https://www.facebook.com/100773382761147/

VIVA La Revolution, Mandalay (2026)

09/03/2025

ကျွန်တော်တို့ရဲ့ Project Nightingale ကို 109.22% ဖြင့် အောင်မြင်စွာ ပိတ်သိမ်းနိုင်ခဲ့ပါပြီ။

Project Nightingale ကို ကျွန်တော်တို့ Viva La Revolution Hospital အနေနဲ့ ရှေ့တန်း၊ နောက်တန်းနဲ့ ပြည်သူ့ကျန်းမာရေးအတွက် ကျန်းမာရေးစောင့်ရှောက်မှုပေးရာမှာ လိုအပ်နေတဲ့ ဆေးဝါးနဲ့ ဆေးရုံသုံးစက်ပစ္စည်း လိုအပ်ချက်တွေကို ဖြည့်တင်းနိုင်ဖို့ ပြုလုပ်ခဲ့တာဖြစ်ပါတယ်။

ဒီလိုအပ်ချက်တွေကို ဖြည့်ဆည်းနိုင်ဖို့ လူအား၊ ငွေအား၊ Social Media Promotion, RCS စသဖြင့် ဝိုင်းဝန်းထောက်ပို့ အားပေးကူညီခဲ့ကြတဲ့ တစ်ဦးတစ်ယောက်ချင်းစီတိုင်းကို အထူးကျေးဇူးတင်အသိအမှတ်ပြုပါတယ်ခင်ဗျာ။

အစားထိုးလို့မရတဲ့ အသက်တွေအတွက် Project Nightingaleမှာ ရာနှုန်းကျော်‌ေအာင် အတူပါဝင်အားဖြည့်ပေးခဲ့ကြတဲ့ ခွန်အားဖြည့်သူအားလုံးကို ကျေးဇူးတင်လေးစားလျက် ✊✊✊

Viva La Revolution

(Certificate ပေးပို့ဖို့ ကျန်ရှိနေတာများရှိရင် အားမနာပဲ လာတောင်းပေးလို့ရပါတယ်ဗျာ။)

05/03/2025

“One Last Support, One More Life”

ဒီနေ့ညကနေ မနက်ဖြန်ညအထိ စာရင်းချုပ်ပြီးစီးတာနဲ့ ကျွန်တော်တို့ရဲ့ Project Nightingale ကို ပိတ်သိမ်းမှာ ဖြစ်ပါတယ်ခင်ဗျာ။ ထောက်ပို့မှုတစ်ခုတိုင်းက အသက်တစ်ချောင်းချင်းစီနဲ့ ဆက်နွယ်နေတာမို့ အသက်ပေါင်းများစွာအတွက် ထောက်ပို့မှုပေါင်းများစွာကို နောက်ဆုံးအပိတ်ရက်မှာလည်း ဖြည့်ကူပေးကြဖို့ အကူအညီတောင်းပါတယ်ဗျာ့။

26/02/2025

အစားထိုးလို့မရတဲ့ အသက်တွေအတွက် အရှိန်ဆက်တင်လိုက်ကြရအောင် 💪💪💪

Blood Bag, Reagent နဲ့ B, C, R Test kit (Mini Goal) လေးကတော့ အောင်မြင်သွားပါပြီ။ အားလုံးရဲ့ စိတ်အားထက်သန်တဲ့ ပါဝင်အားဖြည့်မှုတွေကြောင့် Project Nightingale က ၈၄.၄ ရာခိုင်နှုန်းထိ ရောက်လာပြီဖြစ်ပါတယ်။ နောက်ထပ် ကျပ် (၁၅၆) သိန်း ဖြည့်နိုင်ပြီဆိုရင် Project လေးအောင်မြင်ပါပြီ။

ကျန်ရှိနေတဲ့ ၁၅.၆ ရာခိုင်နှုန်းကို နှစ်ပါတ်အတွင်းပြည့်နိုင်အောင် ဆက်ပြီး အင်အားဖြည့်ကူပေးကြဖို့ အကူအညီတောင်းပါတယ်ဗျာ့။ ပါဝင်အားဖြည့်ပေးကြတဲ့ တစ်ဦးတစ်ယောက်ချင်းစီတိုင်းကို ကျေးဇူးတင်လျက်ပါ။

21/02/2025

နေ့စဉ်နဲ့အမျှရင်ဆိုင်နေရတဲ့ အသက်တစ်ချောင်းချင်းစီအတွက် ကျန်းမာရေးစောင့်ရှောက်မှု ခက်ခဲတဲ့ ယောဒေသက ပြည်သူတွေအတွက် ရှေ့တန်းမှာ အစားပြန်ထိုးလို့မရတဲ့ အသက်တွေရင်းပြီး တိုက်ပွဲဝင်နေတဲ့ ရဲဘော်တွေအတွက် ကျန်းမာရေးရန်ပုံငွေ ထောက်ပံ့မှု အများကြီး လိုအပ်နေပါတယ်။

