Kaee Youth - ကအီး လူငယ်

01/02/2026

ယာ..ငတို့အိမ်ရို့လည်း ပါလီဖို့ကားနကေ😑😒

ဒို့ကအီးမှာ သတင်းတစ်ခုကြားက
မနီတတ်မထိုင်တတ် ရွာလမ်းချဲ့ရင်ဆိုလား
အရင်လည်းတစ်ကြိမ်ချဲ့လို့ ရွာသားတိုင်မှာ ခြံကိုနောက်သို့ဆုတ်ပီးထားကတ်ယာလန်း
အဂုတစ်ခေါက်ထပ်လုပ်ပြန်ယာတတ်

အိမ်ရှေ့ခန်း တစ်ခြမ်းပါလူပါ၊ ခြံထိုးစရာမကျန်လူမကျန်နဲ့ ဖြစ်ချင်တိုင်းဖြစ်နီကတ်တေဆိုကား
ဇာကိစ္စကြီးမင်းဖြစ်နီလို့ ရွာလမ်းကိုယင်းလောက်ချဲ့နီရလဲ

ရွာမှာ ကုန်းခင်၊ ရွာသစ်၊ ရွာမ၊ ကုန်းထောင့်၊ ကားလမ်းနား(အုန်းခင်း)ဆိုပြီ သူ့အစုနဲ့သူဟိဟာမှာ
ကုန်းခင်ကလူတိုင်ကလည်း လမ်းချဲ့ဖို့ကိစ္စကိုသဘောမတူတတ်။ ကုန်းထောင့်ကလည်းသဘောမတူလို့ကြားရင်။ ရွာသစ်ကတော့အရင်ကတည်းကပင် သူရို့မှာမိုးရာသီမှာဒုက္ခရောက်ကတ်လို့ လမ်းလုပ်ဖို့အစီအစဥ်ဟိပြီးသား။

ခေတ်ကာလမကောင်းဟာကို အခွင့်ကောင်းယူပြီးကေ ထင်တိုင်းကြဲနီကတ်တေကား။ တစ်ရွာလုံးအတိုင်းအတာနဲ့ ရွာလမ်းချဲ့ကေတောင်မပြောယာလူရို့။ အဂုက ရွာမလမ်းတစ်ခုတည်းတတ်။ ရွာအုပ်ချူပ်ရေးမှုးက စာတင်ပြီးကေ နောက်လိုက်နောက်ပါတိုင်နဲ့ မြို့နယ်ရုံးမှာ သဘောတူကြောင်းလက်မှတ်ထိုးတတ်။ တစ်ရွားလုံးကသဘောတူရင်ဆိုရင် ပုံစံမျိူး။ ကုန်းခင်နဲ့ကုန်းထောင့်က ငြင်းဆန်ခါ ရွာသစ်ကလူတိုင်က သူရို့မှာလည်းရွာလမ်းလုပ်ဖို့အစီစဥ်ဟိခါ သူရို့အပိုင်းမှာလုပ်ဖို့ကိုတောင်းရင်တတ်။ ယင်းဟာကိုမပီးလို့ကြားရင်။ ဇာကြောင့်လဲ။ လိုအပ်နီရင် အပိုင်းကိုလုပ်မပီးဘဲနဲ့ ဇာအစီအစဥ်ဟိလို့ ရွာမလမ်းကိုမှ ရွေးလုပ်ဟာလဲ။

ယင်းလောက် အိမ်တိုင်ကြပ်ပြီးကေ လမ်းချဲ့ဖို့မကောင်းရင် ရွာမလမ်းကိုမှ ​မျက်စိကျနီလဲ။

ရွာမလမ်းကိုချဲ့လိုက်ဟာနဲ့ တစ်ချိူ့ခြံရို့ဆိုကေ အိမ်ကိုတောင်ဖြိုပီးလိုက်ရဖို့အနေအထားမှာဟိရင်။ တစ်ချိူ့မှာဆိုကေ အုတ်တံတိုင်းခြံစည်းရိုးကိုဖျက်ပီးလိုက်ရတတ်။ တစိလည်း မလိုအပ်တေကိစ္စ ဒေကိစ္စက။ ရွာလမ်းကိုမချဲ့ကေလည်း ကားလားလို့ရရေ။ ကျောက်တင်ကား ဝင်လို့ရရေ။ တစ်ခုလေ့မလုပ်လည်း တစ်ခုလေ့ဖြစ်မလားရေ ရွာမလမ်းကို အထက်ကချဲ့မိန့်ပီးကေတောင် ခေါင်းဆောင်တစ်ယောက်အနေနဲ့ အဆင်ပြေကြောင်းကို ရွာသားတိုင်နဲ့ရပ်တည်ပြီးကေ ပြောရဖို့မဟုတ်မောင်။ အဂုက တမင်တကာ စာတင်ပီးကေတောင် လမ်းချဲ့ခွင့်တောင်းတတ်လူရို့။ အဖိုးအဖီးလက်ထက်ကပင်နီလာရင်လူတိုင် နီလို့မရဘဲ သူရို့ကိုရာ ခြံပါအိမ်ပါ လှူပစ်ခရဖို့ အနေအထားရောက်နီယာကား။ မဇောင်လုပ်ရဖို့မင်းဒါ။

တစ်ချိူ့လည်း ကျိန်လို့ဆဲလို့တတ်။ ကိုယ့်အိမ်ကိုယ့်ခြံနဲ့ အကောင်းမနီရဘဲနဲ့လန်း။ ဒုက္ခပီးလိုက်တေဆိုမှကွာဒေ။ အထက်တန်းကျောင်းရဖို့ အကောင်ထည်ဖော်နီကတ်တေ။ ယင်းကိစ္စကိုလုပ်ပါလား။ ဖြစ်မြောက်အောင်မြင်အောင် သူရထားရင် တာဝန်နဲ့ အသုံးချပြီး ကူညီပါလား။ အဂုက တစ်ခုလေ့လုပ်ဖို့မလိုတဲ့ကိစ္စကိုရာ ရေးကြီးခွင်ကျယ် လားလုပ်နီကား။ ရပ်ရွာမှာ ပြင်ချင်တိုင်းပြင်၊ ဖြစ်ချင်တိုင်းဖြစ်နီယာကား။ မဇောင်မင်းဒါ။

17/12/2025

ကျနော်ရို့ Kaee Youth- ကအီးလူငယ်pageဟာ အကြောင်းအမျိူးမျိူးကြောင့် လူပ်ရှားမှုတိ(အလှူခံပို့စ်တိ) မတင်ဖြစ်ဟာ ကြာလခပါယာ။ အဂုပိုစ့်ကတော့ အလှူခံ ပို့စ်တော့မဟုတ်ပါ။

