https://www.facebook.com/116125601401987/

Know Share Act သိမြင် ဝေမျှ ပြုမူကြ။, Mandalay (2026)

24/03/2025

ကမ္ဘာ့တီဘီရောဂါတိုက်ဖျက်ရေးနေ့ (World TB Day_24 March 2025)

ဒီနေ့ဟာ နှစ်စဉ်ကျရောက်လေ့ရှိတဲ့ ကမ္ဘာ့တီဘီရောဂါတိုက်ဖျက်ရေးနေ့ (World TB Day) ဖြစ်ပါတယ်။ တီဘီရောဂါဟာ ကမ္ဘာတစ်ဝန်းမှာ ကျန်းမာရေး၊ လူမှုရေးနဲ့ စီးပွားရေးအပေါ် သက်ရောက်မှုကြီးမားတဲ့ ကူးစက်ရောဂါတစ်ခုဖြစ်ပါတယ်။ တီဘီရောဂါဖြစ်ပွားမှုကို ကာကွယ်ခြင်း၊ ကုသခြင်းတို့နဲ့ လျှော့ချနိုင်ပေမဲ့ နှစ်စဉ်လူသန်းပေါင်းများစွာဟာ ကူးစက်ခံနေရဆဲဖြစ်ပါတယ်။ ဒါကြောင့် လူတိုင်းအနေနဲ့ တီဘီရောဂါနဲ့ ပတ်သက်ပြီး ကျန်းမာရေးအသိပညာရှိဖို့၊ ရောဂါကို စောစောစီးစီးသိရှိပြီး ချက်ချင်းကုသမှုခံယူနိုင်ဖို့ဟာ အရေးကြီးပါတယ်.....

ဒီနှစ်အတွက် ဆောင်ပုဒ်ကတော့ "တီဘီရောဂါပပျောက်ဖို့ ရင်းနှီးမြှုပ်နှံကတိပြုလို့ အားလုံးပါဝင်ဆောင်ရွက်စို့" လို့ သတ်မှတ်ထားတာဖြစ်ပြီး ကျန်းမာရေးဝန်ထမ်းတွေ၊ တီဘီလူနာတွေသာမက နယ်ပယ်အသီးသီးကလည်း ပါဝင်ပူးပေါင်းကာ တီဘီရောဂါကင်းဝေးတဲ့ ကမ္ဘာကြီးကို တည်ဆောက်နိုင်စေဖို့ ရင်းနှီးမြှုပ်နှံမှုများ ပိုမိုလုပ်ဆောင်ကြဖို့ အလေးထားတိုက်တွန်းထားပါတယ်.....

တီဘီရောဂါဟာ စနစ်တကျကုသပါက ပျောက်ကင်းနိုင်တဲ့‌ရောဂါဖြစ်တာကြောင့် အားလုံးပူးပေါင်းပြီး လုပ်ဆောင်မယ်ဆိုရင် တီဘီရောဂါကို အဆုံးသတ်တိုက်ဖျက်နိုင်မှာဖြစ်ပါတယ်.....YES! We can end TB.

TB Day
#ကမ္ဘာ့တီဘီရောဂါတိုက်ဖျက်ရေးနေ့

31/12/2024

🎇 HAPPY NEW YEAR 🎇

👫👬👭 ကျွန်တော်တို့ရဲ့ “သိမြင် ဝေမျှ ပြုမူကြ” အဖွဲ့သားများကနေပြီးတော့ အားလုံးအတွက် ပျော်ရွှင်ဖွယ်ရာ ၂၀၂၅ ခုနှစ် နှစ်သစ်လေးဖြစ်ပါစေလို့ ဆုတောင်းပေးလိုက်ပါတယ်.....✨🌟

#2025

25/12/2024

🎄 🎅 🎁 We wish you a Merry Christmas......🎶 🎶 🎶

🌟 အခုလို ခရစ်စမတ်အချိန်အခါမှစတင်ပြီး.....သင်နဲ့အတူ သင့်မိသားစုတွေ၊ သင့်မိတ်ဆွေတွေအပေါ်မှာ ဘေးဘယာတွေဝေးကွာပြီး.....ကောင်းမွန်သောကျန်းမာရေး၊ စီးပွားရေး၊ ပျော်ရွှင်မှု၊ အောင်မြင်မှုတွေနဲ့ ပြည့်စုံပါစေ.....ချစ်ခြင်းမေတ္တာတရားများ အချင်းချင်းမျှဝေနိုင်ကြပါစေ.....🌟

✨ ကျွန်တော်တို့ရဲ့ “သိမြင် ဝေမျှ ပြုမူကြ” အဖွဲ့သားများကနေပြီးတော့ အားလုံးအတွက် ပျော်ရွှင်ဖွယ်ရာ ခရစ်စမတ် ဖြစ်ပါစေလို့ ဆုတောင်းပေးလိုက်ပါတယ်.....✨

🎄🎄🎄 Merry Christmas to you ALL! 🎅🎅🎅

23/12/2024

🎗 HIV နှင့် 🫁 TB

အိပ်ခ်ျအိုင်ဗွီပိုးရှိသူတွေမှာ တီဘီရှိမှန်းဘယ်လိုသိနိုင်မလဲ❓❓
❗️အိပ်ခ်ျအိုင်ဗွီပိုးရှိသူတွေမှာဆိုရင် တီဘီရောဂါဟာအဖြစ်အများဆုံးနဲ့ သေဆုံးမှုအများဆုံးဖြစ်တဲ့ရောဂါတွေထဲက တစ်ခုအပါအဝင် ဖြစ်ပါတယ်….