မြို့သိမ်းတိုက်ပွဲမှာ ရှေ့တန်းဒဏ်ရာရ ရဲဘော်တစ်ဦးအတွက် မသုံးရဘူးဆိုရင်တောင် ကျပ်ငွေ (၁၀) သိန်းစာလောက် ဆေးပစ္စည်းတွေကတော့ ကုန်သွားတာပါပဲ။ မြို့သိမ်း နယ်မြေသိမ်း‌ အောင်ပွဲအလီလီ နဲ့ ဆက်ချီနိုင်ဖို့ဆိုရင် ကျန်းမာရေးကဏ္ဍအတွက် ကျွန်တော်တို့အားလုံးရဲ့ ပူးပေါင်းမှုကောင်းရင်ကောင်းသလို ဆုံးရှုံးစရာမလိုတဲ့ အသက်တွေ၊ ချို့တဲ့စရာမလိုတဲ့ ကိုယ်လက်အင်္ဂါတွေစတဲ့ ရလာဒ်ကောင်းတွေနဲ့ အားဖြည့်နိုင်ဖို့ လိုပါတယ်။

Target ပမာဏပြည့်ဖို့အတွက် ကျပ်သိန်း (၄၆၀) ဖြည့်နိုင်ဖို့လိုအပ်နေပါတယ်။ ဒီ Project လေးအဆင်ပြေမယ်ဆိုရင် ကျွန်တော်တို့ ဆေးရုံရဲ့ ကုသရေးအခက်အခဲတွေကို ကျော်လွှားဖို့ အများကြီး အထောက်အကူဖြစ်စေမှာပါ။ လိုအပ်နေသေးတဲ့ ပမာဏကို ဆက်လက်ဖြည့်နိုင်ဖို့ Project Nightingale ကို ရက် (၂၀) ထပ်တိုးပါရစေခင်ဗျာ။ အားလုံးရဲ့ ပါဝင်မှုကို ကျွန်တော်တို့ရဲ့ အင်အားပါပဲ။

17/02/2025

ရင်ဖွင့်သံ: တိုက်ပွဲအလယ်မှ ဆရာဝန်

ကျွန်တော်က အာဏာသိမ်းတဲ့အချိန်မှာ ဆန္ဒပြပြီး တော်လှန်ရေးအတွက် စစ်သင်တန်းပါ တက်ခဲ့တယ်။ ခုတော့ social media မှာ attention သိပ်မရတဲ့ ဒေသတစ်ခုရဲ့ တိတ်ဆိတ်တဲ့ရွေ့လျားဆေးရုံမှာ ကုသရေးခေါင်းဆောင်ဆရာဝန်တစ်ဦးဖြစ်လာတယ်။

တိတ်ဆိတ်တယ်ဆိုတာက Facebook မှာ post တစ်ခုတောင် viral မဖြစ်နိုင်တဲ့အနေနဲ့လား? တကယ်တော့ တိတ်ဆိတ်တာက social media ပဲ။ အမှန်မှာတော့ ကျွန်တော်တို့ team လေးဟာ နားချိန်တောင် မရှိလှအောင်ပင်ပန်းနေကြတယ်။

Ward ထဲမှာ round တဲ့အခါ ကျွန်တော်ဖြစ်ပြီး OPD ကြည့်တဲ့အခါလည်း ကျွန်တော်ပဲဖြစ်နေပြန်တာ။ OT ထဲမှာဆိုရင်တော့ ကျွန်တော်နဲ့ ရုပ်ချင်းတူတဲ့ ဆရာဝန်... အဲ... ကျွန်တော်ပဲဖြစ်နေတယ်။ ဒီလိုမျိုး သုံးကိုယ်ခွဲပြီး တာဝန်ထမ်းဆောင်နေရတဲ့ကျွန်တော်၊ အလုပ်တွေအမြောက်အများနဲ့ မနားရတာကိုတော့ မညည်းညူပါဘူး။ ဒါပေမယ့် တစ်ခါတစ်လေ Oxygen ပေးဖို့ မီးစက်နှိုးခိုင်းလိုက်ရင်... "ဆရာရေ... မီးစက်က နှိုးမရတော့ဘူးဗျ" ဆိုတဲ့အသံကြားရတဲ့အခါ... ဟိုဘက်ခန်းက ကလေးလေးကို O2 ပေးထားရင်း... "ဆရာရေ ဦးကြီးဖေကလည်း O2 ပေးထားတယ်၊ ဟိုဘက်ကလေးလည်း ပေးနေရတယ်... အခု O2 5L တစ်လုံးက ကြောင်နေတာကြောင့် ခနခန ရပ်သွားတယ်..." ဆိုတဲ့စကားတွေကြားရတဲ့အခါ... တော်လှန်ရေးဒေသချင်းတောင်မှ... "ငါတို့ရှိနေတဲ့နေရာက ကံမကောင်းကြရတာလား..." လို့တွေးမိတယ်။

ကျွန်တော် Ortho ကို စိတ်ဝင်စားပေမယ့် ဒီဒေသမှာတော့ OG တစ်ယောက်လိုပဲ ဖြစ်နေရတယ်။ လူတွေအနေနဲ့ ဒီကာလမှာ စိတ်နဲ့ကိုယ် မကပ်နိုင်တော့ဘူး။ AN care အတွက် တောင်တစ်လုံးကျော်လာမပြနိုင်ဘူး။ ဒါပေမယ့် မွေးဖွားဖို့အချိန်တန်လာတဲ့အခါ "ဆရာ ၁၀လ ပြည့်ပြီ... ဒါကြောင့်လာခဲ့တာ" ဆိုပြီး သေချာမသိပဲရောက်လာတတ်ကြတယ်။ USG ကောင်းရင် ပိုတိကျနိုင်ပေမယ့် သုံးနေတဲ့တစ်ခုကတော့ ကလေးနှလုံးခုန်နှုန်း(FCA) ကို ရေတွက်‌နိုင်လောက်ရုံဘဲပေါ့ "ဆရာမတို့ရေ USG အသစ်လေး ဝယ်ကြမယ်ဟေ့" ဆိုလိုက်ရင်... "ဆေးဖိုး အကြွေးတွေ မကြေသေးဘူး ဆရာရေ..." ဆိုတဲ့တုံ့ပြန်မှုကိုသာ ရရှိရတယ်။

