MTA- Myanmar Tea Association, Mandalay (2026)

10/09/2026

📢 Vacancy Announcement ❕

🙌🏻 (MTA) မြန်မာနိုင်ငံလက်ဖက်စိုက်ပျိုးထုတ်လုပ် တင်ပို့ရောင်းချသူများအသင်းကြီးမှ အောက်ပါရာထူးနေရာများအတွက် သင့်ကို အလိုရှိနေပါတယ်။

⚠ လျှောက်ထားသူများအား Rolling Basis ဖြင့် ဦးသူချက်ချင်း အင်တာဗျူးခေါ်ဆို ခန့်အပ်သွားမှာဖြစ်လို့ အမြန်ဆုံးလာရောက်လျှောက်ထားကြဖို့လည်း တိုက်တွန်းလိုက်ပါတယ်။

🔰 Finance Assistant (1 Post)
🔰 Adminstration Officer (1 Post)

❗ အထက်ပါ ရာထူးနေရာများဟာ MTA အသင်းရုံးခန်းတည်ရှိရာ မန္တလေးမြို့မှာ အဓိကလုပ်ကိုင်ရမှာဖြစ်ပြီး လိုအပ်လျှင်လိုအပ်သလို ခရီးသွားလာရမှာဖြစ်ပါတယ်။
❕ အလုပ်အကိုင်များကို (၃)လ စမ်းသပ်ကာလအပြီးမှာ ရည်ရှည်၊ (၁)နှစ်စာချုပ်ဖြင့်ခန့်အပ်ပြီး ရှေ့ဆက်လက်တွဲ ဆောင်ရွက်သွားမှာဖြစ်ပါတယ်။

ရာထူးတစ်ခုစီအတွက် လုပ်ငန်းတာဝန်များနှင့် လိုအပ်သော အရည်အချင်းတို့ကို ပုံတစ်ပုံချင်းစီမှာ အသေးစိတ် ဖတ်ရှုလေ့လာနိုင်ပါတယ်။

စိတ်ဝင်စားလုပ်ကိုင်လိုသူများက
✅ အချက်အလက်ပြည့်စုံသော Resume, Cover Letter နှင့် မျှော်မှန်းလစာတို့ကို
✅ ([email protected]) သို့
✅ ၂၀၂၆ စက်တင်ဘာလ (၁၈) ရက်နေ့ မတိုင်မီ ပေးပို့လျှောက်ထားနိုင်ပါတယ်။

⚠ Email Subject မှာ လျှောက်ထားမည့် ရာထူးနာမည် (eg. Finance Assistant) ကို ထည့်သွင်းပေးပို့ရပါမယ်။

ပြည်တွင်း လက်ဖက်စိုက်ပျိုးထုတ်လုပ်ရေး ဖွံ့ဖြိုးတိုးတက်မှုကို ဦးဆောင်ပံ့ပိုးနေတဲ့ မြန်မာ့လက်ဖက်အသင်းကြီး(MTA) နှင့်အတူ လက်တွဲလုပ်ကိုင်လိုသူများ အားလုံးကို ဖိတ်ခေါ်ကြိုဆိုလိုက်ပါတယ်…💚

https://1drv.ms/w/c/e2f8b44d7f952fcf/

07/09/2026

🔰 Tea Agronomy and Sector Development Officer - (၁) ဦး

တာဝန်များ အစီရင်ခံတင်ပြခြင်း - Project Coordinator
တာဝန်ထမ်းဆောင်ရန် နေရာ - မန္တလေး

