Tada-U Township Red Cross Brigade

Directions

Tada-U Township Red Cross Brigade Contact information, map and directions, contact form, opening hours, services, ratings, photos, videos and announcements from Tada-U Township Red Cross Brigade, Community Organization, Tada-u.

ကမ္ဘာ့ရှေးဦးပြုစုခြင်းနေ့ အထိမ်းအမှတ် ရှေးဦးပြုစုခြင်း(အခြေခံ) သင်တန်းဆင်းပွဲ အခမ်းအနား တံတားဦးမြို့တွင် ကျင်းပ ပြုလုပ်၂...
12/09/2026

ကမ္ဘာ့ရှေးဦးပြုစုခြင်းနေ့ အထိမ်းအမှတ် ရှေးဦးပြုစုခြင်း(အခြေခံ) သင်တန်းဆင်းပွဲ အခမ်းအနား တံတားဦးမြို့တွင် ကျင်းပ ပြုလုပ်
၂၀၂၆ ခုနှစ် စက်တင်ဘာလ ၁၂ ရက်
တံတားဦး

မြန်မာနိုင်ငံကြက်ခြေနီအသင်း၊ တံတားဦးမြို့နယ်ကြက်ခြေနီအသင်းခွဲမှ ကြီးမှူးကျင်းပသော ကမ္ဘာ့ရှေးဦးပြုစုခြင်းနေ့ အထိမ်းအမှတ် ရှေးဦးပြုစုခြင်း (အခြေခံ) သင်တန်းဆင်းပွဲအခမ်းအနားကို တံတားဦးမြို့နယ်တွင် စည်ကားသိုက်မြိုက်စွာ ကျင်းပပြုလုပ်ခဲ့ပါသည်။

အခမ်းအနားသို့ မြို့နယ်ကြက်ခြေနီအသင်းခွဲ နာယက၊ မြို့နယ်ကြက်ခြေနီအသင်းခွဲ ဥက္ကဋ္ဌနှင့် ကော်မတီအဖွဲ့ဝင်များ၊ ဌာနဆိုင်ရာတာဝန်ရှိသူများ၊ ကြက်ခြေနီ‌ေစတနာလုပ်အားရှင်များ၊ သင်တန်းနည်းပြများနှင့် သင်တန်းသား/သူများ တက်ရောက်ခဲ့ကြပါသည်။

အခမ်းအနားတွင် မြို့နယ်ကြက်ခြေနီအသင်းခွဲ နာယကမှ သင်တန်းဆင်းအမှာစကားနှင့် မြို့နယ်ကြက်ခြေနီအသင်းခွဲ ဥက္ကဋ္ဌမှ အဖွင့်အမှာစကားများ အသီးသီးပြောကြားခဲ့ပြီး၊ ရှေးဦးပြုစုခြင်းဆိုင်ရာ အသိပညာနှင့် လက်တွေ့ကျွမ်းကျင်မှုများကို လူမှုအသိုက်အဝန်းအတွင်း ပြန်လည်မျှဝေကူညီဆောင်ရွက်ကြရန် တိုက်တွန်းပြောကြားခဲ့ပါသည်။

ထို့နောက် သင်တန်းသား/သူများအား သင်တန်းဆင်းလက်မှတ်များ ပေးအပ်ခြင်းနှင့် သင်တန်းကာလအတွင်း ထူးချွန်စွာ ပါဝင်ကြိုးစားခဲ့ကြသူများအား ထူးချွန်ဆုများ ချီးမြှင့်ပေးအပ်ခြင်းတို့ကို ပြုလုပ်ခဲ့ပါသည်။

အခမ်းအနားအပြီးတွင် တက်ရောက်လာကြသူများ၊ သင်တန်းနည်းပြများနှင့် သင်တန်းသား/သူများက အမှတ်တရ စုပေါင်းဓာတ်ပုံရိုက်ကူးခဲ့ကြပြီး သင်တန်းဆင်းပွဲအခမ်းအနားကို အောင်မြင်စွာ ကျင်းပပြီးစီးခဲ့ပါသည်။

