MRPDA - Southern Shan State

09/05/2026

မြန်မာနိုင်ငံ အိမ်ခြံမြေလုပ်ငန်းဖွံ့ဖြိုးတိုးတက်ရေးအသင်း(MRPDA)ရှမ်းတောင်ရုံးခွဲ၏ 2026/2029ခုနှစ်အတွက် အလုပ်အမှုဆောင်ရွေးကောက်တင်မြှောက်ပွဲအား ယနေ့(၉/၅/၂၀၂၆)စနေနေ့တွင် ရှမ်းယဉ်ကျေးမှုခန်းမတွင် ကျင်းပပြုလုပ်ခဲ့ပါသည်။
အခန်းအနားတွင် ဗဟိုဒုဥက္ကဌ(၁)ဦးဝဏ္ဏစိုးမှ အဖွင့်အမှာစကားပြောကြားပြီး၊ဗဟိုအတွင်းရေးမှူးချုပ် ဒေါ်လွင်လွင်မေမှ ဂုဏ်ပြုမိတ်ဆက်စကားပြောကြားခဲ့ကြပါသည်။
ထို့နောက် ရှမ်းတောင်ဥက္ကဌဦးနိုင်မင်းစိုးမှ အခန်းအနားကျင်းပရခြင်းရည်ရွယ်ချက်ကိုပြောကြားခဲ့ပြီး ရှမ်းတောင်ဘဏ္ဍာရေးမှူး ဦးအောင်ကိုစိုးက ဘဏ္ဍာရေးရှင်းတမ်းများကိုဖတ်ကြားခဲ့ပါသည်။
ထို့နောက် ရွေးကောက်ပွဲအားဆက်လက်ကျင်းပခဲ့ရာ ရှမ်းတောင်ဥက္ကဌအသစ်အဖြစ် ဒေါ်အေးသန္တာစိုး(ခ)ဆုမြတ်၊ဒုဥက္ကဌ(၁)အဖြစ် ဦးအောင်ကိုစိုးတို့နှင့်အတူ ကျန်အလုပ်အမှုဆောင်များအား အသီးသီးဆန္ဒမဲပေးရွေးချယ်ခဲ့ကြပါသည်။

04/05/2026

29/04/2026

MRPDAရှမ်းတောင်ရုံးခွဲ၏ "(2026/2029)အလုပ်အမှုဆောင်များ ရွေးကောက်တင်မြှောက်ပွဲနှင့်အသင်းသားဆုံညီပွဲ" ပြုလုပ်ကျင်းပနိုင်ရန်အတွက် ရှမ်းတောင်အလုပ်အမှုဆောင်များကြိုတင်ညှိနှိုင်းဆွေးနွေးပွဲအား ယနေ့ (၂၉-၄-၂၀၂၆)ရက်နေ့ နေ့လည်(၁)နာရီတွင် အသင်းရုံးခန်း၌ ကျင်းပပြုလုပ်ခဲ့ပါသည်။

ကိုယ်စားလှယ်လောင်းများ၏ အမည်စာရင်းများ အမြန်ရရှိနိုင်ရေး၊ဘဏ္ဍာငွေရှာဖွေရေးနှင့် အောင်မြင်ချောမွေ့စွာ အခမ်းအနားကျင်းပနိုင်ရေးတို့ ဆွေးနွေးညှိနှိုင်းခဲ့ကြပါသည်။

27/04/2026

07/04/2026

မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်းMRPDA(ရှမ်းတောင်)၏ (2026/2029)အတွက် အလုပ်အမှုဆောင်အသစ်များ ရွေးကောက်တင်မြှောက်ပွဲအား(10/5/2026)တနင်္ဂနွေနေ့တွင် "အသင်းသားစုံညီပွဲ"နှင့်အတူ ကျင်းပပြုလုပ်သွားမည်ဖြစ်ပါသည်။

ဖော်ပြပါအရည်အချင်းနှင့် ကိုက်ညီသော(အသင်းသူ/အသင်းသား)မည်သူမဆို ဝင်ရောက်(ရွေးချယ်ခံနိုင်/မဲပေးနိုင်)ပြီဖြစ်ပါသည်။