လုပ်ငန်းတာဝန်များ
▪ စိုက်ပျိုးရေးဆိုင်ရာ ရေရှည်တည်တံ့ခိုင်မြဲမှုနှင့်အညီ လက်ဖက်စိုက်ပျိုးထုတ်လုပ်မှု အရည်အသွေးနှင့် အရေအတွက် တိုးတက်စေရန် စိုက်ပျိုးရေးဆိုင်ရာ သစ်တောရေးရာနည်းဗျူဟာများကို လေ့လာအသုံးချခြင်း
▪ စိုက်ပျိုးထုတ်လုပ်ရေးအတွက် ထုတ်ကုန်ပစ္စည်းနှင့် ဝန်ဆောင်မှုပေးသူများအား အဆိုပါ နည်းဗျူဟာများဖြင့် ပံ့ပိုးကူညီပေးခြင်း
▪ လက်ဖက်စိုက်ပျိုးသူများ၊ ထုတ်လုပ်ဖြန့်ချိသူများအကြားမှ ချိတ်ဆက်မှုများကို လွယ်ကူချောမွေ့အောင် ဆောင်ရွက်ပေးခြင်း
▪ အတိုင်ပင်ခံများနှင့်ပူးပေါင်းကာ လက်ဖက်စိုက်ပျိုးသူများ၊ ထုတ်လုပ်ဖြန့်ချိသူများအား နည်းပညာအထောက်အပံ့နှင့် အလေ့အကျင့်များကို စီစဉ်ဆောင်ရွက်ပေးခြင်း
▪ ကွင်းဆင်းလေ့လာမှုများ၊ လက်တွေ့ ဆောင်ရွက်မှုများကို အကောင်အထည်ဖော်ခြင်းနှင့် ပြည့်စုံသောအစီရင်ခံစာများကို ပြင်ဆင်ခြင်း
▪ ကဏ္ဍအလိုက် လေ့လာမှုများ၊ စီမံကိန်းမိတ်ဖက်များနှင့်သက်ဆိုင်သော လေ့လာအကဲဖြတ်မှုများတွင်ပါဝင်ကာ မိတ်ဖက်ဆက်သွယ်မှုများကို စီစဉ်ပေးခြင်း
▪ စျေးကွက်ချိတ်ဆက်မှုများကိုမြှင့်တင်ရန်နှင့် လွယ်ကူချောမွေ့စေရန်၊ သက်ဆိုင်သူများနှင့် အခြားသောစိုက်ပျိုးရေးကဏ္ဍများအကြား ပိုမိုသိရှိနားလည်စေရန်၊ မိတ်ဖက်များနှင့်အတူ စီစဉ်ဆောင်ရွက်ခြင်း

အရည်အချင်း လိုအပ်ချက်များ
✅ ဖွံ့ဖြိုးရေးကဏ္ဍတွင် အတွေ့အကြုံ အနည်းဆုံး (၃) နှစ်ရှိသူ
✅ Agricultural Science, Forestry (သို့) သက်ဆိုင်ရာနယ်ပယ်မှ ဘွဲ့တစ်ခုခုရရှိပြီးသူ
✅ ဆက်ဆံရေးကောင်းမွန်ပြီး ပံ့ပိုးကူညီမှုနှင့် အစီရင်ခံစာရေးသားခြင်း ကျွမ်းကျင်သူ
✅ စီမံကိန်းဧရိယာများကို ခရီးသွားလာနေထိုင်နိုင်သူ (အထူးသဖြင့် ရှမ်းပြည်နယ်တောင်ပိုင်း ဒေသများ)
✅ လက်ဖက်စိုက်ပျိုးထုတ်လုပ်ရေးဆိုင်ရာ နည်းပညာပိုင်း အားကောင်းသူများအား ဦးစားပေး ခေါ်ယူလိုပါတယ်။

24/08/2026

"Tastes of the Golden Land" ပွဲကြီးအား Partner Association အဖြစ် အောင်မြင်စွာ ပါဝင်ဆင်နွှဲခဲ့ခြင်း 🇲🇲🍃

မြန်မာနိုင်ငံလက်ဖက်အသင်း (Myanmar Tea Association) သည် ရန်ကုန်မြို့တွင် အောင်မြင်စွာ ကျင်းပပြီးစီးခဲ့သော "Tastes of the Golden Land" ပွဲကြီးတွင် Partner Association အဖြစ် ပါဝင်ခဲ့သကဲ့သို့ ယခု မန္တလေးမြို့တွင် ပြုလုပ်သည့် ပွဲ၌လည်း Partner Association အဖြစ် ဂုဏ်ယူဝမ်းမြောက်စွာဖြင့် ထပ်မံဆင်နွှဲ ပါဝင်ခဲ့ပါသည်။

