Mawlamyine University Students' Union, Mawlamyine University Students' Union Office, Mawlamyine (2026)

07/04/2026

"အစဉ်အလာကြီးမားသည့် တက္ကသိုလ် ပါမောက္ခချုပ်ဘဝမှ စည်ပင်သာယာဝန်ကြီးဘဝသို့"

7 April 2026 | MLMU News

မော်လမြိုင်တက္ကသိုလ် ပါမောက္ခချုပ်ဟောင်း ဒေါက်တာအောင်မြတ်ကျော်စိန်ကို အာဏာသိမ်းစစ်ခေါင်းဆောင် မင်းအောင်လှိုင် ဦးဆောင်သည့် တရားမဝင် အစိုးရအဖွဲ့ လက်အောက်ခံ၊ မွန်ပြည်နယ် ပြည်နယ်အစိုးရအဖွဲ့သစ်တွင် စည်ပင်သာယာရေးရာဝန်ကြီးအဖြစ် ခန့်အပ်လိုက်ကြောင်း ထုတ်ပြန်ချက်များအရ သိရှိရသည်။

၎င်းသည် ပြီးခဲ့သည့် ၂၀၂၃ ခုနှစ်၊ ဖေဖော်ဝါရီလမှ စတင်၍ တရားမဝင် မွန်ပြည်နယ် အစိုးရအဖွဲ့တွင် သယံဇာတရေးရာ ဝန်ကြီးအဖြစ် တာဝန်ယူခဲ့ကာ ထိုတာဝန်ယူထားစဉ်ကာလ၌ အာဏာသိမ်း စစ်ကောင်စီမှ ပေးအပ်သည့် ဝဏ္ဏကျော်ထင်ဘွဲ့ကိုရရှိခဲ့သည်။

ထိုသို့အာဏာသိမ်းစစ်တပ်နှင့် ပလဲပနံသင့်သည့် ဒေါက်တာအောင်မြတ်ကျော်စိန်ကို အမျိုးသားညီညွတ်ရေး အစိုးရနှင့် မော်လမြိုင်တက္ကသိုလ် ကြားကာလ တက္ကသိုလ် ကောင်စီတို့က ၂၀၂၁ ခုနှစ်၊ အောက်တိုဘာလကတည်းက ရာထူးမှ ထုတ်ပယ်ပြီး အမည်ပျက်စာရင်းသွင်းထားသည်။

https://www.facebook.com/share/1CTgLHcp6m/

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

10/03/2026

တော်လှန်ရေးအင်အားစုအချင်းချင်းကြား လက်နက်အင်အား မသုံးဘဲ မဟာမိတ်နည်းလမ်း
ဖြင့်သာ ဖြေရှင်းကြရန် တော်လှန်ရေးအင်အားစုအသီးသီးမှ ထုတ်ပြန်ကြေညာချက်
ရက်စွဲ - မတ်လ (၁၀) ရက်/ ၂၀၂၆ ခုနှစ်

ယခုအချိန်တွင် စစ်အာဏာရှင်စနစ်ကို ဆန့်ကျင်တော်လှန်နေကြသည့် အင်အားစုအသီးသီးအနေဖြင့် လက်နက်ကိုင်တော်လှန်ရေးအဆင့်ထိ တက်လှမ်းနိုင်ခဲ့သည်အထိ တော်လှန်ရေးရေချိန်မှာ မြင့်မားခဲ့ပြီဖြစ်သည်။ အင်အားစုအချင်းချင်းကြား ညီညွတ်မှုကို ရှေ့တန်းတင်ကာ စစ်အာဏာရှင်တပ်များကို တိုက်ထုတ်နိုင်သည့် စစ်ရေးတိုက်ပွဲများကိုလည်း အောင်မြင်စွာ ဆင်နွှဲနိုင်သည်မှာ ဂုဏ်ယူအားတက်ဖွယ် ဖြစ်သည်။

သို့ရာတွင် တော်လှန်ရေးအင်အားစုအချင်းချင်းကြား စစ်အာဏာရှင် အမြစ်ပြတ်ဖြုတ်ချရေးကို မျက်နှာလွှဲ၍ မိမိအဖွဲ့အစည်း၏ ကိုယ်ကျိုးစီးပွားကို ရှေ့တန်းတင်ကာ အချင်းချင်းကြား ရန်သူသကဲ့သို့ လက်နက်ကြီးငယ်နှင့် ခြိမ်းခြောက်ဖြေရှင်းခြင်း၊ လူထုအပေါ် လက်နက်အားကိုး အနိုင်ကျင့်ခြင်း စသည့် ရုပ်ဆိုးအကျည်းတန်သည့် လုပ်ရပ်များကိုလည်း တနေ့တခြား ပိုမိုတွေ့မြင်လာရသည်။

ကျွန်ုပ်တို့၏ ဘုံရန်သူမှာ စစ်အာဏာရှင်စနစ်ဖြစ်သည်။ ကျွန်ပ်တို့၏ ဘုံရည်မှန်းချက်မှာ စစ်အာဏာရှင်စနစ်ကို အမြစ်ဖြတ်ရေး ဖြစ်သည်။ ထိုဘုံရန်သူကို ဆန့်ကျင်နေသည့် တော်လှန်ရေးအင်အားစုများအားလုံးသည် တလှေတည်းစီး တခရီးတည်းသွားနေကြသော မဟာမိတ်များ ဖြစ်သည်။ မည်ကဲ့သို့သော ပဋိပက္ခများရှိစေကာမူ မဟာမိတ်အင်အားစုများ အချင်းချင်းကြား စစ်အင်အားဖြင့် ဖြေရှင်းခြင်းသည် ရန်သူအပေါ်သဘောထားနှင့် ဆင်တူနေသကဲ့သို့ လက်နက်အားကိုးဖြင့် ဖြေရှင်းရေးသည် စစ်ဝါဒီရန်သူ၏ နည်းလမ်းဖြစ်ကြောင်းကို သတိထားရမည်ဖြစ်သည်။ ထိုလုပ်ရပ်များသည် ပြည်သူလူထုနှင့် တော်လှန်ရေးတစုံလုံးအပါအဝင် မည်သည့်တော်လှန်ရေးအင်အားစုအတွက်မှ အကျိုးအမြတ်မရှိဘဲ ရန်သူ အမြတ်ထုတ်နိုင်ရန်သာ ထောက်ပံ့ပေးသည်။

အမှန်မှာ ကျွန်ုပ်တို့တော်လှန်ရေးအင်အားစုများသည် “မဟာမိတ်ကို အားပြု၊ ကြားနေကို စည်းရုံး၊ ရန်သူကို တိုက်” ဆိုသည့် သဘောတရားကို လက်ကိုင်ထားကာ လုပ်ငန်းစဉ်များကို ဖော်ဆောင်ရမည်ဖြစ်သော်လည်း လက်တွေ့အခြေအနေမှာမူ ဆန့်ကျင်ဘက်သာ ဖြစ်နေသည်။ ယခုဆိုလျှင် တော်လှန်ရေးအဖွဲ့အစည်းအချင်းချင်း စစ်ရေးတိုက်ပွဲများ၊ တဖက်အဖွဲ့အစည်းမှ သူများကို ခိုင်မာသည့် အကြောင်းပြချက် မရှိ ဖမ်းဆီးမှုများ၊ မိတ်ဖက်အင်အားစုအချင်းချင်း နိုင်ငံရေးအရ တန်းတူမဆက်ဆံမှုများ၊ တော်လှန်ရေးအဖွဲ့အစည်းများမှ လူထုအပေါ် လက်နက်အားကိုးနှိပ်စက်မှုများအား ခပ်စိတ်စိတ် တွေ့လာရသည်။

