25/07/2021
မြန်မာနိုင်ငံတွင် ပြီးခဲ့တဲ့နှစ်ကတည်းက စတင်ကူးစက်ဖြစ်ပွားခဲ့တဲ့ ကိုဗစ်-၁၉ ရောဂါဟာ ယခုအခါ ကူးစက်မှုမြင့်မားလာလျှက်ရှိပါတယ်။
ဒီရောဂါကူးစက်မှုကို ဘယ်လိုကာကွယ်ရမလဲဆိုရင် တတ်ကျွမ်းနားလည်သူတွေ ညွှန်ကြားတဲ့အတိုင်း တစ်ဦးတစ်ယောက်စီတိုင်းက သေချာစွာ လိုက်နာဆောင်ရွက်ဖို့ လိုအပ်ပါတယ်။
လူတစ်ဦးစီတိုင်းက ဆောင်ရန်၊ ရှောင်ရန်များကို စနစ်တကျလိုက်နာဆောင်ရွက်ကြမယ်၊ အခက်အခဲတွေ ဝေမျှကူညီကြမယ်ဆိုရင် အားလုံးကပ်ရောဂါဘေးက ကျော်လွှားနိုင်မှာ ဖြစ်ပါတယ်။
မွန်ပြည်နယ်က ကြက်ခြေနီစေတနာလုပ်အားရှင်များအနေနဲ့ ကိုဗစ်-၁၉ ကပ်ရောဂါကာလ အစကပင် ရောဂါကာကွယ်ရေးလုပ်ငန်းတွေမှာ ကူညီဆောင်ရွက်ပေးခဲ့ကြပြီး ယခုအထိလည်း အများပြည်သူလိုအပ်တဲ့အကူအညီများကို စဉ်ဆက်မပြတ် ဆက်လက်ကူညီပေးလျှက်ရှိပါတယ်။
ဒီလိုကာလမှာ အကြောင်းအမျိုးမျိုးကြောင့် ဆေးကုသမှုခံယူရန် သွားလာဖို့အတွက် လူနာတင်ယာဉ် အခက်အခဲရှိနေကြရာမှာ အခက်အခဲတွေကို တဖက်တလမ်းမှ ကူညီဖြေရှင်းပေးတဲ့အနေနဲ့ မွန်ပြည်နယ်က ကြက်ခြေနီစေတနာလုပ်အားရှင်များက ကြက်ခြေနီလူနာတင်ယာဉ်များဖြင့် အခမဲ့ပို့ဆောင်ကူညီပေးလျှက်ရှိပါတယ်။ မွန်ပြည်နယ်အတွင်းမှ လူနာတင်ယာဉ်အခက်အခဲရှိတဲ့ မိဘပြည်သူများအနေဖြင့် အကူအညီတောင်းလိုလျှင် အောက်ပါဖုန်းနံပါတ်များသို့ ဆက်သွယ်နိုင်ပါတယ်။
☎️ 09890077772, 09680077772, 09977115523, 05727051
#မြန်မာနိုင်ငံကြက်ခြေနီအသင်း
#မွန်ပြည်နယ်ကြက်ခြေနီကြီးကြပ်မှုကော်မတီ
#ကြက်ခြေနီလူနာတင်ယာဉ်
