03/08/2026
ခန္ဓာကိုယ် အစိတ်အပိုင်းနှင့် ကျား/မ ခွဲစေနိုင်ခြင်း
၁။ သင်ကြားရခြင်း ရည်ရွယ်ချက်
-ခန္ဓာကိုယ် အစိတ်အပိုင်းများကို သိမြင်ခွဲခြားတတ်စေရန်
-ရုပ်ပုံဆက်ဘုတ်ပြားများမှတစ်ဆင့် ဦးခေါင်း၊ လက်၊ ခြေ၊ ခန္ဓာကိုယ် စသည့် အစိတ်အပိုင်းများကို မှန်ကန်စွာ နေရာချတတ်ပြီး ခေါ်ဝေါ်ပြသနိုင်စေရန်။
-ကျား/မ သဘောတရားကို ခွဲခြားနားလည်စေရန် မိန်းကလေး (Girl) နှင့် ယောက်ျားလေး (Boy) တို့၏ ကွဲပြားသော ပုံသဏ္ဌာန်နှင့် အဝတ်အစား ဝတ်ဆင်ပုံများကို ခွဲခြားသိမြင်လာစေရန်။
-အများသူရှေ့တွင် ရဲရင့်စွာ ပြောတတ်စေရန်။
မိမိကိုင်ထားသော ဘုတ်ပြားကို သူငယ်ချင်းများအား လက်ဖြင့် ကိုင်မြှောက်ပြသခြင်း၊ ရှင်းပြခြင်းဖြင့် မိမိကိုယ်ကို ယုံကြည်မှုနှင့် ရဲရင့်မှု ရရှိစေရန်။
-အသေးစားကြွက်သားနှင့် မျက်စိ-လက် အချိတ်အဆက် ဖွံ့ဖြိုးစေရန်။
ဘုတ်ပြားအပိုင်းအစများကို သတ်မှတ်ထားသည့် ဘောင်အကွက်အတွင်း ကွက်တိကျအောင်ထည့်နိုင်သည့် လက်ချောင်းထိန်းချုပ်မှု စွမ်းရည် တိုးတက်စေရန်။
၂။ ရရှိနိုင်သော အကျိုးကျေးဇူးများ
-ပြောဆိုဆက်သွယ်ရေးနှင့် ဝေါဟာရ တိုးတက်ခြင်း
ဆရာမ၏ လမ်းညွှန်မှုဖြင့် ခန္ဓာကိုယ်အစိတ်အပိုင်းအမည်များကို လိုက်လံရွတ်ဆိုခြင်း၊ သူငယ်ချင်းများကို ပြောပြခြင်းတို့ကြောင့် စကားပြောဆိုနိုင်စွမ်းနှင့် ဝေါဟာရများ တိုးတက်လာစေပါတယ်။
-အမြင်အာရုံဆိုင်ရာများသိရှိစေခြင်း
မည်သည့်အပိုင်းက မည်သည့်နေရာတွင် ဝင်ဆံ့မည်ကို မျက်စိဖြင့် ကြည့်ရှုတွက်ဆပြီး သေချာနေရာချရသည့်အတွက် ဦးနှောက်၏ သိမြင်မှုစွမ်းရည် (Cognitive Development) ကို မြှင့်တင်ပေးပါတယ်။
-အချင်းချင်း လေးစားမှုနှင့် အုပ်စုလိုက် စည်းလုံးမှု
သူငယ်ချင်း၏ တင်ဆက်မှုကို အောက်မှ ငြိမ်ငြိမ်သက်သက် နားထောင်ပေးခြင်း၊ စာသင်ခန်းအတွင်း အပြန်အလှန် လှုပ်ရှားပါဝင်ခြင်းတို့ကြောင့် လူမှုရေးတုံ့ပြန်မှု ကောင်းမွန်စေပါတယ်။
၃။ နေ့စဉ်ဘဝအတွက် အကျိုးသက်ရောက်မှု
-မိမိကိုယ်ကို အကာအကွယ်ပေးနိုင်ခြင်းနှင့် ကိုယ်ခန္ဓာ အသိပညာ
မိမိ၏ ခန္ဓာကိုယ် အစိတ်အပိုင်းများကို တိတိကျကျ သိရှိသွားခြင်းသည် နေ့စဉ်ဘဝတွင် ထိခိုက်ဒဏ်ရာရသည့်အခါ "ဘယ်နေရာနာသည်" ဟု အတိအကျ ပြောပြနိုင်ခြင်းနှင့် Personal Boundaries (မိမိခန္ဓာကိုယ်ကို စောင့်ရှောက်ခြင်း) အတွက် အခြေခံအကျဆုံး အထောက်အကူ ဖြစ်စေပါတယ်။
-အဝတ်အစား စနစ်တကျ ဝတ်ဆင်နိုင်ခြင်း မိန်းကလေး/ယောက်ျားလေး ဝတ်စုံနှင့် ခန္ဓာကိုယ်နေရာများ (ဥပမာ - အင်္ကျီကို ခန္ဓာကိုယ်တွင် ဝတ်ဆင်ရမည်၊ ဘောင်းဘီ/စကတ်ကို ခါးအောက်တွင် ဝတ်ဆင်ရမည်) ကို သိရှိသွားသည့်အတွက် ကိုယ်တိုင် အဝတ်အစား ဝတ်ဆင်ရာတွင် အဆင်ပြေလာပါမည်။
-မိမိကိုယ်ကို မိတ်ဆက်နိုင်စွမ်း ရှိလာခြင်း
"ငါသည် ယောက်ျားလေး/မိန်းကလေး ဖြစ်သည်" ဆိုသည့် မိမိကိုယ်ကို ခံယူချက် (Self-identity) စာသင်ခန်းနှင့် အပြင်ပတ်ဝန်းကျင်တွင် ရဲရင့်စွာ ထုတ်ဖော်ပြောဆိုနိုင်စွမ်း ရှိလာမှာ ဖြစ်ပါတယ်။
New Hope Association (Mandalay)
139လမ်း၊54/55ကြား၊
ပြည်ကြီးတံခွန်မြို့နယ်၊မန္တလေးမြို့။
09447305743
