Tanintharyi CDM Solidarity Network

Directions

Tanintharyi CDM Solidarity Network A united network for all CDM people in the Tanintharyi Region.

❝ သံအမတ်ကြီး ဦးကျော်မိုးထွန်း ကုလသမဂ္ဂအတွင်း ဆက်လက်ရှိနေခြင်းသည် မြန်မာပြည်သူများ၏ အမှန်တရားနှင့် နာကျင်ခံစားရမှုများကို...
10/09/2026

❝ သံအမတ်ကြီး ဦးကျော်မိုးထွန်း ကုလသမဂ္ဂအတွင်း ဆက်လက်ရှိနေခြင်းသည် မြန်မာပြည်သူများ၏ အမှန်တရားနှင့် နာကျင်ခံစားရမှုများကို ကမ္ဘာက ကြားသိနိုင်ရန်အတွက် အဓိကကျသော အခွင့်အရေးတစ်ရပ်ဖြစ်သည် ❞

Voices of Victims, Voices of Struggle - Let Myanmar Be Heard



Add your voice to support -
https://our-ambassador-our-voice.vercel.app/

အာဏာသိမ်းမှုဖြစ်စဉ် စတင်ပြီး (၂၄) ရက်အကြာ၂၀၂၁ ခုနှစ် ရဲ့ ဖေဖော်ဝါရီလ (၂၆) ရက်နေ့မှာ ကမ္ဘာ့စင်မြင့်ထက်ကနေ “ပြည်သူသာ အဓိကပ...
10/09/2026

အာဏာသိမ်းမှုဖြစ်စဉ် စတင်ပြီး (၂၄) ရက်အကြာ၂၀၂၁ ခုနှစ် ရဲ့ ဖေဖော်ဝါရီလ (၂၆) ရက်နေ့မှာ ကမ္ဘာ့စင်မြင့်ထက်ကနေ “ပြည်သူသာ အဓိကပါ ၊ အရေးတော်ပုံအောင်ရမည်” လက်သုံးချောင်းထောင်ပြီး ပြည်သူဘက်ကနေ ရပ်တည်ခဲ့တဲ့ ပြည်သူ့သံအမတ်ကြီး ဦးကျော်မိုးထွန်းဟာ ကုလသမဂ္ဂ အထွေထွေညီလာခံမှာ ပြည်သူနှင့်အတူ CDM ပါဝင်ကြောင်း ကမ္ဘာကို ကြေညာခဲ့ပါတယ် ။

မိုက်ခရိုဖုန်းရှေ့က ထွက်လာတဲ့ အသံဟာ တုန်ယင်နေခဲ့ပေမယ့် ရပ်တည်ချက်ခိုင်မာပြတ်သားစွာနဲ့ ကမ္ဘာကို လက်သုံးချောင်းထောင် ပြည်သူဘက်ကနေ ရပ်တည်ကြောင်း ကြေညာခဲ့ပါတယ် ။ အဲ့ဒီနေ့ဟာ မြန်မာပြည်သူတွေအတွက် မျက်ရည်ဝဲဆို့နင့်ခဲ့ကြရတဲ့ သမိုင်းဝင်နေ့ရက်ဖြစ်သလို သံအမတ်ကြီးရဲ့ ရဲရင့်ခိုင်မာတဲ့ ရပ်တည်ချက်တွေကြောင့် ပြည်သူတွေအတွက် တော်လှန်ရေးအတွက် မျှော်လင့်ချက်ရောင်ခြည်တစ်ခု ဖြစ်ခဲ့ပါတယ် ။ တချိန်တည်းမှာပဲ နွေဦးတော်လှန်ရေးရဲ့ တပ်ဦးကနေ အကြမ်းမဖက်အာဏာဖီဆန်ရေးနဲ့ မတရားမှုကိုငြင်းဆန် တွန်းလှန်ခဲ့ကြတဲ့ CDM နိုင်ငံ့ဝန်ထမ်းတွေအတွက်လည်း အားတစ်ခုဖြစ်စေခဲ့ပြီး CDM ပါဝင်မှုကို သံအမတ်ကြီးနဲ့အတူ ရဲရင့်စွာဆက်လက် ရပ်တည်ခဲ့ ကြသည်မှာ ယနေ့ တော်လှန်ရေး (၅) နှစ်ကျော်ကာလအထိပင်ဖြစ်ပါတယ် ။