📌 တီဘီရောဂါရဲ့ အဓိကလက္ခဏာဖြစ်တဲ့ ချောင်းဆိုးခြင်းဟာ အိပ်ခ်ျအိုင်ဗွီပိုးရှိသူတွေမှာ တွေ့ရခဲပါတယ်…..
✔️ နာတာရှည်ဖျားနာခြင်း
✔️ ခန္ဓာကိုယ်အလေးချိန်လျော့ကျခြင်း
✔️ ညဘက်ချွေးအလွန်အမင်းထွက်ခြင်း
✔️ ကိုယ်လက်မအီမသာဖြစ်ခြင်း
✔️ အစားအသောက်ပျက်ခြင်း.......စတဲ့ အနီးစပ်ဆုံး ခန့်မှန်းနိုင်တဲ့ ရောဂါလက္ခဏာတွေရှိနေပြီဆိုရင်တော့ ကျန်းမာရေးဝန်ထမ်းများနဲ့ အမြန်ဆုံးပြသသင့်ပါတယ်…..

🎗 အိပ်ခ်ျအိုင်ဗွီပိုးရှိသူ အေအိုင်ဒီအက်စ်ရောဂါဝေဒနာခံစားနေရသူတွေမှာဆိုရင် ခန္ဓာကိုယ်ရဲ့ ခုခံစွမ်းအားစနစ်ကျဆင်းနေတာကြောင့် 🫁 တီဘီရောဂါဖြစ်ပွားနှုန်းဟာ အိပ်ခ်ျအိုင်ဗွီပိုးမရှိသူတွေထက် အဆ 2️⃣0️⃣ ကနေ 3️⃣0️⃣ အထိပိုမိုဖြစ်ပွားနိုင်ပါတယ်…..🔎

သူတို့တွေမှာဆိုရင် တီဘီရောဂါ ကုသအောင်မြင်မှုရလဒ်ကလည်း HIV မရှိသူတွေလောက် မကောင်းနိုင်ပါဘူး....ဒါပေမယ့်.....
✅ တီဘီကာကွယ်ဆေး(TPT)ကို သောက်သုံးမယ်ဆိုရင်တော့ HIV ရှိသူတွေမှာ တီဘီဖြစ်ပွားမှုကို သိသိသာသာ လျော့နည်းစေပါတယ်….

✅ HIV ပိုးရှိတဲ့သူတစ်ယောက်ဟာ အေအာတီ (HIVပိုးထိန်းဆေး)ကို ရက်မပျက်မှန်မှန်သောက်မယ်၊ တီဘီရောဂါလက္ခဏာရှိ/မရှိစမ်းသပ်ပြီး ဓာတ်မှန်ရိုက်တာ၊ သလိပ်စစ်တာတွေကိုလည်း လိုအပ်သလို လုပ်ဆောင်ပြီးတော့ တီဘီရောဂါမရှိဘူးဆိုရင် တီဘီရောဂါကာကွယ်ဆေးသောက်ဖို့ အရေးကြီးကြောင်း တိုက်တွန်းလိုက်ပါတယ်နော်….

💁 💁‍♀️ ကျွန်တော်တို့ရဲ့ “သိမြင် ဝေမျှ ပြုမူကြ” အဖွဲ့သားများကနေပြီးတော့ ကျန်းမာရေးဆိုင်ရာ အကြောင်းအရာ၊ ဗဟုသုတလေးတွေကို အမြဲမျှဝေပေးသွားမှာဖြစ်လို့ စောင့်ကြည့်အားပေးကြပါဦးနော်။ Like and Share မလုပ်ရသေးရင်လည်း ဒီ Page လေးကို Like and Share လေးလုပ်ပြီး ကိုယ့်ရဲ့ အသိမိတ်ဆွေတွေကိုလည်း ကျန်းမာရေးဆိုင်ရာ ဗဟုသုတလေးတွေကို တဆင့်မျှဝေပေးကြပါဦးနော်......

Credit to
https://www.stoptb.org/no-more-people-living-hiv-dying-tb
https://www.who.int/teams/global-hiv-hepatitis-and-stis-programmes/hiv/treatment/tuberculosis-hiv

&HIV

12/12/2024

ဒီနေ့ ဒီဇင်ဘာ ၁၂ ရက်နေ့ဟာ Universal Health Coverage (UHC) Day ဖြစ်ပါတယ်...

အားလုံးလက်လှမ်းမီ လွှမ်းခြုံနိုင်တဲ့ ကျန်းမာရေး စောင့်ရှောက်မှုစနစ် (UHC) ဆိုတာဟာ လူသားတိုင်း အချိန်မရွေး နေရာဒေသမရွေး အရည်အသွေးပြည့်ဝတဲ့ ကျန်းမာရေး စောင့်ရှောက်မှုကို ငွေကြေးအခက်အခဲ မရှိစေဘဲ ရရှိစေနိုင်ဖို့ ဖြစ်ပါတယ်.... လူတိုင်းလက်လှမ်းမီတဲ့ ကျန်းမာရေး‌စောင့်ရှောက်မှုဟာ အသက်ပေါင်းများစွာကို ကယ်တင်နိုင်ပြီး လူမှုပတ်ဝန်းကျင်ကော စီးပွားရေးပါ ဖွံ့ဖြိုးတိုးတက်အောင်ဆောင်ရွက်ပေးနိုင်ပါတယ်.....

UHC ဟာ ဘာကြောင့် အရေးပါတာပါလဲ???