Page Admin (ပေ့ချ်ကိုင်ထားရေလူ) အိမ်မက်တစ်ခုမက်လို့ပါ။ အိမ်မက်ကလည်း နည်းနည်းထူးဆန်းဟာကြောင့် အများနဲ့ဆိုင်ဖို့ထင်လို့ မျှဝေချင်စိတ်နဲ့
ပို့စ်တစ်ခုတင်ဖို့လို့ ဆုံးဖြတ်လိုက်ဟာပါ။

အိမ်မက်ထဲမှာ Admin(အက်ဒ်မင်)ရို့အိမ်ထက်မှာ ကျွန်းရှင်ကြီး အဖိုးနဲ့အဘောင်မ ရုပ်ထုကို ပူဇော်ထားပါရေတဲ့။ ယေမှာ နတ်ပွဲကလေးတစ်ခု လုပ်တေလို့မက်ပါရေ။ နတ်ပွဲဆိုရေအတိုင်း ပူဇော်ပသထားရေ အမွှေးနံ့သာ၊ ငှက်ပျောပွဲ အုန်းပွဲ၊ အစားအသောက်စုံစုံလင်လင်နဲ့ ပူဇော်ပသထားပါရေတဲ့။

တစ်အောင့်ကြာဟာနဲ့ အဘောင်မရုပ်ထုကနေ ဒေတိုင်း အသက်ဝင်လာပါရေ။ ကျနော်ဟာ အဘောင်မနဲ့အဖိုးရို့ရုပ်အစစ်ကို မြင်ဖူးချင်လို့ အိမ်မက်ထဲမှာ ပြဖို့တောင်းဆိုကေလေ့ တစ်ခါလေ့ အိမ်မက်မမက်ဖူးပါ။ အဘောင်မ ရုပ်ထုဟာ ရယ်ပြီးကေ အသက်ဝင်လာပါရေ။ အဘောင်မရုပ်ဟာ မျက်နှာပြည့်ပြည့်ဝန်းဝန်းနဲ့ ပြုံးရွှင်နီပါရေ။
(ကျောက်တောင်နားက ဘုန်းကြီးကျောင်းနောက်မှာထုလုပ်ထားရေ အဘောင်မရုပ်ထုနဲ့ တူပါရေ။ အသားဖြူပြီးကေ ဆံပင်နက်နက်နဲ့ ကောင်းကောင်းလှပါရေ။)

အဘောင်မဟာရယ်ပြီးကေ "ငါကဝင်ခွင့်မပြုကေ မဝင်ရ"လို့ လက်ညှိုးငေါက်ငေါက်ထိုးပြီးကေ စကားတစ်ခွန်းပြောပါရေ။

တစ်အောင့်ကြာဟာနဲ့ နတ်ဆရာမက အဖိုးရုပ်ထုဘက်ကိုလှည့်ပြီးကေ အဖိုးရုပ်ထုမှာ ဆောင်းထားရေ ခေါင်းဆောင်း (အဖြူရောင် နဂါးရုပ်ပါရေ ခေါင်းဆောင်း)ကို ယူပြီးကေ သူ့ခေါင်းမှာဆောင်းလိုက်ပါရေ။
ပါးစပ်ကလည်း" နဂါးဖြူရေ ထထ"လို့ ဆိုလိုက်ပါရေ။ (ကျနော်က ဒေနတ်ဆရာမဟာ အဖိုးကိုနဂါးဖြူလို့ခေါ်ရေကား။ တကယ်တမ်းအဖိုးနတ်ဟာ နတ်နဂါးဖြစ်နေဟာလားလို့တောင် တွေးမိလခပါရေ)

ယင်းလိုပြောပြီးဟာနဲ့ ယင်းနတ်ဆရာမဟာ တဆတ်ဆတ်တုန်လာပြီးကေ အဖိုးနတ်ဝင်လာရေပုံစံမျိူးပါ။ ယင်းအချိန်မှာ ခေါင်းဆောင်းက ချက်ချင်းအောက်သို့ပြုတ်ကျလားပါရေ။ ယင်းနတ်ဆရာမလည်း တဆတ်ဆတ်တုန်နေဟာကနေ လဲကျလခရေ။

အဖြစ်အပျက်တိက မြန်မြန်ဆန်ဆန်နဲ့ ကျနော်ဟာ ရွာအောက်က ပင်လယ်နားကို ချက်ချင်းရောက်လခရေ။ ဘေးကတော့ အဖိုးနဲ့အဘောင်မရယ် နောက်တစ်ယောက်ပါပါသေးရေ။ ဇလူမှန်းတော့ မသိ။ ယင်းအချိန်မှာ အဖိုးနဲ့အဘောင်မ မျက်နှာကိုလည်း သဲသဲကွဲကွဲမမြင်ရ။ အဘောင်မဟာ လက်ကို မြှောက်လိုက်တေခါ တစ်ခါလေ့မမြင်ဖူးရေ အပြာရောင်လိူင်းလုံးတိဟာ အိမ်ခေါင်မိုးလောက်အထိ မြင့်တက်လားပါရေ။ ရီတစ်စက်လည်း အောက်ကိုပြန်မကျ။

ကျနော့်စိတ်ထဲမှာတော့ ကိုယ်ရို့ကျွန်းကို မကောင်းရေအန္တရာယ်တိကနေ
ရီတံတိုင်းနဲ့ကားထားရေဆိုရေ အဓိပ္ပါယ်ဟိဖို့လို့ မှတ်လိုက်တေ။

အိပ်ရာကနိုးလာဟာနဲ့ ကြက်သီးမွှေးညှင်းတိထပနာ အံ့သြလခပါရေ။ ကျနော်တွိ့ဖူးချင် မြင်ဖူးချင်လို့ အကြိမ်ကြိမ်အထပ်ထပ် အိမ်မက်တောင်းကေလည်း တစ်ခါလေ့ အိမ်မက်မပီး။ အဂုနီရေ ရန်ကုန်ကအိမ်မှာလည်း အဖိုးနဲ့အဘောင်မကို ပူဇော်ပသထားပါရေ။ နေ့တိုင်းအမွှေးတိုင်၊ ဆီမီး၊ ပန်းရေချမ်း ဆက်သပနာ မပြတ်ပူဇော်ထားပါရေ။ ဒေလိုမျိူးအိမ်မက်မက်လို့ တစ်ခုခုသတိပီးချင်ဟာဟိလို့
ထင်ရေလို့တောင် တွေးမိလခပါရေ။

အတွေးပေါ်ဟာတစ်ခုခုဟိခကေ လွတ်လွတ်လပ်လပ် ကောမန့်မှာ ရေးလားလို့ရပါရေ။ ကျ​နော့်အတွက် ထူးဆန်းရေအိမ်မက်မျိူးဖြစ်လို့ အများရဲ့အတွေးအမြင်ကိုလည်း သိချင်လို့ မျှဝေလိုက်ပါရေ။

