NRFF - New Rehmonnya Federated Force

13/04/2026

"လဂွန်းအိမ်စာစဉ် (၅) နှစ်ပြည့် အထိမ်းအမှတ် ဂုဏ်ပြုအမှတ်တရစကားသံများ"
=================================================
စစ်အုပ်စုရဲ့ သတင်းအမှောင်ချဖိနှိပ်မှုတွေကို ကျော်လွှားဖို့နဲ့ ပြည်သူတွေကို တော်လှန်ရေးသတင်းစကားတွေ ပါးပေးနိုင်ဖို့အတွက် ထုတ်ဝေခဲ့ပြီး ဒီကနေ့ ဧပြီလ ၁၃ ရက်မှာ (၅) နှစ်ပြည့်ပြီဖြစ်ပါတယ်။
လဂွန်းအိမ်စာစဉ်ရဲ့ (၅) နှစ်ပြည့်အထိမ်းအမှတ်မှာ စာစဉ်တည်ထောင်သူတဦးဖြစ်ပြီး လက်ရှိ ရာမညဖက်ဒရယ်အင်အားစုသစ် (NRFF) ဦးဆောင်သူဖြစ်တဲ့ ကိုဘုန်းမြတ်ရဲ့ အမှတ်တရစကားသံကို တင်ဆက်လိုက်ရပါတယ်။
တဆက်တည်းမှာပဲ မြန်မာ့နှစ်ကူး အတာသင်္ကြန်မှာ မွန်ဒေသအပါအဝင် မြန်မာပြည်သူတွေအားလုံး စိတ်ချမ်းသာ ကိုယ်ကျန်းမာပြီး အာဏာရှင်စနစ်အမြစ်ပြတ်ရေးနဲ့ ဖက်ဒရယ်ပြည်ထောင်စုပေါ်ထွန်းရေးတို့မှာ ဆက်လက်အားဖြည့် ပါဝင်ဆောင်ရွက်နိုင်ပါစေကြောင်း လဂွန်းအိမ်စာစဉ်က ဆုမွန်ကောင်းတောင်းအပ်ပါတယ်။

30/03/2026

အာဏာရှင် လွှတ်တော်နှင့် ဂျီနိုစိုက်အစိုးရ
--------------------------------------------------
(ဆွေးနွေးပွဲ စကားဝိုင်း)

အာဏာသိမ်းစစ်ခေါင်းဆောင်နှင့် နောက်လိုက်နောက်ပါ အာဏာရှင်တသိုက်ဟာ များမကြာမီက သူတို့စိတ်ကြိုက်ရေးဆွဲပြင်ဆင်ထားတဲ့ ၂၀၀၈ နာဂစ် ဥပဒေအရဆိုကာ အတုအယောင်ရွေးကောက်ပွဲကို ကျင်းပခဲ့ကြပါတယ်။
အာဏာသိမ်းစစ်တပ်ဟာ ဆန့်ကျင်တော်လှန်ခဲ့ကြတဲ့ အရပ်သားပြည်သူ ၇၉၅၂ ဦးကို ညှင်းပမ်းနှိပ်စက် သ - တ်ဖြ-တ် ခဲ့ပြီး ဒေါ် အောင်ဆန်းစုကြည်နဲ့ သမ္မတ ဦးဝင်းမြင့်တို့ကို ဖမ်းဆီးထိမ်းသိမ်းထားကာ ဒေါ်စုကိုမတရားအမှုတွေနဲ့ ၂၇ နှစ်ပြစ်ဒဏ်ချထားကာ ဝန်ကြီးတွေ၊ လွှတ်တော်အမတ်တွေနဲ့ ရွေးကောက်ပွဲကော်မရှင် တာဝန်ရှိသူတွေ အပါအဝင် ၁၉၇ ဦးထက်မနည်း ဖမ်းဆီးထိန်းသိမ်းခဲ့ပါတယ်။
နိုင်ငံရေးသမားတွေ၊ တက်ကြွလှုပ်ရှားသူတွေနဲ့ ဆန္ဒပြသူတွေ အပါအဝင် နိုင်ငံရေးအကျဉ်းသား ၃၀,၀၀၀ လောက်ကို ဖမ်းဆီးထားပြီး ပါတီတွေကို တရားမဝင်ဟုဆိုကာ
ဖျက်သိမ်းထားခဲ့ကာ လူထုထောက်ခံမှု အများဆုံးရထားတဲ့ အမျိုးသားဒီမိုကရေစီအဖွဲ့ချုပ် (NLD) ပါတီကိုလည်း ၂၀၂၃ ခုနှစ်မှာ နိုင်ငံရေးပါတီများ မှတ်ပုံတင်ခြင်း ဥပဒေအသစ်နဲ့ ဖျက်သိမ်းခဲ့ပါတယ်။ NLD အပါအဝင် ပါတီပေါင်း ၄၀ ကျော် ဖျက်သိမ်းခံလိုက်ရပါတယ်။