ကျွန်တော် Ortho specialist တစ်ယောက်ဖြစ်လာချင်တာမို့ မအားလပ်တဲ့ကြားကနေ Ortho specialist ရှိတဲ့ ဆေးရုံတချို့မှာ OT ရှိရင် သွားပြီး အတွေ့အကြုံယူဖြစ်တယ်။

ပြီးတော့ X-rayလေးသာရှိရင် ပိုကောင်းမယ်ကွာဆိုပြီး အားမလိုအားမရဖြစ်ရတယ် ။(ဖြစ်ချင်တဲ့ ဆန္ဒလေးပါ)

Fracture တွေကို လက်ဖြင့်သာ ခနခန reduction ပြုလုပ်နေရတာ ကျွန်တော့်အတွက် မဖြေရှင်းနိုင်တဲ့အခက်အခဲတစ်ခုပါ။ C-arm လည်း မရှိ၊ X-ray တောင် မရှိဘဲ အတောအတွင်းမှာ လုပ်နေရတယ်။ပျက်သွားတဲ့ C-arm လေးကလည်း နောက်လည်းမလာ လာလည်းမနောက်တော့ဘူး။ ဒါလေးကတော့ လိုချင်မိတယ်။

Project Nightingale ကို အားလုံးရဲ့ အားထားမှုနဲ့ ရှေ့ဆောင်သွားနိုင်ဖို့ ကြိုးစားနေပါတယ်။ တော်လှန်ရေးဆိုတာ လက်နက်နဲ့ပဲ ဖြစ်ဖို့မလိုပါဘူး။ ကျွန်တော်တို့လို ဆရာဝန်တွေကလည်း တိုက်ပွဲထဲမှာ မီးမလောင်တဲ့ မီးတောက်လက်တစ်စုံပါ။

ဒီလို မပြည့်စုံတဲ့ဆေးရုံလေးကို တည်ဆောက်နေတဲ့အကြားမှာ... ကျွန်တော်တို့အတွက် အခက်အခဲဆိုတာ နှိုးမရတဲ့ မီးစက်တစ်လုံးလား၊ တိုက်ခိုက်မှုကြားက လမ်းခရီးလား၊ သို့မဟုတ် လှူဒါန်းမှုမရတဲ့ ငွေကြေးအခက်အခဲလား... မသိဘူး။ ဒါပေမယ့် တစ်ခါတစ်လေတော့ ဒီနွမ်းပါးတဲ့ဒေသမှာ နေထိုင်ရင်း YKKO က ကြေးအိုးကို လွမ်းနေမိ‌တယ်။ တစ်ဖက်မှာ လူအသက်ကယ်ဖို့ အထိရောက်ဆုံးဖြစ်ချင်ပြီး တစ်ဖက်မှာတော့ ရှမ်းခေါက်ဆွဲတစ်ပွဲလောက် စားချင်နေမိတာ...

တစ်ခါတစ်လေတော့ Zoro လိုမျိုး လမ်းမပျောက်ပဲ😹 တစ်ကိုယ်တော်နဲ့ တိုက်ပွဲဝင်ရတယ်ဆိုပေမယ့်... ကျွန်တော်တို့မှာ လုပ်ဖော်ကိုင်ဖက်တွေရှိတယ်။ Project Nightingale ဟာ အားလုံးပေါင်းစည်းတဲ့ တိုက်ပွဲပါ။

လုံခြုံရေးအတွက် တိတ်ဆိတ်စွာ လုပ်ဆောင်နေခဲ့ပေမယ့်... ခုတော့ project ကို ပြည့်ချင်ပါတယ်။ ကိုယ်ထူကိုယ်ထ ဆေးရုံဖြစ်တာကြောင့် အစစအရာရာ ကိုယ်တိုင်လုပ်ကြရတယ်။ ပင်ပန်းတယ်... ဒါပေမယ့် "ငါတို့" က တော်လှန်ရေးကို ထပ်တိုးမယ်။

မနက်ဖြန်ကို ယုံကြည်ပြီး ဆေးပညာဖြင့်တိုက်ပွဲဝင်ရင်း...

15/02/2025

ကနေဒါရဲ့ အင်အားစုစည်းမှူများ✊✊✊

ကနေဒါမှသည် ယောနယ်ဆေးရုံဆီသို့ ပေးပို့လာသော ‌ခွန်အားဖြည့်မှုများအတွက် ဆေးပညာဖြင့်တော်လှန်နေသော လူထုတော်လှန်ရေး ဆေးရုံ Viva La Revolution Hospital မှ ကျေးဇူးတင်ရှိပါကြောင်း အလေးအနက်တုံ့ပြန်ရင်း မှတ်တမ်းတင်ပါရစေခင်ဗျာ🫡