ရွေးချယ်ခံမည့်ကိုယ်စားလှယ်လောင်းများသည် ယနေ့(7/4/2026)မှစ၍ (30/4/2026)ရက်အတွင်းကိုယ်စားလှယ်လောင်းလျှောက်လွှာများအားMRPDA(ရှမ်းတောင်)ရုံးသို့ပေးပို့သွားရမည်ဖြစ်ပါသည်။

သတ်မှတ်ရက်ထက်နောက်ကျသောလျှောက်လွှာများအား ပယ်ဖျက်စာရင်းအဖြစ်သတ်မှတ်ထားပါသည်။

အဆိုပါ (တောင်ကြီးမြို့နယ်အလုပ်အမှုဆောင်‌)နှင့် (ပြည်နယ်/တိုင်းအလုပ်အမှုဆောင်)အသစ်များရွေးကောက်တင်မြှောက်ပွဲနှင့် အသင်းသားစုံညီပွဲသို့ အသင်းဝင်များအားလုံး(မပျက်မကွက်)ဆန္ဒမဲပေးလျှက် တက်ရောက်ပေးကြပါ မေတ္တာရပ်ခံအသိပေးနှိုးဆော်အပ်ပါသည်။

အလုပ်အမှုဆောင်အဖွဲ့
MRPDAရှမ်းတောင်၊
တောင်ကြီးမြို့

28/02/2026

MRPDA(ရှမ်းတောင်)အသင်းသူ/သားများသို့
**********************
ဖိတ်ကြားလွှာ(၁)
----------------------
AML/CFT(ငွေကြေးခဝါချသင်တန်း)မတက်ရောက်ရသေးသူ အသင်းဝင်များသည် အောက်ပါနေ့ရက်တွင်သင်တန်းတက်ရောက်ပေးကြပါရန်ဖိတ်ကြားအပ်ပါသည်။
နေ့ရက်။ (၈/၃/၂၀၂၆)
အချိန် ။ နံက်(၈:၃၀)မှညနေ(၄:၀၀)
နေရာ ။ တောင်ကြီးမြို့၊နတ်စင်လမ်း၊
စန်းစန်းဘုံကျောင်း။

ဖိတ်ကြားလွှာ(၂)
----------------------
AML/CFTသင်တန်းတက်ရောက်ပြီးသူအသင်းဝင်များ(အားလုံး)သည် AML/CFTနောက်ဆက်တွဲဆင့်ပွားသင်တန်းအားမဖြစ်မနေ တက်ရောက်ထားရမည်ဖြစ်ပါသဖြင့် အောက်ပါအစီအစဉ်အတိုင်း တက်ရောက်ပေးကြပါရန် ဖိတ်ကြားအပ်ပါသည်။
နေ့ရက်။ (၉/၃/၂၀၂၆)
အချိန် ။ နံက်(၉:၀၀)မှ(၁၁:၀၀)ထိ
နေရာ ။ တောင်ကြီးမြို့၊နတ်စင်လမ်း၊စန်းစန်းဘုံကျောင်း။
(မှတ်ချက်။ ဆင့်ပွားသင်တန်းအတွက်သင်တန်းကြေးပေးစရာမလိုပါ။)

19/02/2026

MRPDA(ရှမ်းတောင်)အသင်းဝင်များသို့အသိပေးခြင်း။
******************************
အထွေထွေအုပ်ချုပ်ရေးဦးစီးဌာနမှ ဖွဲ့စည်းထားသော ရှမ်းပြည်နယ် အိမ်ခြံမြေ အကျိုးဆောင်များအသင်း(ပြည်နယ်၊ခရိုင်၊မြို့နယ်)တို့မှ ဦးစီးကျင်းပသည့် (AML/CFT)သင်တန်း(၁/၂၀၂၆)အား (8/3/2026)ရက်နေ့တွင် တောင်ကြီးမြို့၊ရေအေးကွင်းရပ်၊ စန်းစန်းဘုံကျောင်းတွင် ကျင်းပြုလုပ်မည်ဟုသိရပါသည်။