11/03/2025

ဒေအချိန်ဆိုကေ ကိုယ့်ရွာမှာ မုတ်ဆဒါ(ပုဒတ်စာ)ရို့ သဘော်ညွန့်ရို့ ကောင်းကောင်းပေါလို့ဟိဖို့
ဘကြီးကျောက်တောင်ကွင်းရို့ ၊ ညောင်တောင်၊သဗြီတောင်ရို့လားပြီးကေ ဟင်းညွန့်ချိူးခဟာရို့ မုတ်ဆဒါတူးခဟာရို့ကိုတောင် သတိရရေ

06/03/2025

ရန်ကုန်မှာရှိနေတဲ့ အမျိူးများအတွက်

******************************************

နိုင်ငံသားစိစစ်ရေးကတ်ပြား(မှတ်ပုံတင်)၊ အိမ်ထောင်စုလူဦးရေစာရင်း စတဲ့ 'လဝက'နဲ့သက်ဆိုင်တဲ့ စာရွက်စာတမ်းများ(ပျောက်ရှ၊ပျက်စီး၊လဲလှယ်၊အသစ်လုပ်)ကို ဗဟန်း ၃လမ်း မှတ်တိုင်အနီး၊ ဗဟန်း ၁-လမ်းမှာရှိတဲ့လူဝင်မှူကြီးကြပ်ရေးနှင့် ပြည်သူ့အင်အားဦးစီးဌာနဓမ္မာရုံမှာ လုပ်လို့ရပါတယ်။

ရခိုင်​​ပြည်ထဲက မြို့နယ်တွေရဲ့ (ယာယီ)ရုံးခွဲတွေရှိတဲ့အတွက်ကြောင့် ရန်ကုန်ရောက် ရခိုင်များအတွက် အဆင်ပြေစေရန်အလို့ငှာ sharingလုပ်ခြင်းဖြစ်ပါတယ်။

Edit:
ဗဟန်း၃လမ်း ဘတ်စ်ကားမှတ်တိုင်ကိုရောက်တဲ့ ကားတွေကတော့ -
(8) (12) (28) (29) (36) (61) (82) (87) (95) (108) (115) (116) (134) (139)တို့ပဲဖြစ်ပါတယ်။ အမျိူးများအားလုံး အဆင်ပြေကြပါစေ🤗🤗

👏မသိသေးတဲ့အမျိူးများ သိရှိအောင်လည်း like & shareလုပ်ပြီး ကူညီပေးကြပါအုံး👏🤗

Find local businesses, view maps and get driving directions in Google Maps.

19/07/2024

#ဝါဆိုလပြည့်_ဓမ္မစင်္ကြာအခါတော်နေ့
🙏🙏🙏

သန္ဓေ .... တောထွက် ..... ဓမ္မစက် ..... တစ်ချက်ပြာဋိဟာ ..... ဘုရားလောင်းတော်သည်.....

( 1 ) - မဟာသက္ကရာဇ် ( ၆၇ ) ခုနှစ် ကြသာပတေးနေ့ ဝါဆိုလပြည့်မှာ ပဋိသန္ဓေ ယူတော်မူသည်.....
🙏🙏🙏

( 2 ) - မဟာသက္ကရာဇ် (၉၇) ခုနှစ်
( သူအို ' သူနာ ' သူသေ ' ရဟန်း ) ဆိုတဲ့ နိမိတ်ကြီး ( ၄ ) ပါးကို မြင်တော်မူ၍ ဝါဆိုလပြည့်နေ့မှာ တောထွက်တော်မူသည်.....
🙏🙏🙏

( 3 ) - မဟာသက္ကရာဇ် ( ၁၀၃ ) ခုနှစ် ဝါဆိုလပြည့် စနေနေ့မှာ ပဉ္စဝဂ္ဂီ ( ၅ ) ဦးကို ဓမ္မစင်္ကြာ တရားဦးစတင် ဟောကြားတော် မူသည်.....
🙏🙏🙏

( 4 ) - မဟာသက္ကရာဇ် ( ၁၀၉ ) ခုနှစ် ဝါဆိုလပြည့်နေ့၌ပင် ရာဇဂြိုဟ်ပြည်မှာ ဒိဌိတို့ကို တန်ခိုးပြပြီး နှိမ်နှင်းတော် မူခဲ့သည့်.....
🙏🙏🙏

ကုသိုလ်ထူးတွေရရှိကြပါစေလို့ ဆုတောင်းမေတ္တာ ပို့လိုက်ပါတယ်.....

Credit... 🙏🙏🙏

13/04/2024

"ရခိုင် သင်္ကြန် ဆိုတာ "


ရခိုင်သင်္ကြန်သည် ဘီစီ ၅၆၈ ခုနှစ်တွင်
ပေါ်ပေါက် လာခဲ့ကြောင်း သိရပြီး ရခိုင်
" #သင်္ကြန်၏ထူးခြားမှုမှာ ဘုရားအား
ရေမသပ္ပာယ်ဘဲ ရေမကစား ရခြင်း ပဲ
ဖြစ်ပါတယ် 😱😱။ #

" #ဘုရားရှင်အားနံ့သာရေဖြင့်ပူဇော် 🙏🙏သပ္ပာယ် ပြီးမှသာ ရေကစားခွင့် ရသည့်"
ဓလေ့ကို ယနေ့တိုင် ထိန်းသိမ်း
ထားကြသော ရခိုင်လူမျိုးတို့၏ စိတ်ဓာတ်မှာ
လွန်စွာမှ ချီးကျူးဖွယ်ကောင်းလှပါတယ် " ။

ထိုသို့ချီးကျူး စရာကောင်းလှတဲ့
ရခိုင်လူမျိုး တို့၏ ရိုးရာ သင်္ကြန် အကြောင်းကို မျှဝေပေးပါရစေ ။

#ပထမဆုံး သင်္ကြန်အကြိုနေ့မှာ ဘုရားရေသပ္ပါယ်
(ရခိုင်အခေါ်- ဘုရားရေချိုး) ဖို့အတွက်

အကြိုနေ့မတိုင်ခင် တစ်ရက်လိုကတည်းက ညနေခင်းမှာ ရခိုင်သူလေးတွေစုပြီး
နံ့သာသွေးကြပါတယ်။