15/02/2025

သွေးသည်အသက် အသက်သည်သွေး🩸🩸🩸

သွေးသည်အသက် အသက်သည်သွေး ဆိုသလို သွေးဟာ ခန္ဓာကိုယ် အတွက် ဘယ်လောက်အရေးကြီးသလဲဆိုတာ သိကြတယ်ဟုတ် အကြောင်းအမျိုးမျိုးကြောင့် လုံလောက်တဲ့သွေးပမာဏမရှိတော့တဲ့အခါ အသက်ဆုံးရှုံးရတာမျိုးထိ ဖြစ်နိုင်ပါတယ်။

ခုကာလမှာ စစ်ဘေးကြောင့် ထိခိုက်ဒဏ်ရာရတဲ့ပြည်သူတွေ၊တိုက်ပွဲအတွင်း ထိခိုက်ဒဏ်ရာရရဲဘော်တွေမှာ အရေးပေါ်သွေးသွင်းဖို့ လိုအပ်လာချိန် လုပ်ပေးနိုင်တဲ့ ဆေးရုံဆေးခန်းနဲ့ ဝေးတာကြောင့်သော်လည်းကောင်း၊ တူညီတဲ့သွေးအမျိုးအစားကို အချိန်တိုအတွင်း မရနိုင်တာကြောင့်လည်းကောင်း ၊သွေးသွင်းဖို့အတွက် လိုအပ်တဲ့ ပစ္စည်းများ ပြတ်လပ်မှုကြောင့်လည်းကောင်း သွေးထွက်လွန်ပြီး အသက် မဆုံးရှုံးသင့်ပဲ ဆုံးရှုံးရတာမျိုးတွေရှိပါတယ်။

ဒဏ်ရာရလာတဲ့ လူနာအများစုဟာ မိမိရဲ့သွေးအမျိုးအစားကို မသိကြတဲ့သူတွေက များပါတယ်။ သွေးအမျိုးအစား စစ်ပေးနိုင်မယ့် ဆရာ/ဆရာမ ရှိသော်လည်း လိုအပ်တဲ့ပစ္စည်းများ မရှိပါက မစစ်ပေးနိုင်တာမျိုးရှိပါတယ်။

ဒါ့အပြင် သွေးသွင်းတော့မယ်ဆိုရင် လူနာကိုဖြစ်စေ၊ သွေးလှူရှင်ကိုဖြစ်စေ ကူးစက်နိုင်တဲ့ရောဂါ ဘီပိုး၊ စီပိုး၊ HIVပိုး စတာတွေ ရှိ/မရှိ စစ်ပေးဖို့လည်း လိုပါတယ်။ အဲ့လိုမှမဟုတ်ရင် သွေးလာလှူရင်း ရောဂါပိုးရှိ/မရှိ စစ်ပေးတဲ့အချိန်ကျမှ ပိုးတွေ့ရတာမျိုးတွေရှိပါတယ်။

စစ်ပေးဖို့ပစ္စည်းမရှိတာရယ် အရေးပေါ်သွေးသွင်းဖို့ လိုတာရယ်ကြောင့် မစစ်ပေးဘဲ သွင်းလိုက်ရင် လူနာအတွက် နစ်နာစရာတွေ ဖြစ်နိုင်ပါတယ်။ အသက်အန္တရာယ်ကြောင့် လိုအပ်လို့သွေးသွင်းရာ ကနေ ရောဂါပိုးကူးစက်ခံရရင် အတော်လေး ရင်နာဖို့ကောင်းပါတယ်။

ဒါ့ကြောင့် သွေးသွင်းဖို့ သွေးစစ်ဖို့အတွက်လိုအပ်တဲ့ ပစ္စည်းတွေဖြည့်နိုင်ဖို့ရေး project nightingale ရဲ့ mini goal လေး ပြည့်မှီအောင် ကူပေးကြဖို့ မေတ္တာရပ်ခံပါတယ်ဗျ။

14/02/2025

ချစ်သူများနေ့ (Valentine's day) မှာ
ဘာလုပ်လို့ရမလဲ

ဒီနေရာမှာ ၂ ပိုင်း ခွဲပြောလို့ရပါတယ်
နံပါတ် (၁) ချစ်သူရှိသူနဲ့
နံပါတ် (၂) ချစ်သူမရှိတဲ့ တစ်ယောက်တည်းသမား ဆိုပြီး ၂အုပ်စုပါ

ချစ်သူရှိတဲ့သူတွေက Viva La Revolution Hospital ရဲ့ Project Nightingale မှာ နှစ်ဦးရေစက် ဆက်လက်ရှည်ပါစေကြောင်း တောင်းဆုများနဲ့အတူ အတူအကွ နာမည်လေးနဲ့ လာလှူလို့ရပါတယ်

တစ်ယောက်တည်းတောက်ပမယ်ဆိုတဲ့ ဆင်ဂယ်လေးတွေကတော့
Viva La Revolution Hospital ရဲ့ Project Nightingale မှာ
ချစ်သူရပါစေကြောင်း ဆုတောင်းရင်း လှူလို့ရသလို
တစ်ယောက်တည်းလည်း အပူကင်းကင်းနေနိုင်ကြောင်း ပြသရင်း ဂုဏ်ဆာလို့ ရပါပြီခင်ဗျ