ထို့ကြောင့် ကျွန်ုပ်တို့သည် တော်လှန်အင်အားစုအချင်းချင်းနှင့် ပြည်သူလူထုအပေါ် လက်နက်အားကိုး၊ စစ်ရေးအားကိုး၍ ဖြေရှင်းသည့် လုပ်ရပ်များအားလုံးကို ဆန့်ကျင်သည်။ ရန်ငါစည်းကို တိကျပြတ်သားစွာ သတ်မှတ်ထားပြီး ရန်သူကို တိုက်ချိန်တွင် မဟာမိတ်ချင်း ကျောချင်းကပ် ညှိနှိုင်းတိုင်ပင်ပြီး စုပေါင်းခေါင်းဆောင်မှုဖြင့် မဟာမိတ်များကြားပြဿနာကို အဖြေရှာသင့်သည်။ ပွင့်လင်းမြင်သာမှုနှင့် ညှိနှိုင်းဆောင်ရွက်မှုမရှိသော လုပ်ဟန်များသည် ဘဝတူအဖွဲ့အစည်းများကြား အရေးပါသည့် ယုံကြည်မှုကို ပျက်ပြားစေရာ ရန်သူ့အကြိုက်လည်း ဖြစ်ပေသည်။ ထို့ကြောင့် မဟာမိတ်များကြားပြဿနာကို မဟာမိတ်နည်းလမ်းဖြင့် ဖြေရှင်းရန်နှင့် စည်းရုံးရေးဆန်စွာ ဖြေရှင်းရန် တပါတည်း တိုက်တွန်းလိုသည်။

မည်သည့်အဖွဲ့အစည်းဝင်ဖြစ်နေကာမူ ပြစ်မှုကျူးလွန်ကြောင်း ထင်ရှားစွာစစ်ဆေးတွေ့ရှိသူများကို ထိုက်သင့်သည့် အပြစ်ပေးအရေးယူမှုများ မဖြစ်မနေလုပ်ဆောင်ရမည်။

သို့ရာတွင်လည်း တော်လှန်ရေးပုံရိပ်ကျမည်ကို စိုးရိမ်၍ ဖုံးဖုံးဖိဖိလုပ်ကြသည်ထက် ပြစ်မှုကျူးလွန်ကြောင်း ထင်ရှားသည်နှင့်အမျှ အပြစ်ပေးအရေးယူမှုကို အများသူငှာရှေ့တွင် ရဲရဲဝံ့ဝံ့ထုတ်ဖော်ပြောဆို စီရင်ချက်ချသည်မှာ မှန်ကန်နည်းလမ်းနှင့် ဖြေရှင်းခြင်းဖြစ်သည်။ ထို့အပြင် စီရင်ဆုံးဖြတ်ခြင်း လုပ်ငန်းများကို သက်ဆိုင်ရာအဖွဲ့အစည်းများအပြင် ပြည်သူလူထုထံသို့ ထိုက်သင့်သည့်အလျောက် ရှင်းလင်းချပြ အစီရင်ခံမှုပြုမှသာ လွတ်လပ်ပွင့်လင်းပြီး တရားမျှတမှုရှိသည့် တရားစီရင်ရေးစနစ်တခုကို အကောင်အထည်ဖော်နိုင်မည်။တော်လှန်ရေး၏ အရေးပါသော အခန်းကဏ္ဍတွင် ရှိနေသည့် အမျိုးသားညီညွတ်ရေးအစိုးရ (NUG) ကဲ့သို့ အဖွဲ့အစည်းတရပ်အနေနှင့် လည်းကောင်း၊ လူမျိုးစုလက်နက်ကိုင်တော်လှန်ရေး အင်အားစုများသည်လည်းကောင်း မဟာမိတ်ဆက်ဆံရေးဆိုင်ရာ မူဝါဒများကို မှန်ကန်စွာ ချမှတ်ပြီး အခိုင်အမာလိုက်နာရန် ကျွန်ုပ်တို့က ထပ်ဆောင်းတိုက်တွန်းလိုသည်။

တဖက်တွင်လည်း တော်လှန်ရေးအင်အားစုအချင်းချင်းကြား အင်အားကြီးသူ၊ ငယ်သူ ကြီးနိုင်ငယ်ညှင်း ဆက်ဆံရေးများအား ရှုတ်ချပြီး အချင်းချင်းကြား နိုင်ငံရေးအရ တန်းတူသည့် စစ်အာဏာရှင်စနစ်အမြစ်ပြတ်ဖြုတ်ချရေး ဘုံရည်မှန်းချက်အပေါ် အခြေခံသော တပ်ပေါင်းစုတရပ် ပေါ်ထွက်နိုင်ရန် ရည်ရွယ်ချက်ရှိရှိ တည်ဆောက်ရန်လည်း အလျှင်အမြန် လိုအပ်နေပြီ ဖြစ်သည်။ သို့မှသာ ထိုကဲ့သို့ မိတ်ဖက်အဖွဲ့များကြား စစ်ရေးဖြင့် ဖြေရှင်းသည့်လုပ်ဟန်များ၊ ကြီးနိုင်ငယ်ညှင်းလုပ်ရပ်များ ပပျောက်နိုင်မည်ဖြစ်ပြီး ဘုံရန်သူ စစ်အာဏာရှင်စနစ်ကို အမြစ်ဖြတ်ချေမှုန်းရေးအတွက် အမှန်အကန် ထိရောက်သည့် လုပ်ငန်းစဉ်များ ချမှတ်နိုင်မည် ဖြစ်သည်။

ထို့ကြောင့် ကျွန်ုပ်တို့ တော်လှန်ရေးအင်အားစုများမှ စစ်အာဏာရှင်စနစ်ဆန့်ကျင်ရေးလမ်းကြောင်းပေါ် လျှောက်လှမ်းနေသည့် အခြားမိတ်ဖက်အဖွဲ့အစည်းများအား ယခုထုတ်ပြန်ချက်မှတဆင့် အချက်(၃)ချက်အား တောင်းဆိုလိုက်သည်။

(၁) တော်လှန်ရေးအင်အားစုအချင်းချင်းကြား စစ်ရေးနည်းမသုံးဘဲ မဟာမိတ်နည်းလမ်းဖြင့်သာ ညှိနှိုင်းဖြေရှင်းရန်
(၂) တော်လှန်ရေးအင်အားစုများကြား နိုင်ငံရေးအရ တန်းတူမှုရှိသည့် ဘုံသဘောထားနှင့် ရှင်းလင်းသည့် မူများအခြေခံပြီး
တပ်ပေါင်းစုတရပ်ကို ရည်ရွယ်ချက်ရှိရှိ တည်ဆောက်ရန်
(၃) ပသုံးလုံးယန္တရား၏ လူထုအပေါ်ထိခိုက်နစ်နာစေသည့် လုပ်ဟန်များအား အမြန်ဆုံးဖြေရှင်းပေးရန်

“တပ်ပေါင်းစု၍ အတူရပ်၊ စစ်သုံးစစ်ကို အမြစ်ဖြတ်”