# အိမ်ကနေ ကျောက်ပျဥ်ကြီးတွေကို
သယ်သွားကြပြီး စုရပ်မှာ နံ့သာသွေးကာ
နံ့သာရည်တွေကို ရေပုံးတွေထဲ
စုထည့်ကြပါတယ်။

#နောက်နေ့မနက်မှာ ရပ်ကွက်အလိုက် (သို့)
အဖွဲ့လိုက်သီဆိုတီးမှုတ်ကခုန်ပြီး
မြို့ရွာအတွင်းက ဘုရားတွေ၊
ဘုန်းတော်ကြီးကျောင်းတွေဆီသွားကာ
ဘုရားအဆူဆူကို ရေသပ္ပာယ်၊ ရောင်တော်ဖွင့်၊
ဆေးကြောသန့်စင်ပြီး အမွှေးနံ့သာရည်များ
ပက်ဖျန်း ပူဇော်ကြပါတယ်။

ရခိုင်သင်္ကြန်မဏ္ဍပ်တွေဟာ
အုန်းလက်မိုး အုန်းလက်ကာပြီး
ဝါး၊ ပိတောက်ခက်၊ ငုဝါခက်၊ ကုက္ကိုကိုင်း
စတာတွေနဲ့ ကာထားပြီး သဘာ၀ဆန်စွာ
ဆောက်လုပ်ထားပါတယ် ။

ရပ်ကွက်အလိုက် မဏ္ဍပ်တွေမှာ
ရခိုင်သူလေးတွေဟာ
ဆင်တူ၀တ်စုံလေးတွေ၀တ်ကာ
မဏ္ဍပ်တွင်းမှာ ထိုင်နေကြရပါတယ်။

#မဏ္ဍပ်အတွင်းမှာ လောင်းလှေကြီးတစ်ခုထားရှိပြီး
ရေအပြည့်ဖြည့်ထားပါတယ်

#တူညီ၀တ်စုံလေးတွေနဲ့ အလှပြင်ထားတဲ့
ရခိုင်ပျိုဖြူလေးတွေဟာ မနက်ပိုင်းမှာ
မဏ္ဍပ်အတွင်းကို အဖွဲ့လိုက် ရေခွက်လေးကိုယ်စီကိုင်ကာ ရောက်ရှိလာကြပြီးနောက်

ယောက်ျားလေးတွေက အုပ်စုလိုက် ရောက်လာကြပြီး မဏ္ဍပ်အတွင်းက
မိန်းကလေးတွေထဲက မိမိနှစ်သက်တဲ့
တစ်ယောက်ကို ရွေးချယ်ခေါ်ပြီး
အပြန်အလှန်ရေပက်ကြပါတယ်😍😍။

မဏ္ဍပ်ထိန်းတဲ့ အမျိုးသမီးကြီးများရဲ့
အုပ်ထိန်းမှုအောက်မှာ အပြန်အလှန်
ရေပက်ကြပြီး ရေတစ်ပုံးကုန်တဲ့ အချိန်မှာ
မေတ္တာရေကိုတောင်းကြပါတယ်😘😘။

ခုနက ရေပက်ကြတုန်းက ခပ်ဝေးဝေးက
ပက်ကြပေမဲ့ မေတ္တာရေ လောင်းတဲ့အခါမှာတော့ မိန်းကလေးက မိမိရေဖလားနဲ့
လှေထဲမှ ရေတစ်ခွက်ခပ်ကာ ယောက်ျားလေးကို
သွားပေးကြရပါတယ်😊😊။

ယောက်ျားလေးက အဲဒီရေခွက်ကိုကိုင်ပြီး
ရေကိုချက်ချင်းမလောင်းသေးဘဲ နာမည်မေးတာ၊ ဘယ်မှာနေလဲမေးတာအစရှိသဖြင့်
စကားစမြည်ပြောရင်း တချို့က လူပျိုစကားလည်း ပြောတတ်ကြပါတယ်။

မိန်းကလေးပန်ထားတဲ့ပန်းတို့၊ ကလစ်တို့ကို
အမှတ်တရတောင်း တာတွေလည်း ပြုလုပ်ကြပြီး
😍 ပျော်ရွှင်စွာ ရေလောင်းရေပက်ကြပါတယ်။

#နေ့လည်ခင်းမှာ မုန့်လုံးရေပေါ်
မုန့်လက်ဆောင်း၊ ရခိုင်မုန့်တီ စတဲ့ မုန့်တွေကို
မဏ္ဍပ်အလိုက်လုပ်ကြပြီး မဏ္ဍပ်၀င်ကြတဲ့
မိန်းကလေးတွေနဲ့ ရေလာပက်ကြတဲ့သူတွေကို
ကျွေးကြပါတယ်😋

#ညနေပိုင်းမှာ စတုဒီသာကျွေးမွေးခြင်း
အစီအစဉ်တွေရှိသလို ဥပုသ်သီလဆောက်တည်ပြီး အိမ်ပြန်လာတဲ့ ဥပုသ်သည်တွေကို
လူငယ်အဖွဲ့တွေက အအေး​​ဖြင့်ဒါနပြုကြပါတယ်

နေ့လည်ဘက်မှာ စိတ်ကြိုက်ရေပက်နိုင်ပေမယ့်
ညဘက်ကိုတော့ ရေပက်လေ့မရှိကြဘဲ
အေးချမ်းပျော်ရွှင်စွာ မြို့ဦးဘုန်းကြီးကျောင်းမှာ ဘုရားမီးပူဇော်ခြင်း၊ ဘုရားစေတီများကို
သွားရောက်ဖူးမြော်ခြင်းဖြင့်
ကုသိုလ်ပြုလုပ်ကြပါတယ်🙏🙏🙏။

ချစ်စရာ ဂုဏ်ယူစရာ ရိုးရာစဉ်အလာများနဲ့
ရခိုင် ရိုးရာ သင်္ကြန်ကို ဒီနှစ်မှာတော့ 😟😟
မကျင်းပနိုင်တော့ကြောင်းသတင်းတွေ ကြားရ
မြင်ရတော့😔😔 စိတ်မကောင်း
ဖြစ်ရပါတယ်။

#နောက်နှစ်များမှာတော့ အစဉ်အလာကြီးမားတဲ့
ရိုးရာသ​ကြန်ကို ပျော်ရွှင် ငြိမ်းချမ်းစွာနဲ့
ဆက်လက် ကျင်းပ နိုင်ဖို့ ရည်ရွယ်ရင်း ....။

ကောင်းခြင်း မင်္ဂလာများရောက်ရှိပါစေ။

စိတ်အစဉ်သည် အေးချမ်းကြည်လင်၍

ကြံတိုင်းအောင် ဆောင်တိုင်းမြောက်ကြပါစေ။

စီးပွားလာဘ်လာဘများဒီရေအလားတိုးပွားကြပါစေ။

ဘေးအပေါင်းရန်ကွာ လိုရာဆန္ဒ ပြည့်ဝသောနှစ်တစ်နှစ်ဖြစ်ကြပါစေ။

10/04/2024

ဒေနေ့ ဧပြီလ၁၀ရက်နေ့မှာ ကျရောက်တေ
(၁၅)ကြိမ်မြောက် ရက္ခိုင့်တပ်တော်နေ့ကို
ဂုဏ်ပြုကြိုဆိုပါ၏👏
Welcome to 15th anniversary of Arakan Army