1. ကျန်းမာရေးဟာ လူ့အခွင့်အရေးတရပ် ဖြစ်ပါတယ်... နေရာဒေသကြောင့်ဖြစ်စေ ကုန်ကျစရိတ်ကြောင့်ဖြစ်စေ ဘယ်သူမဆို ကျန်းမာရေးစောင့်ရှောက်မှုရဖို့ အတားအဆီးတခု ဖြစ်မနေသင့်ပါဘူး....
2. အရည်အသွေး ပြည့်ဝသော ကျန်းမာရေးစောင့်ရှောက်မှုကို လူတိုင်း ရရှိသင့်ပါတယ်..... UHC ကိုဖော်ဆောင်ခြင်းအားဖြင့် ကျန်းမာရေးစောင့်ရှောက်မှုတွေဟာ သာတူညီမျှရရှိစေခြင်း၊ အကျိုးရှိရှိ အကောင်းမွန်ဆုံး အသုံးချနိုင်စေခြင်း၊ အရည်အသွေးပြည့်ဝတဲ့ စောင့်ရှောက်မှုတွေ ရရှိစေခြင်းတို့ကို ရစေမှာ ဖြစ်ပါတယ်.....
3. ကျန်းမာရေး စောင့်ရှောက်မှု ရရှိစေဖို့အတွက် ဘယ်သူမဆို ငွေကြေးဝန်ထုပ်ဝန်ပိုး ဖြစ်စေခြင်းမှ ကင်းဝေးစေသင့်ပါတယ်..... ငွေကြေးအဆင်မပြေလို့ ကျန်းမာရေးစောင့်ရှောက်မှု မရရှိနိုင်ဘူး မဖြစ်စေရအောင် UHC က ရည်ရွယ်ပါတယ်.....

လူတိုင်းလူတိုင်း ကျန်းမာရေးအသိနှင့် ကျန်းမာရေးစောင့်ရှောက်မှုတွေအလွယ်တကူရရှိနိုင်စေမယ့် လူမှုပတ်ဝန်းကျင်တစ်ခုကို အတူတူဖန်တီးလိုက်ကြရအောင်……

01/12/2024

🎗World AIDS Day 2024🎗

နှစ်စဉ် 🗓 ဒီဇင်ဘာလ (၁) ရက်နေ့ကို “World AIDS Day (ကမ္ဘာ့ခုခံအားကျဆင်းမှု ကူးစက်ရောဂါတိုက်ဖျက်ရေးနေ့)” အဖြစ် သတ်မှတ်ထားပြီး.....ဒီနှစ် ၂၀၂၄ ခုနှစ်ရဲ့ ဆောင်ပုဒ်ဖြစ်တဲ့ “Take the Rights Path (အေအိုင်ဒီအက်စ်ကင်းဝေးဖို့၊ သာတူညီမျှအလေးပေးလို့၊ အားလုံးဝိုင်းဝန်းပံ့ပိုးစို့။)’’ ဆိုတဲ့အတိုင်း.....ကမ္ဘာတဝှမ်းမှာရှိတဲ့ အေအိုင်ဒီအက်စ်ရောဂါ ဝေဒနာခံစားနေရသူတွေအတွက် အားလုံး အတူတကွ ကူညီဖေးမ လက်တွဲစောင့်ရှောက်ပေးကြဖို့ ကျွန်တော်တို့ရဲ့ “သိမြင် ဝေမျှ ပြုမူကြ”အဖွဲ့သားများကနေပြီးတော့ တိုက်တွန်းလိုက်ပါရစေ…..🥰🥰🥰

22/11/2024

👉 ဆေးယဉ်ပါးတီဘီရောဂါဟာ လေကနေတဆင့် ကူးစက်နိုင်တာကြောင့် ဆေးယဉ်ပါးတီဘီရောဂါရှိသူနဲ့ 🏠 တစ်အိမ်တည်းအတူနေထိုင်သူတွေ၊ အနီးကပ်ထိတွေ့သူတွေမှာဆိုရင် ဆေးယဉ်ပါးတီဘီရောဂါပိုး ကူးစက်ခံရနိုင်ခြေနဲ့ ရောဂါဖြစ်လာနိုင်ခြေ ပိုမိုများပါတယ်.....

ဒါကြောင့် ဒီနေ့မှာတော့ ဆေးယဥ်ပါးတီဘီလူနာနဲ့ ထိတွေ့မှုရှိသူတွေကို ကျန်းမာရေးစစ်ဆေးပေးခြင်း (DRTB Contact Investigation) ဆိုတဲ့အကြောင်းအရာလေးကို မျှဝေပေးချင်ပါတယ်.....💬💬

🙋 DRTB Contact Investigation ဆိုတာက ဘာပါလဲ ❓❓
✅ DRTB Contact Investigation ဆိုတာကတော့ ဆေးယဉ်ပါးတီဘီရောဂါရှိသူနဲ့ တစ်အိမ်တည်းအတူနေထိုင်သူတွေ၊ အနီးကပ်ထိတွေ့သူတွေကို စနစ်တကျ ကျန်းမာရေးစစ်ဆေးပေးခြင်း ဖြစ်ပါတယ်။

✅ ဆေးယဥ်ပါးတီဘီလူနာနဲ့ ထိတွေ့မိသူ၊ အတူနေသူတွေကို ထိတွေ့မှုအနေအထားပေါ်မူတည်ပြီး ၂ မျိုး ခွဲခြားထားပါတယ်။
👉 အမျိုးအစား(၁)မှာ- ဆေးယဉ်ပါးတီဘီလူနာနဲ့ တစ်အိမ်တည်းအတူနေသူတွေ (household contact)ဖြစ်ပီး လူနာနဲ့ ဆေးမသောက်မီ ၃လအတွင်း တစ်ညနဲ့ အထက် (သို့) နေ့ခင်းဘက်တွေမှာ မကြာခဏ တစ်အိမ်တည်း အတူနေကြသူတွေကို ဆိုလိုပါတယ်။ (ဆွေမျိုးမတော်စပ်သူလည်း ဖြစ်နိုင်ပါတယ်။ ဥပမာ - ကလေးထိန်း၊ လူနာပြုစုသူ)
👉 အမျိုးအစား(၂)ကတော့ ဆေးယဥ်ပါးတီဘီလူနာနဲ့ အနီးကပ်ထိတွေ့သူတွေ (close contact) ဖြစ်ပါတယ်။ လူနာနဲ့ ဆေးမသောက်မီ ၃လအတွင်း လူနာအိမ်မှာ မဟုတ်ဘဲ အလုပ်ထဲနဲ့ လူစုလူဝေးရှိရာနေရာတွေမှာ တပတ်ကို ၈ နာရီနဲ့ အထက်ထိတွေ့မိသူတွေကို ဆိုလိုခြင်း ဖြစ်ပါတယ်။

💁 အခုလိုမျိုး ဆေးယဥ်ပါးတီဘီလူနာနဲ့ ထိတွေ့မှုရှိသူတွေကို ကျန်းမာရေးစစ်ဆေးပေးခြင်းဖြင့် ဘယ်လိုကောင်းကျိုးတွေ ရရှိလာနိုင်လဲဆိုတော့…..

