What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 12:00

https://www.facebook.com/1867058656860510/

MEPS, No. 13/14, Hotel Zone, Dekhina Thiri Township, Naypyidaw (2026)

17/06/2026

🐊 ကမ္ဘာ့မိကျောင်းများနေ့ (World Crocodile Day) – ဇွန်လ ၁၇ ရက်

နှစ်စဉ် ဇွန်လ ၁၇ ရက်နေ့ကို ကမ္ဘာ့မိကျောင်းများနေ့ (World Crocodile Day) အဖြစ် သတ်မှတ်ကျင်းပကြပြီး ကမ္ဘာတစ်ဝှမ်းရှိ မိကျောင်းမျိုးစိတ်များ၏ အရေးပါမှုကို အသိပညာမြှင့်တင်ရန်နှင့် မျိုးသုဉ်းပျောက်ကွယ်မှု အန္တရာယ်များမှ ကာကွယ်ထိန်းသိမ်းရန် ရည်ရွယ်ထားပါသည်။

မိကျောင်းများသည် ကမ္ဘာပေါ်တွင် နှစ်သန်းပေါင်းများစွာ ရှင်သန်လာခဲ့သော ရှေးဟောင်းသတ္တဝါများဖြစ်ပြီး ရေချိုနှင့် ရေငန်စပ်ဒေသ ဂေဟစနစ်များ၏ သဘာဝညီမျှမှုကို ထိန်းသိမ်းရာတွင် အရေးပါသော အခန်းကဏ္ဍမှ ပါဝင်လျက်ရှိသည်။

မြန်မာနိုင်ငံတွင် သဘာဝအရ တွေ့ရှိရသော အဓိကမိကျောင်းမျိုးစိတ်မှာ Saltwater Crocodile (Crocodylus porosus) ဖြစ်ပြီး ကမ္ဘာပေါ်ရှိ အကြီးဆုံး အသက်ရှင်နေသော တွားသွားသတ္တဝါတစ်မျိုးလည်း ဖြစ်သည်။ ယခင်က ဧရာဝတီမြစ်ဝကျွန်းပေါ်ဒေသများ၊ ဒီရေတောများနှင့် ကမ်းရိုးတန်းစိုစွတ်ဒေသများတွင် တွေ့ရှိရသော်လည်း နေထိုင်ရာဒေသများ ပျက်စီးလာခြင်းနှင့် လူသားဖိအားများကြောင့် သဘာဝတွင် ကျန်ရှိသော အရေအတွက်မှာ စိုးရိမ်ဖွယ်ရာ အခြေအနေသို့ ရောက်ရှိလာခဲ့သည်။

မိကျောင်းများကို ကာကွယ်စောင့်ရှောက်ခြင်းသည် သတ္တဝါမျိုးစိတ်တစ်မျိုးကိုသာ ထိန်းသိမ်းခြင်းမဟုတ်ဘဲ စိုစွတ်ဒေသဂေဟစနစ်များ၊ ဇီဝမျိုးကွဲများနှင့် သဘာဝအမွေအနှစ်များကို အနာဂတ်မျိုးဆက်များအတွက် ထိန်းသိမ်းစောင့်ရှောက်ခြင်းလည်း ဖြစ်သည်။

🌿 ဤကမ္ဘာ့မိကျောင်းများနေ့တွင် မိကျောင်းများနှင့် ၎င်းတို့၏ နေထိုင်ရာ သဘာဝပတ်ဝန်းကျင်များကို တန်ဖိုးထားကာ ကာကွယ်စောင့်ရှောက်ကြပါစို့။ ယနေ့ကျွန်ုပ်တို့၏ ထိန်းသိမ်းမှုများသည် မနက်ဖြန်၏ ဇီဝမျိုးကွဲကြွယ်ဝသော ကမ္ဘာကြီးအတွက် အဖိုးတန်အမွေအနှစ်တစ်ရပ် ဖြစ်လာမည်ဖြစ်ပါကြောင်း ကမ္ဘာ့မိကျောင်းများနေ့တွင်ရေးသား‌ဖေါ်ပြအပ်ပါသည်။

22/05/2026

🌿 နိုင်ငံတကာ ဇီဝမျိုးစုံမျိုးကွဲများ ထိန်းသိမ်းရေးနေ့ (မေလ ၂၂ ရက်) 🌏

သဘာဝပတ်ဝန်းကျင်သည် လှပမှုတစ်ခုသာမက ကျွန်ုပ်တို့၏ အသက်ရှင်မှုအခြေခံလည်း ဖြစ်ပါသည်။