Arakan Youth Peace Network - AYPN
ASR-ASSOCIATION of SPRING RAINBOW
Chin Students’ Union of Myanmar
Defend Myanmar Democracy
Former ABSDF (Communication & Advisory)
India for Myanmar
Interim Basic Education Federal School Unions' Representative Committee
MyaYar Knowledge Tree
New Generation Force - NGF
Save Myanmar SF
Alliance for Democracy in Myanmar
Anti Dictatorship in Burma DMVPA Area
Sisters2Sisters - S2S
Volunteers in Myanmar
Yangon Deaf Group
ကရင်နီပြည်လူငယ်များသမဂ္ဂ - UKSY
ကျောင်းသားသမဂ္ဂကိုယ်စားလှယ်များကော်မတီ - SURC
ကျောင်းသားသမဂ္ဂများတပ်ပေါင်းစု - မကွေး
ကျောင်းသားအင်အားစုများကွန်ယက် - NSF
ကျောက်တံတားမြို့နယ်သပိတ်ကော််မတီ - KSC
ကြည့်မြင်တိုင်လူငယ်များသပိတ်ကော်မတီ - KYSC
စီဒီအမ်ပညာရေးဝန်ထမ်းများသမဂ္ဂ - CDMUEW
ဆန်မာတေးအိုရ်ဗမာပြည်ကျောင်းသားများအစည်းအရုံး
စစ်ငြိမ်းပန်းဖောင်ဒေးရှင်း
တိုးတက်သောမွတ်စ်လင်မ်လူငယ်အစည်းအရုံး - PMYA
ပဲခူးတက္ကသိုလ်ကျောင်းသားသမဂ္ဂ
ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် - ABFSU
ဗမာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် - ABFTU
ဗမာနိုင်ငံလုံးဆိုင်ရာ တောင်သူလယ်သမား သမဂ္ဂများ အဖွဲ့ချုပ်
ဗမာနိုင်ငံလုံးဆိုင်ရာအမျိုးသမီးများသမဂ္ဂ - ABWU
မုံရွာတက္ကသိုလ်ကျောင်းသားများသမဂ္ဂ
မြန်မာနိုင်ငံ သူနာပြုသားဖွားသင်တန်းကျောင်းများကျောင်းသားသမဂ္ဂအဖွဲ့ချုပ်
ယောလူထုတိုက်ပွဲကော်မတီ
ယိမ်းနွဲ့ပါး - Yain Nweh Par
ရခိုင်ကျောင်းသားများသမဂ္ဂ - ASU
ရန်ကုန်တော်လှန်ညီနောင် ၄ ဖွဲ့ - Y4B
ရန်ကုန်ဖက်ဒရယ်‌ကျောင်း ကျောင်းသားများသမဂ္ဂ - YFSSU
ရန်ကုန်အရှေ့ပိုင်းတက္ကသိုလ်ကျောင်းသားများသမဂ္ဂ
ရတနာပုံတက္ကသိုလ်ကျောင်းသားများသမဂ္ဂ
ရေဘဝဲ (ပြည်သူ့အကျိုးပြု လူငယ်အဖွဲ့အစည်း)
လွတ်လပ်သောလူငယ်များအစည်းအရုံး - IYO
သွေးစွန်း‌ငွေ - BMC
စစ်အာဏာရှင်စနစ်တိုက်ဖျက်ရေး အထွေထွေသပိတ်ကော်မတီ - GSC
အထွေထွေသပိတ်ပေါင်းစပ်ညှိနှိုင်းရေးအင်အားစု - GSCB
အခြားအမည်ဖော်ပြရန် အခက်အခဲရှိသော အဖွဲ့အစည်း (၂)ဖွဲ့

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

23/02/2026

မော်လမြိုင်တက္ကသိုလ်ကျောင်းသားများသမဂ္ဂ - MLMU-SUနှင့် ဒူးပလာယာခရိုင် KYO - ကရင်လူငယ်အစည်းအရုံးတို့ ဦးစီးဖွင့်လှစ်သော လူငယ်ဖွံ့ဖြိုးတိုးတက်ရေး သင်တန်း -YDT အပတ်စဉ် (၂) သင်တန်း ဖွင့်လှစ်ပြီးစီး။

၂၀၂၆ခုနှစ်၊ ဖေဖော်ဝါရီလ (၂၃)ရက် (တနင်္လာနေ့)

မော်လမြိုင်တက္ကသိုလ်ကျောင်းသားများသမဂ္ဂ - MLMU-SUနှင့် ဒူးပလာယာခရိုင် KYO - ကရင်လူငယ်အစည်းအရုံးတို့ ဦးစီးဖွင့်လှစ်သော လူငယ်ဖွံ့ဖြိုးတိုးတက်ရေး သင်တန်း -YDT အပတ်စဉ် (၂)ကို ဒူးပလာယာခရိုင်၊ ၀င်းရေးမြို့နယ်တွင် ၃လတာကို သင်တန်းသားဦးရေ ၂၁ဦးဖြင့် ဖွင့်လှစ်ပြီးစီးခဲ့ပါသည်။၎င်းသင်တန်းတွင်
၁. ကွန်ပြူတာ
၂. အထွေထွေနိုင်ငံရေး
၃. ဗမာ့နိုင်ငံရေးဖြစ်စဉ်သမိုင်း
၄. ကျောင်းသားနှင့် ကျောင်းသားသမဂ္ဂလှုပ်ရှားမှုသမိုင်း
၅. Basic Politics
၆. နိုင်ငံရေးဝါဒနှင့်စနစ်များ
၇. Good Government
၈. Governance and Government System
၉. မွန်အမျိုးသားသမိုင်း
၁၀. ဗမာ့သမိုင်း
၁၁. ကရင်အမျိုးသားသမိုင်း
၁၂. မွန်အုပ်ချုပ်ရေးprogram
၁၃. KNU အုပ်ချုပ်ရေး program
၁၄. မွန်လူငယ်program
၁၅. ကရင်လူငယ်program
၁၆. Local Government
၁၇. Democracy System
၁၈. Introduction To Federal
၁၉. Federal Arrangements for Minority Protection
၂၀. Federalism
၂၁. Political Update
၂၂. Law
၂၃. S*x Education and Women Right
၂၄. Media
၂၅. Gender
၂၆. Human Rights
၂၇. International Humanitarian Law
၂၈. Federal Democracy Charter
၂၉. Office Management
စသည့် ဘာသာရပ်များကို လေ့လာရသည့်အပြင် သင်တန်းအတွင်း ‌သင်တန်းသားများလှုပ်ရှားမှုအနေဖြင့် Debateများ၊ Leaderတွေကို မဲပေးရွေးချယ်မှု ရွေးကောက်ပွဲ စနစ်များ၊ သင်တန်း၏ အုပ်ချုပ်ရေး စည်းကမ်းများကို ကျောင်းသားတွေကိုယ်တိုင် သင်တန်းဖွဲ့စည်းပုံအခြေခံဥပဒေရေးဆွဲခြင်းများနှင့် နယ်မြေကွင်းဆင်းမှုများကို ဆောင်ရွက်ခဲ့ကြပြီး သင်တန်းဆင်းပွဲကို ၂၀၂၆ခုနှစ်၊ ဖေဖော်ဝါရီလ(၁၅)ရက်နေ့၊ တနင်္ဂနွေနေ့တွင် အောင်မြင်စွာ ကျင်းပပြုလုပ်ပြီးစီးခဲ့ပါသည်။

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

12/02/2026

ဖေဖော်ဝါရီလ (၁၂)ရက် မော်လမြိုင်တက္ကသိုလ် အရေးတော်ပုံနေ့ (၅) နှစ်ပြည့် အထိမ်းအမှတ် ထုတ်ပြန်ကြေညာချက်

စာအမှတ် - ၀၀၂/ထုတ်ပြန်(အရေးတော်ပုံနေ့)/မလမတကသ/၂၀၂၆
ရက်စွဲ - ၂၀၂၆ခုနှစ်၊ ဖေဖော်ဝါရီလ(၁၂)ရက်၊ (ကြာသပတေးနေ့)

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

12/02/2026

"မော်လမြိုင်တက္ကသိုလ် အရေးတော်ပုံနေ့"
၂၀၂၁ခုနစ် ဖေဖော်ဝါရီလ (၁၂) ရက်နေ့ ဖြစ်စဉ်အကျဉ်း ရုပ်သံဖိုင်

#နောက်ခံစကားပြော_မိနေခြည်စိုးစိမ့်

#မှတ်တမ်း_မော်လမြိုင်တက္ကသိုလ်ကျောင်းသားများသမဂ္ဂ_မှတ်တမ်းနှင့်ရုံးအဖွဲ့

#၂၀၂၆ခုနစ်_ဖေဖော်ဝါရီလ_၁၂ရက်_နှစ်ပတ်လည်

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

12/02/2026

ဖေဖော်ဝါရီလ (၁၂)ရက် ၂၀၂၁ခုနှစ် နေ့ရက်တွေ ဖြစ်ပွားခဲ့သော ဖြစ်စဉ်အတွက် မော်လမြိုင်တက္ကသိုလ်ကျောင်းသားများသမဂ္ဂ၏ သတင်းစဉ်တွင် ဖော်ပြခဲ့သည့် မှတ်တမ်းတင်သတင်းစာသားပြန်ကြားမှုကို ယနေ့ (၅)နှစ်ပြည့် နှစ်ပတ်လည် "မော်လမြိုင်တက္ကသိုလ် အရေးတော်ပုံနေ့"အတွက် ပြန်လည်ဖော်ပြအပ်ပါသည်။ မှတ်တမ်းဓာတ်ပုံများမှာကို တက်နိုင်သလောက် ထပ်ဆင့် စုစည်းမှတ်တမ်းတင်အပ်ပါသည်။