✅ အတူနေသူတွေမှာ တီဘီ/ဆေးယဥ်ပါးတီဘီရောဂါ ရှိ/မရှိကို စောစောစီးစီးစီး သိရှိနိုင်မယ် (အထူးသဖြင့် အတူနေကလေးငယ်တွေနဲ့ HIV ပိုးရှိသူတွေမှာဆိုရင် ရောဂါကို 🔎 ရှာဖွေဖော်ထုတ်ကုသပေးနိုင်မယ်)
✅ ရောဂါရှိ/မရှိကို စောစောစီးစီးစီး သိရှိနိုင်တာကြောင့် တခြားသူတွေဆီကို ထပ်မံကူးစက်နိုင်ခြေကိုလည်း လျော့နည်းစေပါမယ်
✅ ရောဂါမရှိပါကလည်း ကြိုတင်ကာကွယ်ကုသမှုကို ရရှိနိုင်တာကြောင့် ရောဂါဖြစ်လာနိုင်ခြေကို ကာကွယ်တားဆီးပေးနိုင်မှာ ဖြစ်ပါတယ်။

📌 တီဘီ/ဆေးယဉ်ပါးတီဘီရောဂါ ရှိ/မရှိကို စောစောသိရင် စောစောဆေးကုသမှု ခံယူလို့ရတာကြောင့်..... ရောဂါကူးစက်မှုကို လျှော့ချနိုင်ဖို့၊ ရောဂါကိုစောစီးစွာသိရှိနိုင်ဖို့ ၊ တီဘီ/ဆေးယဉ်ပါးတီဘီရောဂါ ကင်းစင်တဲ့အိမ်နဲ့ ပတ်ဝန်းကျင် ဖြစ်လာနိုင်ဖို့.....

💁 တီဘီ/ဆေးယဉ်ပါးတီဘီရောဂါရှိသူနဲ့ တစ်အိမ်တည်းအတူနေထိုင်သူတွေ၊ အနီးကပ်ထိတွေ့သူတွေအနေနဲ့ စနစ်တကျ ကျန်းမာရေးစစ်ဆေးကြဖို့ “သိမြင်ဝေမျှပြုမူကြ အဖွဲ့သားများ”မှ တိုက်တွန်းလိုက်ပါတယ်.....

14/11/2024

ဆီးချိုသွေးချိုရောဂါအကြောင်း 🩸🩸 (အပိုင်း_ ၂)

💁 ဒီကနေ့ နိုဝင်ဘာလ (၁၄) ရက်နေ့မှာ ကျရောက်တဲ့ ကမ္ဘာ့ဆီးချိုသွေးချိုရောဂါ ကာကွယ်ရေးနေ့ (World Diabetes Day) ကို ကြိုဆိုရင်း ဆီးချိုသွေးချိုရောဂါနဲ့ ပတ်သက်တဲ့ အကြောင်းအရာလေးတွေကို ဆက်လက်မျှဝေပေးလိုက်ပါတယ်နော်……💬 💬 💬

👉 ဆီးချိုသွေးချိုရောဂါကို ပျောက်ကင်းအောင် ကုသလို့မရသေးပေမယ့် ဆရာဝန်နဲ့ ပြသပြီး သွေးတွင်းအချိုဓာတ်ကို ပုံမှန်စစ်ဆေးဖို့ စနစ်တကျကုသမှုခံယူဖို့ လိုအပ်ပါတယ်။ စနစ်တကျမကုသပါက နောက်ဆက်တွဲဆိုးကျိုးတွေအနေနဲ့……

❗နှလုံးနဲ့ သွေးကြောဆိုင်ရာရောဂါများ
❗ကျောက်ကပ်ပျက်စီးခြင်းများ
❗မျက်စိအမြင်လွှာထိခိုက်၍မျက်စိကွယ်ခြင်း
❗ဦးနှောက်နှင့် အာရုံကြောထိခိုက်ခြင်း
❗လေဖြတ်ခြင်း
❗နှလုံးသွေးကြောကျဉ်းခြင်းနှင့် နှလုံးအားနည်းခြင်း
❗ရောဂါပိုးဝင်လွယ်၍ အနာကျက်နှေးခြင်း
❗ခြေထောက်ပုပ်ခြင်းစတဲ့ နောက်ဆက်တွဲရောဂါဝေဒနာတွေ ဖြစ်လာနိုင်ပါတယ်။

ဒီလိုမျိုး နောက်ဆက်တွဲဆိုးကျိုးတွေမခံစားရအောင် စနစ်တကျကုသမှုခံယူပြီး ကျန်းမာရေးနဲ့ညီညွတ်တဲ့ နေထိုင်စားသောက်မှုပုံစံတွေဖြစ်တဲ့….