ဒါ့အပြင်အာဏာသိမ်းပြီးတဲ့ နောက်ပိုင်း သတင်းဌာန ၆၀ လောက် ပိတ်သိမ်းခံရတာ၊ ပြည်ပကို တိမ်းရှောင်ရတာတွေ ရှိခဲ့ပါတယ်။ သတင်းထောက် ၁၇၆ ဦး ဖမ်းဆီးခံခဲ့ရပြီး သတင်းထောက် ၅၁ ဦးလောက် လက်ရှိ အကျဉ်းချခံထားရပြီးတော့ သတင်းထောက် ၇ ဦးလောက် သတ်ဖြတ်ခံခဲ့ရပါတယ်။ မြန်မာနိုင်ငံဟာ တရုတ်ပြီးရင် ကမ္ဘာပေါ်မှာ သတင်းထောက်တွေကို ဒုတိယအများဆုံး ဖမ်းဆီးတဲ့နိုင်ငံ ဖြစ်လာပါတယ်။ အွန်လိုင်းပေါ်က စစ်ကောင်စီကို ဝေဖန်သူ ၂,၀၀၀ လောက် ဖမ်းဆီးခံခဲ့ရပါတယ်။
အထက်ဖော်ပြပါ လူ့အခွင့်အရေးချိုးဖောက်မှုတွေ ရာဇဝတ်မှုတွေကို ကျူးလွန်ပြီး ဆင်ယင်ကျင်းပခဲ့တဲ့ ရွေးကောက်ပွဲရလဒ်နဲ့ လွှတ်တော်ကိုယ်စားလှယ်ရာထူးများကို ဂုဏ်သိက္ခာမဲ့စွာ
အတင်းအဓမ္မရယူခဲ့သူတွေကို ဗိုလ်ချုပ်ဟောင်း၊ ရဲချုပ်ဟောင်း၊ ဂျီနိုစိုက်အမှုတွဲမှာ ဦးဆောင်ကျူးလွန်များအနက်အပါအဝင်ဖြစ်တဲ့ ဦးခင်ရီက လွှတ်တော်ဥက္ကဌ ရာထူးကို
မျက်နှာပြောင်တိုက်ယူထားတဲ့ အာဏာရှင်လွှတ်တော်ရယ်၊ ဂျီနိုစိုက်ရဲ့ လက်သည်အစစ်အမှန်ဦးဆောင်ကျူးလွန်နေသူ ရာဇဝတ်သား
အာဏာရှင်များ၊ အာဏာရှင်ခါးပိုက်ဆောင်များဖြင့် စုစည်းတည်ဆောက်ထားတဲ့ အစိုးရအဖွဲ့ကြောင့် ပြည်တွင်းနိုင်ငံရေး စီးပွားရေး၊ ကျန်းမာရေး၊
ပညာရေးအခြေအနေတွေဟာ ဘယ်လောက်အထိ အထိနားပြီး နိုင်ငံတကာအသိုင်းမှာရော ဘယ်လောက်အထိ ရုပ်ပျက်ဆင်းပျက်ဖြစ်သွားနိုင်သလဲဆိုတဲ့အကြောင်းအရာတွေရယ် စစ်အာဏာရှင်အသိုင်းအဝိုင်းအတွင်းက အာဏာခွဲဝေမှုရဲ့ နောက်ဆက်တွဲအကွဲအပြဲတွေကိုပါ ဒီတစ်ပတ် BHRN ရဲ့ စကားဝိုင်းဆွေးနွေးပွဲကနေ တင်ဆက်ဆွေးနွေးသွားကြမှာဖြစ်ပါတယ်။

ပါဝင် ဆွေးနွေးမယ့်သူတွေကတော -

- ကိုမိုးထက်နေ
(သုတေသနနှင့်နိုင်ငံရေးအကြံပေး၊ Nyan Lynn Thit Analytica )
- ဒေါက်တာသန်းလွင်ဦး
- ဒေါ်သဉ္ဇာမြ
(မြို့နယ်တရားသူကြီး - CDM)
- ကိုသူရိန်
(NRFF)
တို့ဖြစ်ပြီး
Moderator အဖြစ်
- ကိုအောင်သူရ
(စစ်အာဏာရှင်စနစ်တိုက်ဖျက်ရေးအထွေထွေသပိတ်ကော်မတီ - GSC)
က ဆောင်ရွက်သွားမှာဖြစ်ပါတယ်။
ဒီစကားဝိုင်းကို ၂၀၂၆ ခုနှစ် မတ်လ ၃၀ ရက်(တနင်္လာနေ့ည) 7:00 PM (YGN Time)/ 7:30 PM (BKK Time)မှာ Zoom ကတဆင့် ဆွေးနွေးသွားမှာဖြစ်ပြီး အစီအစဉ်ထုတ်လွှင့်မှုကို BHRN FB Page မှာ Live လွှင့်သွားပါမယ်။
အလားတူ မိတ်ဖက်မီဒီယာတွေဖြစ်တဲ့ Mizzima, Khit Thit Media, Myanmar Press Agency (MPA), MeKong News, Than Lwin Times, Than Lwin Khet, Federal Journal နှင့် People Radio Myanmar တို့မှာလည်း တပြိုင်နက် တင်ဆက်သွားပါမှာ ဖြစ်ပါတယ်။
ဒီစကားဝိုင်းကို တိုက်ရိုက်ထုတ်လွှင့်ခွင့်ပေးတဲ့ မိတ်ဖက်မီဒီယာများကို BHRN က အထူးပဲ ကျေးဇူးတင်ရှိပါတယ်။
- BHRN