မြန်မာနိုင်ငံတွင် သစ်တောများ၊ ရှားပါးတိရစ္ဆာန်များ၊ မြစ်များ၊ တောင်တန်းများနှင့် ထူးခြားသော ဇီဝမျိုးရင်းများစွာ တည်ရှိနေပါသည်။ ထိုသဘာဝအမွေအနှစ်များကို ထိန်းသိမ်းခြင်းသည် အနာဂတ်မျိုးဆက်များကို ကာကွယ်ခြင်းနှင့် တူပါသည်။

သစ်ပင်စိုက်ခြင်း၊ ပတ်ဝန်းကျင်ညစ်ညမ်းမှုလျှော့ချခြင်း၊ တောရိုင်းတိရစ္ဆာန်များကို ကာကွယ်ခြင်းနှင့် သဘာဝကို တန်ဖိုးထားခြင်းတို့က မြန်မာနိုင်ငံ၏ ဇီဝမျိုးရင်းများကို ရေရှည်ထိန်းသိမ်းနိုင်ရန် အရေးကြီးသော လုပ်ဆောင်ချက်များ ဖြစ်ပါသည်။

စိမ်းလန်းပြီး ရေရှည်တည်တံ့သော အနာဂတ်တစ်ခုအတွက် အားလုံးအတူ လက်တွဲကြပါစို့။ 🌱

———

🌿 International Day for Biological Diversity (22 May) 🌏
Nature is not only beautiful — it is the foundation of our lives.
Myanmar is home to rich biodiversity: from lush forests and rare wildlife to rivers, mountains, and countless unique species. Protecting these natural treasures means protecting our future generations.
Every small action matters — planting trees, reducing pollution, protecting wildlife, and respecting nature can help preserve Myanmar’s biodiversity for tomorrow.
Let us work together to create a greener, healthier, and more sustainable future for our country and our planet. 🌱

25/03/2026

"ဂွမြို့နယ်၊ ရေမျက်တောင်အနီးက ပင်လယ်ပြင်ရဲ့ အစောင့်အရှောက်လေးများဖြစ်တဲ့ ဒီရေတောအပင်ပုလေးများ"

🌿🌊ရခိုင်ကမ်းရိုးတန်းရဲ့ အလှဆုံးနေရာတစ်ခုဖြစ်တဲ့ ဂွမြို့နယ်၊ ကမ်းသာယာအနီးက "ရေမျက်တောင်" ဆိုတာကို အားလုံးသိကြမှာပါ။ ဒါပေမဲ့ အဲဒီနားမှာ ထူးခြားတဲ့ သဘာဝအလှတရားတစ်ခု ရှိနေတာကို သတိထားမိကြရဲ့လား? အဲဒါကတော့ ရေမျက်တောင်အနီးမှာ ပေါက်ရောက်နေတဲ့ "ဒီရေတောအပင်ပုလေးများ" ပဲ ဖြစ်ပါတယ်။

ဒီအပင်လေးတွေဟာ ကျောက်ဆောင်တွေပေါ်မှာ သဘာဝအလျောက် ပေါက်ရောက်နေကြတာဖြစ်ပြီး နှစ်ပေါင်းများစွာ ကြာမြင့်နေပြီဖြစ်သော်လည်း အပင်ကြီးထွားမလာဘဲ သဘာဝဘွန်ဇိုင်း (Bonsai) ပုံစံလေးတွေအတိုင်း ရှိနေတာကြောင့် ထူးခြားလှပတဲ့ ဒေသအမှတ်အသားတစ်ခု ဖြစ်ပါတယ်။

✨ စိတ်ဝင်စားဖွယ် အချက်အလက်များ -
၁။ သဘာဝရဲ့ တံတိုင်းကြီးများဖြစ်တဲ့ ဒီအပင်ပုလေးတွေဟာ ကြည့်လိုက်ရင် သေးငယ်ပေမယ့် ပင်လယ်လှိုင်းဒဏ်နဲ့ ကမ်းပြိုဘေးဒဏ်ကို အကောင်းဆုံး ကာကွယ်ပေးထားတဲ့ "သဘာဝတံတိုင်းကြီး" တွေ ဖြစ်ပါတယ်။
၂။ ဇီဝမျိုးစုံမျိုးကွဲများရဲ့ ခိုလှုံရာ: ဒီရေတောလေးတွေဟာ ငါး၊ ပုစွန်နဲ့ ကဏန်းလေးတွေရဲ့ သားဖောက်ရာနေရာဖြစ်သလို၊ သူတို့လေးတွေ ဘေးကင်းစွာ ကြီးပြင်းနိုင်တဲ့ "သဘာဝကျောင်းတော်ကြီး" လည်း ဖြစ်ပါတယ်။
၃။ လေထုကို သန့်စင်ပေးသူ: ဒီရေတောပင်တွေဟာ တခြားအပင်တွေထက် ကာဗွန်ဒိုင်အောက်ဆိုဒ်ကို ပိုမိုစုပ်ယူပေးနိုင်တာကြောင့် ကျွန်တော်တို့ရဲ့ ကမ္ဘာကြီးကို အေးမြစေဖို့ အများကြီး အထောက်အကူပြုပါတယ်။