✅ ချိုလွန်း ငန်လွန်း အဆီများလွန်းတဲ့ အစားအစာတွေကို လျှော့စားကြမယ်
✅ ရေဆာတဲ့အခါတွေမှာ အချိုရည်အစား ရေကိုပဲသောက်ကြမယ်
✅ အဝမလွန်အောင် ခန္ဓာကိုယ်အလေးချိန်ကို ထိန်းကြမယ်
✅ ကိုယ်လက်လှုပ်ရှား လေ့ကျင့်ခန်းတွေ ပုံမှန်လုပ်ကြမယ်
✅ ဟင်းသီးဟင်းရွက်နဲ့ အချိုမပါတဲ့ သစ်သီးဝလံတွေကို များများနဲ့စုံအောင်စားကြမယ်
✅ တိရစ္ဆာန်ကရတဲ့ အဆီတွေကိုရှောင်ကြမယ်
✅ စိတ်ဖိစီးမှုတွေကိုလည်း လျော့နိုင်သမျှလျော့အောင် ကြိုးစားနေထိုင်ကြမယ်ဆိုရင်တော့ဖြစ်ပေါ်လာနိုင်တဲ့ ရောဂါနောက်ဆက်တွဲတွေကို အထိုက်အလျောက်တားဆီးနိုင်မှာပဲ ဖြစ်ပါတယ်။

📌📌 နောက်ထပ်သတိထားရမှာကတော့....... ဆီးချိုသွေးချိုရောဂါလိုမျိုး ကိုယ်ခံအားနည်းစေတဲ့ နာတာရှည်ရောဂါတွေဟာ သာမန်လူတွေထက် တီဘီရောဂါဖြစ်နိုင်ခြေ ပိုမိုများပြားပါတယ်။ ဒါ့အပြင် ဆီးချိုသွေးချိုရောဂါရှိသူတွေမှာ တီဘီရောဂါရဲ့ လက္ခဏာတွေကို အလွယ်တကူ မသိနိုင်တာကြောင့် ကုသမှုကို အချိန်မီ မရရှိပါက ရောဂါပြင်းထန်မှုဟာလည်း ပိုမိုမြင့်မားတတ်ပါတယ်။ ဒါပေမဲ့ ဆီးချိုသွေးချိုရောဂါကို ကောင်းမွန်စွာ ထိန်းသိမ်းထားနိုင်မယ်ဆိုရင်တော့ ကိုယ်ခံအားကို တိုးတက်စေပြီး တီဘီရောဂါကူးစက်မှုကိုလည်း လျော့နည်းစေနိုင်မှာပဲ ဖြစ်ပါတယ်…..

🩸🩸 ဆီးချိုသွေးချိုရောဂါကို ဖြစ်စေနိုင်တဲ့ အဓိကအကြောင်းအရင်းတွေနဲ့ ရောဂါလက္ခဏာတွေအကြောင်းကိုတော့ ဆီးချိုသွေးချိုရောဂါအကြောင်း (အပိုင်း_ ၁) https://www.facebook.com/share/1EddUdksWx/ မှာ ဖတ်ရှု့နိုင်ပါတယ်.....

💁 ကျွန်တော်တို့ရဲ့ “သိမြင် ဝေမျှ ပြုမူကြ” အဖွဲ့သားများကနေပြီးတော့ ကျန်းမာရေးဆိုင်ရာ အကြောင်းအရာ၊ ဗဟုသုတလေးတွေကို အမြဲမျှဝေပေးသွားမှာဖြစ်လို့ စောင့်ကြည့်အားပေးကြပါဦးနော်။ Like and Share မလုပ်ရသေးရင်လည်း ဒီ Page လေးကို Like and Share လေးလုပ်ပြီး ကိုယ့်ရဲ့ အသိမိတ်ဆွေတွေကိုလည်း ကျန်းမာရေးဆိုင်ရာ ဗဟုသုတလေးတွေကို တဆင့်မျှဝေပေးကြပါဦးနော်။

#ဆီးချိုသွေးချိုရောဂါ

13/11/2024

ဆီးချိုသွေးချိုရောဂါအကြောင်း 🩸🩸 (အပိုင်း_၁)

အရှေ့တခေါက်တုန်းက သွေးတိုးရောဂါအကြောင်းသိကောင်းစရာလေးတွေကို ဝေမျှပြီးပြီဆိုတော့ အခုတခေါက်မှာတော့ ဆီးချိုသွေးချိုရောဂါနဲ့ပတ်သက်ပြီး ဗဟုသုတရစရာလေးတွေကို မျှဝေပေးလိုက်ပါတယ်နော်......💬

💁‍♂️ ဆီးချိုသွေးချိုရောဂါဆိုတာဟာ……လူ့ခန္ဓာကိုယ်ထဲမှာရှိတဲ့ ဇီဝကမ္မ ဖြစ်စဉ်တချို့ ချို့ယွင်းပြီး ဖြစ်ပေါ်လာတဲ့ သွေးအတွင်းမှာ အချိုဓာတ်များနေတဲ့ရောဂါဖြစ်ပါတယ်……

💁 ဆီးချိုသွေးချိုရောဂါဖြစ်ပွားစေနိုင်တဲ့ အဓိကအကြောင်းရင်းတွေကတော့…….
👉 သွေးအတွင်းသကြားဓာတ်ပမာဏ ပုံစံတကျမရှိခြင်း (သို့) ကိုယ်ဝန်ဆောင်ချိန်တွင် ဆီးချိုသွေးချိုဖြစ်ဖူးခြင်း
👉 မိသားစုထဲတွင်ဆီးချိုသွေးချိုရောဂါ မျိုးရိုးရှိခြင်း
👉 သက်ကြီးကိုယ်ဝန်ဆောင်ခြင်း (အများအားဖြင့် ၃၅နှစ်အထက်)
👉 ကိုယ်အလေးချိန်များခြင်း၊ အဝလွန်ခြင်း
👉 ဒါ့အပြင် 🚬 ဆေးလိပ်သောက်တဲ့သူတွေမှာဆိုရင် ဖြစ်နိုင်ချေပိုများတယ်လို့လည်း သိရပါတယ်။

