12/09/2025
ကယ်ဆယ်ရေးဆိုင်ရာ ပူးပေါင်းဆောင်ရွက်ခြင်း
သဘောတူ နားလည်မှုစာချွန်လွှာ လက်မှတ်ရေးထိုး
စက်တင်ဘာ ၁၁ ရက်
မြန်မာနိုင်ငံလူမှုကယ်ဆယ်ရေးအဖွဲ့ (ဗဟိုကော်မတီ) နှင့် တရုတ်နိုင်ငံ ChangShu Volunteer Association တို့ကြား ရှာဖွေကယ်ဆယ်ရေးဆိုင်ရာ ကဏ္ဍများ တိုးတက်စေရေးအတွက် ပူးပေါင်းဆောင်ရွက်ရန် တရုတ်နိုင်ငံ ဟူးဟော့မြို့တွင် အဖွဲ့အစည်း နှစ်ခုကြား ပူးပေါင်းဆောင်ရွက်ခြင်း နားလည်မှုစာချွန်လွှာ (MOU) ကို စက်တင်ဘာ ၁၁ ရက်က လက်မှတ်ရေးထိုးခဲ့ပါသည်။
စက်တင်ဘာ ၉ ရက်မှ ၁၁ ရက်ထိ တရုတ်နိုင်ငံ ဟူးဟော့မြို့တွင် ကျင်းပခဲ့သည့် "ကမ္ဘာလုံးဆိုင်ရာ ဖွံ့ဖြိုးတိုးတက်မှု ပဏာမခြေလှမ်း - ဒုတိယအကြိမ် နိုင်ငံတကာ အရပ်ဘက် လူမှုအဖွဲ့အစည်းများ ပူးပေါင်းဆောင်ရွက်ရေး ညီလာခံ" ၌ မြန်မာနိုင်ငံလူမှုကယ်ဆယ်ရေးအဖွဲ့ (ဗဟိုကော်မတီ) ဒုတိယဥက္ကဋ္ဌ ဦးလှိုင်မင်းဦးနှင့် တရုတ်နိုင်ငံ ChangShu Volunteer Association ၊ Blue Sky Rescue - International Team တာဝန်ရှိသူ Mr. Zhang Yupu တို့က အဆိုပါ သဘောတူ နားလည်မှုစာချွန်လွှာကို လက်မှတ်ရေးထိုးခဲ့ခြင်းဖြစ်ပါသည်။
အဆိုပါ နားလည်မှုစာချွန်လွှာတွင်
👉 ကယ်ဆယ်ရေးဆိုင်ရာ အဆင့်မြင့် နည်းပညာများ မျှဝေရန်
👉 ကယ်ဆယ်ရေးဆိုင်ရာ သုတေသနများ ပူးပေါင်းရွက်ရန်
👉 ကယ်ဆယ်ရေးဆိုင်ရာ သင်တန်းများ လေ့ကျင့်ဆောင်ရွက်ရန်
👉 ကယ်ဆယ်ရေးဆိုင်ရာ ပညာတော်သင်များ စေလွှတ်နိုင်ရန်
👉 ကယ်ဆယ်ရေးဆိုင်ရာ လုပ်ငန်းများ ပူးတွဲဆောင်ရွက်ရန် တို့ပါဝင်ပြီး
အဖွဲ့အစည်း နှစ်ခုကြား ရှာဖွေကယ်ဆယ်ရေးဆိုင်ရာ ကဏ္ဍများ တိုးတက်လာစေရန် ရည်ရွယ်ပါသည်။
ပုံစာ -
မြန်မာနိုင်ငံ လူမှုကယ်ဆယ်ရေးအဖွဲ့ (ဗဟိုကော်မတီ - ဒုတိယ ဥက္ကဌ )
နှင့် ChangShu Volunteer Association (China)
Blue Sky Rescue - International Team တာဝန်ရှိသူ တို့ နားလည်မှုစာချွန်လွှာအား လက်မှတ်ရေးထိုးစဉ်