" မော်လမြိုင်တက္ကသိုလ် စာဖတ်သူများအသင်း သတင်းအစီအစဉ် " [ MURC news ]

မော်လမြိုင်တက္ကသိုလ် ကျောင်းသားများသမဂ္ဂ
သပိတ်စစ်ကြောင်း အကြမ်းဖက် ဖြိုခွင်းခံရ

12 Feb 2021
မော်လမြိုင်

ယနေ့ မနက် ( ၉ ) နာရီကျော်ခန့် အချိန်တွင် တက္ကသိုလ်ဝင်းအတွင်းမှ စတင်ချီတက်လာသော မော်လမြိုင်တက္ကသိုလ် ကျောင်းသားများသမဂ္ဂ
သပိတ်စစ်ကြောင်းအား ရဲတပ်ဖွဲ့မှ ပိတ်ဆို့၍ အယောင်ပြ ညှိနှိုင်းဟန်ဆောင်ကာ သပိတ်မှောက်ကျောင်းသား စောညိုမင်း ( ရူပဗေဒ ) အပါအဝင် ကိုဟိန်းဇော်အောင် ( မြန်မာစာ )၊ ကိုပြည့်စုံဖြိုး ( ဓာတုဗေဒ )၊ ကိုထွန်းငြိမ်းဦး ( အဏ္ဏဝါသိပ္ပံ ) ကျောင်းသားများအား အတင်းအဓမ္မ ဖမ်းဆီးခေါ်ဆောင်သွားခဲ့သည်။

ထို့နောက်တွင် ရဲတပ်ဖွဲ့မှ ငြိမ်းချမ်းစွာ ဆန့်ကျင်ဆန္ဒပြနေကြသော သပိတ်မှောက်ကျောင်းသားကျောင်းသူများအား ရိုက်နှက်ခြင်း၊ ကန်ကျောက်ခြင်းများ စတင်ပြုလုပ်၍ မော်လမြိုင်တက္ကသိုလ် ကျောင်းသားများသမဂ္ဂ သပိတ်စစ်ကြောင်းကို
အကြမ်းဖက် ဖြိုခွင်းခဲ့သည်။ ဖမ်းဆီးခေါ်ဆောင်သွားသော ကျောင်းသားများအား ပြန်လွှတ်ပေးရေးအတွက် မော်လမြိုင်မြို့နေ ပြည်သူလူထုမှ လာရောက်စုရုံးတောင်းဆိုလာချိန်တွင်လည်း ရာဘာကျည်များအပါအဝင် ကျည်အစစ်များအသုံးပြု၍ လူစုခွဲခဲ့သည်။

ထိုသို့ အကြမ်းဖက် လူစုခွဲချိန်တွင်လည်း အပြစ်မဲ့ပြည်သူ ( ၅ ) ဦးကို ဖမ်းဆီးခေါ်ဆောင်သွား၍ မြို့နေလူထုမှ ကျောင်းသားများနှင့် ပြည်သူများအား ချွင်းချက်မရှိ ပြန်လွှတ်ပေးရန် စည်းလုံးစွာတောင်းဆိုခဲ့ကြသည်။ ရေကားများဝင်ရောက်၍ မရအောင်လည်း ကုန်ကားကြီးများဖြင့် အဝင်လမ်းပိတ်ဆို့ပေးခဲ့ကြသည်။ ထိုနေ့ နေ့လယ်ပိုင်း၌ ဖမ်းဆီးခံ ကျောင်းသားပြည်သူများအား ပြန်လွှတ်ပေးရန် မော်လမြိုင်တက္ကသိုလ် ပါမောက္ခချုပ်အပါအဝင် ပြည်သူများ၊ ကျောင်းသားများနှင့် ရဲတပ်ဖွဲ့တို့ ညှိနှိုင်းကြရာ ရဲတပ်ဖွဲ့မှ တစ်နာရီအတွင်း ခံဝန်လက်မှတ်ရေးထိုး၍ ပြန်လည်လွှတ်ပေးမည်ဟု ကတိပြုပြီး မိနစ်ပိုင်း၌ပင် တောင်းဆိုနေကြသော ပြည်သူများအား ရာဘာကျည်များဖြင့် ဆက်တိုက် ထပ်မံ ပစ်ခတ်ခဲ့သည်။

ထိုသို့ ရဲလုပ်ထုံးလုပ်နည်းများအား မျက်နှာပြောင်တိုက်၍ ကျော်လွန်ဖောက်ဖျက်ကာ အတင်းအဓမ္မ ပစ်ခတ်လူစုခွဲခြင်း၊ ဖမ်းဆီးခြင်းများကြောင့် ဒဏ်ရာရရှိသူများ၊ ဖမ်းဆီးခံရသူများ ရှိခဲ့သော်လည်း မြို့နေပြည်သူလူထုနှင့် ကျောင်းသားကျောင်းသူများ စည်းလုံးမှု၊ တသားတည်းရှိမှုတို့ကြောင့် ဖမ်းဆီးခံကျောင်းသားကျောင်းသူများနှင့် ပြည်သူများသည် ညနေ ( ၅ ) နာရီ ( ၃၀ ) မိနစ်ခန့်တွင် ပြန်လည် လွတ်မြောက်လာခဲ့သည်။ ဖမ်းဆီးခံ ကျောင်းသားကျောင်းသူများနှင့် ပြည်သူများလွတ်မြောက်ရေးအတွက် မော်လမြိုင်မြို့နေ ကျောင်းသား ပြည်သူလူထုသည် ( ၈ ) နာရီကျော်ကြာအောင် စည်းလုံးစွာဖြင့် တောင်းဆို ဆန္ဒဖော်ထုတ်ခဲ့ကြကြောင်း ဂုဏ်ယူစွာဖြင့် မှတ်တမ်းတင်ပါသည်။

#စစ်အာဏာရှင်စနစ်ကျရှုံးပါစေ
#မတရားမှုမှန်သမျှဆန့်ကျင်ကျ
#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

12/02/2026

၅နှစ်မြောက် " မော်လမြိုင်တက္ကသိုလ်အရေးတော်ပုံနေ့ "
ဖေဖော်ဝါရီလ (၁၂)ရက်

ခေတ်အဆက်ဆက် ဖယ်ဒရယ်ဒီမိုကရေစီအရေး၊ ဒီမိုကရေစီပညာရေး၊ လူထုလူတန်းစားအလွှာအသီးသီးလွတ်မြောက်ရေး၊ တရားမျှတရေးတိုက်ပွဲများအတွင်း ရှေ့တန်းမှနေ၍ မြဲမြံစွာ မားမားမတ်မတ် ရပ်တည်လွှင့်ထူ အောင်ပွဲဆင်ခဲ့သော ရဲရင့်နီမောင်း မညွှတ်ပြောင်းသော
အာဇာနည် ရာထောင်သောင်းတို့၏ တိုက်ပွဲ၀င် ကျောင်းသားခွပ်ဒေါင်း အောင်လံတော်အား အလေးပြုပါ၏။
ခေတ်အဆက်ဆက် ဖယ်ဒရယ်ဒီမိုကရေစီအရေး၊ ဒီမိုကရေစီပညာရေး၊ လူထုလူတန်းစားအလွှာအသီးသီးလွတ်မြောက်ရေး၊ တရားမျှတရေးတိုက်ပွဲများအတွင်း အသက်ပေးလှူကျဆုံး အနစ်နာခံသွားကြသော လူမျိုးစုခေါင်းဆောင်များ၊ ကျောင်းသားခေါင်းဆောင်များ၊ ရဟန်း၊ ရှင်၊ လူ၊ ကျောင်းသား၊ ပြည်သူ၊ အညတရ သူရဲကောင်းရဲဘော်အာဇာနည်အပေါင်းအား အလေးပြုပါ၏။