07/04/2024

လိူင်းလုံးချေ

🎙ခိုင်ဝင်းသူ

06/04/2024

သစ်ပုံရွာ၏ ထုတ်ပြန်ချက်

20/03/2024

ဂျူးလူမျိုး၊ ဆိုက်ဘေးရီးယားငှက်နဲ့ ဒိုင်ယာစပိုရာ

အောင်ကြည်မိုး (သင်းပုန်းတန်း)

ဂျူးလူမျိုးတို့ နေထိုင်ကြတဲ့ အစ္စရေးနိုင်ငံဟာ စာရေးသူတို့ ရခိုင်ပြည်နယ်လို မူဆလင်အစွန်းရောက် တချို့၏အန္တရာယ်နဲ့ ရင်ဆိုင်နေရတဲ့ ဒေသတစ်ခုဖြစ်တယ်။ အစ္စရေးနိုင်ငံကို လက်ဘနွန်နိုင်ငံ၊ ဆီးရီးယားနိုင်ငံ၊ ဂျော်ဒန်နိုင်ငံ အစရှိတဲ့ အာရပ်မူဆလင်ကမ္ဘာက ဝိုင်းရံထားပေမဲ့ ဂျူးလူမျိုးတွေဟာ ဒုက္ခပေါင်း မျိုးစုံခံပြီး အစ္စရေးနိုင်ငံကို ထူထောင်နိုင်ခဲ့တယ်။

ဂျူးလူမျိုးတွေဟာ ကမ္ဘာမှာ အချမ်းသာဆုံး လူမျိုးဖြစ်သလို ပညာ တတ်တဲ့လူမျိုးလည်း ဖြစ်ပါတယ်။ အစ္စ ရေးနိုင်ငံရဲ့ အကျယ်အ၀န်းဟာ စတုရန်းမိုင်ပေါင်း ရှစ်ထောင်ကျော်ပဲရှိပြီး ရခိုင်ပြည်နယ်ရဲ့ တ၀က်နီးပါးသာ ရှိပါတယ်။ ဂျူးလူမျိုးတို့ အစ္စရေးနိုင်ငံကို ပြန်ထူထောင်ဖို့အတွက် အုံနဲ့ကျင်းနဲ့ ကမ္ဘာတစ်၀န်းက ဂျူးလူမျိုး သူဌေးတွေ၊ သိပ္ပံညာရှင်တွေဟာ မိမိတို့ရဲ့စည်းစိမ်၊ ဂုဏ်သိက္ခာ၊ ကျော်စောမှုတွေကို ထားခဲ့ပြီးတော့ ပူပြင်းတဲ့ သဲကန္တာရပေါ်မှာ ဒုက္ခမျိုးစုံခံပြီးနေထိုင်ခဲ့ကြတယ်။

ရုရှားနိုင်ငံ ဆိုက်ဘေးရီးယား ဒေသက ငှက်တစ်မျိုးဟာ ဆိုက်ဘေးရီး ယားဒေသရဲ့ အလွန်အေးတဲ့့ ဆောင်း ရာသီဒဏ်ကို ရှောင်ချင်လို့ အခြားဒေသတွေကို ထွက်ခွာကြတဲ့ ဓလေ့ရှိတယ်။ ဒါပေမဲ့ ဆိုက်ဘေးရီးယားဒေသမှာ အအေးလျော့ပြီး နွေရာသီပြန်ရောက်တဲ့ အချိန်ဆိုရင် ကိုယ့်ဒေသကို ဖြစ်အောင် ပြန်လာကြတယ်။

ဆယ်လမွန်ငါးတို့ဆိုရင်လည်း ရေချိုမှာမွေးပြီး ရေငန်မှာ ကြီးပြင်းကြတဲ့ ငါးမျိုးဖြစ်ပေမဲ့ ရေချိုမှာ ပျမ်းမျှ (၂) နှစ်လောက် နေပြီးလို့ အရွယ်ရောက်ရင် ပင်လယ်ပြင်ကြီးဆီ ထွက်ကြတဲ့ အကျင့်ရှိပေမဲ့ ပင်လယ်ပြင် မှာ (၃) နှစ်လောက်နေပြီးလျှင် ကြင်ဖော်ရှာပြီး မိမိတို့မွေးဖွားရာ ဇာတိရပ်မြေ ရေချိုအရပ်ဆီကိုပဲ မျိုးပွားဖို့ ကြင် ရာနှင့်အတူပြန်လာကြပါတယ်။

တစ်ချို့ရခိုင်လူမျိုးတွေက မိမိတို့ဟာ ဂျူးလူမျိုးနဲ့တူတယ်ဆိုပြီး ခိုင်းနှိုင်း ပြောဆိုနေကြတာကို ကြားနေရတယ်။ ဂျူးလူမျိုးတွေက အစ္စရေးနိုင်ငံ ပြန်လည် ထူထောင်ဖို့ (ဇီယွန်တောင်ဖျားဒေသ) ယခု ဂျေရုဆလင်ဒေသကို ပြန်လာခဲ့ကြတယ်။ ရခိုင်လူမျိုးတွေမှာ ပညာတတ် ဖြစ်သွားပြီဆိုရင် ရန်ကုန်မြို့မှာပဲ နေထိုင်ကြတာများတယ်။

အင်္ဂလိပ်ခေတ်ကတည်းက ICS တွေ၊ စက်ရှင်တရားသူကြီး အစရှိတဲ့ ရခိုင်လူမျိုး ပညာတတ်တွေဟာ ရခိုင်ကို ပြန်မလာကြတော့ဘဲ ရန်ကုန်၊မန္တလေး အစရှိတဲ့ အထက်မြန်မာပြည်က မြို့ကြီး တွေမှာ မိသားစုအလိုက် အခြေချသွားရုံ သာမက ရခိုင်မှာရှိနေတဲ့ ဆွေမျိုးသားချင်း တွေကိုပါ ခေါ်ထားလိုက်ကြသေးတယ်။ ကမ္ဘာတစ်၀န်းရှိ ဂျူးလူမျိုးရဲ့ ပညာတတ် သူဌေးတွေဟာ အစ္စရေးမှာ မနေဖြစ် ရင်တောင် အစ္စရေးနိုင်ငံကို ကိုယ်တတ် နိုင်တဲ့ဘက်က အခုထိ အထောက်ပံ့ ပေးနေကြဆဲဖြစ်တယ်။