ရေ၊ ပတ်ဝန်းကျင်နှင့် တစ်ကိုယ်ရည်သန့်ရှင်းရေးအကြောင်း အသိပညာပေးဟောပြောပွဲ အလက(မြို့မ)တွင် ကျင်းပ၂၀၂၆ ခုနှစ် ဇူလိုင်လ ၁၇ ...
17/07/2026

ရေ၊ ပတ်ဝန်းကျင်နှင့် တစ်ကိုယ်ရည်သန့်ရှင်းရေးအကြောင်း အသိပညာပေးဟောပြောပွဲ အလက(မြို့မ)တွင် ကျင်းပ
၂၀၂၆ ခုနှစ် ဇူလိုင်လ ၁၇ ရက်

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ် အခြေခံပညာအလယ်တန်းကျောင်း(မြို့မ)၌ ရေ၊ ပတ်ဝန်းကျင်နှင့် တစ်ကိုယ်ရည်သန့်ရှင်းရေး (Water, Sanitation and Hygiene - WASH) ဆိုင်ရာ အသိပညာပေးဟောပြောပွဲကို ကျင်းပပြုလုပ်ခဲ့သည်။

အခမ်းအနားတွင် ကျောင်းအုပ်ကြီးမှ အဖွင့်အမှာစကား ပြောကြားခဲ့ပြီး ကျောင်းသား၊ ကျောင်းသူများအနေဖြင့် တစ်ကိုယ်ရည်သန့်ရှင်းရေးကို အလေ့အကျင့်ကောင်းတစ်ရပ်အဖြစ် နေ့စဉ်လိုက်နာဆောင်ရွက်ရန်၊ ကျန်းမာရေးနှင့်ညီညွတ်သော ပတ်ဝန်းကျင်ဖန်တီးထိန်းသိမ်းရန် တိုက်တွန်းပြောကြားခဲ့သည်။

ဆက်လက်၍ တံတားဦးမြို့နယ်ကြက်ခြေနီအသင်းခွဲမှ စေတနာ့လုပ်အားရှင်များက သန့်လေးသန့် အကြောင်း၊ လက်ဆေးသန့်ရှင်းရေးနည်းလမ်းများ၊ ရေသန့်အသုံးပြုရေး၊ အစားအစာသန့်ရှင်းရေး၊ အိမ်သာသန့်ရှင်းရေးနှင့် Menstrual Hygiene Management (MHM) ဆိုင်ရာ အသိပညာများကို ကျောင်းသား၊ ကျောင်းသူများ နားလည်လွယ်ကူစေရန် ရှင်းလင်းဟောပြောခဲ့ကြသည်။

အဆိုပါ အသိပညာပေးအစီအစဉ်သည် ကျောင်းသား၊ ကျောင်းသူများ၏ ကျန်းမာရေးအသိအမြင် မြင့်မားလာစေရန်၊ သန့်ရှင်းသော အလေ့အကျင့်များကို နေ့စဉ်ဘဝတွင် လက်တွေ့ကျင့်သုံးလာစေရန်နှင့် ကျန်းမာသော ကျောင်းပတ်ဝန်းကျင် ဖော်ဆောင်နိုင်စေရန် ရည်ရွယ်၍ ကျင်းပခဲ့ခြင်းဖြစ်သည်။



-U

မန္တလေးတိုင်းဒေသကြီး၊ တံတားဦးမြို့နယ်၌ မိုးရာသီသစ်ပင်စိုက်ပျိုးပွဲတွင် လူငယ်ကြက်ခြေနီများ ပါဝင်ဆောင်ရွက်တံတားဦး၊ ၂၀၂၆ ခု...
11/07/2026

မန္တလေးတိုင်းဒေသကြီး၊ တံတားဦးမြို့နယ်၌ မိုးရာသီသစ်ပင်စိုက်ပျိုးပွဲတွင် လူငယ်ကြက်ခြေနီများ ပါဝင်ဆောင်ရွက်

