20/11/2023
မတည်ငြိမ်သောဒေသများမှ ART ဆေးသောက်နေသူများအနေဖြင့် ART tail-off ခေါ် ယာယီဆေးဖြတ်ထားခြင်းအကြောင်း သိထားကြပြီလား။ ART Holiday အကြောင်းကို.ဒီလိုအချိန်မှာ သိထားဖို့ လိုအပ်လာပါပြီ။
၁)ဆေးကိုထုတ်ယူနိုင်သ၍ ထုတ်ယူထားကြပါ။ ဒေသအခက်အခဲများရှိနေပါက ကြိုတင်ထုတ်ယူနိုင်က ထုတ်ထားကြပါ။ ရက်ချိန်းတွင်သွားမထုတ်နိုင်ပါကလည်း အဆင်ပြေတဲ့ရက်မှာ သွားရောက်ထုတ်ယူကြပါ။
၂)ဆေးထုတ်ယူရန်မဖြစ်နိုင်သောသူများအနေဖြင့် လက်ကျန်ဆေးကို နေ့တိုင်းအချိန်မှန်ပုံမှန်ဆက်သောက်ကြပါ။ဆေးကုန်သွား၍လုံးဝမသောက်ခြင်းသည်ဆေးယဉ်ပါးမှုဖြစ်နိုင်ချေ အလွန်နည်းပါသည်။ ဆေးကိုချွေတာ၍ နေ့စဉ်မသောက်တာမျိုး လုံးဝ လုံးဝ မလုပ်ပါနဲ့။ဆေးယဉ်ပါးမှုဖြစ်နိုင်လို့ပါ။(ဆေးကိုသောက်လိုက်မသောက်လိုက်လုပ်ခြင်းသည် ဆေးယဉ်ပါးမှုဖြစ်နိုင်ရန် ပိုမိုတွန်းအားပေးပါသည်)
၃)ဆေးသောက်ရန်မရှိ၍ မသောက်စဉ်အတွင်း အခွင့်ရေးယူရောဂါများမဝင်စေရန် ဂရုစိုက်ရပါမည်။ ကိုယ်ခံအားမကျစေရန် နေထိုင်စားသောက်ကြပါ။
၄)အခြေအနေတည်ငြိမ်/ဆေးပြန်လည်ထုတ်ယူနိုင်ပါက ဆေးပြန်လည်ထုတ်ယူသောက်သုံးကြရပါမည်။ ဖြစ်နိုင်ပါက ဆရာဝန်များနှင့်ပြသ၍ လိုအပ်သည်များစစ်ဆေးပြီးမှဆေးစသောက်သင့်သော်လည်း အခြေအနေမပေးပါက ဆေးကိုသာဆက်သောက်ကြရပါမည်။
၅)ယခု ART ကုထုံးများသည်ဆေးကိုရနိုင်သမျှပုံမှန်သောက်သုံးနေပါက ဆေးယဉ်ပါးမှုဖြစ်နိုင်ချေမရှိသလောက်နည်းပါးပါသဖြင့် ဆေးကိုရနိုင်သလောက် ပုံမှန်သောက်သုံးသွားရန်တိုက်တွန်းအပ်ပါသည်။
၆)ဆေးသွားရောက်ထုတ်ယူကြရာတွင် လိုအပ်ပါက သက်ဆိုင်ရာတာဝန်ရှိသူများထံ ဆေးထုတ်စာအုပ်ပြ နားလည်အောင်ပြောဆိုရှင်းပြပြီး လမ်းခရီးအခက်အခဲများကို ကျော်လွှားကြပါ။
အကြံပေးဆွေးနွေးသူများအနေဖြင့်လည်း အထက်ပါ သတင်းအချက်အလက်များကို ဆွေးနွေးပေးကြပါရန် တင်ပြအပ်ပါသည်။
Credit - Nyi Nyi Soe