အင်္ဂလိပ်ခေတ်က ICS ရခိုင် ပညာတတ်တွေဟာ ရခိုင်အမျိုးသားရေး လုပ်ရှားမှု အခန်းကဏ္ဍမှာ မတွေ့ရ သလောက်ဟု ဆိုရပါမယ်။ မြန်မာနိုင်ငံ မှာICS ပညာတတ် (၁၂) ဦးရှိခဲ့ရာ (၉) ဦးဟာ ရခိုင်လူမျိုးတွေ ဖြစ်ကြတယ်။ လွတ်လပ်ရေးရခါနီး ဗိုလ်ချုပ်အောင် ဆန်းက “မြန်မာနိုင်ငံကို တည်ဆောက်ဖို့ အန်ကယ်တို့ ပညာတတ်လူကြီးတွေ ကိုပဲ အားကိုးရမယ်”လို့ ပြောခဲ့ချိန် မြန်မာနိုင်ငံမှာ ပညာတတ် အများစုဟာ ရခိုင်လူမျိုးတွေ ဖြစ်နေကြတယ်။ အင်္ဂလိပ်နယ်ချဲ့တို့ အားကိုးယုံကြည်ခဲ့ရတဲ့ ICS ပညာတတ်တွေဖြစ်ကြတဲ့ ဆာပေါ်ထွန်း၊ ဦးမေအောင်၊ ဆာထွန်းအောင်ကျော် တို့ဟာ ရခိုင်လူမျိုးတွေပါ။

အင်္ဂလိပ်ခေတ်မှာ ICSနဲ့ ရခိုင်လူမျိုး ဥပဒေပညာရှင်တွေကသာ အမျိုးသားနိုင်ငံရေးကို စိတ်၀င်စားခဲ့ မယ်ဆိုရင် ရခိုင်ပြည်နယ်ဟာ ဒိုမီနီယံ သို့မဟုတ် ကိုယ်ပိုင်အုပ်ချုပ်ခွင့်ရဒေသ ဖြစ်နိုင်တဲ့ အခွင့်အရေးတွေ ရှိခဲ့ပါတယ်။

ဒါပေမဲ့ ရခိုင်လူမျိုး ပညာတတ်တွေဟာ အမျိုးသားရေးထက် ကိုယ့်ရဲ့ မိသားစုနဲ့ဆွေမျိုး ကောင်းစားရုံလောက်သာ တွေးခဲ့ကြတယ်။ ရခိုင်တစ်မျိုးသားလုံးအတွက် မစဉ်းစားခဲ့သလို မဆောင် ရွက်ခဲ့ကြဘူး။ အင်္ဂလိပ်နယ်ချဲ့တွေအတွက်ပဲ အမှုထမ်းကောင်းတွေ ဖြစ်ခဲ့ကြတယ်။ ဆရာတော်ဦးဥတ္တမ ဒိုင်အာခီ အုပ်ချုပ်ရေး တောင်းဆိုခဲ့ချိန် ရခိုင်ပညာတတ်တွေကသာ ဝုိင်းရံပြီး ရခိုင်ပြည်နယ်ကို အိန္ဒိယနိုင်ငံနှင့်တွဲပြီးနေရဖို့ ကြိုးစားခဲ့ကြမယ်ဆိုပါရင် အခုချိန်ဆို ရခိုင်ပြည်နယ်ဟာ ကိုယ်ပိုင်သီးခြားနိုင် ငံထူထောင်လို့ ရှိနေမှာပါ။

နောက်တစ်ခုက ဂျူးလူမျိုးတွေ မှာ လူငယ်တွေကို နေရာပေးကြတယ်။ အင်္ဂလိပ်ခေတ် ရခိုင်လူမျိုး ပညာတတ် တွေက ဆရာတော်ဦးဥတ္တမကို အာရှ နေ၀န်းဟု မမြင်သလို နေရာပေးဖို့လည်း စိတ်မကူးခဲ့ကြဘူး။ စစ်တွေမြို့ ရူပမြောက် ရပ်ကွက်က “ဆံခြူချေ” လို့ပဲ မြင်ခဲ့ကြ တယ်။ ကိုရင်ငယ်ဘ၀က ရွှေစေတီကျောင်းမှာ စာတက်နေခဲ့တဲ့ နှပ်ချေးတွဲလောင်းနဲ့ ပုံစံကိုပဲ ပြောနေခဲ့ကြတယ်။ ဒါကြောင့် ဆရာတော်ဟာ ရန်ကုန်ရောက် ရခိုင်လူမျိုး ပညာတတ်တွေရဲ့ ထောက်ခံမှုကို မရရှိခဲ့လို့ ဝံသာနုအင်အားစုရဲ့ ချောင်ထိုးထားခြင်းကို ခံခဲ့ရပြီးတော့ လမ်းဘေးမှာ လူမသိရှင်မသိ ပျံလွန်တော်မူခဲ့ရတာပါ။

ဂျူးလူမျိုးတွေဟာ တမန်တော်မိုးဇက်ကို ယုံကြည်ကြပြီး သူတို့ရဲ့ ဟီဘရူးဘာသာ ပညတ်တော်(၁၀)ပါးကို လိုက်နာကြတယ်။ သူတို့ရဲ့ ၀တ်ပြုချိန်ကို အလေးထားကြတယ်။ ရှေးရခိုင်လူမျိုးတွေ ငါးပါးသီလကို ခါး၀တ်ပုဆိုးကဲ့သို့ မြဲလို့ “အမျိုးသီလ၊ နှစ်ဌာနကို ပြည့်၀မဏ္ဍိုင်၊ စွမ်းဆောင်နိုင်၍ ရက္ခိုင်နာမ ဘွဲ့မည်လှဖြင့် အနွတ္တသညာ ခေါ်အပ်ရာတည်း” ဟု ရှင်နာဂိန္ဒမော်ကွန်းက ဆိုထားပေမဲ့ ယနေ့ ရခိုင်လူငယ်တွေဟာ အရက်နွံမှာ နစ်နေကြတာများပါတယ်။

မျိုးဆက်သစ်လူငယ်တွေ မူးယစ်ဆေးဝါး သားကောင်ဖြစ်နေကြတယ်။ လူတော်၊ လူကောင်းတွေနဲ့မှ တိုင်းပြည်တစ်ခုကို တည်ဆောက်နိုင်မှာမို့ ဒါတွေကို ရခိုင် လူမျိုး အထူးသတိပြုဖို့ လိုကြပါလိမ့်မယ်။