ဒီစာရေးတဲ့သူလည်း မျက်ရည်စက်လက်နဲ့ ရေးလိုက်ရပါကြောင်း

13/02/2025

အားလုံးရဲ့ စိတ်အားထက်သန်တဲ့ ပါဝင်မှုတွေနဲ့ Portable USG MINI Target သိန်း (၉၀) ကျပ်လေး ပြည့်သွားပါပြီဗျာ။ ပါဝင်ထောက်ပို့ကူညီပေးကြတဲ့ တစ်ဦးတစ်ယောက်ချင်းစီကို ကျေးဇူးတင်လျက်ပါ။ Main Target ဖြစ်တဲ့ ကျပ်သိန်း (၁၀၀၀) ပြည့်မီဖို့အတွက် 50% လိုအပ်နေသေးတဲ့အတွက် ဆက်လက် အားဖြည့်ကူပေးကြဖို့ အကူအညီတောင်းပါတယ်ဗျာ။

12/02/2025

ကျွန်ုပ်သည် အောက်ပါအဖြစ်အပျက်များကို ရေးသားသည်မှာ ကျွန်ုပ်ကိုယ်တိုင် တွေးတော၍ ရေးသားခြင်း မဟုတ်။ ကျွန်ုပ်၏ မိတ်ဆွေတစ်ဦး ၄င်းကိုယ်တိုင် တွေ့ကြုံခဲ့ရသည်တို့ကိုသာ ပြန်လည်တင်ပြခြင်း ဖြစ်ပါသည်။ တစ်နေ့သ၌ ကျွန်ုပ်သည် လမ်းထိပ်တွင် မုန့်သွားဝယ်မည်ဟု အိမ်မှထွက်မည်အပြုတွင် ကျွန်ုပ်ထံသို့ လိပ်မူ၍ပို့လိုက်သော ပါဆယ်တစ်ထုပ် ရောက်ရှိလာလေ၏။

ထို့နောက် ကျွန်ုပ်သည် နောက်ကျနေမည်စိုး၍ အထုပ်အား မဖွင့်အားသောကြောင့် ညရောက်မှသာ ထုတ်ကြည့်မိ၏။ ပို့လိုက်သူမှာ မိတ်ဆွေဟောင်း အိုင်ပီကိုအေးဝင်း ထံမှ ဖြစ်ရာ ကျွန်ုပ်ထံသို့ အရောက်အပေါက် အလွန်နည်းသော မိတ်ဆွေထံမှ ရောက်လာသောပါဆယ်အား ပို၍စိတ်ဝင်စားမိလေ၏။ ပါဆယ်အား ဖွင့်ကြည့်လေရာ အထဲ၌ စာတစ်စောင်နှင့် စာရွက်ထုပ်ကြီးတစ်ထုတ်တို့ ဖြစ်လေသည်။ ကျွန်ုပ်သည် စာကိုဦးစွာ ဖတ်ကြည့်ရာ "မိတ်ဆွေ မောင်ထက်မှာ ထူးဆန်းသောဝတ္ထုနှင့် စာများရေး၍ ထိုအလုပ်၌ မွေ့လျော်သည်ဟု ကြားသိရပါသည်။ ထို့ကြောင့်ပင် ကျွန်ုပ်ကိုယ်တိုင်ပါဝင်၍ လိုက်ခဲ့ရသော အမှုတစ်ခုအကြောင်းအား ကျွန်ုပ်၏ လုပ်ဖော်ကိုင်ဖက် မှတ်တမ်းအား တောင်းယူ၍ လက်ရေးမူကို ပို့လိုက်ရပါသည်။

" ကိုအေးဝင်း ကျွန်ုပ်သည် စာရွက်ထုပ်ကြီးအား ဖောက်၍ ဖတ်ပြီးလျှင် ထူးဆန်းသောအကြောင်းရာများအား ချစ်စွာသော စာဖတ်သူများအား ပြန်လည်တင်ပြရန် သဘောထားရှိသည်နှင့် တင်ပြလိုက်ရပါသည်။ မူရင်း အရသာမပျက်စေလိုသောကြောင့် ကိုအေးဝင်း၏မိတ်ဆွေ အိုင်ပီဂျောက်ဂျက်ရေးသား ထားသည့်အတိုင်း တင်ပြလိုက်ပါသည်။ ထို့ကြောင့်ဤမှစ၍ အိုင်ပီဂျောက်ဂျက်၏ မှတ်တမ်းအဖြစ် ဖတ်ရှူကြပါကုန်။

X###################################################x

တနေ့သ၌ ကျွန်ုပ်သည် ကျွန်ုပ်၏ ရုံးခန်းလေးအတွင်း၌ ဝါသနာအလျောက် ကဗျာတစ်ပုဒ်အားရေးစပ်နေစဥ် ကျွန်ုပ်၏ မိတ်ဆွေ ဆားပုလင်းကိုထူးဆန်းသည် ရုံးခန်းအတွင်းသို့ ဝင်လာပြီး "အိုင်ပီရေ အမှုလိုက်စရာမရှိတော့ ပျင်းစရာကောင်းလိုက်တာဗျာ" ဟုဆိုသဖြင့် ကျွန်ုပ်သည် " ကျုပ်တို့ စုံထောက်ကျော်ကြီးဆားပုလင်း ကိုထူးဆန်း တို့တော့ အမှုလိုက်ရတာကို ချစ်သူကိုစွဲလန်းသလို စွဲနေပြီထင်တယ်"ဟု နောက်ပြောင်နေစဥ် ရုံးခန်းအတွင်းသို့ ပြာတာ (ကယ်ရိုစင်း) သည် အပြေးတပိုင်း ရောက်လာပြီးလျှင်