ဒီလိုပြည်သူ့သံအမတ်ပီသစွာ ပြည်သူရဲ့အသံကို ကမ္ဘာတခုလုံးကြားအောင် ထုတ်ဖော်ပြောဆို နေဆဲဖြစ်တဲ့ သံအမတ်ကြီးဦးကျော်မိုးထွန်းနှင့်အတူ တနင်္သာရီတိုင်း CDM နိုင်ငံ့ဝန်ထမ်းထု တခုလုံးကလည်း သံအမတ်ကြီးနှင့်အတူ အတူတကွရပ်တည်ပေးနိုင်ဖို့ တနင်္သာရီတိုင်း CDM နိုင်ငံ့၀န်ထမ်းထုတခုလုံးအား တိုက်တွန်းအပ်ပါတယ် ။

မြန်မာနိုင်ငံ နိုင်ငံခြားရေးဝန်ကြီးဌာနရဲ့ အဆင့်မြင့် CDM နိုင်ငံ့ဝန်ထမ်းတစ်ဦးဖြစ်တဲ့ သံအမတ်ကြီးဦးကျော်မိုးထွန်းနှင့်အတူ တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှု
ကွန်ရက်မှလည်း သံအမတ်ကြီးအား အပြည့်အဝထောက်ခံဝန်းရံပါကြောင်း အလေးအနက် ကြေညာရင်းဖြင့် ပြည်သူ့သံအမတ်ဦးကျော်မိုးထွန်းအား အတူတကွဝန်းရံနိုင်ရန်အတွက် လက်မှတ်ရေးထိုး ပါဝင်ပေးနိုင်ဖို့ တနင်္သာရီတိုင်း CDM နိုင်ငံ့ဝန်ထမ်းအားလုံးကို ဖိတ်ခေါ်အပ်ပါတယ် ။

"ရှမ်းပြည်နယ် CDM ကောင်စီ၏ ဖွဲ့စည်းပုံစည်းမျဉ်းအတည်ပြုခြင်းနှင့် အလုပ်အမှုဆောင်ကော်မတီဖွဲ့စည်းခြင်း ပထမအကြိမ်အထွေထွေညီလာ...
23/08/2026

"ရှမ်းပြည်နယ် CDM ကောင်စီ၏ ဖွဲ့စည်းပုံစည်းမျဉ်းအတည်ပြုခြင်းနှင့် အလုပ်အမှုဆောင်ကော်မတီဖွဲ့စည်းခြင်း ပထမအကြိမ်အထွေထွေညီလာခံသို့ တနင်္သာရီတိုင်း CDM နိုင်ငံ့ဝန်ထမ်းများ စည်းလုံးညီညွတ်မှုကွန်ရက် ( TCSN) မှ ပေးပို့သည့် ဂုဏ်ပြုသဝဏ်လွှာ"


#ရှမ်းပြည်နယ်CDMကောင်စီ

⁨⁨ပဲခူးဒေသစီဒီအမ်နိုင်ငံ့ဝန်ထမ်းများကောင်စီ (BRCC) ၊ ဧရာဝတီဖက်ဒရယ်ယူနစ်စီဒီအမ် နိုင်ငံ့ဝန်ထမ်းအဖွဲ့အစည်း (CCSO-AFU) ဖြစ်...
21/08/2026

⁨⁨ပဲခူးဒေသစီဒီအမ်နိုင်ငံ့ဝန်ထမ်းများကောင်စီ (BRCC) ၊ ဧရာဝတီဖက်ဒရယ်ယူနစ်စီဒီအမ် နိုင်ငံ့ဝန်ထမ်းအဖွဲ့အစည်း (CCSO-AFU) ဖြစ်မြောက်ရေးကော်မတီတို့နှင့် တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက် (TCSN) တို့ တွေ့ဆုံမှုအစည်းအဝေး