29/03/2026

ပြဇာတ်တခုကို တံတားထိုးခြင်း - ထိုင်းအစိုးရသစ်၏ အကျိုးစီးပွားအခြေပြု သံတမန်ရေးနှင့် မြန်မာ့နွေဦးတော်လှန်ရေးအတွက် စိန်ခေါ်မှုများ

================================================================

၂၀၂၆ ခုနှစ် မတ်လ ၁၆ ရက်နေ့မှာ စစ်အုပ်စုက အတုအယောင်ရွေးကောက်ပွဲရလဒ်ကို အခြေခံပြီး "တတိယအကြိမ် လွှတ်တော်" ကို နေပြည်တော်မှာ စတင်ခေါ်ယူခဲ့ပါတယ်။

လက်ရှိအချိန်ဟာ ရွေးကောက်ပွဲအတု၊ လွှတ်တော်အတုနဲ့ အမည်ခံအရပ်သားအစိုးရတရပ်ဖွဲ့စည်းပြီး စစ်အုပ်စုက နိုင်ငံရေးထွက်ပေါက်ရဖို့ ကြိုးပမ်းနေချိန်လည်းဖြစ်ပါတယ်။

နိုင်ငံဧရိယာရဲ့ ၄၀ ရာခိုင်နှုန်းလောက်ပဲ ပြုလုပ်နိုင်တဲ့ ရွေးကောက်ပွဲဟာ "ဒီမိုကရေစီမျက်နှာဖုံးစွပ် အာဏာရှင်စနစ် ခိုင်မာရေး ပြဇာတ်" လို့ ကုလသမဂ္ဂနဲ့ နိုင်ငံတကာအသိုင်းအဝိုင်းက ရှုမြင်ပြီး အသိအမှတ်ပြုဖို့ ငြင်းပယ်ထားပေမဲ့ အိမ်နီးချင်း ထိုင်းနိုင်ငံရဲ့ ရွေးကောက်ပွဲအလွန် အစိုးရသစ်လက်ထက်မှာတော့ ထိုင်းရဲ့ မြန်မာ့အရေးမူဝါဒဟာ “လက်တွေ့အကျိုးမျှော်ဝါဒ” အဖြစ် သိသိသာသာ ယိမ်းယိုင်ကြောင်း ပွင့်ပွင့်လင်းလင်းပြသလာပါတယ်။

အာဆီယံရဲ့ ဘုံသဘောတူညီချက်ကိုကျော်လွန်ပြီး စစ်အုပ်စုရဲ့ လာမဲ့ "အစိုးရတု" ကို အာဆီယံမိသားစုအတွင်း ပြန်လည်ခေါ်ဆောင်မဲ့ "ပေါင်းကူးတံတား" မူဝါဒကိုလည်း ထုတ်ဖော်လာပါတယ်။

ဒီလို ဒေသတွင်း သံတမန်ရေးအက်ကြောင်းတွေနဲ့ စစ်အုပ်စုရဲ့ နိုင်ငံရေးကစားကွက်တွေက မြန်မာ့နွေဦးတော်လှန်ရေးအတွက် သံတမန်ရေးရာ စိန်ခေါ်မှုအသစ်တွေ ဖြစ်ပေါ်စေတာကြောင့် တော်လှန်ရေးအင်အားစုတွေရဲ့ မြေပြင်စိုးမိုးမှုနဲ့ ပြည်သူ့ဆန္ဒကို အခြေခံတဲ့ တန်ပြန်ဗျူဟာတွေ ချမှတ်ဖို့ လိုအပ်ကြောင်းကို မီးမောင်းထိုးပြနေပါတယ်။

ယခုစာတမ်းနှင့်တကွ ရာမညဖက်ဒရယ်အင်အားစုသစ် (NRFF) မှ ထုတ်ဝေသည့်စာတမ်းများအပေါ် အကြံပြုလိုပါက [email protected] (သို့မဟုတ်) ‘NRFF - New Rehmonnya Federated Force’ ဖေ့စ်ဘွတ်စာမျက်နှာ သို့ စာရေးသားပေးပို့ပေးနိုင်ပါကြောင်း လေးစားစွာ အသိပေးအပ်ပါသည်။