တံတားဦး၊ ၂၀၂၆ ခုနှစ် ၊ ဇူလိုင်လ ၁၁ ရက်

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်တွင် ကျင်းပပြုလုပ်သည့် မြို့နယ်ဌာနပေါင်းစုံ မိုးရာသီသစ်ပင်စိုက်ပျိုးပွဲ၌ တံတားဦးမြို့နယ်ကြက်ခြေနီအသင်းခွဲမှ ကြက်ခြေနီသူနာပြုတပ်ဖွဲ့ဝင်များနှင့် လူငယ်ကြက်ခြေနီများသည် တက်ကြွစွာ ပါဝင်ဆောင်ရွက်ခဲ့ကြသည်။

အဆိုပါ လှုပ်ရှားမှုတွင် လူငယ်ကြက်ခြေနီများသည် သစ်ပင်များ စိုက်ပျိုးခြင်းနှင့် ပတ်ဝန်းကျင်စိမ်းလန်းစိုပြည်ရေး၊ သဘာဝပတ်ဝန်းကျင် ထိန်းသိမ်းစောင့်ရှောက်ရေးလုပ်ငန်းများတွင် သက်ဆိုင်ရာဌာနများနှင့် ပူးပေါင်းပါဝင်ခဲ့ကြပြီး လူမှုအကျိုးပြုလုပ်ငန်းများ၌ ပါဝင်ကူညီဆောင်ရွက်ခဲ့ကြသည်။


တံတားဦးမြို့နယ်တွင် ရှေးဦးပြုစုခြင်း (အခြေခံ) သင်တန်း ဖွင့်လှစ်တံတားဦး၊ ၂၀၂၆ ခုနှစ်၊ ဇူလိုင်လ ၉ရက်မန္တလေးတိုင်းဒေသကြီး၊ ...
09/07/2026

တံတားဦးမြို့နယ်တွင် ရှေးဦးပြုစုခြင်း (အခြေခံ) သင်တန်း ဖွင့်လှစ်

တံတားဦး၊ ၂၀၂၆ ခုနှစ်၊ ဇူလိုင်လ ၉ရက်

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်ကြက်ခြေနီအသင်းခွဲမှ ကြီးမှူး၍ ရှေးဦးပြုစုခြင်း (အခြေခံ) သင်တန်းကို ၂၀၂၆ ခုနှစ်၊ ဇူလိုင်လ ၈ ရက်နေ့မှ ၁၀ ရက်နေ့အထိ တံတားဦးမြို့နယ်၌ ဖွင့်လှစ်သင်ကြားလျက်ရှိရာ သင်တန်းသားသင်တန်းသူ ၃၀ ဦး တက်ရာက်လျက်ရှိပါသည်။

သင်တန်းတွင် အရေးပေါ်အခြေအနေများ၌ ထိခိုက်ဒဏ်ရာရရှိသူနှင့် ရုတ်တရက်နာမကျန်းဖြစ်သူများအား စနစ်တကျနှင့် အချိန်မီ ရှေးဦးပြုစုနိုင်ရန် ရည်ရွယ်၍ ရှေးဦးပြုစုခြင်း၏ အခြေခံသဘောတရားများ၊ လူဆန်းစစ်ခြင်း၊ သွေးယိုစီးမှုထိန်းချုပ်ခြင်း၊ အရိုးကျိုးခြင်း၊ အပူလောင်ခြင်း၊ သတိလစ်ခြင်း၊ အခြေခံအသက်ကယ်အထောက်အကူပြုနည်း (CPR) စသောနည်းလမ်းများအပါအဝင် အရေးပေါ်ရှေးဦးပြုစုနည်းများကို စာတွေ့၊ လက်တွေ့ ပေါင်းစပ်သင်ကြားပို့ချပေးလျက်ရှိသည်။

အဆိုပါသင်တန်းမှတစ်ဆင့် သင်တန်းသား၊ သင်တန်းသူများ၏ ရှေးဦးပြုစုခြင်းဆိုင်ရာ အသိပညာ၊ ကျွမ်းကျင်မှုနှင့် အရေးပေါ်တုံ့ပြန်နိုင်စွမ်းများ တိုးတက်လာစေရန်နှင့် မတော်တဆမှုများ၊ သဘာဝဘေးအန္တရာယ်များနှင့် အခြားအရေးပေါ်အခြေအနေများတွင် မိမိကိုယ်တိုင်နှင့် ပြည်သူလူထုအား ထိရောက်စွာ ကူညီဆောင်ရွက်နိုင်စေရန် ရည်ရွယ်ဖွင့်လှစ်ခြင်းဖြစ်သည်။