ဩဂုတ်လ (၂၀) ရက် ၊ ၂၀၂၆ ခုနှစ်

▪️ပဲခူးဒေသစီဒီအမ်နိုင်ငံ့ဝန်ထမ်းများကောင်စီ (BRCC) ၊ ဧရာဝတီဖက်ဒရယ်ယူနစ်စီဒီအမ် နိုင်ငံ့ဝန်ထမ်းအဖွဲ့အစည်း (CCSO-AFU) ဖြစ်မြောက်ရေးကော်မတီတို့နှင့် တနင်္သာရီတိုင်း CDM နိုင်ငံ့ ဝန်ထမ်းများ စည်းလုံးညီညွတ်မှုကွန်ရက်(TCSN) တို့ တွေ့ဆုံဆွေးနွေးမှုကို ၂၀၂၆ ခုနှစ် ၊ ဩဂုတ်လ (၂၀) ရက်နေ့ တွင် ပြုလုပ်ခဲ့ပါသည်။ ပဲခူးဒေသစီဒီအမ်နိုင်ငံ့ဝန်ထမ်းများကောင်စီ (BRCC) ၊ ဧရာဝတီ ဖက်ဒရယ်ယူနစ်စီဒီအမ် နိုင်ငံ့ဝန်ထမ်းအဖွဲ့အစည်း (CCSO-AFU) ဖြစ်မြောက်ရေးကော်မတီ တို့မှ အဖွဲ့ဝင်များ (၃၀)ဦး တက်ရောက်ခဲ့ပြီး တနင်္သာရီတိုင်း CDM နိုင်ငံ့ဝန်ထမ်းများစည်းလုံး ညီညွတ်မှု ကွန်ရက်(TCSN) မှ အဖွဲ့ဝင် (၁၄) ဦး၊ စုစုပေါင်း တက်ရောက်သူဦးရေ (၄၄) ဦးဖြင့် တွေ့ဆုံ ဆွေးနွေးမှုအား စတင်ခဲ့ကြသည်။ တွေ့ဆုံဆွေးနွေးမှုကို မြန်မာစံတော်ချိန် ည (၇) နာရီ (၁၀) မိနစ် တွင် စတင်ခဲ့ကြသည်။

▪️တွေ့ဆုံဆွေးနွေးမှု၏ ရည်ရွယ်ချက်ဖြစ်သည့် စီဒီအမ်နိုင်ငံ့ဝန်ထမ်းရေးရာကိစ္စရပ်များ ၊ ရင်ဆိုင်နေရသောအခက်အခဲများနှင့် အမြင်သဘောထားများကို ဒေသအချင်းချင်းအမြင်ချင်း ဖလှယ်ဆွေးနွေးခြင်း၊ ကြားကာလနိုင်ငံရေးအစီအမံရေးဆွဲရေးလုပ်ငန်းစဉ်များတွင် စီဒီအမ် နိုင်ငံ့ဝန်ထမ်းများ၏ ပါဝင်ဆောင်ရွက်မှု အခြေအနေများအပြင် တိုင်းရင်းသားနယ်မြေအတွင်းရှိ စီဒီအမ်နိုင်ငံ့ဝန်ထမ်းရေးရာကိစ္စရပ်များ နှင့်ပတ်သက်၍ အချင်းချင်းမျှဝေဖလှယ်ကာ ရင်းနှီး ပွင့်လင်းစွာဖြင့် မျှဝေခဲ့ကြသည်။ သက်ဆိုင်ရာဖက်ဒရယ်ယူနစ်အလိုက် အစီအမံပေါ်ပေါက်ရေး လုပ်ငန်းများတွင်ကြုံတွေ့နေရသော အကြပ်အတည်းများနှင့် နိုင်ငံရေးရပ်တည်ချက် သဘောထား များ၊ လက်ရှိဖြစ်ပေါ်နေသော နိုင်ငံရေးအကြပ်အတည်းနှင့် အခြေအနေများအပေါ် အမြင် သဘောထားများ အား ဆွေးနွေးခဲ့ကြသည်။

▪️ယူနစ်အလိုက်စီဒီအမ်နိုင်ငံ့ဝန်ထမ်းအစုအဖွဲ့များကြား အပြန်အလှန် မေးမြန်း ဆွေးနွေး ခဲ့ကြပြီး ပဲခူးဒေသစီဒီအမ်နိုင်ငံ့ဝန်ထမ်းများကောင်စီ (BRCC) ၊ ဧရာဝတီဖက်ဒရယ်ယူနစ် စီဒီအမ် နိုင်ငံ့ဝန်ထမ်းအဖွဲ့အစည်း (CCSO-AFU) ဖြစ်မြောက်ရေးကော်မတီတို့နှင့် တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက် (TCSN) တို့ ရှေ့ဆက် ဆက်လက်တွေ့ဆုံဆွေးနွေးရန် သဘောတူခဲ့ကြပြီး ရင်းနှီးပွင့်လင်းသောဆွေးနွေးမှုများဖြင့် ဒေသအချင်းချင်းတွေ့ဆုံမှုကို ည (၁၀ နာရီ ၁၅ မိနစ်) တွင်အောင်မြင်စွာ ရပ်နား ခဲ့ပါသည်။


