22/05/2025
Yawng hpe KachinLink Academy kaw nna, hkaptau la ga ai!
Ndai page kaw nna, Wunpawng Ramma ni a mǎtu chyēgin chyēmai ai, akyu rawng ai ginlam (content) ni hpe gǎran gǎchyan mat wa na rè. Daimǎjaw, yawng n-gun jaw la mǎrit ngu gāsaw dat ai law!
Shawng ningnan hku nna, gasan lǎngai hte hpang mǎyu nngai.
"Secondary Education ngu ai hpa ta?"
Anhtē yawng chyē ai hpaji ninggam ni gaw; (1) Primary Education,
(2) Secondary Education, hte
(3) Higher Education ni rè.
Shing-rai yang, "Secondary Education" ngu ai gaw mǎdang tsaw hpaji ninggam (Higher Education) de lǎhkam sa wa lu na mǎtu, ahkyat dik ai mǎhkrai/ninggam lǎngai rai nga ai. Mǎtut nna, tinang mungdan kǎta hte maigan mungdan (Wunpawng Ramma ni a lǎpran mying gumhkawng ai) ni a Secondary Education mǎsa lam ni hpe hkaja mat wa ga!
(1) Mungdan kǎta a Secndary Education mǎsa lam;
(a) Hpaji tsang (12) mǎsa (Grade-12 system)- Wunpawng Mungdan Ginjaw Hpaji Dap (gǎlai shai ninggam)
(b) Hpaji tsang (12) mǎsa (Grade-12 system)- Myenma Mungdan (jailang ninggam)
(2) Maigan mungdan ni a Secondary Education mǎsa lam;
(a) Amērika Mungdan (U.S.A) hpaji mǎsa;
(i) High school diploma, GED, HiSET (Secondary Education ngut sai hku mǎsat)
(ii) SAT, ACT, AP (Standardized college/university admission tests)
(b) United Kingdom (U.K) hpaji mǎsa;
(i) GCSE/IGCSE O-level (Secondary Education ngut sai hku mǎsat)
(ii) GCSE/IGCSE A-level (College/University first year mǎsat)
(c) Canada Mungdan hpaji mǎsa;
(i) Canadian Grade 12 Diploma/Ontario Secondary School Diploma (OSSD)
(d) Germany Mungdan hpaji mǎsa;
(i) Feststellungsprüfung (FSP) tested by Studienkolleg
(ii) TestAS (German standardized aptitude test)
Lǎhta kaw sanglang mat ai lawnglam ni gaw; tinang mungdan kǎta hte maigan mungdan ni a mungdan ga dǎga jawngma (international student) ni mai htai ai Secondary Education lakmat ni rè. Shing-rai yang, Wunpawng Ramma ni hku nna, maigan mungdan a mǎdang tsaw hpaji de lǎhkam sa wa lu na mǎtu gaw, tinang hte gǎra mǎhtang grau htaphtuk na kun? Comment kaw ka da ya mǎrit.
Ga hpungdim hku nna, Secondary Education ngu ai gaw; mungdan kǎta nga dakkǎsu ni sha n-rai, maigan mungdan ni a dakkǎsu hta mǎdang tsaw hpaji ni hpe mǎtut nna hkaja sa wa na mǎtu, ninggam lǎngai rai nga ai. Daimǎjaw, Wunpawng Ramma ni hku nna, Wunpawng Mungdan a mǎtu akyu rawng nhtawm, tinang hte htupmǎnu ai hpe lǎta la let mǎdang tsaw hpaji hkaja ra nga ga ai law!
Mǎtsing; Hpang na ginlam (content) hta Amērika Mungdan a hpaji mǎsa lam hpe sanglang mat wa na rè.