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

12/02/2026

"မော်လမြိုင်တက္ကသိုလ် အရေးတော်ပုံနေ့"
၂၀၂၁ခုနှစ်၊ ဖေဖော်ဝါရီလ (၁၂)ရက်

(၅)နှစ်ပြည့် နှစ်ပတ်လည် ဖြစ်စဉ်အကျဉ်း

မြန်မာနိုင်ငံတွင် တကျော့ပြန်အာဏာသိမ်းမှုကို ၂၀၂၁ခုနစ်၊ ဖေဖော်ဝါရီလ (၁)ရက်နေ့တွင် မင်းအောင်လှိုင် ဦးဆောင်သော ဖက်ဆစ်စစ်တပ်မှ နိုင်ငံ့အာဏာနှင့် ပြည်သူ့အာဏာကို မတရားသိမ်းယူပြီးနောက် ပြည်ထောင်စု တဝန်းလုံး နေရာဒေသအသီးသီး၊ ကဏ္ဍအသီးသီးတွင် စစ်အာဏာရှင်ကို ပုံစံအမျိုးမျိုးဖြင့် သပိတ်များ၊ ဆန္ဒပြမှုများ၊ ဆန့်ကျင်မှုများ ဆက်တိုက်ဆိုသလို ဖြစ်ပွားခဲ့ပါသည်။ ထို့အထဲတွင် မော်လမြိုင်တက္ကသိုလ်သည်လည်း မွန်ပြည်နယ်၏ ပြယုဂ်တက္ကသိုလ်ကြီး ဖြစ်သည်နှင့်အညီ မော်လမြိုင်တက္ကသိုလ် ကျောင်းသားများသမဂ္ဂ၏ ဦးဆောင်မှုဖြင့် ဆန့်ကျင်ဆန္ဒပြမှုများတွင် မော်လမြိုင်တက္ကသိုလ်သည် ရှေ့ဆုံးမှ နေ၍ ပါဝင်ခဲ့ပါသည်။ မော်လမြိုင်တက္ကသိုလ် ကျောင်းသားများသမဂ္ဂသည် စစ်အာဏာသိမ်းမှုနှင့် စစ်အာဏာရှင်ကို လက်မခံကြောင်း အရေးပေါ် ကြေညာချက် (၁/၂၀၂၁)ကို ကျောင်းသားများသမဂ္ဂ ဥက္ကဋ္ဌမှ လက်မှတ်ရေးထိုး ထုတ်ပြန်ခဲ့ပါသည်။
၂၀၂၁ခုနှစ်၊ ဖေဖော်ဝါရီလ (၂) ရက်နေ့တွင် မော်လမြိုင်တက္ကသိုလ် ဦးဆောင်သပိတ်မှောက် ကျောင်းသား(၁၂)ဦးသည် မော်လမြိုင်တက္ကသိုလ် ကျောင်းသားများသမဂ္ဂရုံးခန်း အခမ်းအနားစင်မြင့်ရှေ့တွင် တက္ကသိုလ်အတိုင်းအတာဖြင့် သပိတ်မှောက်ရန် စီစဉ်ခဲ့ပြီး တက္ကသိုလ်၏ ပင်မအသက်သွေးကြောဖြစ်သော ကျောင်းသားထုညီလာခံကြီး ခေါ်ယူနိုင်ရေးကို ဆွေးနွေး တိုင်ပင်ခဲ့ကြပါသည်။ တက္ကသိုလ်ကျောင်းသားထုညီလာခံကြီးကို (၆.၂.၂၀၂၁) ခုနစ်တွင် မော်လမြိုင်တက္ကသိုလ် ဂျူဒိုကလပ်ခန်းမတွင် အောင်မြင်စွာ ကျင်းပနိုင်ခဲ့ကြပါသည်။ တက္ကသိုလ် ကျောင်းသားထု ညီလာခံကြီးမှ တောင်းဆိုချက် မူဝါဒ (၆)ချက်ကို တညီတညွှတ်တည်း တောင်းဆိုခဲ့ကြပြီး ကြွေးကြော်သံ (၄)ချက်ဖြင့် ညီလာခံကြီးကို ရပ်စဲခဲ့ကြပါသည်။
ကျောင်းသားထုညီလာခံမှ တက်ရောက်လာသော ကျောင်းသားခေါင်းဆောင် တချို့သည် နေ့လည် (၁)နာရီတွင် ကျောင်းသားများသမဂ္ဂ အစည်းအဝေးခန်းမတွင် တွေ့ဆုံခဲ့ကြပြီး (၉)ရက်နေ့တွင် မွန်ပြည်နယ် တပြည်နယ်လုံး အတိုင်းအတာဖြင့် သပိတ်မှောက်ရန် ဆုံးဖြတ်ခဲ့ကြပါသည်။ တာဝန်ခွဲဝေမှုများအရ ကျောင်းသားများသမဂ္ဂ ဥက္ကဋ္ဌ မင်းသံစဉ်ဦး ဦးဆောင်သောအဖွဲ့သည် မွန်ပြည်နယ်(၁၀)မြို့နယ်မှ သပိတ်ခေါင်းဆောင်များဖြင့် တွေ့ဆုံဆွေးနွေးကာ (၉)ရက်နေ့တွင် တပြိုင်နက်တည်း သပိတ်မှောက်ရန် စည်းရုံးဆွေး‌နွေးနိုင်ခဲ့ပြီး စစ်ကောင်စီ၏ ထောက်လှမ်းရေး အရာရှိများ နှောက်ယှက်မှုကြောင့် (၅) မြို့နယ်သာ တွေ့ဆုံနိုင်ခဲ့ပါသည်။ ကျောင်းသားများသမဂ္ဂ အထွေထွေအတွင်းရေးမှုးဟောင်း ကိုညိုမင်းနှင့် ဒုတိယ ဥက္ကဋ္ဌ ကိုဓနထွန်းတို့ ဦးဆောင်သော အဖွဲ့သည် မြို့တွင်း သပိတ်အဖွဲ့အသီးသီးနှင့် ဆွေးနွေးနိုင်ခဲ့ပါသည်။
၂၀၂၁ခုနစ်၊ ဖေဖော်ဝါရီလ (၉)ရက်နေ့တွင် မော်လမြိုင်တက္ကသိုလ်၏ အကြီးဆုံး ကျောင်းသားလူထု လှုပ်ရှားမှုကြီးကို စတင်ခဲ့ပြီး ထိုနေ့၌ပင် တားဆီးဆောင်ရွက်ခြင်းများကို ခံခဲ့ရပါသည်။ မော်လမြိုင်မြို့တွင် (၉)ရက်နေ့ တစ်ရက်တည်း၌ပင် သပိတ်စစ်ကြောင်းများစွာ ရှိသော်ငြားလည်း စစ်ကောင်စီတပ်များသည် မော်လမြိုင်တက္ကသိုလ် ကျောင်းသားများ သပိတ်စစ်ကြောင်း တကြောင်းတည်းကိုသာ (၃) ကြိမ်တိုင်တိုင် အင်အားအလုံးအရင်းဖြင့် ပိတ်ဆို့တားဆီးခဲ့ကြပါသည််။ ကျောင်းသားများသည် အမိန့်အာဏာမှန်သမျှကို ဖီဆန်လျှက် ဆက်လက်ချီတက် တောင်းဆိုခဲ့ကြပြီး ပြည်သူလူထု၏ ညီညွှတ်မှု၊ ဝန်းရံမှုများကြောင့် အောင်မြင်စွာ ပြီးဆုံးနိူင်ခဲ့ကြပါသည်။
မော်လမြိုင်တက္ကသိုလ် ကျောင်းသားများ သပိတ်စစ်ကြောင်းသည် ၂၀၂၁ခုနစ်၊ ဖေဖော်ဝါရီလ (၁၁)ရက်နေ့တွင် မော်လမြိုင်တက္ကသိုလ် ပင်မဆောင်ရှေ့မှ လုံခြုံရေး တပ်ကြပ်စွာ ချထားသော မွန်ပြည်နယ် အစိုးရရုံးရှေ့ထိ ချီတက်နိုင်ခဲ့ကြပြီး မွန်ကရင်ပအိုဝ်း တိုင်းရင်းသားများ သပိတ်စစ်ကြောင်းများနှင့် တညီတညွှတ်တည်း ပူးပေါင်းချီတက်နိုင်ခဲ့ကြပါသည်။
အစ၌ ဖေဖော်ဝါရီလ (၁၂)ရက်နေ့ကို သပိတ်စစ်ကြောင်း ထွက်ရန် အစီအစဉ်မရှိသော်လည်း ပြည်ထောင်စုနေ့ အထိမ်းအမှတ်အဖြစ် မော်လမြိုင်မြို့ ဈေးကြိုအဝိုင်းထိ သပိတ်ထပ်မံလှုပ်ရှားရန် သပိတ်ကော်မတီမှ ည(၆)နာရီတွင် အရေးပေါ်အစည်းအဝေးဖြင့် ချီတက်ရန် ဆုံးဖြတ်ခဲ့ကြပါသည်။