ပဲခူးဒေသစီဒီအမ်နိုင်ငံ့ဝန်ထမ်းများကောင်စီ (BRCC)
ဧရာဝတီဖက်ဒရယ်ယူနစ်စီဒီအမ် နိုင်ငံ့ဝန်ထမ်းအဖွဲ့အစည်း (CCSO-AFU) ဖြစ်မြောက်ရေးကော်မတီ
တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက်(TCSN)⁩

08/08/2026

(၃၈) နှစ်မြောက် (၈၈၈၈ ) အရေးတော်ပုံအား
ဂုဏ်ပြုခြင်းဖြင့် ကွယ်လွန်တိမ်ပါးခဲ့သော ၈၈ မျိုးဆက် တေးရေး-နိုင်မြန်မာ ၏ "ကမ္ဘာမကြေဘူး" ‌တော်လှန်ရေးသီချင်းဖြင့် အောက်မေ့သတိရဂုဏ်ပြုအပ်ပါသည် ။

"သွေးကြွေးမှာ ဆွေးနွေးစရာမရှိ"


Tanintharyi CDM Solidarity Network

မြန်မာ့ဒီမိုကရေစီမျိုးစေ့ စတင်ပေါ်ပေါက်ခဲ့တဲ့ ၁၉၈၈ ခုနှစ်ရဲ့ ဩဂုတ်လ ၈ ရက်နေ့ ၊ ရှစ်လေးလုံးအရေးတော်ပုံဟာ ၃၈ နှစ်မြောက် ဖြ...
08/08/2026

မြန်မာ့ဒီမိုကရေစီမျိုးစေ့ စတင်ပေါ်ပေါက်ခဲ့တဲ့ ၁၉၈၈ ခုနှစ်ရဲ့ ဩဂုတ်လ ၈ ရက်နေ့ ၊ ရှစ်လေးလုံးအရေးတော်ပုံဟာ ၃၈ နှစ်မြောက် ဖြစ်ခဲ့ပြီဖြစ်ပါတယ်။ ဒီနေ့မှာ ရှစ်လေးလုံးအရေးတော်ပုံအတွင်း စစ်အာဏာရှင်တို့ရဲ့ ရက်စက်စွာဖြိုခွင်းမှုကြောင့် အသက်စွန့်ခဲ့ရတဲ့ အာဇာနည်ကျောင်းသား ရဲဘော်များ၊ သံဃာတော်များနဲ့ လုပ်သားပြည်သူများကို ဦးညွတ်ဂါရဝပြုအပ်ပါတယ်။

ရှစ်လေးလုံးအရေးတော်ပုံမှ အစပြုခဲ့သော ဒီမိုကရေစီရရှိရေးနှင့် လူထုလွတ်မြောက်ရေးတိုက်ပွဲသည် ၂၀၂၁ နွေဦးတော်လှန်ရေးထိတိုင် လက်ဆင့်ကမ်းပေါ်ပေါက်လာသော ဒီမိုကရေစီတိုက်ပွဲ တစ်ခုလည်းဖြစ်သည်။

ယနေ့အချိန်ထိ တော်လှန်ရေးတိုက်ပွဲများတွင် ကိုယ်လက်အင်္ဂါစွန့်လွှတ်ခဲ့ကြရတဲ့ ရဲဘော်များ ၊ ကျဆုံးခဲ့ရတဲ့ အာဇာနည်များ ၊ ဒီမိုကရေစီတိုက်ပွဲအတွင်းယနေ့အချိန်ထိ ကြံ့ကြံ့ခိုင်ရပ်တည်နေသော လုပ်သားပြည်သူများ၊ စီဒီအမ်နိုင်ငံ့ဝန်ထမ်းများနှင့်အတူ တန်းတူညီမျှရေး ၊ ကိုယ်ပိုင်ပြဋ္ဌာန်းအုပ်ချုပ်ခွင့်ကို အပြည့်အဝအာမခံချက်ရှိသော ဖက်ဒရယ်ဒီမိုကရေစီပြည်ထောင်စုတည်ဆောက်ရေးတွင် တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက်(TCSN) မှ CDM အင်အားတစ်ရပ်အဖြစ်ပါဝင်ကြိုးပမ်းဆောင်ရွက်မည်ဖြစ်ပါကြောင်း အဓိဋ္ဌာန်ပြုရင်း ၃၈ နှစ်မြောက် ရှစ်လေးလုံးအရေးတော်ပုံနေ့အား လေးစားစွာဖြင့် ဂုဏ်ပြုအပ်ပါသည်။

“အကြောက်တရားမှလွတ်မြောက်ရာဆီသို့”