❗️ ဆီးချိုသွေးချိုရောဂါဟာ အဖြစ်အများဆုံး နာတာရှည်ရောဂါတမျိုးဖြစ်ပေမယ့်လူအများစုက မိမိမှာ ရောဂါဖြစ်နေမှန်း အလွယ်တကူ မသိရှိကြပါဘူး။ မိမိမှာ ဆီးချိုသွေးချိုရောဂါ “ရှိ/မရှိ”ကို အလွယ်တကူ သတိပြုမိစေဖို့ ဆီးချိုသွေးချိုရောဂါရဲ့ လက္ခဏာတွေကိုလည်း မျှဝေပေးလိုက်ပါတယ်။ အဓိကရောဂါလက္ခဏာတွေကတော့ ……

📌 ဆီးခဏခဏသွားခြင်း
📌 နုံးချိနေခြင်း
📌 ရေအလွန်ငတ်ခြင်း
📌 အစာစားချင်စိတ်များခြင်း
📌 ခြေလက်ထုံကျင်ခြင်း
📌 အမြင်အာရုံဝေဝါးခြင်း
📌 အရေပြားယားယံခြင်း
📌 အနာများမကြာခဏပေါက်၍အနာကျက်ရန် ခက်ခဲခြင်းတို့ ဖြစ်ပါတယ်...

🩺 ဆီးချိုသွေးချိုရောဂါကို ပျောက်ကင်းအောင် ကုသလို့မရသေးပေမဲ့ ဆရာဝန်နဲ့ ပြသပြီး သွေးတွင်းအချိုဓာတ်ကို ပုံမှန်စစ်ဆေးဖို့ စနစ်တကျကုသမှုခံယူဖို့ လိုအပ်ပါတယ်။ စနစ်တကျမကုသပါက ဖြစ်ပေါ်လာနိုင်တဲ့ နောက်ဆက်တွဲဆိုးကျိုးတွေအကြောင်း နဲ့ ရောဂါနောက်ဆက်တွဲတွေကို မခံစားရအောင် အထိုက်အလျောက်တားဆီးနိုင်မယ့် ကျန်းမာရေးနဲ့ညီညွတ်တဲ့ နေထိုင်စားသောက်မှုပုံစံတွေအကြောင်းကို ဆီးချိုသွေးချိုရောဂါအကြောင်း (အပိုင်း_ ၂) မှာ ဆက်ပြီးမျှဝေပေးသွားမှာပဲ ဖြစ်ပါတယ်။

💁‍♂️ ကျွန်တော်တို့ရဲ့ “သိမြင် ဝေမျှ ပြုမူကြ” အဖွဲ့သားများကနေပြီးတော့ ကျန်းမာရေးဆိုင်ရာ အကြောင်းအရာ၊ ဗဟုသုတလေးတွေကို အမြဲမျှဝေပေးသွားမှာဖြစ်လို့စောင့်ကြည့်အားပေးကြပါဦးနော်။ Like and Share မလုပ်ရသေးရင်လည်းဒီ Page လေးကို Like and Share လေးလုပ်ပြီး ကိုယ့်ရဲ့ အသိမိတ်ဆွေတွေကိုလည်း ကျန်းမာရေးဆိုင်ရာ ဗဟုသုတလေးတွေကို တဆင့်မျှဝေပေးကြပါဦးနော်။

#ဆီးချိုသွေးချိုရောဂါ

30/10/2024

💓 သွေးတိုးရောဂါအကြောင်း သိကောင်းစရာ 💓

💁‍♂️ သွေးပေါင်ချိန် ၁၄၀/၉၀ နဲ့ အထက်ရှိပါက သွေးတိုးရောဂါရှိပြီလို့ သတ်မှတ်ပါတယ်။ သွေးတိုးရောဂါဆိုတာ အကြောင်းအရင်းအခံမရှိဘဲ အသက်အရွယ်မရွေးဖြစ်နိုင်ပြီး ကျောက်ကပ်သွေးကြောကျဉ်းရောဂါ၊ ဟော်မုန်းဂလင်းရောဂါ၊ မွေးရာပါနှလုံးသွေးကြောကျဉ်းရောဂါနဲ့ ဆေးဝါးတွေရဲ့ ဘေးထွက်ဆိုးကျိုးတွေကြောင့်လည်း သွေးတိုးနိုင်ပါတယ်။

💁‍♀️ သွေးတိုးရောဂါကိုဖြစ်စေတဲ့ အဓိကအကြောင်းအရင်းတွေကတော့......
👉 အငန်၊ အဆီနှင့် ဟင်းချိုမှုန့်များ အစားများခြင်း
👉 ကိုယ်လက်လှုပ်ရှားမှုနည်းခြင်း၊ အဝလွန်ခြင်း
👉 ဆေးလိပ်၊ အရက်သောက်သုံးခြင်း
👉 အချို့ဆေးဝါးများ သောက်သုံးခြင်း
👉 ဆီးချိုရောဂါရှိခြင်း
👉 ကျောက်ကပ်ရောဂါနှင့် အခြားရောဂါများရှိခြင်း
👉 မိဘမျိုးရိုးတွင် သွေးတိုးရောဂါရှိခြင်း
👉 စိတ်ဖိစီးမှုများခြင်း
👉 ကိုယ်ဝန်ဆောင်ခြင်း တို့ကြောင့်ဖြစ်ပြီး

💁 နောက်ဆက်တွဲဆိုးကျိုးအနေနဲ့……….
❗️ လေဖြတ်ခြင်း၊ လေဖြန်းခြင်း
❗️နှလုံးကြွက်သားကြီးခြင်း၊ နှလုံးသွေးကြောကျဉ်းခြင်း၊ အမောဖောက်ခြင်း၊ ရင်ဘတ်အောင့်ခြင်း
❗️ ခြေထောက်သွေးကြောများ ကျဉ်းခြင်းကြောင့် ခြေထောက်ကြွက်သားများနာလာခြင်း
❗️ မျက်လုံးဆံခြည်မျှင်သွေးကြောများ သွေးယိုစိမ့်ခြင်းနှင့် မျက်စိအမြင်လွှာပျက်စီးခြင်းကြောင့် အမြင်မှုန်ဝါးခြင်း၊ မျက်စိကွယ်ခြင်း
❗️ ကျောက်ကပ်ပျက်စီးခြင်း၊ ခြေထောက်ဖောရောင်ခြင်းနဲ့ ဆီးဆိပ်တက်ခြင်း တို့ကိုခံစားရနိုင်ပါတယ်။