"ဆရာတို့ရေ... လက်ဖက်ခြောက်ခပ်ဖို့သာ ပြင်ပေတော့ ..မင်းကြီးဆူနေပြီ၊ လူ_သ_တ်_မှုဖြစ်ပြန်ပြီထင်တယ်" ဟုဆိုလေရာ

ကျွန်ုပ်နှင့် ဆားပုလင်း ကိုထူးဆန်းမှာ တယောက်မျက်နှာတယောက်ကြည့်ကာ ပြုံးလိုက်လေ၏။

ထို့နောက် ကျွန်ုပ်သည် ကပ်ဖားရပ်ဖား လုပ်တတ်သော ဝန်ထမ်းပီပီ မင်းကြီး ရုံးခန်းသို့ဝင်ရန် ကမန်းကတန်း ပြင်ဆင်ရလေ၏။ ဆားပုလင်း ကိုထူးဆန်းမှာမူ ကျွန်ုပ်၏ရေးလက်စ ကဗျာအားဖတ်ရင်းကျန်ခဲ့လေ၏။ ရုံးခန်းအတွင်းသို့ရောက်သောအခါ ဦးအေးဝင်း နားတွင်ကပ်၍ရပ်ကာ "လူယုတ်မာကြီး ၊ ခင်ဗျားသိမယ်၊ ကျုပ်ကိုစောစောမခေါ်ဘူး" ဟုလေသံတီးတိုးဖြင့် ပြောလိုက်လေ၏။ ထိုအခိုက်မှာပင် မင်းကြီးသည်ကျွန်ုပ်အားမြင်သွားပြီးလျှင် "မြည်းသတ္တဝါလိုအပျင်းထူတဲ့ လူကလေးတို့ ၊ အမှုမရှိဘူးဆိုပြီး ချောင်မှာသွားအိပ်နေတယ်ပေါ့ ဟုတ်လား၊ တာဝန်ချိန်မှာအိပ်တာကို ကျုပ်မကြိုက်ဘူး ၊နောက်ကို လုံးဝမအိပ်ပါနဲ့၊ ပုစွန်တောင်ချောင်းဘေးက အိမ်တစ်အိမ်မှာ လူ_သ_တ်_မှုဖြစ်လို့ ပုစွန်တောင်ဂတ်က အကူညီတောင်းထားတယ်၊ အလောင်းကို အမြန်သွားကြည့်ပြီး သဲလွန်စရှာပါ ၊ တရားခံကိုအမြန်ဖော်ထုတ်ပါ၊ စုံထောက်လုပ်ဖို့ ဘုရားသခင်က ပေးသနားထားတဲ့ ဆားပုလင်းမောင်ထူးဆန်းကိုလည်းခေါ်သွားပါ" ဟု ဆူပူကြိမ်းမောင်းပြီး ကျွန်ုပ်တို့လူစုအား ရုံးခန်းအတွင်းမှ နှင်ထုတ်လေ၏။

အပြင်သို့ရောက်သော် ဦးအေးဝင်းသည်" ခင်ဗျားကို မခေါ်တာမဟုတ်ပါဘူးဗျာ၊ ကျုပ်လဲ အူလည်လည်နဲ့ ရောက်သွားတာ ၊ ပြီးတော့ ဆူပူတော့တာပါပဲ ၊ ခင်ဗျားနောက်ကျမှ ရောက်တာ ကံကောင်းတယ်ဗျနော် ၊အရင်ရောက်သွားတဲ့ ကျုပ်တို့ကတော့ ကံဆိုးသူမောင်ရှင် ပေါ့ဗျာ " ဟုဆိုကာ ဆားပုလင်းကိုထူးဆန်းရှိသော ကျွန်ုပ်၏ရုံးခန်းဆီသို့လျှောက်လာစဥ် ကျွန်ုပ်တို့၏ ပြိုင်ဖက်ဖြစ်သော စုံထောက်ကိုငုယင် တို့အုပ်စုသည် စီအိုင်ဒီပိုင် ကားစုတ်ကြီးအားတွန်း၍နှိုးကာ မီးခိုးတလူလူဖြင့် စီအိုင်ဒီအတွင်းမှ ထွက်ခွာသွားလေ၏။

ထိုနောက်ဦးအေးဝင်းသည် " ဟိုလူတွေတော့သွားပြီဗျို့၊ ကျုပ်တို့လည်း ဆားပုလင်း ကိုထူးဆန်းကို ခေါပြီး အမြန်သွားရအောင်ဗျာ" ဟုဆိုကာ ကိုထူးဆန်း ရှိသော ကျွန်ုပ်၏ ရုံးခန်းသို့ လာခဲ့လေ၏။ ကျွန်ုပ်၏ရုံးခန်းသို့ရောက်သောအခါ ကိုထူးဆန်းသည် ကျွန်ုပ်၏ရေးလက်စကဗျာအား စိမ်ပြေနပြေ ဖတ်ကာ "အရေးအဖွဲ့ကတော့ ထိပ်တန်းပဲဗျာ၊ ဒါပေမယ့် တောထဲက ဆရာဆရာမတွေ ဘဝကို ရေးတဲ့နေရာမှာတော့ နည်းနည်းအသေးစိတ်ဖို့လိုသေးတယ်" ဟုကောက်ချက်ချလေ၏။ ထို့နောက်မည်သို့မည်ပုံ ပြောင်းလဲသင့်ကြောင်း ရှည်လျားစွာရှင်းပြလေ၏။