“မပြီးဆုံးသေးတဲ့ ရှစ်လေးလုံး၊
လူထုလွတ်မြောက်ရေး ဒို့အတူရုန်း”

“ပေးဆပ်သွားတဲ့ မျိုးဆက်အတွက်
ဒို့မျိုးဆက်က သွေးကြွေးဆပ်”

အရေးတော်ပုံအောင်ကိုအောင်ရမည်။

#၈၈၈၈

Tanintharyi CDM Solidarity Network

တနင်္သာရီတိုင်းလွှတ်တော်(၃)ရပ်ကိုယ်စားလှယ်များအစုအဖွဲ့ နှင့် တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန...
05/08/2026

တနင်္သာရီတိုင်းလွှတ်တော်(၃)ရပ်ကိုယ်စားလှယ်များအစုအဖွဲ့ နှင့် တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက်(TCSN) တို့တွေ့ဆုံမှုအစည်းအဝေး

ဩဂုတ်လ (၃) ရက် ၊ ၂၀၂၆ ခုနှစ်

▪️တနင်္သာရီတိုင်းလွှတ်တော်(၃)ရပ်ကိုယ်စားလှယ်များအစုအဖွဲ့ နှင့် တနင်္သာရီတိုင်း CDM နိုင်ငံ့ဝန်ထမ်းများ စည်းလုံးညီညွတ်မှုကွန်ရက်(TCSN) တို့ တွေ့ဆုံဆွေးနွေးမှုကို ၂၀၂၆ ခုနှစ် ၊ ဩဂုတ်လ (၃) ရက်နေ့ တွင် ပြုလုပ်ခဲ့ပါသည်။တနင်္သာရီတိုင်းလွှတ်တော်(၃)ရပ် ကိုယ်စားလှယ်များ အစုအဖွဲ့မှ ကိုယ်စားလှယ် (၁၃)ဦး တက်ရောက်ခဲ့ပြီး တနင်္သာရီတိုင်း CDM နိုင်ငံ့ဝန်ထမ်းများစည်းလုံး ညီညွတ်မှု ကွန်ရက်-TCSN မှ အဖွဲ့ဝင် (၁၀) ဦး၊ စုစုပေါင်း တက်ရောက်သူ ဦးရေ (၂၃) ဦးဖြင့် တွေ့ဆုံဆွေးနွေးမှုအား စတင်ခဲ့ကြသည်။ တွေ့ဆုံဆွေးနွေးမှုကို မြန်မာစံတော်ချိန် နေ့လယ် (၁) နာရီ (၁၀) မိနစ် တွင် စတင်ခဲ့ကြသည်။

▪️တွေ့ဆုံဆွေးနွေးမှ၏ ရည်ရွယ်ချက်ဖြစ်သည့် တနင်္သာရီဖက်ဒရယ်ယူနစ် ပေါ်ပေါက်ရေးဆိုင်ရာကိစ္စရပ်များ နှင့်ပတ်သက်၍ တက်ရောက်လာသူများမှ အဖွဲ့အစည်းဆိုင်ရာ ဆွေးနွေးချက် များသယ်ဆောင်လာကာ ပွင့်လင်းစွာဖြင့် ဆွေးနွေးခဲ့ကြသည်။ တနင်္သာရီတိုင်း လွှတ်တော် (၃)ရပ် ကိုယ်စားလှယ်များအစုအဖွဲ့၏ ဖက်ဒရယ်ယူနစ် ပေါ်ပေါက်ရေးဆိုင်ရာ နိုင်ငံရေးရပ်တည်ချက် သဘောထားများ၊ တိုင်းအတွင်း လက်ရှိဖြစ်ပေါ်နေသော နိုင်ငံရေးအကြပ်အတည်းနှင့် အခြေအနေ များအပေါ် အမြင်သဘောထားများအား ဆွေးနွေးခဲ့ပြီး တနင်္သာရီတိုင်း CDM နိုင်ငံ့ဝန်ထမ်းများ စည်းလုံးညီညွတ်မှုကွန်ရက် (TCSN)မှ စီဒီအမ်နိုင်ငံ့ဝန်ထမ်းများ၏ ဖက်ဒရယ်ယူနစ် ပေါ်ပေါက်ရေး ဆိုင်ရာ နိုင်ငံရေးကိစ္စရပ်များအတွက် ရပ်တည်ချက်နှင့် သဘောထားများအား ဆွေးနွေး ခဲ့သည်။