🔥 Heat Stroke Heat Stroke ဆိုတာက နွေရာသီအပူပြင်းလွန်းတဲ့အခါခန္ဓာကိုယ်အပူချိန်ကို မထိန်းနိုင်တော့ဘဲ အန္တရာယ်အရမ်းကြီးတဲ့အ...
26/03/2026

🔥 Heat Stroke

Heat Stroke ဆိုတာက နွေရာသီအပူပြင်းလွန်းတဲ့အခါ
ခန္ဓာကိုယ်အပူချိန်ကို မထိန်းနိုင်တော့ဘဲ အန္တရာယ်အရမ်းကြီးတဲ့အခြေအနေ ဖြစ်ပါတယ်။

⚠️ အရေးကြီးလက္ခဏာများ

- ခန္ဓာကိုယ်အပူ 40°C ကျော်တက်ခြင်း
- ချွေးမထွက်တော့ခြင်း (တချို့မှာ ခြောက်သွားတတ်)
- မူးဝေ၊ လဲကျခြင်း
- အသိပျောက်ခြင်း
- နှလုံးခုန်မြန်ခြင်း
- အသက်ရှူမြန်ခြင်း

ထိုကဲ့သို့ဖြစ်ပေါ်လာပါက...
- အသက်အန္တရာယ်ရှိနိုင်တယ်
- ဦးနှောက်ထိခိုက်နိုင်တယ်
- အရေးပေါ်ကုသမှု မရှိရင် သေဆုံးနိုင်တယ်

ရှေးဉီးပြုစုနည်း
Heat Stroke ဖြစ်သူတွေကို—
- အေးမြတဲ့နေရာကို ချက်ချင်းရွှေ့ပါ
- အဝတ်အစားလျော့ပါ
- ရေစိုပုဝါနဲ့ ခန္ဓာကိုယ်ကို အေးအောင်လုပ်ပါ
- ရေ (သို့) ဓာတ်ဆားရေသောက်စေပါ (သတိရှိရင်သာ)

🚑 ဆေးရုံကို အမြန်ဆုံးပို့ပါ

🛡️ ကာကွယ်နည်း

- နေရောင်ပြင်းချိန် (11AM–3PM) မထွက်ပါနဲ့
- ရေများများသောက်ပါ
- ဦးထုပ်၊ မျက်မှန်၊ sunscreen သုံးပါ
- ပင်ပန်းတဲ့အလုပ်တွေ အပူထဲမှာ မလုပ်ပါနဲ့
- အရိပ်ရသောနေရာတွင်သာ နားနေပါ။



Heat Exhaustion (အပူလွန်ကဲခြင်း)နွေရာသီအပူပြင်းလာတဲ့အချိန်တွေမှာ လူတွေကြား မကြာခဏတွေ့ရတဲ့ ကျန်းမာရေးပြဿနာတစ်ခုကတော့ Heat...
24/03/2026

Heat Exhaustion (အပူလွန်ကဲခြင်း)

နွေရာသီအပူပြင်းလာတဲ့အချိန်တွေမှာ လူတွေကြား မကြာခဏတွေ့ရတဲ့ ကျန်းမာရေးပြဿနာတစ်ခုကတော့ Heat Exhaustion ဖြစ်ပါတယ်။ ဒါဟာ ခန္ဓာကိုယ်အပူချိန်ကို ထိန်းညှိနိုင်မှု လျော့နည်းသွားပြီး ချွေးထွက်များလွန်းခြင်းကြောင့် ဖြစ်ပေါ်လာသော အခြေအနေတစ်ရပ်ဖြစ်သည်။

Heat Exhaustion ဖြစ်ပေါ်လာရတဲ့ အဓိကအကြောင်းရင်းတွေကတော့—

- နေရောင်ပြင်းပြင်းထဲမှာ အချိန်ကြာကြာ နေထိုင်ခြင်း
- ရေမလုံလောက်စွာ သောက်ခြင်း
- ခန္ဓာကိုယ်ပင်ပန်းအောင် အလုပ်များလုပ်ခြင်း
- အပူချိန်မြင့်တဲ့နေရာမှာ အပူလေဝင်လေထွက်မကောင်းခြင်း