"ပြဇာတ်တခုကို တံတားထိုးခြင်း - ထိုင်းအစိုးရသစ်၏ အကျိုးစီးပွားအခြေပြု သံတမန်ရေးနှင့် မြန်မာ့နွေဦးတော်လှန်ရေးအတွက် စိန်ခေါ်မှုများ" စာတမ်းအား ကွန်းမန့်ပါလင့်ခ်တွင် ဒေါင်းလုပ်ရယူ ဖတ်ရှုနိုင်ပါသည်။

12/03/2026

လိက်လလောင်တြး ဝှဝ်ရာမ်ဗွိုင်ပၠန်ဂတးမန်
မွန်တော်လှန်ရေးဖိုရမ်၏ ထုတ်ပြန်ကြေညာချက်
Statement of the Mon Revolutionary Forum

မတ်လ ၁၂၊ ၂၀၂၆။
-------------------------------------------------

မွန်တော်လှန်ရေးအဖွဲ့အစည်းများအကြား ပူးပေါင်းဆောင်ရွက်ရန်၊ စည်းလုံးညီညွတ်မှု မြှင့်တင်ရန် နှင့် မွန်တော်လှန်ရေးဆိုင်ရာ အမြင်ဖလှယ်ပြီး မွန်ပြည်တည် ဆောက်ရေးဆိုင်ရာ ဘုံသဘောထား ရပ်တည်ချက်တရပ် ဖော်ထုတ်နိုင်ရန် ရည်ရွယ်၍ ၃ ရက်ကြာ ကျင်းပခဲ့သော 'မွန်တော်လှန်ရေးဖိုရမ်' တွင် 'ရာမညဖက်ဒရယ်အင်အားစုသစ်' အနေဖြင့် တက်ရောက်ခဲ့ပြီး လက်ရှိ နိုင်ငံရေးနှင့်တော်လှန်ရေးအခြေအနေများကို ဆွေးနွေးအကြံပြုခွင့်ရရှိခဲ့သည်။

ဤကဲ့သို့ မွန်တော်လှန်ရေးအင်အားစုများအကြား ဘုံရပ်တည်ချက်များ ချမှတ်ပြီး မွန်ပြည်တော်လှန်ရေးပဋိဉာဉ် ရေးဆွဲသွားခြင်း၊ မွန်တော်လှန်ရေးဆိုင်ရာ ပူးပေါင်းဆောင်ရွက်ရေးအလုပ်အဖွဲ့ ဖွဲ့စည်း နိုင်ခြင်းတို့အပေါ် မိမိတို့အနေဖြင့် ဝမ်းမြောက်စွာ ကြိုဆိုအပ်ပါသည်။

ယခုကဲ့သို့သော ပူးပေါင်းဆောင်ရွက်မှုများသည် အနာဂတ် မွန်ပြည်တော်လှန်ရေးအစိုးရတရပ် ပေါ်ပေါက်လာစေရန် ခြေလှမ်းသစ်များ ဖြစ်လာနိုင်စေပြီး မွန်တော်လှန်ရေးအားဦးဆောင်ကာ မွန်ပြည်အတွင်းရှိ ပြည်သူများအား အကျိုးပြုနိုင်ပါစေကြောင်း ဆုမွန်ကောင်းတောင်းအပ်ပါသည်။

#ဇြဟတ်ရာမညဖေတ်ဒရေဝ်ခေတ်တၟိ
#ရာမညဖယ်ဒရယ်အင်အားစုသစ်
Rehmonnya Federated Force

27/02/2026

Based on available data collected over the five years since the 2021 military coup, we present the following highlights on the violence and human rights violations committed against women in the Mon area.

These figures are compiled from data gathered by the New Rehmonnya Federated Force (NRFF). The actual number of women experiencing violence is likely much higher than what is reported here.

As these statistics show, the current period remains a critical time for protecting the security, dignity, and fundamental rights of women in the Mon area.

Published on Mon Women's Day.