▪️နှစ်ဖက်အဖွဲ့အစည်းမှ တက်ရောက်လာသော ကိုယ်စားလှယ်များမှ အပြန်အလှန် မေးမြန်း ဆွေးနွေးခဲ့ကြပြီး တနင်္သာရီဖက်ဒရယ်ယူနစ် ပေါ်ပေါက်ရေးအတွက် တနင်္သာရီတိုင်း လွှတ်တော် (၃)ရပ်ကိုယ်စားလှယ်များအစုအဖွဲ့ မှ တနင်္သာရီတိုင်း CDM နိုင်ငံ့ဝန်ထမ်းများ စည်းလုံးညီညွတ်မှု ကွန်ရက်(TCSN)အား ဖက်ဒရယ်ယူနစ် ပေါ်ပေါက်ရေးဆိုင်ရာ ကိစ္စရပ်များတွင် ပါဝင်ဆောင်ရွက်ရန် ဖိတ်ခေါ်ခဲ့ပြီး နှစ်ဖက်အဖွဲ့အစည်း၏ အမြင်များချပြဆွေးနွေးခဲ့ကြသည်။ တနင်္သာရီတိုင်းစီဒီအမ်နိုင်ငံ့၀န်ထမ်းများ စည်းလုံးညီညွတ်မှုကွန်ရက်(TCSN)မှ နိုင်ငံရေးဆိုင်ရာ ရပ်တည်ချက် သဘောထားများ အား ပြန်လည်ဆွေးနွေးခဲ့ကာ ရှေ့ဆက်လုပ်ငန်းများမည်သို့စတင်ဆောင်ရွက်သင့်သည်တို့ကို အမြင်သဘောထားဖလှယ်နိုင်ခဲ့ကြပြီး ညနေ (၃ နာရီ ၄၀ မိနစ်) တွင် တွေ့ဆုံဆွေးနွေးပွဲအား အောင်မြင်စွာ ရပ်နားခဲ့ပါသည်။

Public Relation & Coordination Team
တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက်(TCSN)

Tanintharyi CDM Solidarity Network

19/07/2026

၂၀၂၆ ခုနှစ်၊ ဇူလိုင်လ ၁၉ ရက်နေ့တွင် ကျရောက်သော (၇၉)နှစ်မြောက် အာဇာနည်နေ့တွင် ကျဆုံးလေပြီးသော အာဇာနည်ခေါင်းဆောင်ကြီးများနှင့်တကွ ခေတ်အဆက်ဆက် လွတ်လပ်ရေး၊ တန်းတူညီမျှရေးနှင့် ဒီမိုကရေစီတိုက်ပွဲဝင် အာဇာနည်များအား တနင်္သာရီတိုင်းစီဒီအမ်နိုင်ငံ့၀န်ထမ်းများမှ ဂုဏ်ပြုအောက်မေ့အပ်ပါသည်။

တနင်္သာရီတိုင်းစီဒီအမ်နိုင်ငံ့၀န်ထမ်းများစည်းလုံးညီညွတ်မှုကွန်ရက်

⁨⁨တနင်္သာရီတိုင်းလွှတ်တော်ကိုယ်စားပြုကော်မတီ (CRTH) နှင့် တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက...
18/07/2026

⁨⁨တနင်္သာရီတိုင်းလွှတ်တော်ကိုယ်စားပြုကော်မတီ (CRTH) နှင့် တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက်(TCSN) တို့ တွေ့ဆုံညှိနှိုင်းအစည်းအဝေး

ဇူလိုင်လ (၁၇) ရက် ၊ ၂၀၂၆ ခုနှစ်

▪️တနင်္သာရီတိုင်းလွှတ်တော်ကိုယ်စားပြုကော်မတီ (CRTH) နှင့်တနင်္သာရီတိုင်း CDM နိုင်ငံ့ဝန်ထမ်းများ စည်းလုံးညီညွတ်မှုကွန်ရက်(TCSN) တို့ တွေ့ဆုံဆွေးနွေးမှုကို ၂၀၂၆ ခုနှစ် ၊ ဇူလိုင်လ(၁၇) ရက်နေ့ တွင် ပြုလုပ်ခဲ့ပါသည်။ တနင်္သာရီတိုင်းလွှတ်တော်ကိုယ်စားပြုကော်မတီ (CRTH) ဥက္ကဌ ဦးကင်းရှိန်၊ အတွင်းရေးမှူး ဦးကြည်စိုးနှင့် တိုင်းလွှတ်တော်ကိုယ်စားပြုကော်မတီမှ ကိုယ်စားလှယ်များ တက်ရောက်ခဲ့ပြီး တနင်္သာရီတိုင်း CDM နိုင်ငံ့ဝန်ထမ်းများစည်းလုံး ညီညွတ်မှုကွန်ရက်-TCSN မှ အလုပ်အမှုဆောင်အဖွဲ့ဝင်များ စုစုပေါင်း တက်ရောက်သူ ဦးရေ (၁၇) ဦးဖြင့် တွေ့ဆုံဆွေးနွေးမှုကို မြန်မာစံတော်ချိန် နေ့လယ် (၁) နာရီ (၁၀) မိနစ် တွင် စတင်ခဲ့ကြသည်။