၂၀၂၁ခုနစ်၊ ဖေဖော်ဝါရီလ (၁၂)ရက် နံနက်(၈)နာရီတွင် ကျောင်းသားအင်အားများစွာဖြင့် မော်လမြိုင်တက္ကသိုလ် ကျောင်းသားများသမဂ္ဂ ရုံးရှေ့မှ စတင်ထွက်ခွါလာကြပြီး တက္ကသိုလ် ဆရာသမဂ္ဂ၏ ပူးပေါင်းမှု ဖြင့် မော်လမြိုင်တက္ကသိုလ်ရှေ့ တောင်ဝိုင်းလမ်းမကြီး အတိုင်း ဈေးကြိုဝိုင်းသို့ ချီတက်လာခဲ့ကြပါသည်။
ကျောင်းသားသပိတ်စစ်ကြောင်းကြီး စတင်ထွက်ခွါပြီး (၁၀)မိနစ်အကြာတွင် ရဲအင်အား (၁၀၀)ကျော်၊ အရပ်ဝတ်စစ်သားများ၊ ထောက်လှမ်းရေးများ (၂၀)ကျော် ပါဝင်သော ကားများသည် အရှိန်အဟုန်ပြင်းစွာ သပိတ်စစ်ကြောင်းရှေ့သို့ မောင်းနှင်းလာကြပါသည်။ စစ်ကောင်စီ ရဲမှူး တင်ထူး ဦးဆောင်သော အဖွဲ့သည် သပိတ််ကံဆောင်ထားသော သပိတ်ကားရှေ့တွင် ရပ်လျက် ကျောင်းသားများကို စတင်စိန်ခေါ်ခဲ့ပါသည်။ ထိုအချိန်တွင် သပိတ်ကားပေါ်တွင် ပါသော ကျောင်းသားသမဂ္ဂ အထွေထွေအတွင်းရေးမှုးဟောင်း ကိုညိုမင်း ငြိမ်းချမ်းစွာ သွားရောက် ညှိနှိုင်းခဲ့သော် လူစုမခွဲပေးလျှင် ဖမ်းမည်၊ ဖမ်းကွာဟု အမိန့်ပေးပြီး ကိုညိုမင်းအား ဦးစွာ စတင်ဖမ်းဆီးသွားပါတော့သည်။ ထို့နောက် စစ်ကောင်စီတပ်သားများသည် သပိတ်ကားပေါ်ရှိ ကျောင်းသားများဖြစ်သော ကိုပြည့်စုံဖြိုး၊ ကိုဟိန်းဇော်အောင်နှင့် ကိုထွန်းငြိမ်းဉီးတို့ကို အတင်းအားဓမ္မ ရိုက်နှက်ဖမ်းဆီး ခေါ်ဆောင်သွားခဲ့ပြီး ကျိုက်မရောအကျဉ်းထောင် စစ်ကြောရေးစခန်းသို့ ချက်ချင်းပင် ဖမ်းဆီးခေါ်ဆောင်သွားခဲ့ပါသည်။
ကျောင်းသားများ ရိုက်နှက်ဖမ်းဆီးမှုကြောင့် မော်လမြိုင်တက္ကသိုလ် ကျောင်းသားသပိတ်စစ်ကြောင်းသည် နောက်ဆုတ် ပြိုကွဲသွားခြင်းမရှိဘဲ ပြည်သူလူထု၏ ဝန်းရံမှုဖြင့် ဆက်လက်ကြွေးကြော်နေဆဲ ဖြစ်ပါသည်။ ထို့နောက် စစ်ကောင်စီ၏ ရမ်းသမ်းပစ်ခတ်မှုကြောင့် သပိတ်စစ်ကြောင်းသည် နောက်သို့ ဆုတ်ခွါခဲ့ရပြီး တက္ကသိုလ်အတွင်း ပင်မဆောင် ဂိတ်တံခါးဆီသို့ ဝင်ရောက်ကာ ကျောင်းတွင်း၌ ဆက်လက် သပိတ်မှောက် ကြွေးကြော်ခဲ့ကြပါသည်။
ထိုအချိန်တွင် စစ်တပ်နှင့် ရဲအင်အား (၂၀၀)ကျော်သည် တက္ကသိုလ်ကို ဝိုင်းရံပိတ်ဆို့လိုက်ကြပြီး တောင်ဝိုင်းလမ်းတလျှောက် လမ်းသွားလမ်းလာ ပြည်သူများကိုပါ ရမ်းသမ်းပစ်ခတ်ခဲ့ပါသည်။ သပိတ်စစ်ကြောင်း ကျောင်းသားကျောင်းသူများ၏ ဆက်လက်ကြွေးကြော်မှုများကြောင့် တက္ကသိုလ်အတွင်းတပ်စွဲမည့် စစ်တပ်၏ အစီအစဉ်သည် ပျက်ပြယ်ခဲ့ရပါသည်။
တက္ကသိုလ်သပိတ်စစ်ကြောင်း ပြင်းထန်စွာ ဖြိုခွဲခံရကြောင်း ကြားသိရသော ပြည်သူများနှင့် ကျောင်းသားသမဂ္ဂ ဥက္ကဋ္ဌ မင်းသံစဉ်ဦး၏ မေတ္တာရပ်ခံမှုဖြင့် သပိတ်စစ်ကြောင်း အသီးသီးတို့သည် မော်လမြိုင်တက္ကသိုလ်ဆီသို့ တစုတစည်းထဲ ချီတက်လာကြပါသည်။ ထိုချိန်တွင် စစ်ကောင်စီတပ်သားများသည် ကျောင်းသား(၄)ဉီးအပြင် ပြည်သူ(၅)ဉီးကိုလည်း အင်အားသုံး ရိုက်နှက် ဖမ်းဆီးခဲ့ကြပါသည်။ ဝန်းရံပြည်သူများနှင့် သပိတ်စစ်ကြောင်းအသီးသီးတို့သည် မော်လမြိုင်တက္ကသိုလ်ကို ပိတ်ဆို့ထားသော စစ်ကောင်စီတပ်သားများကို တောင်ဝိုင်းလမ်းတလျှောက် လေးဘက်လေးရပ်မှနေ၍ ပြန်လည် ပိတ်ဆို့လိုက်ကြပြီး ကုန်တင်ကားများ၊ ဆီကားများ၊ အိမ်စီးကားအသီးသီးတို့မှလည်း ထပ်ဆင့်ထပ်ဆင့် ပိတ်ဆို့လိုက်ကြပါသည်။