27/02/2026

ဒုၚ်သ္ဇိုၚ်ကဵု တၚ်နၚ်ပရူညးဗြဴမနွံဒေသမန်တံ ဒးဒုၚ်ပကီုပရာပ် ဒးဒုၚ်ဖံက်ပကဝ်ဒၟံၚ်အခေါၚ်အရာမၞိဟ် ပွိုၚ်မသုန်သၞာံ ကြဴနူပၞာန်သီအဝဵု ၂၀၂၁ တုဲ ကံက်နုက်ပ္တိုန်ထ္ၜးလဝ်ရ။

တၚ်နၚ်မပ္တိုန်ထ္ၜးလဝ်လၟုဟ်ဝွံ နိဿဲကဵုတၚ်နၚ် နူကဵုဇြဟတ်ရာမညဖေတ်ဒရေဝ်ခေတ်တၟိ (NRFF) ကံက်ဂွံလဝ်ဂှ်ရ အကာဲအရာပကတိမ္ၚးဂှ် ဂၠိုၚ်နူဏအ် ဒှ်မာန်ရ။

လဂွံကဵုတၚ်နၚ်ထံက်ထ္ၜးလဝ်တုဲ ကာလလၟုဟ်ဝွံ ဒှ်ကာလပၟိက်ဇၞော် သွက်ဂွံစဵုဒၞါမၚ်မွဲအာ အခေါၚ်အရာညးဗြဴ၊ ဂီုကၠီုညးဗြဴ ကေုာံ ဂုဏ်သိက္ခာညးဗြဴတံရောၚ်ဂှ် ဂရၚ်ပ္တီဏာ ပ္ဍဲကဵုတ္ၚဲညးဗြဴမန်ရ။

#တ္ၚဲညးဗြဴမန်
#ဇြဟတ်ရာမညဖေတ်ဒရေဝ်ခေတ်တၟိ

27/02/2026

၂၀၂၁ ခုနှစ် စစ်အာဏာသိမ်းပြီးနောက်ပိုင်းမှ ငါးနှစ်အတွင်း မွန်ဒေသရှိ အမျိုးသမီးများအပေါ် ကျူးလွန်နေသည့် အကြမ်းဖက်မှုများနှင့် လူ့အခွင့်အရေးချိုးဖောက်မှုများကို ရရှိနိုင်သည့် အချက်အလက်များအပေါ် အခြေခံပြီး ထုတ်နုတ်တင်ပြထားပါသည်။

ယခုတင်ပြထားသော အချက်အလက်များသည် ရာမညဖယ်ဒရယ်အင်အားစုသစ်မှ ကောက်ယူရရှိထားသော ဒေတာများကို အခြေခံထားခြင်းဖြစ်ရာ လက်တွေ့ဖြစ်ပွားနေသည့် အမျိုးသမီးများအပေါ် အကြမ်းဖက်မှုအခြေအနေမှာ ပိုမိုများပြားနိုင်ပါသည်။

ဖော်ပြပါအချက်အလက်များအရ လက်ရှိကာလသည် မွန်အမျိုးသမီးများ၏ လုံခြုံရေး၊ လူ့ဂုဏ်သိက္ခာနှင့် အခြေခံအခွင့်အရေးများကို ကာကွယ်ထိန်းသိမ်းရန်အတွက် အရေးကြီးသည့် အခြေအနေတရပ် ဖြစ်နေဆဲဖြစ်ပါကြောင်း မွန်အမျိုးသမီးများနေ့တွင် ဖော်ပြလိုက်ရပါသည်။

13/02/2026

📢 Call for Applications

နူကဵု Institute of Borderland and Ethnic Studies – iBES ကမၠောန်လ္ၚတ်သုတေသန ဆေၚ်စပ်ကဵုတွဳဗွိုၚ်နာံမြိုၚ်မၞိဟ် ဒးဒုၚ်ဘဲဒဏ်ပဋိပက္ခ (Mini Research Project Training-Online) ဝွံပံက်လဝ်ယျ။

ပွမကဵုက္ဍိုပ် Research Areas ဂှ်တှ်ေ • Governance and Resistance in Conflict-Affected Contexts • Community Resilience Amid Conflict • Mon Political Economy • Youth, Politics, and Education • Gendered Impacts of Conflict

တန်ဗ္တောန်မဂွံတုဲဒှ်ဍိုက်ဍိုက်ပေၚ်ပေၚ်ဂှ် ညးမကေတ်လ္ရတ်ဂမၠိုၚ် ဒးချူလိက်ပတိုန်ဂလာန်သုတေသန (Research Proposal) ကေုာံ လိက်ဒုၚ်စရၚ်သုတေသန (Research Report) တုဲ ညံၚ်ဇြဟတ်ပွမစိုန်သ္ကီုဂွံခိုဟ်အာဂှ်လေဝ် နကဵုတန်ဗ္တောန်ပူဂဵု (Coaching) ဂှ်လေဝ် ဗ္တောန်အာကဵုရောၚ်။

Institute of Borderland and Ethnic Studies (iBES) မှ ပဋိပက္ခဒဏ်သင့် လူမှုအသိုက်အဝန်းများနှင့် သက်ဆိုင်သော သုတေသနလုပ်ငန်း စတင်အကောင်အထည်ရန် စိတ်ပါဝင်စားသည့် လူငယ်များအတွက် (Mini Research Project Training) ကို Online training တခု ဖွင့်လှစ်လိုက်ပါပြီ။ ဦးစားပေးမည့်အဓိကခေါင်းစဉ်များတွင်