ဒါ့ကြောင့်….သွေးတိုးရောဂါဖြစ်လာပြီဆိုရင်တော့………
✅ ဆရာဝန်ညွှန်ကြားတဲ့ ဆေးဝါးတွေကို ပုံမှန်သောက်သုံးပါ။
✅ သွေးပေါင်ချိန်ထိန်းဆေးတွေဟာ လူနာတစ်ဦးနဲ့ တစ်ဦးမှာဆိုရင် အာနိသင်၊ ဆိုးကျိုးတွေ မတူတတ်တာကြောင့် တစ်ဦးချင်း သက်ဆိုင်ရာဆရာဝန်နဲ့ တိုင်ပင်စမ်းသပ်ပြီးမှသာ ဆေးသောက်သုံးပါ။ မိမိသဘောဆန္ဒအလျောက် သောက်သုံးခြင်း၊ ကျွမ်းကျင်သူ ကျန်းမာရေးဝန်ထမ်းမဟုတ်သူများမှ ညွှန်ကြားတဲ့ ဆေးတွေကို သောက်သုံးခြင်းတွေ မပြုလုပ်သင့်ပါဘူး။
✅ သွေးပေါင်ချိန်ကို မှန်မှန်တိုင်းတာပါ။
✅ သင့်တော်တဲ့ကိုယ်အလေးချိန်ရှိအောင် ထိန်းသိမ်းပါ။
✅ ကိုယ်လက်လှုပ်ရှားမှု တစ်ခုခုကို နေ့စဉ် နာရီဝက်ခန့် မှန်မှန်ပြုလုပ်ပေးပါ။
✅ အရက်၊ ဆေးလိပ် ရှောင်ကြဉ်ပါ။
✅ အမျှင်ဓာတ်နှင့် ဗီတာမင်များပြီး လတ်ဆတ်သော အသီးအနှံနှင့် ဟင်းသီးဟင်းရွက်များ၊ အဆီဖယ်ထားသော အသားများ၊အဆီဓာတ်ထုတ်ထားသော နို့ထွက်ပစ္စည်းများကို စားသုံးပါ။
✅ ဆား၊ လျက်ဆားနှင့် အငန်ပါသော အစားအစာများ၊ ငံပြာရည်၊ အချိုများသော အစားအစာများ အငန်ဓာတ်များသော အသားခြောက်၊ ငါးခြောက်များနှင့် အသင့်ပြုလုပ်ထားသော အစားအစာများကို တတ်နိုင်သမျှ ရှောင်ကြဉ်ပါ။
✅ ပြည့်ဝဆီများဖြစ်သော အသားဆီနှင့် ဟင်းချက်ဆီတို့အစား မပြည့်ဝဆီကို အစားထိုး အသုံးပြုပေးဖို့ လိုအပ်ပါတယ်။

☑️ သွေးတိုးရောဂါအတွက် ကျန်းမာရေးနဲ့အညီ နေထိုင်စားသောက်မှုဟာ ဆေးဝါးများနည်းတူ အရေးကြီးပြီး သွေးတိုးရောဂါနဲ့ နောက်ဆက်တွဲဆိုးကျိုးတွေကိုလည်း ထိရောက်စွာ ကာကွယ်နိုင်မှာဖြစ်ပါတယ်။

🩺 လူနာအများစုအနေနဲ့ သွေးတိုးရောဂါလက္ခဏာတွေကို ကြိုတင်မသိရှိ မခံစားကြရတာကြောင့် သွေးပေါင်ချိန်ကို ပုံမှန်တိုင်းတာကြည့်ဖို့ လိုပါတယ်။ ဒါမှသာ သွေးတိုးရောဂါကို အချိန်မီသိရှိနိုင်ပြီး ထိထိရောက်ရောက် ဆေးကုသမှုခံယူနိုင်ကာ သွေးတိုးရောဂါကြောင့် ဖြစ်ပေါ်လာမယ့် နှလုံးသွေးကြောရောဂါ၊ လေဖြတ်ရောဂါ၊ ကျောက်ကပ်ပျက်စီးခြင်း၊ မျက်စိအမြင်လွှာပျက်စီးခြင်းတို့ကို အချိန်မီကာကွယ်နိုင်ပြီး သက်တမ်းစေ့နေနိုင်မှာဖြစ်ပါတယ်။

ကျွန်တော်တို့ရဲ့ “သိမြင် ဝေမျှ ပြုမူကြ” အဖွဲ့သားများကနေပြီးတော့ ကျန်းမာရေးဆိုင်ရာ အကြောင်းအရာ၊ ဗဟုသုတလေးတွေကို အမြဲမျှဝေပေးသွားမှာဖြစ်လို့ စောင့်ကြည့်အားပေးကြပါဦးနော်။ Like and Share မလုပ်ရသေးရင်လည်း ဒီ Page လေးကို Like and Share လေးလုပ်ပြီး ကိုယ့်ရဲ့ အသိမိတ်ဆွေတွေကိုလည်း ကျန်းမာရေးဆိုင်ရာ ဗဟုသုတလေးတွေကို တဆင့်မျှဝေပေးကြပါဦးနော်။

17/10/2024

သီတင်းကျွတ်လပြည့်နေ့ (အဘိဓမ္မာအခါတော်နေ့)