Heat Exhaustion ဖြစ်တဲ့အခါ တွေ့ရနိုင်တဲ့ လက္ခဏာတွေမှာ—

- မူးဝေခြင်း
- ခေါင်းကိုက်ခြင်း
- ချွေးထွက်များခြင်း
- အားနည်းပင်ပန်းခြင်း
- နှလုံးခုန်မြန်ခြင်း
- ပါးစပ်ခြောက်ခြင်း
- မအီမသာဖြစ်ခြင်း

တချို့လူတွေမှာ မူးလဲသွားနိုင်ပြီး အချိန်မီ မကုသရင် ပိုဆိုးတဲ့ Heat Stroke အဆင့်သို့တက်သွားနိုင်ပါတယ်။

ကာကွယ်နည်းများ

Heat Exhaustion ကို ကာကွယ်ရန်—

- ရေများများသောက်ပါ (တစ်နေ့ ၂–၃ လီတာခန့်)
- နေရောင်ပြင်းတဲ့အချိန် (၁၁ နာရီမှ ၃ နာရီအတွင်း) မထွက်သင့်
- အဝတ်အစား ပေါ့ပါးပြီး လေဝင်လေထွက်ကောင်းသော အမျိုးအစားဝတ်ပါ
- ဦးထုပ်၊ ခမောက် အသုံးပြုပါ
- အပူပြင်းသောနေရာတွင် အလုပ်လုပ်ရမည်ဆိုပါက အနားယူချိန်ပေးပါ

ရှေးဦးပြုစုနည်းများ

Heat Exhaustion ဖြစ်နေသူကို—

- အေးမြသောနေရာသို့ ချက်ချင်းပြောင်းရွှေ့ပါ
- ရေသောက်စေပါ (သို့မဟုတ် ဓာတ်ဆားရည်)
- အဝတ်အစားကို ပေါ့ပါးစေပါ
- ခန္ဓာကိုယ်ကို အေးအောင် ရေစိုပုဝါဖြင့် သုတ်ပေးပါ

အကယ်၍ လက္ခဏာများ မလျော့ပါက သို့မဟုတ် မူးလဲခြင်း ဖြစ်ပါက ဆေးရုံသို့ ချက်ချင်းပို့ဆောင်သင့်သည်။

မှတ်ချက်။။ Heat Exhaustion သည် အလွန်အန္တရာယ်ကြီးမဟုတ်သော်လည်း အချိန်မီ မဂရုစိုက်ပါက အသက်အန္တရာယ်ရှိသော အခြေအနေများသို့ ပြောင်းလဲနိုင်သည်။ ထို့ကြောင့် နွေရာသီအပူပြင်းချိန်တွင် ကိုယ်တိုင်ကာကွယ်ရေးနှင့် ကျန်းမာရေးစောင့်ရှောက်မှုများကို လိုက်နာရန် အရေးကြီးသည်။




စိတ်ပိုင်းလူမှုပိုင်းဆိုင်ရာ အားပေးကူညီမှု အသိပညာပေးဆွေးနွေးပွဲ ပြုလုပ်တံတားဦး၊ ၂၀၂၆ ခုနှစ် ၊ မတ် လ၊ ၉ ရက်။မြန်မာနိုင်ငံ...
09/03/2026

စိတ်ပိုင်းလူမှုပိုင်းဆိုင်ရာ အားပေးကူညီမှု အသိပညာပေးဆွေးနွေးပွဲ ပြုလုပ်

တံတားဦး၊ ၂၀၂၆ ခုနှစ် ၊ မတ် လ၊ ၉ ရက်။

မြန်မာနိုင်ငံကြက်ခြေနီအသင်း၊ တံတားဦးမြို့နယ် ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက ငလျင်ဘေးဒဏ်သင့် ရပ်ကွက် ၊ကျေးရွာများ တွင် စိတ်ပိုင်း လူမှုပိုင်းဆိုင်ရာ အားပေးကူညီမှု အသိပညာပေး ဆွေးနွေးပွဲများ ပြုလုပ်လျက်ရှိပါသည်။