ထိုသို့ ပိတ်ဆို့လိုက်ကြသော ပြည်သူများ၊ သပိတ်စစ်ကြောင်းများနှင့် ကားများသည် (၈)နာရီကျော် ကြာအောင် ဖမ်းဆီးခံကျောင်းသားပြည်သူများ ပြန်လည် လွတ်ပေးရန် မဆုတ်မနှင့်သော ဇွဲဖြင့် ကြွေးကြော်တောင်းဆို ခဲ့ကြပါသည်။ ပိတ်မိနေသော စစ်ကောင်စီတပ်သား ရဲမှုး တင်ထူးနှင့်အဖွဲ့သည် ပိတ်ဆို့ ကြွေးကြော်မှုဒဏ်ကို မခံနိုင်သည့်အဆုံး ကျောင်းသားခေါင်းဆောင်ကို ခေါ်လာပါက ဖမ်းဆီးခံများ ပြန်လည် လွှတ်ပေးမည်ဟု ဆိုကာ စတင်ကမ်းလှမ်းလာပါတော့သည်။ ထိုစစ်ကောင်စီတပ်သား၏ ကမ်းလှမ်းချက်ကို ဝန်းရံပိတ်ဆို့ ပြည်သူများသည် လက်မခံဘဲ ဆက်လက် သပိတ်မှောက် ကြွေးကြော်နေကြပါသည်။ ထို့နောက် (၈) နာရီကျော်ကြာ သပိတ်မှောက် ကြွေးကြော်ခဲ့ကြပြီးနောက် သပိတ်စစ်ကြောင်း အသီးသီး၏ ခေါင်းဆောင်များ၊ ကျောင်းသားများ၊ ရှေ့နေများနှင့် ထိုစဉ်က မော်လမြိုင်တက္ကသိုလ် ပါမောက္ခချုပ်၏ မေတ္တာရပ်ခံ ညှိနှိုင်းမှုဖြင့် ဖမ်းဆီးခံ ကျောင်းသားပြည်သူများကို ခံဝန်ဂတိထိုးကာ လွှတ်ပေးမည်ဖြစ်ကြောင်း သဘောတူညီမှု ရရှိခဲ့ပါသည်။ ဝန်းရံပိတ်ဆို့ပြည်သူများသည် သဘောတူညီမှု လက်ခံကြပြီး ဂတိအတိုင်း အချုပ်ကားများ၊ ရဲကားများ သွားနိုင်စေရန် လူစုခွဲ လမ်းဖယ်ပေးပြီးနောက် ရဲမှုးတင်ထူးနှင့် စစ်ကောင်စီတပ်သားများသည် သူတို့၏ ကားများ ၊ လူများ လွတ်သည်နှင့် သဘောတူညီချက်ကို ချိုးဖောက်ကာ ဖမ်းဆီးခံကျောင်းသားပြည်သူများကို မလွတ်ပေးဘဲ ဝန်းရံပြည်သူနှင့် သပိတ်စစ်ကြောင်းများကို ပြန်လှည့်ပစ်ခတ်ကာ အချုပ်ကားနှင့် ရဲကားများအား မောင်းပြေးရန် ပြင်ဆင်ခဲ့ပါသည်။ ထိုသို့ ပစ်ခတ်နေသည့် ကြားမှ ပြည်သူများသည် လူစုကွဲသွားခြင်း မရှိဘဲ ကျည်ဆံများကြား၌ပင် ကြံ့ကြံ့ခံကာ ထပ်မံ ပိတ်ဆို့ခဲ့ကြပါသည်။ ထို့နောက် တရစပ်ပစ်ခတ်မှုများကြောင့် ပြည်သူများသည် သည်းခံနိုင်ခြင်း မရှိတော့ဘဲ ရရာပစ္စည်းများဖြင့် ပြန်လည်ပစ်ပေါက်မှု ဖြစ်ပွားခဲ့ပါသည်။
ထိုသို့ အဓိကရုဏ်းကြားထဲတွင် ပြည်သူတစ်ဉီး ရာဘာကျည် ၁၃ချက် ထိမှန်ကာ ပြင်းထန်စွာ ဒဏ်ရာရရှိခဲ့ပြီး 5.56ကျည်များ၊ ရာဘာကျည်များ၊ ခဲကျည်များကြောင့် ပြည်သူများ ပြင်းထန်စွာ ဒဏ်ရာရှိခဲ့ကြပါသည်။ နောက်ဆုံးအချိန်တွင် စစ်ကောင်စီဘက်မှ လက်လျော့လိုက်ရပြီး ညနေ(၅)နာရီ(၃၀)မိနစ်တွင် ဖမ်းဆီးခံ အားလုံးကို ပြန်လည် လွှတ်ပေးခဲ့ရပါသည်။ သပိတ်စစ်ကြောင်းများ၊ ပြည်သူလူထု၏ ဝန်းရံမှုများကြောင့် ဖမ်းဆီးခံ ကျောင်းသားပြည်သူများသည် နေ့တွင်းချင်းပင် လွှတ်မြောက်ခဲ့ပါသည်။ စစ်ကောင်စီတပ်သားများသည် သပိတ်ကားများ၊ ဆောင်းဘောက်များ၊ မီးစက်များ၊ ကျောင်းသားများ၏ ပစ္စည်းများကို အတင်းအဓမ္မ သိမ်းယူ ဖျက်ဆီးခဲ့ကြပါသည်။ ည(၈)နာရီ အချိန်တွင် မော်လမြိုင်တက္ကသိုလ် ကျောင်းသားများသမဂ္ဂဗဟိုရုံးခန်းသို့ ရဲအင်အားအလုံးအရင်းဖြင့် ဝင်ရောင်စီးနင်းခဲ့ပါသည်။ ၂၀၂၁ခုနစ် မတ်လ (၃) ရက်နေ့တွင် ဘူမိဗေဒကျောင်းသား ကိုထက်ဝေထူး စစ်တပ်၏ လက်ချက်ဖြင့် ဦးခေါင်း ကျည်ထိမှန်ကာ ကျဆုံးခဲ့ရပြီး မတ်လ(၆) ရက်နေ့တွင် မော်လမြိုင်တက္ကသိုလ်သည်လည်း အတင်းအဓမ္မ တပ်စွဲဖျက်ဆီးခြင်းကို ခံခဲ့ရပါသည်။ မော်လမြိုင်တက္ကသိုလ်သည် အာဏာသိမ်းမှုအတွင်း ကျောင်းသားကျောင်းသူ အများဆုံး အဖမ်းဆီးခံရသော တက္ကသိုလ်လည်း ဖြစ်ပါသည်။ ထို့အပြင် မွန်ပြည်နယ်တွင် ပထမဦးဆုံး ပစ်ခတ်မှု ဖြစ်ခဲ့ပြီး ပထမဆုံးသော ကျောင်းသားပြည်သူတို့၏ အောင်ပွဲလည်း ဖြစ်ပါသည်။ ထိုနေ့သည် မော်လမြိုင်တက္ကသိုလ် ကျောင်းသားကျောင်းသူများ၏ မမေ့နိုင်သော နေ့တစ်နေ့အဖြစ်ရှိနေပြီး ထိုနေ့ကို မော်လမြိုင်တက္ကသိုလ်အရေးတော်ပုံနေ့အဖြစ် မော်လမြိုင်တက္ကသိုလ် ကျောင်းသားများသမဂ္ဂမှ ကြေညာချက်အမှတ် (၉၈/ သတ်မှတ်(ကြေညာ)/မလမတကသ/၂၀၂၂)ဖြင့် ကျောင်းသားများသမဂ္ဂ ဥက္ကဋ္ဌ မင်းသံစဉ်ဦးမှ လက်မှတ်ရေးထိုး သတ်မှတ်ခဲ့ခြင်း ဖြစ်ပါသည်။ ကျောင်းသားများ၏ စုစည်းမှု၊ ပြည်သူများ၏ စည်းရုံးမှုများကြောင့် ဖမ်းဆီးခံကျောင်းသားပြည်သူတို့ လွတ်မြောက်လာပြီး ညီညွှတ်စုစည်းမှုသည် မည်သို့ပင် အခက်အခဲများ၊ ချုပ်နှောင်ဖိနှိပ်မှုများ ရှိနေပါစေ လွတ်မြောက်နိုင်ကြောင်းကို မော်လမြိုင်တက္ကသိုလ် အရေးတော်ပုံနေ့ကို ပမာပြုပြီး တွဲလက်ညီညီဖြင့် ဆက်လက်ချီတက်ကြပါစို့လို့ တိုက်တွန်းလိုက်ရပါသည်။