ဒီနေ့ မြန်မာသက္ကရာဇ် (၁၃၈၆) ခုနှစ်၊ သီတင်းကျွတ်လပြည့်နေ့ဟာ မြန်မာဗုဒ္ဓဘာသာဝင်တို့ရဲ့ နေ့ထူးနေ့မြတ် အဘိဓမ္မာအခါတော်နေ့ ဖြစ်ပါတယ်။

ဒီနေ့ဟာ မြတ်စွာဘုရားရှင်က လူ့ဘဝတုန်းက မယ်တော်ဖြစ်ခဲ့ဖူးတဲ့ သန္တုဿိတ နတ်သားကို ဝါတွင်းသုံးလပတ်လုံး အဘိဓမ္မာ (၇)ကျမ်းကို ဟောကြားခြင်း ပြီးမြောက်တော်မူတဲ့နေ့၊ နတ်ဗြဟ္မာအပေါင်း ခြံရံပြီး တာဝတိံသာနတ်ပြည်ကနေ လူ့ပြည်သင်္ကဿနဂိုရ်ပြည်ကို ကြွမြန်းဆင်းသက်တော်မူခဲ့တဲ့နေ့ဖြစ်တာမို့ မြတ်စွာဘုရားရှင်ကို ရည်စူးပြီး ပူဇော်တဲ့အနေနဲ့ သီတင်းကျွတ်လပြည့်နေ့မှာ ဆီမီးထွန်းပွဲကို ကျင်းပခဲ့ကြပါတယ်။

ဒီလို နေ့ထူးနေ့မြတ်အခါသမယမှာ အားလုံး ဘေးရန်ကင်းကွာ စိတ်ချမ်းသာ ကိုယ်ကျန်းမာပြီး လိုအင်ဆန္ဒတွေ ပြည့်ဝကြပါစေလို့ “သိမြင် ဝေမျှ ပြုမူကြ” အဖွဲ့သားများကနေပြီးတော့ #သီတင်းကျွတ် ဆုမွန်ကောင်းတောင်းလိုက်ပါတယ်။

#သီတင်းကျွတ်

10/10/2024

🧠 World Mental Health Day 🧠

💁 ကိုယ်ခန္ဓာကျန်းမာရေးဟာ အရေးကြီးသလို စိတ်ပိုင်းဆိုင်ရာ ကျန်းမာရေးဟာလည်း အလွန်အရေးကြီးပါတယ်။
👉 စိတ်ကျန်းမာရေးဆိုတာ စိတ်ရောဂါမရှိခြင်းသက်သက်ကို ဆိုလိုတာမဟုတ်ပါဘူး။
✅ လူတယောက်အနေနဲ့ မိမိရဲ့စွမ်းဆောင်နိုင်မှုကို သိရှိပြီး ဘဝမှာကြုံတွေ့ရတဲ့ စိတ်ဖိစီးမှုတွေကို ရင်ဆိုင်ဖြေရှင်းနိုင်မယ်။ အလုပ်တွေကိုလည်း ဖြစ်ထွန်းအောင်မြင်အောင်လုပ်ဆောင်နိုင်ပြီး ကိုယ့်ရဲ့လူမှုပတ်ဝန်းကျင်ကို အကျိုးပြုပံ့ပိုးပေးနိုင်ကာ ကျန်းမာပျော်ရွှင်တဲ့အနေအထားကို ဆိုလိုပါတယ်။
👥 ကျွန်တော်တို့ရဲ့ နေ့စဉ်ဘဝမှာ ကိုယ်ရေးကိုယ်တာနဲ့ အလုပ်ကိစ္စတွေအတွက် ရုန်းကန်လှုပ်ရှားကြရင်း သတိမထားမိဘဲ စိတ်ဖိစီးမှုတွေ များပြားလာတတ်ပါတယ်။
မိမိမှာ စိတ်ဖိစီးမှုများစွာ ခံစားလာနေရပြီဆိုရင်တော့ မိမိရဲ့စိတ်ကို အချိန်မီအသိအမှတ်ပြုပြီး ကူညီမှုများ လိုအပ်နိုင်တာကြောင့်……
မိမိအနားမှာရှိတဲ့ သူငယ်ချင်းတွေ၊ မိသားစုဝင်တွေနဲ့ စိတ်ဖိစီးမှုအခြေအနေများကို ပြောပြပြီး 🫂 အပြန်အလှန်ထောက်ပံ့မှု ရယူကြရအောင်။
ဒါ့အပြင် 🌱 စိတ်ကျန်းမာရေး ကောင်းမွန်ရေးအတွက် အပြုသဘောဆောင်တဲ့ လေ့ကျင့်ခန်းတွေဖြစ်တဲ့ ⛹️‍♂️ 🚴‍♂️ကိုယ်လက်လှုပ်ရှားလေ့ကျင့်ခန်းလုပ်တာ၊ 🧘‍♀️ယောဂဆော့တာ၊ 🧘‍♂️တရားထိုင်တာနဲ့ အသက်ရှူလေ့ကျင့်ခန်းတွေလည်း လုပ်ဆောင်လို့ရပါတယ်။
ကဲ….ဒီနေ့လေးကတော့….ကျွန်တော်တို့အားလုံးရဲ့ ☘️ စိတ်ကျန်းမာရေးအခြေအနေကို စောင့်ရှောက်ပေးဖို့အတွက် အလေးထားစဉ်းစားပေးရမယ့်နေ့လေးပဲဖြစ်ပါတယ်။

🫶 မိမိစိတ်ကို ကျန်းမာပျော်ရွှင်အောင် ဂရုစိုက်ကြပါစို့!

#စိတ်ကျန်းမာရေး

Know Share Act သိမြင် ဝေမျှ ပြုမူကြ။

24/03/2025

31/12/2024

25/12/2024

23/12/2024

12/12/2024

01/12/2024

22/11/2024

14/11/2024

13/11/2024

30/10/2024

17/10/2024

10/10/2024

Address

Website

Alerts

Shortcuts

Share

Category