အဆိုပါပွဲတွင် ကျွန်ုပ်တို့ မြန်မာနိုင်ငံလက်ဖက်အသင်း၏ ဒါရိုက်တာ ဦးဇော်မင်းဦး (Director - U Zaw Min Oo) မှ အသင်း၏ ရည်ရွယ်ချက်များနှင့် မြန်မာ့လက်ဖက် ကဏ္ဍအကြောင်း မိတ်ဆက်ပြောကြားပေးခဲ့ပါသည်။

ထို့အပြင် Panel Discussion အစီအစဉ်တွင်လည်း အသင်း၏ ဒုတိယဥက္ကဋ္ဌ ဦးမောင်လွင် နှင့် အသင်း၏ အကြံပေးဦးမျိုးဝင်းအောင် တို့က ပါဝင်ဆွေးနွေးသူများအဖြစ် တက်ကြွစွာ ပါဝင်ခဲ့ကြပြီး မြန်မာ့လက်ဖက် လုပ်ငန်းဆိုင်ရာ အတွေ့အကြုံများနှင့် ဗဟုသုတများကို ထည့်သွင်းဆွေးနွေးပေးခဲ့ကြပါသည်။

ပွဲအတွင်း မြန်မာ့ရိုးရာ လက်ဖက်ခြောက်၊ လက်ဖက်စို စသည့် အရည်အသွေးမြင့် လက်ဖက်ထုတ်ကုန်များကို ခင်းကျင်းပြသနိုင်ခဲ့ပြီး မြန်မာ့လက်ဖက် ယဉ်ကျေးမှုကို ပိုမိုကျယ်ပြန့်စွာ မိတ်ဆက်ပေးနိုင်ခဲ့ပါသည်။

ဤပွဲကြီးများ အောင်မြင်စွာ ကျင်းပနိုင်ရေးအတွက် ဦးဆောင်ပါဝင်ခဲ့ကြသော ပွဲစီစဉ်သူများ၊ ပူးပေါင်းဆောင်ရွက်ခဲ့ကြသည့် မိတ်ဖက်အဖွဲ့အစည်းများ၊ အသင်းဝင်များ၊ ရောက်ရှိလာပြီး အားပေးခဲ့ကြသော ဧည့်သည်တော်များ နှင့် မြန်မာ့လက်ဖက်ကို ချစ်မြတ်နိုးကြသူများအားလုံးကို မြန်မာနိုင်ငံလက်ဖက်အသင်းမှ အထူးပင် ကျေးဇူးတင်ရှိပါသည်။

နောင်တွင်လည်း မြန်မာ့လက်ဖက် ကဏ္ဍ တိုးတက်မြင့်မားရေးနှင့် ကမ္ဘာ့အလယ်သို့ ထိုးဖောက်နိုင်ရေးတို့အတွက် ဆက်လက်ကြိုးပမ်း ဆောင်ရွက်သွားမည်ဖြစ်ပါသည်။

23/08/2026

"𝐓𝐚𝐬𝐭𝐞𝐬 𝐨𝐟 𝐭𝐡𝐞 𝐆𝐨𝐥𝐝𝐞𝐧 𝐋𝐚𝐧𝐝 𝟐𝟎𝟐𝟔 𝐌𝐚𝐧𝐝𝐚𝐥𝐚𝐲"
မြန်မာ့ရိုးရာ အစားအစာ ပြိုင်ပွဲ နှင့် ပြပွဲ ၂၀၂၆ မန္တလေး

22/08/2026

🍃 "Tastes of the Golden Land 2026 (Mandalay)" ပထမနေ့ အောင်မြင်စွာ ပြီးမြောက်ခဲ့ပါပြီ! မနက်ဖြန် စကားဝိုင်းမှာ ပြန်တွေ့ကြမယ် 🍵✨

ဒီနေ့ ကျင်းပခဲ့တဲ့ Tastes of the Golden Land 2026 ပထမနေ့မှာ မြန်မာနိုင်ငံလက်ဖက်အသင်း (MTA) ရဲ့ ပြခန်းဆီ လာရောက်အားပေးခဲ့ကြသူ တစ်ဦးချင်းစီတိုင်းကို အထူးပဲ ကျေးဇူးတင်ရှိပါတယ်!