ယနေ့ ၂၀၂၆ ခုနှစ်၊ မတ်လ၊ ၉ ရက်နေ့ နံနက် (၉-၀၀) နာရီအချိန်တွင် တံတားဦးမြို့နယ်၊ ဘလဲဘကျေးရွာအုပ်စု၊ အုတ်ကျွတ်ဖိုကျေးရွာတွင် စိတ်ပိုင်းလူမှုပိုင်းဆိုင်ရာ အားပေးကူညီမှု အသိပညာပေး ဆွေးနွေးပွဲအား တံတားဦးမြို့နယ် ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များက သွားရောက် ပြုလုပ်ခဲ့ပါသည်။

ဟောပြောပွဲအပြီးတွင် စိတ်ပိုင်းလူမှုပိုင်းဆိုင်ရာ အားပေးကူညီမှု လိုအပ်နေသူများအား စိတ်ပိုင်းလူမှုပိုင်းဆိုင်ရာ အားပေးကူညီမှုများအား ပေးခဲ့ပါသည်။





တံတားဦးမြို့နယ် ပန်းယျ‌ေကျးရွာတွင် ကလေးပျော်စင်တာ (Child Friendly Space) ပြုလုပ်တံတားဦး၊ ၂၀၂၆ခုနှစ် ၊ ‌မတ် လ ၊ ၁ ရက် ။တံ...
01/03/2026

တံတားဦးမြို့နယ် ပန်းယျ‌ေကျးရွာတွင် ကလေးပျော်စင်တာ (Child Friendly Space) ပြုလုပ်

တံတားဦး၊ ၂၀၂၆ခုနှစ် ၊ ‌မတ် လ ၊ ၁ ရက် ။

တံတားဦးမြို့နယ်၊ ပန်းယျကျေးရွာတွင် တံတားဦးမြို့နယ် ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များမှ ငလျင်ဘေးဒဏ် ခံစားခဲ့ရသော ကလေးများအတွက် စိတ်ပိုင်းလူမှုပိုင်းဆိုင်ရာ အားပေးကူညီမှု လုပ်ငန်းအစီအစဉ်ဖြစ်သည့် ကလေးပျော်စင်တာ (Child Friendly Space) အား သွားရောက်ပြုလုပ်ပေးခဲ့ပါသည်။

၎င်း ကလေးပျော်စင်တာ (Child Friendly Space) တွင် ကလေးသုငယ် (၅၀)ဦး ပါဝင် တက်ရောက်ကြပြီး မြို့နယ်ကြက်ခြေနီအသင်းခွဲမှ စေတနာလုပ်အားရှင်များက တစ်ကိုယ်ရည်သန့်ရှင်းမှု (လက်သန့်ရှင်းရေး) နှင့်ပတ်သက်သော ကဗျာများ သီဆိုခြင်း၊ သရုပ်ပြခြင်း နှင့် ကလေးများအတွက် ပျော်ရွှင်ဖွယ် ကစားနည်းများအား ဦးဆောင် ပြုလုပ်ပေးခဲ့ပါသည်။

သတင်း - တံတားဦးမြို့နယ်ကြက်ခြေနီအသင်းခွဲ


#ကလေးပျော်စင်တာ

တံတားဦးမြို့နယ်ကြက်ခြေနီအသင်းခွဲမှ စေတနာ့လုပ်အားရှင်များမှ တံတားဦးမြို့နယ် အတွင်း ငလျင်ဘေးဒဏ်သင့် ရပ်ကွက်၊ ကျေးရွာများတွ...
15/11/2025

တံတားဦးမြို့နယ်ကြက်ခြေနီအသင်းခွဲမှ စေတနာ့လုပ်အားရှင်များမှ တံတားဦးမြို့နယ် အတွင်း ငလျင်ဘေးဒဏ်သင့် ရပ်ကွက်၊ ကျေးရွာများတွင် ကလေးပျော်စင်တာများ( Child Friendly Space) ပြုလုပ်ခဲ့