ဂျူးလူမျိုးတွေဟာ အရမ်းစာ ဖတ်ကြတဲ့ လူမျိုးဖြစ်ပြီး တစ်ယောက်ကို တစ်ယောက် လက်ဆောင်ပေးရင်တောင် စာအုပ်ပဲ ပေးတတ်ကြတယ်။ စာဖတ်တဲ့ အလေ့အကျင့်က ဂျူးလူမျိုးကို အာရပ် ကမ္ဘာမှာ လက်မထောင်ပြီးနေနိုင်အောင်နဲ့ ကြီးပွားချမ်းသာအောင် ဆောင်ရွက်ပေးနိုင်ခြင်းသာ ဖြစ်တယ်။ ဂျူးလူမျိုးတွေဟာ စာဖတ်အား၊ မှတ်အားကောင်းတဲ့အပြင် စာဖတ်ခြင်း၀ယ် စံပြုခံထားရတဲ့ လူမျိုးလည်း ဖြစ်ပါတယ်။

ဂျူးလူမျိုးတွေရဲ့ ကလေးတွေ ဟာ တစ်ယောက်နဲ့တစ်ယောက် ပြိုင်ရင် တောင် မင်းစာအုပ်စင်မှာ စာအုပ်ဘယ် လောက်ရှိလဲ၊ ငါ့မှာ စာအုပ်စင် ဘယ်နှစ်ခုရှိတယ်ဆိုပြီး ပြိုင်ကြပါတယ်။ ဂျူးလူမျိုးကို စံပြုနေကြတဲ့ ရခိုင်လူမျိုးတချို့မှာ သားသမီးတွေကို ကျောင်းစာအပြင် အခြား ဗဟုသုတရရှိစေမယ့် စာအုပ်တွေဖတ်ဖို့ အားမပေးကြသလို မိဘတွေကိုယ်တိုင်က သားသမီးတွေကို စာအုပ်၀ယ်ပေးတဲ့ အလေ့အကျင့် မရှိကြဘူး၊။

စာကြည့်တိုက်သွားပြီး စာအုပ် ဖတ်တဲ့ အလုပ်ကို အပိုအလုပ်လို့ ယူဆထားကြတယ်။ စာအုပ်ဖတ်တော့ ဘာအကျိုးကျေးဇူး ရမှာလဲဆိုပြီး ပြောလာကြတာတွေလည်းရှိပါတယ်တယ်။ သားသမီးတွေကလည်း ပညာတတ်ဖို့မလို မှောင်ခိုလုပ်တတ်ရင် ချမ်းသာတာပဲ ဒီလိုမြင်လာကြတယ်။

ဂျူးလူမျိုးနဲ့ ရခိုင်လူမျိုးတို့ တူ တာတစ်ခုကတော့ နိုင်ငံရေးပါတီတွေ အများကြီး ရှိနေတတ်ကြတယ်။ စာရေး သူတို့ ရခိုင်လူမျိုးတွေလို ဂျူးလူမျိုးတွေ မှာလည်း ပါတီထဲမှာ လူကြီးလုပ်ချင်သူ နေရာလုချင်သူတွေ အများကြီး ရှိကြပါ တယ်။ ရခိုင်လူမျိုးတွေလို ဂျူးလူမျိုးတွေ မှာလည်း လူနှစ်ယောက်ပေါင်းရင် သုံးပါတီ ဖြစ်နေကြတယ်။ ပါတီတစ်ခုနဲ့ တစ်ခု ညှိနှိုင်းအဖြေရှာရခက်တယ်။ မတူတာတစ်ခုက ရခိုင်လူမျိုးတွေက တစ်လင်တစ်မယား စနစ်ကျင့်သုံးပြီး ဂျူးလူမျိုးတွေမှာ ယောက်ျားဝါဒ ထွန်းကားလို့ မိန်းမတွေအများကြီး ယူနိုင်အောင် ဥပဒေက ခွင့်ပြုပေးထားတယ်။

ဒါကလည်း ဖြစ်သင့်ပါတယ်။ မူဆလင်တွေ ၀န်းရံထားတဲ့ နေရာမှာ လူဦးရေအများကြီး တိုးပွားဖို့ လိုအပ် တယ်လို့ အစ္စရေးတွေက ခံယူထားကြပါ တယ်။ ရခိုင်ပြည်နယ်မှာလည်း တစ် ဘက်လူ့အဖွဲ့အစည်း ဘင်္ဂါလီလူမျိုးတွေ ကလေးကို ရသလောက် မွေးနေကြ တဲ့အချိန် ရခိုင်လူမျိုးတွေမှာ သားသမီး နှစ်ယောက်ဆိုရင် မယူချင်ကြတော့ဘူး။ နိုင်ငံတစ်ခု တည်ဆောက်ဖို့ဆိုရင် လူဦးရေကလည်း အဓိကကျပါတယ်။
ဂျူးလူမျိုးတွေဟာ အခြားလူ မျိုးတွေထံမှာ အကြိမ်ကြိမ် စစ်ရှုံးခဲ့ပေ မဲ့ ဇီယွန်ဒေသကို အခြေပြုပြီး နိုင်ငံတစ် နိုင်ငံကို တည်ဆောက်နိုင်ခဲ့ကြတယ်။ AD ခြောက်ရာစုမှာ ကမ္ဘာကျော် ခရူးဆိတ်စစ်ပွဲ ဖြစ်ပွားခဲ့တဲ့နေရာဟာ ယခု ဂျူးလူမျိုးတွေနေတဲ့ အစ္စရေးဒေသမှာပါ။ အကြိမ်ကြိမ်ရှုံးနိမ့်ခဲ့ပေမဲ့ ဇီယွန်ဝါဒနဲ့ ကြိုးစားရင်း နိုင်ငံတစ်ခုကို ကြိုးစားတည်ထောင်နိုင်ခဲ့ကြတယ်။

“ဥသြရေသောက် ထီးနန်း ပျောက်” ကတည်းက တစ်ကြိမ်ရှုံးနိမ့်ရုံ ဖြင့် ရခိုင်လူမျိုးတွေမှာ ရခိုင်နိုင်ငံတော် ပြန်မတည်ဆောက်နိုင်ခဲ့တာကို အဖြေရှာ ကြည့်ရင် ရခိုင်လူမျိုးတွေဟာ ဂျူးလူမျိုး တို့လို အမျိုးချစ်ပြီး စည်းလုံးညီညွှတ်မှု မရှိခဲ့လို့ပါပဲ။

ဂျူးလူမျိုးတွေဟာ ပူပြင်းတဲ့ သဲကန္တာရမှာ နေထိုင်ကြပေမဲ့ မိမိတို့ ဒေသက ထွက်ခွာဖို့ စိတ်မကူးကြဘဲ ဘီ လျံချီ ချမ်းသာတဲ့သူဌေးတွေ၊ ကမ္ဘာ့ အတော်ဆုံးလို့ သတ်မှတ်ခံထားရတဲ့ သိပ္ပံ ပညာရှင် ဂျူးလူမျိုးတွေဟာ သူတို့နိုင်ငံ၊ သူတို့လူမျိုး တိုးတက်ဖို့ အစ္စရေးနိုင်ငံကို ပြန်လာနေကြတယ်။