▪️တနင်္သာရီတိုင်း CDM နိုင်ငံ့ဝန်ထမ်းများစည်းလုံးညီညွတ်မှုကွန်ရက်-TCSN မှ တနင်္သာရီတိုင်း CDM နိုင်ငံ့ဝန်ထမ်းရေးရာကိစ္စရပ်များအပြင် လက်ရှိတွင် တနင်္သာရီတိုင်းတွင်း နှင့် တိုင်းပြင်ပရှိ တနင်္သာရီတိုင်း CDM နိုင်ငံ့ဝန်ထမ်းများအား ပိုမိုစုစည်းနိုင်ရန် ကြိုးပမ်းဆောင်ရွက်နေသည်များ၊ တနင်္သာရီတိုင်း တော်လှန်ရေးထိန်းချုပ်နယ်မြေများရှိ CDM နိုင်ငံ့ဝန်ထမ်းရေးရာ ကိစ္စရပ်များ နှင့်စပ်လျဉ်း၍ ဆွေးနွေးခဲ့ကြပြီး ရှေ့ဆက်ချိတ်ဆက်ဆောင်ရွက်ရန် အပြန်အလှန်ဆွေးနွေးခဲ့ကြသည်။

▪️ထို့အပြင် တနင်္သာရီဖက်ဒရယ်ယူနစ်ပေါ်ပေါက်ရေးဆိုင်ရာကိစ္စရပ်များနှင့် ပတ်သက်၍ လုပ်ငန်းဆောင်ရွက်မှုအခြေအနေများ၊ တနင်္သာရီတိုင်းလွှတ်တော်ကိုယ်စားပြုကော်မတီ (CRTH) ၏ ဖက်ဒရယ်ယူနစ်ပေါ်ပေါက်ရေးဆိုင်ရာ နိုင်ငံရေးရပ်တည်ချက်သဘောထားများနှင့် တိုင်းအတွင်း လက်ရှိဖြစ်ပေါ်နေသော နိုင်ငံရေးအကြပ်အတည်းနှင့် အခြေအနေများအပေါ် အမြင်သဘောထားများအား နှစ်ဖက်အဖွဲ့အစည်းမှ တက်ရောက်လာသော ကိုယ်စားလှယ်များမှ ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြပါသည်။

▪️ထို့နောက်ချိတ်ဆက်ဆောင်ရွက်နိုင်ရန်ကိစ္စများ၊ သိရှိလိုသည့် အကြောင်းအရာများ ၊ မေးမြန်းလိုသည့်ကိစ္စရပ်များကို ဆွေးနွေးခဲ့ကြကာ တွေ့ဆုံဆွေးနွေးပွဲ၏ ရည်ရွယ်ချက်ဖြစ်သည့် တနင်္သာရီတိုင်းအတွင်းရှိ CDM နိုင်ငံ့ဝန်ထမ်းများ ပိုမို စုစည်းနိုင်ရန်၊ CDM နိုင်ငံ့ဝန်ထမ်းရေးရာကိစ္စရပ်များအား တနင်္သာရီတိုင်းလွှတ်တော် ကိုယ်စားပြုကော်မတီ (CRTH) နှင့်အတူ ချိတ်ဆက်ဆောင်ရွက်နိုင်ရန်တို့အပြင် တနင်္သာရီဖက်ဒရယ်ယူနစ်ပေါ်ပေါက်ရေးဆိုင်ရာ နိုင်ငံရေးကိစ္စရပ်များအတွက် ဆက်လက်တွေ့ဆုံဆွေးနွေးမှုများ ဆောင်ရွက်ရန် တက်ရောက်လာသောနှစ်ဖက်အဖွဲ့အစည်းမှ ကိုယ်စားလှယ်များက ဆန္ဒပြုခဲ့ကြပါသည်။ တွေ့ဆုံဆွေးနွေးမှုကို မြန်မာစံတော်ချိန် ညနေ (၅) နာရီကျော် အကြာတွင် အောင်မြင်စွာရပ်နားခဲ့သည်။

