03/10/2025
https://www.facebook.com/share/p/19byF89tKk/
“မကွေးဖက်ဒရယ်ယူနစ် ကြားကာလ အစီအမံကြိုတင်ပြင်ဆင်မှုဆိုင်ရာ ကော်မရှင်နှင့် ပြည်သူများ တွေ့ဆုံပွဲ”
●____________________๑۩۩๑____________________●
မကွေးဖက်ဒရယ်ယူနစ် ကြားကာလအစီအမံရေးဆွဲရေး ကြိုတင်ပြင်ဆင်မှုဆိုင်ရာ ကော်မရှင်က ကြားကာလအစီအမံ (ပထမမူကြမ်း) ကို ၂၀၂၅ ခုနှစ်၊ ဇူလိုင်လ (၁၈) ရက်နေ့တွင် ပြည်သူလူထုထံ အစီရင်ခံတင်ပြထားပြီး အကြံပြုဆွေးနွေးချက်များကို ဖိတ်ခေါ်ခဲ့ပါသည်။ ပထမမူကြမ်းနှင်ပတ်သက်၍ ပြည်သူလူထုထံမှ အကြံပြုချက်များ၊ လူငယ်များထံမှ အကြံပြုချက်များ၊ တော်လှန်ရေးအင်အားစုအသီးသီးထံမှအကြံပြုချက်များ၊ ပြည်ထောင်စုအဆင့် အဖွဲ့အစည်း အသီးသီး၏ အကြံပြုချက်များရရှိခဲ့ပါသည်။ ၎င်းအကြံပြုချက်များအားလုံးကို ကော်မရှင်အနေဖြင့် လေးစားတန်ဖိုးထားစွာ ထည့်သွင်းဆွေးနွေးခဲ့ပါသည်။ ကော်မရှင်အနေဖြင့် ကြားကာလအစီအမံ (ဒုတိယမူကြမ်း) ကို အချောသတ်ရေးဆွဲဆောင်ရွက်ပြီး မကြာခင်ထုတ်ပြန်နိုင်တော့မည်ဖြစ်သည်။
သို့ဖြစ်၍ မကွေးဖက်ဒရယ်ယူနစ် ကြားကာလအစီအမံ (ဒုတိယမူကြမ်း) နှင့်ပတ်သက်၍ မကွေးဖက်ဒရယ်ယူနစ်ရှိ ပြည်သူများ သိရှိစေရန် ရည်ရွယ်၍ "ကော်မရှင်နှင့် ပြည်သူများတွေ့ဆုံပွဲ" ကိုကျင်းပသွားမည်ဖြစ်သည်။
ပြည်သူများအတွက် ပြင်ဆင်ရေးဆွဲထားသော အစီအမံကို ပြည်သူများသိရှိနားလည်ရေးသည် အရေးပါလှသဖြင့် မကွေးဖက်ဒရယ်ယူနစ်အတွင်းမှာရှိသည့် ပြည်သူများအား ဤတွေ့ဆုံပွဲသို့ တက်ရောက်နိုင်ရန်အတွက် ကော်မရှင်တစ်ရပ်လုံးက လေးစားစွာ ဖိတ်ကြားအပ်ပါသည်။ တက်ရောက်မည့်သူများအနေဖြင့် အောက်ပါ Google Form ဖောင်ပုံစံကိုဖြည့်သွင်း၍ စာရင်းပေးသွင်းနိုင်ပါသည်။
Google Form Link ရယူရန် - https://t.me/mfuiapc2025
အသေးစိတ်ဆက်သွယ်စုံစမ်းလိုပါက -
Telegram – https://t.me/MFUIAPC
page – https://www.facebook.com/MFUIAPC
Email – [email protected]
ကြားကာလအစီအမံကြိုတင်ပြင်ဆင်မှုဆိုင်ရာ ကော်မရှင်
မကွေးဖက်ဒရယ်ယူနစ် ကြားကာလအစီအမံရေးဆွဲရေး ကြိုတင်ပြင်ဆင်မှုဆိုင်ရာကော်မရှင်