Governance and Resistance in Conflict-affected Contexts
Community Resilience Amid Conflict
Mon Political Economy
Youth, Politics, and Education
Gendered Impacts of Conflict တို့ ပါဝင်သည်။

သင်တန်းပြီးမြောက်ရန်အတွက် သင်တန်းသားများအနေဖြင့် သုတေသနအဆိုပြုလွှာ (Research Proposal) များ ရေးသားခြင်းနှင့် သုတေသနအစီရင်ခံစာ (Research Report) များ ပြုစုခြင်းတို့တွင် ကျွမ်းကျင်မှု ပိုမိုအားကောင်းလာစေရန် တယောက်ချင်းစီ လမ်းညွှန်မှုများ (Coaching) ဖြင့် လေ့ကျင့်သင်ကြားပေးရန် ရည်ရွယ်ပါသည်။

စိတ်ပါဝင်စားပါကအောက်ပါ link ကနေတစ်ဆင့်လျှောက်ထားနိုင်ပါသည်
https://docs.google.com/forms/d/115K-qLyX_X1u6nCvcACPX_bVC5O2cStVrg3jMEOqToI/edit

13/02/2026

FYI

📢 Call for Applications

နူကဵု Institute of Borderland and Ethnic Studies – iBES ကမၠောန်လ္ၚတ်သုတေသန ဆေၚ်စပ်ကဵုတွဳဗွိုၚ်နာံမြိုၚ်မၞိဟ် ဒးဒုၚ်ဘဲဒဏ်ပဋိပက္ခ (Mini Research Project Training-Online) ဝွံပံက်လဝ်ယျ။

ပွမကဵုက္ဍိုပ် Research Areas ဂှ်တှ်ေ • Governance and Resistance in Conflict-Affected Contexts • Community Resilience Amid Conflict • Mon Political Economy • Youth, Politics, and Education • Gendered Impacts of Conflict

တန်ဗ္တောန်မဂွံတုဲဒှ်ဍိုက်ဍိုက်ပေၚ်ပေၚ်ဂှ် ညးမကေတ်လ္ရတ်ဂမၠိုၚ် ဒးချူလိက်ပတိုန်ဂလာန်သုတေသန (Research Proposal) ကေုာံ လိက်ဒုၚ်စရၚ်သုတေသန (Research Report) တုဲ ညံၚ်ဇြဟတ်ပွမစိုန်သ္ကီုဂွံခိုဟ်အာဂှ်လေဝ် နကဵုတန်ဗ္တောန်ပူဂဵု (Coaching) ဂှ်လေဝ် ဗ္တောန်အာကဵုရောၚ်။

Institute of Borderland and Ethnic Studies (iBES) မှ ပဋိပက္ခဒဏ်သင့် လူမှုအသိုက်အဝန်းများနှင့် သက်ဆိုင်သော သုတေသနလုပ်ငန်း စတင်အကောင်အထည်ရန် စိတ်ပါဝင်စားသည့် လူငယ်များအတွက် (Mini Research Project Training) ကို Online training တခု ဖွင့်လှစ်လိုက်ပါပြီ။ ဦးစားပေးမည့်အဓိကခေါင်းစဉ်များတွင်

Governance and Resistance in Conflict-affected Contexts
Community Resilience Amid Conflict
Mon Political Economy
Youth, Politics, and Education
Gendered Impacts of Conflict တို့ ပါဝင်သည်။

သင်တန်းပြီးမြောက်ရန်အတွက် သင်တန်းသားများအနေဖြင့် သုတေသနအဆိုပြုလွှာ (Research Proposal) များ ရေးသားခြင်းနှင့် သုတေသနအစီရင်ခံစာ (Research Report) များ ပြုစုခြင်းတို့တွင် ကျွမ်းကျင်မှု ပိုမိုအားကောင်းလာစေရန် တယောက်ချင်းစီ လမ်းညွှန်မှုများ (Coaching) ဖြင့် လေ့ကျင့်သင်ကြားပေးရန် ရည်ရွယ်ပါသည်။

စိတ်ပါဝင်စားပါကအောက်ပါ link ကနေတစ်ဆင့်လျှောက်ထားနိုင်ပါသည်
https://docs.google.com/forms/d/115K-qLyX_X1u6nCvcACPX_bVC5O2cStVrg3jMEOqToI/edit

05/02/2026

“နိုင်ငံရေးအရ ဦးတည်ချက်ပေါ့လေ နောက်ပြီးတော့ ဒီတော်လှန်ရေးရဲ့ ဘုံရည်မှန်းချက်က အထွေ ထွေအားဖြင့် ဒီအင်အားစုတွေကြားထဲမှာ တူညီတယ်လို့တော့ ပြောလို့ရတယ်ပေါ့နော်။ ဒါပေမဲ့ တကယ့် တကယ် သွားချင်တဲ့ နည်းလမ်းပုံစံတွေကြားထဲမှာ ညှိနှိုင်းလို့ မရနိုင်လောက်တဲ့၊ မရသေးဘူးဆိုတဲ့ အခြေအနေ မျိုးက ဒီလက်ရှိအခြေအနေမှာ စိန်ခေါ်မှုဖြစ်နေသေးတယ်လို့တော့ ကျနော် မြင်ပါတယ်”