အဆိုပါသင်တန်းအား MRPDA(ရှမ်းတောင်)မှ ပူးပေါင်းပါဝင် ကျင်းပရမည်ဖြစ်ပါသည်။

သို့ဖြစ်ပါ၍ အသင်းဝင်များထဲမှ (AML/CFT)သင်တန်းမတက်ရောက်ရသေးသူ အသင်းသား/အသင်းသူများသည် (၃/၃/၂၀၂၆)ရက်နေ့ထက် နောက်မကျစေဘဲ MRPDA(ရှမ်းတောင်)ရုံးနှင့်သက်ဆိုင်ရာ နီးစပ်ရာ MRPDA-ရှမ်းတောင်(အလုပ်အမှုဆောင်)များထံသို့ သင်တန်းတက်ရောက်ရန် စာရင်းပေးသွင်းကြပါရန် တိုက်တွန်းနှိုးဆော်အပ်ပါသည်။
(သင်တန်းသားဦးရေကန့်သတ်ထားပါသည်)

စာရင်းပေးသွင်းနိုင်သော ဖုန်းနံပတ်များ-
၁။ ရှမ်းတောင်ရုံး(Viber) 09765215289
၂။ ဒေါ်အေးသန္တာစိုး(ခ)မဆုမြတ်(ရှမ်းတောင်-ပြည်နယ်အတွင်းရေးမှူး)09254602674
၃။ ဒေါ်တင်မိုးခိုင်(ရှမ်းတောင်-မြို့နယ်အတွင်းရေးမှူး)09252203180
၄။ သက်ဆိုင်ရာရှမ်းတောင်မြို့နယ်ခွဲရုံးများ

စာရင်းပေးသွင်းရန်လိုအပ်ချက်များ-
၁။ အသင်းဝင်သက်တမ်းတိုးထားသည့်ပြေစာ(သို့)စမတ်ကဒ်(ပြသရန်)
၂။ မှတ်ပုံတင်မိတ္တူ
၃။ ပါတ်စပို့စ်ဓါတ်ပုံ(၂)ပုံ

10/02/2026

မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်း(MRPDA)ရှမ်းတောင်ရှိအသင်းဝင်များမှ (2026)ခုနှစ်အတွက် သက်တမ်းမတိုးရသေးသူ အသင်းဝင်များ မတ်လနောက်ဆုံးထားသက်တမ်းတိုးပေးကြပါရန်နှိုးဆော်အပ်ပါသည်။

သက်တမ်းမတိုးထားသောအသင်းဝင်များသည် သင်းဖွဲ့စည်းမျဉ်းအရ အသင်းဝင်အဖြစ် ခေတ္တဆိုင်းငံ့ထားသူများဖြစ်သဖြင့် အသင်းဝင်များ၏ အကျိုးခံစားခွင့်များအားလည်း ခေတ္တဆိုင်းငံ့ခံထားရသူများဖြစ်နေပါသည်။

အသင်းနှင့်ပတ်သက်သော- *အကျိုးဆောင်များ၏အခက်အခဲများဖြေရှင်းရာတွင်‌ ဖြေရှင်းပေးပါရန်တောင်းဆိုခွင့်မရှိခြင်း၊
*သင်တန်းများတက်ရောက်နိုင်ခွင့်မရှိခြင်း၊
*အလုပ်အမှုဆောင်များအဖြစ်အရွေးချယ်ခံခွင့်များနှင့် မဲပေးနိုင်ခွင့်များဆုံးရှုံးခြင်း၊
စသည့်အသင်းသားများရရှိနိုင်သည့်အခွင့်အရေးများ ဆုံးရှုံးမည်ဖြစ်ပါသဖြင့် အမြန်ဆုံး သက်တမ်းတိုးပေးကြပါရန် မေတ္တာရပ်ခံအပ်ပါသည်။

05/02/2026

ကျွန်ုပ်ရဲ့ အသစ်စက်စက် အမာခံပရိသတ်ကို အများကြီး ကျေးဇူးတင်ပါတယ်။ 💎 Jok ER

သူတို့ကို သင့်အသိုင်းအဝိုင်းဆီ ကြိုဆိုဖို့ မှတ်ချက်တစ်ခု ရေးသားလိုက်ပါ၊ @အမာခံပရိသတ်များ