မနက်ဖြန် (၂၃.၀၈.၂၀၂၆) မှာလည်း MTA အသင်းဝင် လက်ဖက် ပြခန်းများအပြင် စိတ်ဝင်စားဖွယ် စကားဝိုင်းဆွေးနွေးပွဲ (Panel Discussion) ပါဝင်သွားဦးမှာပါ!

🎙️ Panel Discussion ခေါင်းစဉ်:
👉 "From Local Flavor to Global Excellence"
(ဒေသအစားအစာ အရသာမှသည် ကမ္ဘာ့အဆင့်မြင့် ထူးချွန်မှုဆီသို့ တက်လှမ်းခြင်း)

🗣️ ပါဝင်ဆွေးနွေးမည့်သူများ

ဦးမောင်လွင် — MTA ၏ဒု-ဥက္ကဋ္ဌ (TGT Tea Co., Ltd.)
ဦးမျိုးဝင်းအောင် — MTA ၏အကြံပေးပုဂ္ဂိုလ် (Myanmar Tea Leaf Co., Ltd.)

မြန်မာ့လက်ဖက်ကို ကမ္ဘာ့အလယ်မှာ ပိုမိုလူသိများလာအောင် ဘယ်လိုမြှင့်တင်မလဲဆိုတဲ့ အတွေ့အကြုံ၊ ဗဟုသုတတွေကို ဝေမျှဆွေးနွေးသွားမှာဖြစ်လို့ လက်မလွှတ်တမ်း လာရောက်နားဆင်ဖို့ ဖိတ်ခေါ်လိုက်ပါတယ်။

📅 နေ့ရက်: ၂၃.၀၈.၂၀၂၆ (မနက်ဖြန်)

⏰ အချိန်: နံနက် ၉:၀၀ မှ ညနေ ၅:၀၀ နာရီအထိ

📍 နေရာ: Mandalay Convention Centre (MCC)၊ မန္တလေးမြို့

မနက်ဖြန် MCC မှာ ပြန်တွေ့ကြရအောင်နော်! 👋🍃

21/08/2026

🍃 **Tastes of the Golden Land 2026 (Mandalay)** ရဲ့ စိတ်လှုပ်ရှားစရာအကောင်းဆုံး Panel Discussion မှာ တွေ့ဆုံကြမယ်! 🍽️

မြန်မာ့အစားအသောက်ကဏ္ဍရဲ့ အနာဂတ်ကို ဘယ်လိုပုံဖော်ကြမလဲ❓
မန္တလေးရဲ့ အရသာတွေကို ခေတ်ရေစီးကြောင်းနဲ့အညီ ဘယ်လိုထိန်းသိမ်းမြှင့်တင်ကြမလဲ❓
မြန်မာ့ရိုးရာအရသာတွေကို ကမ္ဘာ့အလယ်မှာ လူသိများလာအောင် ဘယ်လိုဖော်ဆောင်ကြမလဲ❓

ဒီမေးခွန်းတွေအပြင် Food Business တစ်ခု အောင်မြင်လာဖို့ လိုအပ်တဲ့ အဓိကအချက်တွေ၊ ရေရှည်တည်တံ့ပြီး ကျန်းမာရေးနဲ့ညီညွတ်တဲ့ အစားအသောက်စနစ်တစ်ခု တည်ဆောက်နိုင်ဖို့ နည်းလမ်းတွေကိုပါ နယ်ပယ်အသီးသီးမှ ထိပ်တန်းလုပ်ငန်းရှင်များ၊ ပညာရှင်များရဲ့ အတွေ့အကြုံနဲ့ အမြင်များ ကနေ အတူတကွ ဆွေးနွေးအဖြေရှာသွားမှာ ဖြစ်ပါတယ်။