မွန်အစိုးရ ဖွဲ့စည်းရန် တော်လှန်ရေး အဖွဲ့များကို NRFF တိုက်တွန်း

သတင်းနှင့် မီဒီယာ ကွန်ရက်။
၂၀၂၆ ခုနှစ်၊ ဖေဖော်ဝါရီလ ၃ ရက်။

မွန်တော်လှန်ရေး အင်အားစုများအကြား မွန်ပြည်သူတို့လိုလားသည့် ‘မွန်အစိုးရ’ တစ်ရပ်ကို အမြန်ဆုံးအကောင်အထည်ဖော်ရန် ရာမညဖက်ဒရယ် အင်အားစုသစ် (NRFF) က တိုက်တွန်းလိုက်သည်။

ထိုသို့ ဖြစ်ပေါ်ရန် အတွက် ပြည်သူ့အကျိုးစီးပွားကို ရှေးရှုကာ ပေါင်းစပ်ညှိနှိုင်းမှုများပြုလုပ်ဖို့လည်း NRFF က တိုက်တွန်းထားသည်။

ယမန်နေ့ (ဖေဖော်ဝါရီ ၂ ရက်) တွင် ကျရောက်သည့် ၇၉ ကြိမ်မြောက် မွန်အမျိုးသားနေ့တွင် NRFF က သဘော ထားထုတ်ပြန်ခဲ့ခြင်းဖြစ်ပြီး၊ လက်နက်ကိုင် တော်လှန်ရေးနှင့် နိုင်ငံရေးတိုက်ပွဲကို ဟန်ချက်ညီညီ ဖော်ဆောင်နိုင်မှ သာ ကိုယ်ပိုင်ပြဋ္ဌာန်းခွင့်ရှိသော လွတ်လပ်သည့် မွန်ပြည်သစ်ကို ရရှိနိုင်မည်ဟု ဆိုသည်။

တော်လှန်ရေးအင်အားစုများအကြား ဘုံရည်မှန်းချက် တူညီသော်လည်း လုပ်ငန်းစဉ်ပိုင်းတွင် စိန်ခေါ်မှုများရှိနေ ခြင်းနှင့် ပတ်သက်၍ NRFF ပြောရေးဆိုခွင့်ရှိသူ နိုင်ပီတာက ယခုကဲ့သို့ ပြောသည်။

နိုင်ပီတာက “နိုင်ငံရေးအရ ဦးတည်ချက်ပေါ့လေ နောက်ပြီးတော့ ဒီတော်လှန်ရေးရဲ့ ဘုံရည်မှန်းချက်က အထွေ ထွေအားဖြင့် ဒီအင်အားစုတွေကြားထဲမှာ တူညီတယ်လို့တော့ ပြောလို့ရတယ်ပေါ့နော်။ ဒါပေမဲ့ တကယ့် တကယ် သွားချင်တဲ့ နည်းလမ်းပုံစံတွေကြားထဲမှာ ညှိနှိုင်းလို့ မရနိုင်လောက်တဲ့၊ မရသေးဘူးဆိုတဲ့ အခြေအနေ မျိုးက ဒီလက်ရှိအခြေအနေမှာ စိန်ခေါ်မှုဖြစ်နေသေးတယ်လို့တော့ ကျနော် မြင်ပါတယ်” ဟု ပြောသည်။


ထို့ပြင် NRFF အနေဖြင့် အာဏာရှင်စနစ်အမြစ်ပြတ်ရေးနှင့် ဖက်ဒရယ်ပြည်ထောင်စု ပေါ်ထွန်းရေးအတွက် ဆက်လက်တိုက်ပွဲဝင်သွားမည်ဟု ကတိပြုထားသည်။

အလားတူ စစ်ကော်မရှင်က ဖော်ဆောင်နေသည့် တရားမဝင် ရွေးကောက်ပွဲမှ တစ်ဆင့် ပေါ်ပေါက်လာမည့် အတုအယောင် လွှတ်တော်နှင့် အစိုးရတို့ကိုလည်း အသိအမှတ်မပြုဘဲ ဆန့်ကျင်သွားကြရန် မွန်ပြည်သူများကို တိုက်တွန်းထားသည်။