ဒီနေ့အချိန် မြန်မာ နိုင်ငံမှာ ရခိုင်လူမျိုးတွေကို ရွေ့ပြောင်း အသွားလာဆုံးလူမျိုးအဖြစ် မှတ်တမ်း ၀င်နေတယ်။ ရခိုင်ပြည်နယ်က ထွက် သွားကြတဲ့ ရွှေ့ပြောင်းအလုပ်သမားတွေ ဟာ ဆိုက်ဘေးရီးယားငှက်တွေလို အချိန် တန်ရင် ကိုယ့်ဒေသကို ပြန်မလာကြ တော့ပါ။ ပညာတတ်ပြီး လူချမ်းသာဖြစ် နေကြတဲ့ ရခိုင်လူမျိုးတွေဟာ ရခိုင်ပြည် နယ်ကို ပြန်မလာကြတော့ဘဲ ရန်ကုန်မြို့ နဲ့ နိုင်ငံခြားမှာ အခြေချနေထိုင်သူတွေ များတတ်ကြတယ်။

ရခိုင်လူမျိုး အစိုးရ ၀န်ထမ်းတွေဆိုရင် ပင်စင်ယူပြီးပါက ရခိုင်ဒေသကို ပြန်မလာကြတော့ဘဲ မိမိတာ၀န်ကျခဲ့ရာ အထက်မြန်မာပြည်ဒေသတွေမှာ သေဆုံးသွားတဲ့အထိ ရခိုင်လူမျိုးတွေ နေထိုင်သွားကြတာကို ကြားနေ၊ တွေ့နေရပါတယ်။

လွန်ခဲ့တဲ့ နှစ်ပေါင်းများစွာကပင် ရခိုင်လူမျိုးတွေဟာ ရခိုင်ပြည်နယ်အ တွင်း စီးပွားရေးအဆင်မပြေမှု၊ နိုင်ငံ ရေးပြဿနာ၊ အလုပ်အကိုင် ရှားပါးမှု စတဲ့ ပြဿနာအမျိုးမျိုးကြောင့် နယ်ရပ် စွန့်ခွာမှုများစွာ ရှိခဲ့လို့ ဦးနှောက်ယိုစိမ့်မှု ပြဿနာ ရှိလာနေပါတယ်။ ဒါကြောင့် ရခိုင်လူမျိုးတို့ ရခိုင်ပြည်နယ်ကနေ ထိုင်း၊ မလေးရှား၊ ဖားကန့်နဲ့ တရုတ်နယ်စပ် တွေမှာ ပြန့်ကျဲထွက်ခွာ ရွှေ့ပြောင်းအ လုပ်သမားများအဖြစ်နဲ့ အခြေချနေထိုင် လာကြလို့ ရခိုင်လူမျိုးကို ရွှေ့ပြောင်း နေထိုင်မှု အများဆုံးလူမျိုး (Diaspora) ဒိုင်ယာစပိုရာလို့ သတ်မှတ်နေကြတာပါ။

ရန်ကုန်မြို့အပါအ၀င် ထိုင်း၊ မလေးရှား၊ တရုတ်နယ်စပ် ဖားကန့်၊ အမေရိကနဲ့ အခြားဥရောပနိုင်ငံတွေကို ဒုက္ခသည် (Refugee) အဖြစ် ရောက်ရှိသွားကြတဲ့ ရခိုင် ဒိုင်ယာစပိုရာတွေဟာ စီးပွားရေး လုပ်ငန်းရှင်တွေနဲ့ ကျန်တဲ့ နယ်ပယ်အသီးသီးမှာ ပညာရှင်အဆင့်ထိ ဖြစ်နေ၊ ရောက်နေတဲ့ သူတွေ အများကြီး ရှိနေကြတယ်။ ဒါကြောင့် ရခိုင်ပြည်နယ် ဘက်စုံဖွံဖြိုး တိုးတက်လာဖို့ ရခိုင်ဒိုင်ယာ စပိုရာတွေရဲ့ အခန်းကဏ္ဍဟာ အရေးကြီး လာရခြင်း ဖြစ်ပါတယ်။

ရခိုင်ပြည်နယ်က အသေးစား၊ အလတ်စား လုပ်ငန်းတွေမှာ ရင်းနှီးမြှုပ် နှံမှု၊ အဝေးရောက် ဒိုင်ယာစပိုတွေ တတ် ထား၊ သိထားတဲ့ ပညာရပ်တွေကို ရခိုင် မျိုးဆက်သစ် လူငယ်တွေကို ပြန်လည် မျှဝေ (Share) လုပ်ပေးဖို့ လိုအပ်နေတဲ့ အချိန်တစ်ခု ရောက်နေပါပြီ။ ဒိုင်ယာစပို ရာတွေအနေနဲ့ ကိုယ်တတ်ထား၊ သိထား တဲ့ ပညာရပ်တွေကို ရခိုင်ပြည်နယ်မှာ ပြန်လည် အသုံးချနိုင်ဖို့အတွက် ဝံလက် ငှက်၊ ဆိုက်ဘေးရီးယားငှက်၊ ဆယ် လမွန်းငါးတို့လို မိမိတို့ဇာတိမြေ ရခိုင် ဒေသကို ပြန်လာသင့်ပါတယ်။

ရခိုင်လူမျိုးတို့မှာ ဝံလက်ငှက် ကို မျိုးစောင့်ငှက်လို့ တင်စားထားကြ တယ်။ မိမိအမျိုးအနွယ်ကို စောင့်ရှောက် ခြင်း၊ မိမိအသိုက်အမြုံကို ခင်တွယ်ခြင်း နဲ့ဘယ်ဒေသကို ရောက်ရှိနေပါစေ ကိုယ့် ရဲ့ ဇာတိမြေကို အရောက်ပြန်လာတတ် တဲ့ ငှက်ဖြစ်လို့ ရခိုင်ဒိုင်ယာစပိုရာတွေ အနေနဲ့ ဝံလက်ငှက်၊ ဆိုက်ဘေးရီးယား ငှက်နဲ့ ဆယ်လမွန်ငါးတို့လို မြန်မာနိုင်ငံ ဖက်ဒရယ်ပြည်ထောင်စု ဖြစ်လာမယ့် ချိန်မှာ ရခိုင်ပြည်နယ် ဘက်စုံဖွ့ံဖြိုးတိုး တက်ဖို့ အရောက်ပြန်လာနိုင်ကြပါစေ။

Credit ဆောင်းပါးရှင်