🍵 Myanmar Tea Producer and Exporters' Association ( MTA) အနေနဲ့ Partner Association အဖြစ် ပါဝင်ပူးပေါင်းသွားမှာဖြစ်ပြီး မြန်မာ့လက်ဖက်ကဏ္ဍကို ကိုယ်စားပြုသည့် အောက်ပါ လက်ဖက် Brand များလည်း ပါဝင်ပြသသွားမှာ ဖြစ်ပါတယ်။

**ပါဝင်ပြသမည့် လက်ဖက် Brand နှင့် လုပ်ငန်းများ**

* Mother’s Love Tea (SHWIN CHANG LONE MFG. CO., LTD.)
* ဦးကါက+ ဒေါ်စိန် လက်ဖက်လုပ်ငန်း
* TawWinKBZ Mountain Co., Ltd. (ရုပ်သေး လက်ဖက်ရည်)
* စူးရည် လက်ဖက် နှင့် အကြော်စုံ
* သဲတောင်ဖိုးထောင် လက်ဖက်နှင့် အကြော်စုံ
* TGT Tea Co., Ltd.
* FAT Tea
* တောင်ပိုင်
* ရွှန်းစိန် လက်ဖက် နှင့် အကြော်စုံ
* ဒင်္ဂါး မုန့်လုပ်ငန်း
* ရွက်နုလှိုင် လက်ဖက် နှင့် ဂျပန်ဂျင်းနု
* မြဘုရင် (MYABUYIN Dairy Plant)
* Myanmar Tea Leaf Co., Ltd.

မြန်မာ့အစားအစာယဉ်ကျေးမှုထဲမှာ အရေးပါတဲ့ လက်ဖက်ရဲ့ အရသာ၊ အမွေအနှစ်နဲ့ အနာဂတ်အခွင့်အလမ်းများ ကို မြန်မာနိုင်ငံလက်ဖက်အသင်း၏ ဒုဥက္ကဌ ဦးမောင်လွင်(ပင်ကြီးလက်ဖက်ဖွံဖြိုးတိုးတက်ရေးကော်မတီ ဥက္ကဌ) နှင့် အသင်း၏အကြံပေး ဦးမျိုးဝင်းအောင်တို့မှပါဝင်ဆွေးနွေးမှုအတွက်ဂုဏ်ပြုကြိုဆိုပြီးလက်ဖက်အစားအသောက်မျိုးစုံကို တစ်နေရာတည်းမှာ လေ့လာခံစားနိုင်မယ့် အခွင့်အရေးကောင်းတစ်ခုလည်း ဖြစ်ပါတယ်။ 🍃

📅 **နေ့ရက်** — ၂၂.၀၈.၂၀၂၆ နှင် ၂၃.၀၈.၂၀၂၆
⏰ **အချိန်** — မနက် ၉:၀၀ မှ ညနေ ၅:၀၀ နာရီအထိ
📍 **နေရာ** — MCC, မန္တလေး

19/08/2026

မင်္ဂလာပါရှင့်

စိုက်ပျိုးရေးအခြေပြု စီးပွားရေးလုပ်ငန်းများ ရေရှည်တည်တံ့ဖွံ့ဖြိုးတိုးတက်စေရန် ထုတ်ကုန်ဘဝစက်ဝန်းစီမံခန့်ခွဲမှုနှင့် စွန့်ပစ်ပစ္စည်းစီမံခန့်ခွဲမှုဆိုင်ရာ အသိပညာပေးဆွေးနွေးပွဲသို့ ဖိတ်ကြားခြင်း။

PRET (Promoting Environmental Transformation of Agrifood in Myanmar) Project ၏ အစီအစဉ်တစ်ရပ်အဖြစ် စိုက်ပျိုးရေးအခြေပြု စီးပွားရေးလုပ်ငန်းများ ရေရှည်တည်တံ့ဖွံ့ဖြိုးတိုးတက်စေရန် ရည်ရွယ်၍ “ထုတ်ကုန်ဘဝစက်ဝန်းစီမံခန့်ခွဲမှု (Life Cycle Management) နှင့် စွန့်ပစ်ပစ္စည်းစီမံခန့်ခွဲမှု (Waste Management) ဆိုင်ရာ အသိပညာပေးဆွေးနွေးပွဲ” ကို ကျင်းပပြုလုပ်သွားမည်ဖြစ်ပါသည်။