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

02/02/2026

"ဂလာန်ဗတိုက်ဖအောဝ် နူကဵု သမဂ္ဂကွးဘာ တက္ကသဵု မတ်မလီု ဂကူမန်ဂမၠိုင် ပ္ဍဲတ္ၚဲကောန်ဂကူမန် မရနုက်ကဵု (၇၉) ဝါ"

"(၇၉) ကြိမ်မြောက် မွန်အမျိုးသားနေ့" အတွက် မွန်ပြည်လူထုအား မော်လမြိုင်တက္ကသိုလ် ကျောင်းသားများသမဂ္ဂမှ တိုက်တွန်းချက်"

ကောဇာသက္ကရာဇ် - ၁၃၈၇ ခုနှစ်၊ တပို့တွဲလပြည့်ကျော် (၁) ရက်၊ တနင်္လာနေ့
ခရစ်သက္ကရာဇ် - ၂၀၂၆ခုနှစ်၊ ဖေဖော်ဝါရီလ (၂) ရက်နေ့
စာအမှတ် - ၀၀၁/ တိုက်တွန်း(အမျိုးသားနေ့)/မလမတကသ/၂၀၂၆

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

02/02/2026

တ္ရဲကောန်ဂကူမန် မရနုက်ကဵု (၇၉) ဝါ 🤍❤️

(၇၉) ကြိမ်မြောက် မွန်အမျိုးသားနေ့

79th Anniversary of Mon National Day

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

28/12/2025

(၁၄)ကြိမ်မြောက် မွန်လူငယ်နေ့ ထုတ်ပြန်ကြေညာချက်

စာအမှတ် - ၁၂၇/ထုတ်ပြန်-ကြေညာ/လူငယ်နေ့(မွန်)/မလမတကသ/၂၀၂၅။
ရက်စွဲ - ၂၀၂၅ခုနှစ်၊ ဒီဇင်ဘာလ(၂၈)ရက်၊ တနင်္ဂနွေနေ့။

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

27/12/2025

မွန်-ကရင် အင်အားစုများ၏ တရားမဝင် အတုအယောင်ရွေးကောက်ပွဲ ဆန့်ကျင်ရေး ပူးပေါင်းလှုပ်ရှားမှု

ဒီဇင်ဘာလ (၂၇) ရက်၊ ၂၀၂၅ ခုနှစ်။

လူထုအာဏာကို အဓမ္မလိမ်လည်ရယူပြီး အတုအယောင်အစိုးရ၊ အတုအယောင်လွှတ်တော်ဖွဲ့စည်းမည့် အကြမ်းဖက်စစ်အုပ်စု၏ တရားမဝင် အတုအယောင်ရွေးကောက်ပွဲကို ဆန့်ကျင်ကြောင်း လှုပ်ရှားမှုတရပ်ကို မွန်-ကရင် တော်လှန်ရေးအင်အားစုများဖြစ်သည့် ရာမညဖက်ဒရယ်အင်အားစုသစ် (NRFF) ၊ ဒူးပလာယာခရိုင် KYO - ကရင်လူငယ်အစည်းအရုံး၊ မော်လမြိုင်တက္ကသိုလ်ကျောင်းသားများသမဂ္ဂ (MLMU-SU) နှင့် မွန်ပြည်ဖွံ့ဖြိုးရေးစင်တာ (MSDC) တို့ က လွတ်မြောက်နယ်မြေတနေရာတွင် ပြုလုပ်ခဲ့ပြီး ရပ်ရွာလူငယ်များ ပူးပေါင်းပါဝင်ခဲ့ကြသည်။

အာဏာသိမ်း အကြမ်းဖက်စစ်အုပ်စုသည် ဒီဇင်ဘာလ (၂၈) ရက်မှ စတင်၍ မြန်မာနိုင်ငံတဝှမ်းမှပြည်သူများ၏ သဘောဆန္ဒနှင့်ဆန့်ကျင်ကာ တရားမဝင် အတုအယောင်ရွေးကောက်ပွဲများကို ပြုလုပ်ရန် ကြိုးပမ်းလျက်ရှိသည်။

လူထုကို အကြောက်တရားနှင့် ဖိနှိပ်အုပ်ချုပ်နေသော စစ်အုပ်စုသည် ၎င်းတို့၏ ဟန်ပြလူရွေးပွဲ အောင်မြင်စွာကျင်းပနိုင်ရေးအတွက် အရပ်သားပြည်သူတို့အပေါ် အကြမ်းဖက်တိုက်ခိုက်မှုများ ကျယ်ကျယ်ပြန့်ပြန့် ကျူးလွန်လျက်ရှိသည်။

အကြမ်းဖက်စစ်အုပ်စုမှ တရားမဝင်ပြုလုပ်မည့် အတုအယောင်ရွေးကောက်ပွဲသည် ၎င်းတို့အာဏာသက်ဆိုးရှည်စေရေးနှင့် ၎င်းတို့ကျူးလွန်ခဲ့သည့် စစ်ရာဇဝတ်မှုများ၊ လူမျိုးတုံးသတ်ဖြတ်မှုများအတွက် ပြစ်ဒဏ်ရှောင်လွှဲနိုင်ပြီး နိုင်ငံတကာတွင် လူရာဝင်ရန် လှည့်ဖြားနေသည့် ထောင်ချောက်တခုသာဖြစ်သည်။

စစ်အုပ်စု၏ ထွက်ပေါက် ပြည်သူတို့အတွက် ထောင်ချောက်ဖြစ်သော အယောင်ပြရွေးကောက်ပွဲကို မွန်၊ကရင်နှင့် နိုင်ငံတဝှမ်းမှ ပြည်သူလူထုများမှ ရောက်ရာအရပ်မှ ကန့်ကွက်ဆန့်ကျင်သွားကြရန်နှင့် မပြီးဆုံးသေးသော စစ်အာဏာရှင်နှင့် အာဏာရှင်စနစ်ဟူသမျှ အမြစ်ပြတ်ချေမှုန်းရေး၊ ဖက်ဒရယ်ဒီမိုကရေစီပြည်ထောင်စု ပေါ်ပေါက်ရေးတို့အတွက် ဆက်လက်တိုက်ပွဲဝင်သွားကြရန် မိမိတို့ မွန်-ကရင် အင်အားစုများမှ တိုက်တွန်းနှိုးဆော်အပ်ပါသည်။

“ဖက်ဆစ်ရွေးကောက် ခွေးထွက်ပေါက် မဲမပေးနဲ့ သပိတ်မှောက်”
“လူထုကိုကျွန်ပြုမည့် စစ်အုပ်စုရွေးချယ်ပွဲအား လူထုအားနဲ့ ဆန့်ကျင်ကြ”

#ပြန်ကြားရေး
#မော်လမြိုင်တက္ကသိုလ်ကျောင်းသားများသမဂ္ဂ

Mawlamyine University Students' Union

07/04/2026

10/03/2026

23/02/2026

12/02/2026

12/02/2026

12/02/2026

12/02/2026

12/02/2026

02/02/2026

02/02/2026

28/12/2025

27/12/2025

Address

Website

Alerts

Shortcuts

Share

Category