြည့်နေ့ သုံးရက်တိုင် ပြုလုပ်ကျင်းပပါမည် (နေ့ဘက်များတွင်သာ)

နန်းသီတာညိုဝင်း 09-7918-66146
ခွန်ချစ်စံဝင်း 09-696-744-966

21/12/2025

ခွန်သက်မောင်မောင် 💪💪

18/12/2025

ပအိုဝ်းဝန်ကြီးလောင်း 😍

ပအိုဝ်းအမျိုးသားဖွံ့ဖြိုးတိုးတက်ရေးပါတီမှ
ဝင်ရောက်ယှဥ်ပြိုင်မည့်
ဦးချစ်သိန်း (ခ) ဦးခွန်ဒါလီ ၏ ကိုယ်ရေးအကျဥ်း

ဦးချစ်သိန်းသည် သထုံံမြို့၊ ဘင်လှိုင်ရပ်ကွက် ဇာတိဖြစ်ပြီး မူလတန်းပညာကို သထုံမြို့ အ.မ.က(အောက်ကျင်း)၊ အလယ်တန်းနှင့် အထက်တန်းပညာကို ကဝမြို့နယ် အ.ထ.က(တွဲ) ပလေးတို့တွင် ပညာသင်ယူခဲ့ပြီး ရန်ကုန်တိုင်း အ.ထ.က(၄) သင်္ဃန်းကျွန်းတွင် ဒဿမတန်းအောင်မြင်ခဲ့သည်။

အမျိုးသားရေးလုပ်ငန်းဆောင်ရွက်ချက်
၁၉၉၇/၉၈ ခုနှစ်မှစ၍
သထုံမြို့နယ် ပအိုဝ်းစာပေနှင့်ယဥ်ကျေးမှုအသင်း ဖွဲ့စည်းနိုင်ရေးအတွက် စည်းရုံးရေးတာဝန်ခံ အဖြစ်လည်းကောင်း၊
၂၀၁၂/၁၃ ခုနှစ်တွင် ဖွဲ့စည်းခဲ့သော ပအိုဝ်းစာပေနှင့်ယဥ်ကျေးမှုအဖွဲ့ (မွန်ပြည်နယ်)တွင် အတွင်းရေးမှူးအဖြစ်လည်းကောင်း အမျိုးသားရေးတာဝန်များကိုဆောင်ရွက်ခဲ့သည်။ ယနေ့ချိန်ထိ ပအိုဝ်းစာပေနှင့်ယဥ်ကျေးမှုအဖွဲ့ (မွန်ပြည်နယ်) နာယကအဖွဲ့ဝင်တစ်ဦးအဖြစ် ပအိုဝ်းအမျိုးသားရေးတာဝန်ကို ထဲထဲဝင်ဝင်​​ဆောင်ရွက်လျှက်ရှိပါသည်။

တိုင်းရင်းသားတို့၏ ဘာသာစကား၊ စာပေ၊ ယဥ်ကျေးမှု၊ အမျိုးသားရေးလက္ခဏာများ၊ ဖွံ့ဖြိုးတိုးတက်စေပြီး ရေရှည်တည်တံ့အောင် ထိန်းသိမ်းမြှင့်တင်နိုင်ရန်အတွက်

၂၀၂၅ အထွေထွေရွေးကောက်ပွဲတွင် မွန်ပြည်နယ်လွှတ်တော် ပအိုဝ်းတိုင်းရင်းသားကိုယ်စားလှယ်လောင်းအဖြစ် ဝင်ရောက်ယှဥ်ပြိုင်လျှက်ရှိပါသည်။

17/12/2025

ပအိုဝ်းအမျိုးသားဖွံ့ဖြိုးတိုးတက်ရေးပါတီမှ
ဝင်ရောက်ယှဥ်ပြိုင်မည့်
ခွန်ခင်လှ ၏ ကိုယ်ရေးအကျဥ်း

ခွန်ခင်လှသည် သထုံံမြို့နယ်၊ နောင်ကုလားကျေးရွာအုပ်စု၊ နောင်ကုလားရှမ်းရွာ ဇာတိဖြစ်ပြီး အ.လ.က(ရှမ်းရွာ)၊ အ.ထ.က(၁) (သထုံ)တို့တွင် ဒဿမတန်းအထိ ပညာသင်ကြားခဲ့သည်။

၂၀၁၀ မှ ယနေ့ထိ သထုံမြို့နယ်၊ နောင်ကုလားကျေးရွာ သာယာဖွံ့ဖြိုးတိုးတက်ရေးအတွက် လူမှုအကျိုးပြုလုပ်ငန်းများတွင် စွမ်းစွမ်းတမံဆောင်ရွက်ခဲ့သူဖြစ်ပါသည်။

ယခုအခါ ပအိုဝ်းအမျိုးသားဖွံ့ဖြိုးတိုးတက်ရေးပါတီတွင် သထုံမြို့နယ် ဥက္ကဌ တာဝန်ဖြင့် ဆောင်ရွက်လျှက်ရှိပါသည်။

ဒေသတည်ငြိမ်​အေးချမ်းဖွံ့ဖြိုးတိုးတက်ရေးကို လိုလားပြီး ပြည်သူ့အကျိုးပြုနိုင်ရန်အတွက်

၂၀၂၅ အထွေထွေရွေးကောက်ပွဲတွင် အမျိုးသားလွှတ်တော်(FPTP) ကိုယ်စားလှယ်လောင်းအဖြစ် မွန်ပြည်နယ်၊ မဲဆန္ဒနယ်အမှတ်(၆) မှ ဝင်ရောက်ယှဥ်ပြိုင်လျှက်ရှိပါသည်။