အဆိုပါဆွေးနွေးပွဲတွင် သက်ဆိုင်ရာအသိပညာများ မျှဝေဆွေးနွေးခြင်းနှင့် အတွေ့အကြုံများ ဖလှယ်ခြင်းများ ပြုလုပ်နိုင်မည်ဖြစ်ပါသဖြင့် လူကြီးမင်းတို့အား လေးစားစွာ ဖိတ်ကြားအပ်ပါသည်။

💦ဆွေးနွေးပွဲ၏ ရည်ရွယ်ချက်များ

၁။ လက်ဖက်တန်ဖိုးကွင်းဆက် (Tea Value Chain) ကို ဥပမာအဖြစ် အသုံးပြု၍ စွန့်ပစ်ပစ္စည်းများ ဖြစ်ပေါ်မှုနှင့် ပတ်ဝန်းကျင်အပေါ် သက်ရောက်မှုများကို သိရှိနားလည်စေရန်။

၂။ လက်ဖက်ကဏ္ဍတွင် အသုံးချနိုင်မည့် ထုတ်ကုန်ဘဝစက်ဝန်းစီမံခန့်ခွဲမှု (Life Cycle Management) နှင့် ဘဝစက်ဝန်းအမြင် (Life Cycle Thinking) ဆိုင်ရာ အခြေခံသဘောတရားများကို မိတ်ဆက်ပေးရန်။

၃။ စွန့်ပစ်ပစ္စည်းများကို လျှော့ချခြင်း၊ ပြန်လည်အသုံးပြုခြင်း (Reuse)၊ ပြန်လည်ထုတ်လုပ်အသုံးပြုခြင်း (Recycling) နှင့် အရင်းအမြစ်များကို ထိရောက်စွာ ပြန်လည်အသုံးချခြင်း (Resource Recovery) တို့ကို မြှင့်တင်ရန်။

၄။ စက်ဝန်းစီးပွားရေး (Circular Economy) ၏ အခြေခံသဘောတရားများနှင့် ရေရှည်တည်တံ့သော ထုတ်လုပ်မှုနည်းလမ်းများအပေါ် နားလည်မှု တိုးမြှင့်ပေးရန်။

၅။ လက်ဖက်ကဏ္ဍရှိ သက်ဆိုင်သူများအနေဖြင့် ပတ်ဝန်းကျင်ဆိုင်ရာ စွမ်းဆောင်ရည်များ ပိုမိုတိုးတက်ကောင်းမွန်လာစေရန် လက်တွေ့အကောင်အထည်ဖော်နိုင်မည့် နည်းလမ်းများကို ဖော်ထုတ်ဆောင်ရွက်နိုင်ရေး အားပေးမြှင့်တင်ရန်။

☘️မျှော်မှန်းရလဒ်များ (Expected Outcomes)

ဆွေးနွေးပွဲအပြီးတွင်— ပါဝင်သူများသည် လက်ဖက်တန်ဖိုးကွင်းဆက်အတွင်း ဘဝစက်ဝန်းအမြင်ကို အသုံးချ၍ ရေရှည်တည်တံ့သော ထုတ်လုပ်မှုနည်းလမ်းများကို နားလည်လာမည်ဖြစ်ပါသည်။ ထို့အပြင် ပတ်ဝန်းကျင်ထိခိုက်မှုများနှင့် စွန့်ပစ်ပစ္စည်းပြဿနာများကို သိရှိပြီး စွန့်ပစ်ပစ္စည်းလျှော့ချခြင်း၊ ပြန်လည်အသုံးပြုခြင်းနှင့် အရင်းအမြစ်များကို ထိရောက်စွာ အသုံးချခြင်းဆိုင်ရာ လက်တွေ့နည်းလမ်းများကို ဖော်ထုတ်နိုင်မည်ဖြစ်ပါသည်ရှင့်။