⚠️ ဘာကြောင့် ထိန်းသိမ်းစောင့်ရှောက်သင့်သလဲ?
ဒီရေတောတွေ ပျက်စီးသွားရင် ကမ်းခြေအလှတရားတွေ ပျောက်ကွယ်သွားရုံတင်မကဘဲ ရေနေသတ္တဝါတွေရဲ့ နေရပ်တွေ ပျက်စီးသွားမှာဖြစ်ပါတယ်။ ဒါ့အပြင် ကမ်းရိုးတန်းဒေသတွေဟာ သဘာဝဘေးအန္တရာယ်တွေရဲ့ဒဏ်ကို ပိုမိုခံစားရနိုင်ပါတယ်။

🤝 ကျွန်တော်တို့ ဘာလုပ်နိုင်မလဲ?
ဒီရေတောအနီးမှာ အမှိုက်မပစ်ပါနဲ့။ အပင်ပုလေးတွေကို မဖျက်ဆီးပါနဲ့။ ဒီရေတောရဲ့ အရေးပါပုံကို မိသားစုနဲ့ သူငယ်ချင်းတွေကို ပြန်လည်မျှဝေပေးပါ။ ကျွန်တော်တို့အားလုံး ဝိုင်းဝန်းထိန်းသိမ်းကြမှသာ နောင်လာနောက်သားတွေလက်ထက်မှာလည်း ဒီလိုလှပတဲ့ သဘာဝအလှတရားတွေကို ဆက်လက်မြင်တွေ့နိုင်မှာ ဖြစ်ပါတယ်။ 💚

24/03/2026

ပြည်ထောင်စုသမ္မတမြန်မာနိုင်ငံတော်အစိုးရ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနက ၂၀၁၈ ခုနှစ်တွင် ပြဌာန်းထားသော ဇီဝမျိုးစုံမျိုးကွဲနှင့် သဘာဝထိန်းသိမ်းရေးနယ်မြေများ ကာကွယ်စောင့်ရှောက်ခြင်းဆိုင်ရာဥပဒေ အရ အပ်နှင်းထားသည့် အခွင့်အာဏာများကို အသုံးပြု၍ ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်ရှိ “သမီးလှကျွန်းတောရိုင်းတိရစ္ဆာန်ဘေးမဲ့တော” ကို “သမီးလှကျွန်း အဏ္ဏဝါအမျိုးသားဥယျာဉ်” အဖြစ် ပြောင်းလဲသတ်မှတ်ကြောင်း ၂၀၂၆ ခုနှစ် မတ်လ ၁၇ ရက်နေ့မှ စတင်၍ အမိန့်ကြော်ငြာစာအမှတ် (၁၈/၂၀၂၆) ဖြင့် ထုတ်ပြန် ကြေညာခဲ့သည်။

ယင်းသတ်မှတ်ချက်အရ မူလဘေးမဲ့တော ဧရိယာ (၂၁၇.၆) ဧကကို ရေပြင်ဧရိယာ (၁၁,၈၉၇) ဧက တိုးချဲ့သတ်မှတ်ခဲ့ပြီး စုစုပေါင်း ဧရိယာ (၁၂,၁၁၄.၆၀) ဧကအထိ ကျယ်ပြန့်လာခဲ့သည်။ ယင်းကဲ့သို့ ပြောင်းလဲသတ်မှတ်ခြင်းသည် ဒေသရှိ ကမ်းရိုးတန်းနှင့် အဏ္ဏဝါဂေဟစနစ်များ၊ သယံဇာတများနှင့် ဇီဝမျိုးစုံမျိုးကွဲများကို ရေရှည်တည်တံ့စေရန်နှင့် ပိုမိုပေါကြွယ်ဝလာစေရန် ရည်ရွယ်ခြင်းဖြစ်သည်။