ကိုထူးဆန်းသည် သူ၏ထုံးစံအတိုင်း အမှုတစ်ခုအား ခပ်အေးအေးပင် အလောတကြီးမဖြေရှင်းပဲ စိတ်အေးလက်အေး နေတတ်လေ၏။ ဤသို့ဖြင့် ကျွန်ုပ်တို့စုံထောက်ကျော်သုံးဦးသည် ဖို့ဒ်တ် ကားစုတ်လေးအားမောင်းနှင်ကာ အမှုဖြစ်ပွါးရာ ပုစွန်တောင်ချောင်းဘေးမှ အိမ်သို့ရောက်သောအခါ ကိုငုယင် တို့လူစုသည် ပရိတ်သတ်ရှေ့တွင်လူတွင်ကျယ် လုပ်နေလေ၏။ စုံထောက်ပြာလောင်မှာ အလောင်းအနီးသို့ မရဲတရဲကပ်ကာ "ဒါကဒီအိမ်ကို ခိုးဝင်လို့ ရိုက်ခံရပြီး သေတဲ့သူခိုးဖြစ်မယ်" ဟု အူကြောင်ကြောင် ကောက်ချက်ချလေ၏။

ထို့နောက် ဘိလပ်ပြန်စုံထောက်အိုကြီး ဦးညှက်စိမှာလည်း သေဆုံးသူအား ပေဘူးထုတ်၍ တိုင်းကာ ဟန်ရေးပြနေလေ၏။ "သေတဲ့လူက အရပ်ကတော့ အတော်ပုတာဗျ ကြည့်စမ်း ၄ပေ ၈လက်မပဲရှိတယ်" ဟု ဆိုလေ၏။ ကျွန်ုပ်လည်းစိတ်ဝင်တစား ကြည့်ရှုလိုက်ရာ အရပ်ပုပြတ်ပြတ် နားရွက်ကားကား မျက်မှန်နှင့်အတူ မျက်စိပြူးကာ tay_ဆုံးနေသော လွန်စွာကျက်သရေယုတ်သည့် အ_လောင်း_ကော_င် အား တွေ့လိုက်ရလေ၏။ ထိုအခါဦးအေးဝင်းက ကျွန်ုပ်အား တံတောင်ဖြင့်တို့ကာ "ကျုပ်တို့လဲလူတွေအထင်ကြီးအောင် တစ်ခုခုလုပ်ပြမှဖြစ်မယ်ထင်တယ် ၊ တော်ကြာနေ စီအိုင်ဒီက စုံထောက်တွေ အသုံးမကျဘူး ဆိုပြီး ဝိုင်းပြောနေဦးမယ်" ဟုပြောလေရာ ကျွန်ုပ်က " အသာနေပါဗျာ ၊ ကျုပ်တို့စုံထောက်ကျော်ကြီး ကိုထူးဆန်း ပြောပါလိမ့်မယ်" ဟု ဆိုကာ အနောက်သို့ လှည့်ကြည့်လေ၏။

ထိုအခိုက်မှာပင် လူအုပ်ထဲသို့ ဆားပုလင်းကိုထူးဆန်း ရောက်လာပြီး ရေခဲတောင် စီးကရက်အားထောက်ခနဲ မီးညှိဖွာရှိုက်လိုက်ကာ ပတ်ဝန်းကျင်ကိုပတ်ကာ လေ့လာလေ၏။ ၅မိနစ်ခန့် တွေဝေစွာစဥ်းစားပြီးသကာလ "အိုင်ဆေး အိုင်ပီကိုဂျောက်ဂျက် လာဗျာ ကျုပ်နဲ့လိုက်ခဲ့စမ်းပါ ဦးအေးဝင်းလည်း လိုက်ခဲ့ အမှုကပေါ်နေပါပြီ" ဟု ဆိုလေ၏။ ကျွန်ုပ်တို့လည်း အူကြောင်ကြောင်ဖြင့် ကားဆီသို့ထွက်လာခဲ့၏။ "ကျုပ်အိမ်ကို မောင်းဗျာ" ဟုဆိုလေသော် ကျွန်ုပ်လည်း ကိုထူးဆန်း၏အိမ်ကိုမောင်းလေ၏။

အိမ်သို့ရောက်သော် " အိုင်ပီတို့ ဒီမှာကြည့်စမ်း" ဟုဆိုကာ စာရွက်ကြမ်းတစ်ခုကို ထုတ်ပြလေ၏။ " ဒီစာရွက်က tay_သူ မျက်စိပြူးပြီးကြည့်နေတဲ့ နေရာတည့်တည့်က အိမ်နံရံကြားမှာ ညပ်နေခဲ့တာဗျ ၊ ကိုညှက်စိတို့က မျက်စိလျှမ်းသွားလို့ သူတို့မမြင်လိုက်တာ ၊ ကျုပ်ကအိုင်ပီတို့နဲ့ တိုင်ပင်ချင်လို့ အိမ်ကိုခေါ်ခဲ့တာပဲ ၊ ကဲ ဖတ်ကြည့်ပါဦး" ဟု ဆိုလိုက်လေ၏။