ပါဝင်ဆွေးနွေးလိုသူများ အနေဖြင့်မိမိတို့၏—-

၁) အမည်
၂)ဖုန်းနံပါတ်
၃)လိပ်စာ တို့အား

Comment သို့မဟုတ် Messenger မှတစ့်ဆင့် (၂၂/၀၈/၂၀၂၆)နေ့နောက်ဆုံးထား၍စာရင်းပေးသွင်းနိုင်ပါတယ်ရှင့်။

27/07/2026

✨ "Tastes of the Golden Land 2026" ပြပွဲကြီး အောင်မြင်စွာ ကျင်းပနိုင်ခဲ့မှုအပေါ် ဂုဏ်ယူဝမ်းမြောက်ကြောင်းနှင့် ကျေးဇူးတင်လွှာ ✨

မြန်မာနိုင်ငံ စားသောက်ဆိုင်လုပ်ငန်းရှင်များအသင်း (MRA) မှ ဦးဆောင် စီစဉ်ကျင်းပသည့် "Tastes of the Golden Land" ပြပွဲကြီး အောင်မြင်ခမ်းနားစွာ ကျင်းပနိုင်ခဲ့ခြင်းအတွက် မြန်မာနိုင်ငံလက်ဖက်အသင်း (MTA) မှ ထပ်တူထပ်မျှ ဝမ်းမြောက်ဂုဏ်ယူမိပါသည်။

ပြပွဲကြီးတွင် မြန်မာ့လက်ဖက် ယဉ်ကျေးမှုနှင့် လက်ဖက်ထုတ်ကုန်များကို ကျယ်ကျယ်ပြန့်ပြန့် ပြသခွင့်ရရှိရန်အတွက် မြန်မာ့လက်ဖက်ပြခန်းများ ပါဝင်ပြသနိုင်ရေး ဖိတ်ခေါ်ပေးခဲ့ပါသော MRA ဥက္ကဋ္ဌနှင့် တာဝန်ရှိသူများ အားလုံးကို အထူးပင် ကျေးဇူးတင်ရှိပါသည်။

ထို့ပြင် ဤပြပွဲကြီး အစအဆုံး အောင်မြင်ချောမွေ့စွာ ပြီးမြောက်ရေးအတွက် အစွမ်းကုန် ဝိုင်းဝန်းကူညီ လုပ်ဆောင်ပေးခဲ့ကြသည့် MRA နှင့် MTA မှ တာဝန်ရှိသူအသီးသီး၊ ဝန်ထမ်းများ၊ အသင်းဝင် ကုမ္ပဏီများနှင့် ပါဝင်ပြသပေးခဲ့ကြသော Brand အသီးသီးမှ တာဝန်ရှိသူများ၊ ဝန်ထမ်းများ အားလုံး၏ စေတနာနှင့် ကြိုးပမ်းအားထုတ်မှုများကိုလည်း မြန်မာနိုင်ငံလက်ဖက်အသင်းမှ အမှတ်တရ မှတ်တမ်းတင် အထူးကျေးဇူးတင်ရှိအပ်ပါသည်။

နောင်တွင်လည်း မြန်မာ့အစားအသောက်နှင့် လက်ဖက်ကဏ္ဍ စဉ်ဆက်မပြတ် တိုးတက်မြင့်မားရေးအတွက် ယခုကဲ့သို့ စည်းလုံးညီညွတ်စွာဖြင့် အတူတကွ လက်တွဲဆောင်ရွက်သွားနိုင်ရန် မျှော်လင့်ဆန္ဒပြုပါသည်။

25/07/2026

🌿🇲🇲 Taste of the Golden Land 2026 တွင် မြန်မာနိုင်ငံလက်ဖက်အသင်း၏ ပထမရက် အောင်မြင်စွာ ပါဝင်ပြသခြင်း 🇲🇲🌿

MTA- Myanmar Tea Association

10/09/2026

07/09/2026

24/08/2026

23/08/2026

22/08/2026

21/08/2026

19/08/2026

27/07/2026

25/07/2026

Address

Telephone

Website

Alerts

Contact The Organization

Shortcuts

Share

Category

Listing takedown request