၁၅-၁၁-၂၀၂၅ ရက်နေ့ စနေနေ့တွင် တံတားဦးမြို့နယ်ကြက်ခြေနီအသင်းခွဲမှ ကြက်ခြေနီစေတနာ့လုပ်အားရှင်များမှ တံတားဦးမြို့နယ် အတွင်း ငလျင်ဘေးဒဏ် ထိခိုက်ခံရသော ကျေးရွာ ရပ်ကွက်များတွင် ကလေးပျော်စင်တာများအား ပြုလုပ်ပေးခဲ့ပါသည်။ ဘေးအန္တရာယ် ကျရောက်ပြီးနောက်တွင် ရုပ်ပိုင်းဆိုင်ရာ ကျန်းမာရေးအပြင် စိတ်ပိုင်းဆိုင်ရာ ကျန်းမာရေးမှာလည်း ကောင်းမွန်ရန် အလွန်အရေးကြီးပါသည်။ လူကြီးများတွင်သာမ‌က ‌ကလေများပါ စိတ်ပိုင်းဆိုင်ရာ ခံစားမှုများ ကြုံတွေ့ရနိုင်ပါသည်။ ကလေး‌များ၏ စိတ်ပိုင်းဆိုင်ရာ ၊ရုပ်ပိုင်းဆိုင်ရာ၊ အသိပညာပိုင်းဆိုင်ရာနှင့် လူမှုရေး အခန်းကဏ္ဍ ဆိုင်ရာ အပြုအမူများ တိုးတက်ကောင်းမွန်စေရေးအား ရှေးရှု၍ ကလေးပျော်စင်တာများအား ပြုလုပ်ခဲ့ခြင်းဖြစ်ပါသည်။

လူမှုကရုဏာဆိုင်ရာလုပ်ငန်းများလုပ်ဆောင်ရန်အတွက်‌ေစတနာ့လုပ်အားရှင်အဖြစ်ပါဝင်ဆောင်ရွက်လိုပါကတံတားဦးမြို့နယ်ကြက်ခြေနီအသင်းခွဲမှလှိုက်လှဲစွာကြိုဆိုပါသည်။



တံတားဦးမြို့နယ်ကြက်ခြေနီအသင်းခွဲနှင့် မြို့နယ်ပြည်သူ့ကျန်းမာရေးဦးစီးဌာနတို့ ပူးပေါင်း၍ ဝမ်းပျက်ဝမ်းလျောကြိုတင်ကာကွယ်ရေးအ...
23/10/2024

တံတားဦးမြို့နယ်ကြက်ခြေနီအသင်းခွဲနှင့် မြို့နယ်ပြည်သူ့ကျန်းမာရေးဦးစီးဌာနတို့ ပူးပေါင်း၍ ဝမ်းပျက်ဝမ်းလျောကြိုတင်ကာကွယ်ရေးအတွက် ရေတွင်းရေကန်များတွင် ဆေးခတ်ခြင်းလုပ်ငန်းအားဆောင်ရွက်လျက်ရှိ

အောက်တိုဘာ 21 2024 တံတားဦး

တံတားဦးမြို့နယ်ကြက်ခြေနီအသင်းခွဲ၊ မြို့နယ်ကြက်ခြေနီသူနယပြုတပ်ဖွဲ့မှ စေတနာ့လုပ်အားရှင်များနှင့် တံတားဦးမြို့နယ် ပြည်သူ့ကျန်းမာရေးဦးစီးဌာနတို့ပူးပေါင်း၍ ရေဝင်ခဲ့သော ရပ်ကွက်ကျေးရွာများရှိ သောက်ရေ သုံးရေ ကန်များ၊ ရေတွင်းများတွင် ဆေးခတ်ခြင်းလုပ်ငန်းအား ယနေ့ 21-10-2024တွင်ဆောင်ရွက်ခဲ့ပါသည်။

#လူတိုင်းအတွက်အမြဲကူညီနေရာတိုင်းမှာကြက်ခြေနီ
#တံတားဦးမြို့နယ်ကြက်ခြေနီအသင်းခွဲ

Address

Tada-u

Website

Alerts

Be the first to know and let us send you an email when Tada-U Township Red Cross Brigade posts news and promotions. Your email address will not be used for any other purpose, and you can unsubscribe at any time.

Shortcuts

Share

Category