Public Relation & Coordination Team
Tanintharyi CDM Solidarity Network
⁩

ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ(SCEF) နှင့် အကြမ်းမဖက်အာဏာဖီဆန်ရေးလှုပ်ရှားမှု(CDM) အစုအဖွဲ့များ...
12/07/2026

ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ(SCEF) နှင့် အကြမ်းမဖက်အာဏာဖီဆန်ရေးလှုပ်ရှားမှု(CDM) အစုအဖွဲ့များတွေ့ဆုံပွဲပြုလုပ်

၁၂ ဇူလိုင် ၂၀၂၆

ယနေ့ ၂၀၂၆ ခုနှစ် ဇူလိုင်လ (၁၂) ရက်နေ့ ညနေ (၄) နာရီအချိန်တွင် ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ(SCEF) နှင့် အကြမ်းမဖက်အာဏာဖီဆန်ရေးလှုပ်ရှားမှု(CDM) အစုအဖွဲ့များမှ ကိုယ်စားလှယ်များ တွေ့ဆုံဆွေးနွေးခဲ့ကြပါသည်။
တွေ့ဆုံပွဲတွင် SCEF မဟာဗျူဟာနှင့် မူဝါဒရေးရာဦးဆောင်အဖွဲ့ဝင် ပဒိုစောကွယ်ထူးဝင်း က အဖွင့်နှုတ်ခွန်းဆက်စကားပြောကြားခဲ့ပြီး SCEF အတွင်းရေးမှူးအဖွဲ့ ညှိနှိုင်းရေးမှူး ဒေါက်တာဇော်ဝေစိုးနှင့် တွဲဘက်ညှိနှိုင်းရေးမှူး Salai Ram Kulh Cung တို့က SCEF ၏ ရည်ရွယ်ချက်၊ ဆောင်ရွက်ချက်များနှင့် စပ်လျဉ်း၍ ရှင်းလင်းတင်ပြခဲ့ပါသည်။ အစည်းအဝေးသို့ အမျိုးသားညီညွတ်ရေးအစိုးရ CDM အောင်မြင်ရေးကော်မတီ၊ ကချင်ပြည်နယ်CDMနိုင်ငံ့ဝန်ထမ်းများကောင်စီ(KSCCSC)၊ ကရင်နီပြည်နိုင်ငံ့ဝန်ထမ်းအကြမ်းမဖက်အာဏာဖီဆန်ရေး လှုပ်ရှားမှု ကောင်စီ(KSCSC-CDM)၊ စစ်ကိုင်းဖက်ဒရယ်ယူနစ်CDMနိုင်ငံ့ဝန်ထမ်းများကောင်စီ(CCSC-SFU)၊ Bago Region CDM Servants Council(BRCC)၊ မန္တလေးဒေသအကြမ်းမဖက်အာဏာဖီဆန်ရေး အဖွဲ့ (MCDMO)၊မွန်ပြည်နယ်CDMနိုင်ငံ့ဝန်ထမ်းများကောင်စီ(CCSC-MON)၊Tanintharyi CDM Solidarity Network(TCSN)၊Yangon Federal Unit CDM Civil Servants Organization(YFCCO) ၊Shan State CDM Council (Pre Founding) နှင့် CDM အဖွဲ့အစည်းများမှ တာဝန်ခံများ၊ ကိုယ်စားလှယ်များ စုစုပေါင်း ၆၅၀ ကျော် တက်ရောက်ခဲ့ကြပြီး မေးခွန်းမေးမြန်းခြင်း နှင့် တာဝန်ရှိသူများက ပြန်လည်ဖြေကြားခြင်း၊ အပြန်အလှန်ဆွေးနွေးခြင်းတို့ကို ပြုခဲ့ကြပါသည်။ ထို့နောက် SCEF မဟာဗျူဟာနှင့် မူဝါဒရေးရာဦးဆောင်အဖွဲ့ဝင် ပြည်ထောင်စုဝန်ကြီးချုပ် မန်းဝင်းခိုင်သန်းက နိဂုံးချုပ်စကားပြောကြားပြီး တွေ့ဆုံပွဲကို အောင်မြင်စွာ အဆုံးသတ်ခဲ့ပါသည်။

Address

Tavoy

Website

Alerts

Be the first to know and let us send you an email when Tanintharyi CDM Solidarity Network posts news and promotions. Your email address will not be used for any other purpose, and you can unsubscribe at any time.

Shortcuts

Share

Category