ပြည်သူလူထု၏ ပါဝင်မှုကဏ္ဍနှင့် ပတ်သက်၍လည်း နိုင်ပီတာက “ပြည်သူတွေရဲ့ တွန်းအားနဲ့ပဲ ဒီတော်လှန်ရေး က ရှေ့ဆက်နေတာပါ။ ပြည်သူတွေရဲ့ ပူးပေါင်းပါဝင်မှုက ဒီတော်လှန်ရေးမှာ အခရာကျပါတယ်။ ကျနော်တို့ NRFF အနေနဲ့ကတော့ အမျိုးသားတော်လှန်ရေး ပန်းတိုင်ရောက်ဖို့လည်း တစိတ်တပိုင်းပါဝင်သလို၊ ဒီနွေဦး တော်လှန်ရေး အောင်မြင်ဖို့ အတွက်ပါ ကျရာအခန်းကဏ္ဍကနေ ကျနော်တို့က ပါဝင်သွားမှာ ဖြစ်ပါတယ်” ဟု ပြောသည်။

လက်ရှိရွေးကောက်ပွဲတွင် အနိုင်ရထားသည့် မွန်ပါတီများသည် စစ်ရာဇဝတ်မှုတွင် ကြံရာပါများဖြစ်နေပြီး၊ ၎င်းတို့၏ ကတိကဝတ်များသည်လည်း လက်တွေ့ဖြစ်နိုင်ခြေမရှိသဖြင့် ယုတ္တိမတန်ကြောင်း NRFF က ဝေဖန်ထားသည်။

NRFF အနေဖြင့် စစ်ကော်မရှင်၏ ရွေးကောက်ပွဲကို အပိုင်း ၃ ပိုင်းလုံးကို ဆန့်ကျင်ခဲ့ပြီး၊ နောင်တွင်လည်း မဟာ မိတ်များနှင့်အတူ စစ်အာဏာရှင်ဆန့်ကျင်ရေး တိုက်ပွဲများကို လူထုအသိပညာပေးမှုများနှင့်အတူ အရှိန်အဟုန် မြှင့် လုပ်ဆောင်သွားမည်ဖြစ်ကြောင်း ဆိုသည်။


#မွန်တော်လှန်ရေး #ရာမညဖက်ဒရယ်အင်အားစုသစ်

05/02/2026

"နွေဦးတော်လှန်ရေးကနေ သန္ဓေတည်ပေါက်ဖွားလာတဲ့ သပိတ်အဖွဲ့အနေနဲ့ အာဏာရှင်စနစ်တိုက်ဖျက်ရေးနဲ့ ဖက်ဒရယ်ပြည်ထောင်စုပေါ်ထွန်းလာရေးကို ဘုံရည်မှန်းချက်အဖြစ် လက်ခံထားပါတယ်။ NRFF အနေနဲ့ တော်လှန်ရေး ၅ နှစ်တာကာလအတွင်း နိုင်ငံရေးတိုက်ပွဲနဲ့ လူထုတိုက်ပွဲတွေမှာ အဖိနှိပ်ခံပြည်သူတွေနဲ့ တသားတည်း ရပ်တည်ခဲ့သလို တော်လှန်ရေးကို မျက်နှာမူပြီး ဆက်လက်ရပ်တည်သွားမှာလည်း ဖြစ်ပါတယ်”

05/02/2026

“သမိုင်းအရ မွန်တွေဟာ တော်လှန်ရေး၊ နိုင်ငံရေးမှာ ဩဇာရှိခဲ့ကြပါတယ်။ ဒါပေမဲ့ အာဏာသိမ်းမှု အလွန်ကာလမှာတော့ မွန်တော်လှန်ရေး၊ နိုင်ငံရေးဟာ တဝဲလည်လည် ဖြစ်ခဲ့ရတာကြောင့် နွေဦးတော်လှန်ရေးမှာ မွန်တွေမျက်နှာငယ်ခဲ့ရတယ်။ ကျွန်တော်တို့အနေနဲ့ မွန်အမျိုးသားတော်လှန်ရေးနဲ့ နွေဦးတော်လှန်ရေးဟာ လားရာတူညီကြတယ်လို့ လက်ခံယုံကြည်ထားပါတယ်”

“မွန်ပြည်သူလူထု လိုလားကြတဲ့ တန်းတူရေး၊ ကိုယ်ပိုင်ပြဋ္ဌာန်းခွင့်နဲ့ ရာမညမွန်ပြည်ဆိုတာကို အာဏာရှင်စစ်အုပ်စုနဲ့ သူတို့ရဲ့ ဖက်စစ်စနစ်အောက်ကနေ တောင်းယူလို့ရမှာမဟုတ်ပါဘူး။
စစ်အုပ်စုထိန်းချုပ်မှုအောက်က အမျိုးသားနေ့အခမ်းအနားဆိုတာဟာလည်း နိုင်ငံရေး၊ တော်လှန်ရေး အနှစ်သာရမပါဘဲ ဟန်ပြသက်သက်သာ ပြုလုပ်လို့ ရနိုင်မှာပါ”