သမီးလှကျွန်းသည် ဧရာဝတီတိုင်းဒေသကြီး၊ ငပုတောမြို့နယ်၊ ဟိုင်းကြီးမြို့နယ်ခွဲတွင် တည်ရှိပြီး မော်တင်စွန်းဘုရားမှ ရေမိုင် (၆) မိုင်အကွာတွင် ရှိကာ ဘင်္ဂလားပင်လယ်အော်နှင့် အက်ဒမန်ပင်လယ်တို့ ဆုံရာအနီး ငဝန်မြစ်ဝတွင် တည်ရှိသည်။ ကျွန်း၏ မြေမျက်နှာသွင်ပြင်မှာ ပြန့်ပြူးပြီး ပင်လယ်ရေမျက်နှာပြင်အထက် (၈) ပေမှ (၁၁) ပေ အတွင်းတွင် တည်ရှိသည်။ သမိုင်းတစ်လျှောက်တွင် ကျွန်း၏ ပုံသဏ္ဍာန်နှင့် သဲသောင်များ၏ တောက်ပမှုကြောင့် “စိန်ကျွန်း (Diamond Island)” ဟုခေါ်ဆိုခဲ့ကြပြီး နောက်ပိုင်းတွင် ပင်လယ်လိပ်များကို ထိန်းသိမ်းမွေးမြူခဲ့သဖြင့် “လိပ်ကျွန်း” ဟုလည်း လူသိများလာခဲ့သည်။

ထို့အပြင် သမီးလှကျွန်းကို (၁၂-၁၀-၁၉၇၀) ရက်နေ့တွင် “တောရိုင်းတိရစ္ဆာန်ဘေးမဲ့တော” အဖြစ် သတ်မှတ်ဖွဲ့စည်းခဲ့ပြီး ရှားပါးပင်လယ်လိပ်များနှင့် ၎င်းတို့၏ ဥချသားပေါက်ရာဒေသများကို ဥပဒေအရ ထိန်းသိမ်းကာကွယ်ခဲ့သည်။ ယနေ့တွင်လည်း ယင်းကျွန်းသည် မြန်မာနိုင်ငံအတွင်း ပင်လယ်လိပ်များ တစ်နှစ်ပတ်လုံး လာရောက် ဥချသော ထူးခြားသည့်နေရာတစ်ခုအဖြစ် ဆက်လက်တည်ရှိနေသည်။

ကျွန်းအတွင်းတွင် ရွက်ပြတ်တော၊ ရောနှောတော၊ အမြဲစိမ်းတောနှင့် ဒီရေတောဂေဟစနစ်များ တွေ့ရှိရပြီး ဗြူးအုပ်ဆောင်း၊ သင်ပေါင်း၊ ကနစို၊ ခယာ၊ ဓနိနှင့် ပင်လယ်အုန်းကဲ့သို့သော သစ်ပင်များ ပေါက်ရောက်နေသည်။ တောရိုင်းတိရစ္ဆာန်များအနေဖြင့် ကမ္ဘာ့ရှားပါးပင်လယ်လိပ်မျိုးများဖြစ်သည့် ပြင်သာလိပ်၊ လိပ်စိမ်း၊ လိပ်လှောင်း၊ လိပ်ခွေးနှင့် လိပ်ခေါင်တန်းတို့အတွက် အရေးပါသော ဥချသားပေါက်ရာဒေသဖြစ်သကဲ့သို့ လင်းပိုင်၊ ရေဝက်၊ ပုစွန်၊ ဂဏန်းနှင့် ငါးမျိုးစိတ်များလည်း အများအပြား နေထိုင်ကျက်စားလျက်ရှိသည်။ ထို့အပြင် ဒရယ်၊ လင်းဆွဲနှင့် ငှက်မျိုးစုံတို့အတွက်လည်း နားခိုကျက်စားရာနေရာတစ်ခုဖြစ်သည်။

ယခုကဲ့သို့ “သမီးလှကျွန်း အဏ္ဏဝါအမျိုးသားဥယျာဉ်” အဖြစ် ပြောင်းလဲသတ်မှတ်ခြင်းဖြင့် မြန်မာနိုင်ငံ၏ စတုတ္ထမြောက် အဏ္ဏဝါအမျိုးသားဥယျာဉ်အဖြစ် သတ်မှတ်နိုင်မည်ဖြစ်ပြီး ဒေသရှိ အဏ္ဏဝါနှင့် ကမ်းရိုးတန်းဂေဟစနစ်များကို ထိန်းသိမ်းစောင့်ရှောက်နိုင်မည်ဖြစ်သည်။ ထို့ပြင် သန္တာကျောက်တန်းများနှင့် အဏ္ဏဝါမျိုးစိတ်များ၏ ရှင်သန်ပေါက်ဖွားရာနေရာများကို ကာကွယ်နိုင်မည်ဖြစ်သကဲ့သို့ သုတေသနလုပ်ငန်းများနှင့် သဘာဝအခြေပြုခရီးသွားလုပ်ငန်းများ ဖွံ့ဖြိုးတိုးတက်လာစေရန် အထောက်အကူဖြစ်စေမည်ဟု ခန့်မှန်းထားသည်။

Address

No. 13/14, Hotel Zone, Dekhina Thiri Township
Naypyidaw
15011

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 12:00

Telephone

09263637776

Website

facebook.com

Alerts

Be the first to know and let us send you an email when MEPS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to MEPS:

MEPS