ကျွန်ုပ်လည်း စိတ်ဝင်တစားဖတ်ကြည့်လိုက်သော် " တကယ်ဆို ဗီအိုင်ပီတစ်ယောက်ကို မင်းတို့ ဘာလုပ်ရမယ်ဆိုတာ ပြောဆိုပြီး လာစရာမလိုပါဘူး ပညာရှင်ကို ပညာရှင်မှန်းသိရင် ငါတို့က လှူရတာတန်ပါတယ် မင်းတို့လည်း ပေးဖို့ပဲချောင်းမနေနဲ့ စိတ်ထဲက ပါဖို့လည်းလိုသေးတယ် ကျေးဇူးမတင်ပါနဲ့" ဟူသော အဓိပ္ပါယ်စပ်ဆက်မရသည့် စာသားများကိုဖတ်ရှုရလေ၏။ ကျွန်ုပ်လည်း ဖင်ပြန်ခေါင်းပြန်ဖတ်သော်လည်း မည်သို့မျှ မယူဆတတ်သဖြင့် ဆားပုလင်းကိုထူးဆန်းကို ငေးကြည့်နေမိ၏။

ဆားပုလင်းကိုထူးဆန်းက "အိုင်ပီတို့ခေါင်းရှုပ်သွားပြီထင်တယ် အလယ် ၄ လုံးမြောက်တွေ ဖတ်စမ်းဗျာ" ဟု ပြောလေ၏။ "ဗီ ဘာ လာ ကို လှူ ပေး ပါ" "ဟာ ဗီဘာလာ (ဗီဗာလာ/Viva la) ဆိုတာ ဟို ပရောဂျက်နိုက်တင်ဂေး လုပ်နေတဲ့ ဆေးရုံမဟုတ်လား ကိုထူးဆန်း" ဟု အံ့သြစွာဆိုလိုက်၏။ ဆားပုလင်းကိုထူးဆန်းက ပြုံးလိုက်ပြီး "အဲ့ဒါကြောင့် အိုင်ပီတို့ကို ရုံးမပြန်ပဲအိမ်ကိုခေါ်လာတာပေါ့ ၊ ဒီလိုဗျ ၊ ကျုပ်ရှင်းပြမယ် လူသ_တ်_တရားခံဟာ ဘယ်သူလဲအတိအကျမပြောနိုင်ပေမယ့် တော်လှန်ရေးသမားတစ်ယောက် ဆိုတာ သေချာတယ် ၊ ဘာလို့လဲဆိုတော့ tay_ဆုံးသူကတော့ ကျွန်တော်တို့ မြန်မာတပြည်လုံး cheeမုန်းသလို မုန်းပြီး နုတ်နုတ်စဥ်းချင်နေကြတဲ့ ရာဇဝတ်ကောင် မင်းအောင်လှိုင်ဆိုတဲ့ $ဂျပုပဲဗျ။" အိုင်ပီဦးအေးဝင်းက "ဒါဆို ဒီလူကို ကျုပ်တို့ ဖမ်းဖို့မသင့်တော်ဘူးဗျာ။ "

ဆားပုလင်းကိုထူးဆန်းက "ဒါကြောင့် အိုင်ပီတို့ကို တိတ်တိတ်လေးခေါ်လာတာပေါ့ဗျာ ဘယ်နှယ့်လဲ အိုင်ပီဂျောက်ဂျက်" ကျွန်ုပ်လည်း "မင်းအောင်လှိုင်tayပြီပဲဗျာ ဘာလို့ဖမ်းမှာလဲ ပြည်ဖုံးကားချလိုက်ကြတာပေါ့" ဟု ပျော်ရွှင်စွာ ပြောဆိုလိုက်လေ၏။ ကျွန်ုပ်၏ ရင်ထဲတွင်တော့ "Viva La ကို လှူပေးပါ ၊ Viva La ကို လှူပေးပါ" ဟု ပဲ့တင်သံထပ်ရင်း ကျန်ခဲ့လေတော့သတည်း။ ဤတွင် ကိုအေးဝင်းပို့လိုက်သော အိုင်ပီဂျောက်ဂျက် မှတ်တမ်းတင်၍ ကျွန်ုပ်ပြန်လည်ရေးသားသည့် "ဆားပုလင်းကိုထူးဆန်း နှင့် Viva La ကို လှူပေးပါ" ဟူသော မှတ်တမ်းမှာ နိဂုံးကမ္ပတ် အဆုံးသတ်လေသတည်း။

(Special Thanks to Dr. Ted)

12/02/2025

ကျွန်တော်တို့ရဲ့ လိုအပ်ချက်တွေ ခက်ခဲမှုတွေ ဆေးရုံသုံးစက်ပစ္စည်း မလောက်ငှခြင်းတွေကို နားလည်ကူညီပေးတဲ့ Australia ED ဆရာဝန်တစ်ဦးရဲ့ မွေးနေ့အလှူလေးပါ။

Portable USG လေးနဲ့ကတော့ တော်တော်လေး နီးစပ်လာပါပြီဗျာ🥰🥰🥰

11/02/2025

နွေဦးမှာ ကျရာတာဝန်ထမ်းနေကြတဲ့ CDM ကျောင်းသူကျောင်းသားအားလုံး Salute ပါ 🫡

VIVA La Revolution

09/03/2025

05/03/2025

26/02/2025

21/02/2025

17/02/2025

15/02/2025

15/02/2025

14/02/2025

13/02/2025

12/02/2025

12/02/2025

11/02/2025

Address

Website

Alerts

Contact The Organization

Shortcuts

Share

Category