Generation Z-Loikaw

23/09/2026

တော်လှန်မှု ပြုဖို့ဆိုတာ
အကြောင်းပြချက်မလိုပါဘူး
အမှန်တစ်ကယ်
တော်လှန်လိုစိတ်ရှိရင်ရပါတယ်။
ဒီနောက်ပိုင်းဆိုရင်
စစ်တပ်အကောင့်တုတွေ Social Media
မျိုးစုံမှာ ပေါများလာပါတယ်
ဒါတွေကို တွေ့တိုင်း
Report ထုဖို့ မမေ့ပါနဲ့

21/09/2026

" အနာဂတ်ကို ထုဆစ်ပုံဖော်ပြီး တည်ဆောက်ကြရမယ့် လူငယ်တွေဟာ ခဏတာ အပျော်နဲ့ ခဏတာအမြတ်ရဲ့ ထောင်ချောက်ထဲ မကျရောက်သင့်ပါဘူး"

Credit ရဲဘော်တေဇ

"လူမှုဘဝတွေကို တိုက်စားသွားသော မြင်း နဲ့ ကျွဲ "

ရဲဘော်တေဇ

မြင်းဆေး လို့ခေါ်တဲ့ ရာဘမူးယစ်ဆေးတွေနဲ့ ကျွဲဂိမ်းလို လောင်းကစားဂိမ်းတွေက လူ့အဖွဲ့အစည်းကို ဘယ်လိုဖျက်စီးနေသလဲ?

တစ်ခုက ခဏတာ စိတ်ကြွစေတယ်။တစ်ခုက ခဏတာ ငွေရှာနိုင်မယ်လို့ ထင်ရစေတယ်။ဒါပေမဲ့ နှစ်ခုစလုံးရဲ့ နောက်ဆုံးလားရာကတော့ ဘဝပျက်စီးမှု ဖြစ်လာနိုင်တဲ့ သဘောသဘာဝ ကို တွေ့နေရပါတယ်။

လူ့ဘဝကို ထိခိုက်ပျက်စီးစေနိုင်တဲ့ အရာတွေဟာ အမြဲတမ်း အန္တရာယ် ကြီးမားတဲ့ ပုံစံနဲ့ချည်းပဲ ဝင်ရောက်လာတာ မဟုတ်ပါဘူး။ တစ်ခါတစ်လေ
“ပျော်စရာ၊ စိတ်ပြေလက်ပျောက်၊ ငွေရှာနည်း” ဆိုတဲ့ ပုံစံတွေနဲ့ နီးကပ် လာတတ်ပါတယ်။ မူးယစ်ဆေးနဲ့လောင်းကစားဟာ မတူပေမယ့် နှစ်ခုစလုံးက လူတစ်ဦးရဲ့ ထိန်းချုပ်နိုင်စွမ်း၊ ငွေကြေး၊မိသားစုဘဝနှင့် အနာဂတ်ကို ထိခိုက်စေနိုင်တဲ့ အန္တရာယ်များ ဖြစ်နေပြီးတော့ ယနေ့ခေတ်အခြေအနေနဲ့ ဘက်ပေါင်းစုံက ယိုယွင်းနေတဲ့ စနစ်ကြားမှာတော့ ပိုမိုဆိုးရွားလို့ ကြီးထွားနေတာပါ။

လူသုံးများတဲ့ မြင်းဆေး မက်သာဖက်တမင်း စိတ်ကြွမှုးယစ်ဆေးများအပါအဝင် ဓာတုနည်းမျိုးစုံ အသုံးပြုလို့ ထုတ်လုပ်ထားတဲ့ မူးယစ်ဆေးများဟာ ဦးနှောက်နှင့် အာရုံကြောစနစ်ကို ပြင်းထန်စွာ လှုံ့ဆော်နိုင်ပါတယ်။

အစပိုင်းမှာ နိုးကြားတတ်ကြွလာသလို၊ ကိုယ့်ကိုယ်ကိုစိတ်ကြီးဝင် အဟုတ်ကြီးထင်ရစေသလို၊ စကြာဝဋာတစ်ခွင် မိမိသည်သာ အလွတ်လပ်အပေါ့ပါးဆုံးဟု ထင်ရစေသလို ခံစားရနိုင်ပေမယ့် တစ်ကယ်တမ်းက ရူးဖို့ တစ်မူးမက အကုန်ကျခံပြီး အရူးဇာတ်ကို အစပျိုးနေတာပါ။

အဲ့တာကို သတိမမူနိုင်ဘဲ ပျော်ပျော်ကြီး စွဲလမ်းလာကာ ဆက်လက်သုံးစွဲလာပါက အိပ်မပျော်ခြင်း၊ စိုးရိမ်ပူပန်ခြင်း၊ နှလုံးနှင့် သွေးကြောဆိုင်ရာ ပြဿနာများ၊ သံသယလွန်ကဲခြင်းနှင့် စိတ်အာရုံ ချောက်ချားမှုများ ဖြစ်ပေါ်စေနိုင်ပါတယ်။

အန္တရာယ်က သုံးစွဲသူတစ်ဦးတည်းမှာဘဲ ရပ်တန့်နေမှာ မဟုတ်ပါဘူး။ မူးယစ်ဆေးမှတစ်ဆင့် ကျန်းမာရေးထိခိုက်မှု ထိုမှတစ်ဆင့် အလုပ်အကိုင်ပျက်စီးမှု သို့နောက် မိသားစုပြဿနာ ကနေမှနောက်ဆုံး လူမှုရေးပြဿနာ အထိ ဆိုတဲ့ ကွင်းဆက်တစ်ခုအဖြစ် ပြောင်းလဲသွားတတ်ပါတယ်။

“ကျွဲဂိမ်း" လောင်းကစားဟာ မူးယစ်ဆေးလို ခန္ဓာကိုယ်ထဲကို ဓာတုပစ္စည်း ထည့်သွင်းတာ မဟုတ်ပါဘူး။ ဒါပေမယ့် စွဲလမ်းမှု ဖြစ်စေနိုင်ပါတယ်။

WHO အဆိုအရ Gambling Disorder(လောင်းကစားစွဲလမ်းမှု/ လောင်းကစားရောဂါ) ကြောင့် (၁)လောင်းကစားမှုကို ထိန်းချုပ်နိုင်စွမ်းလျော့နည်းလာပြီး လောင်းကစားမှုကို မရပ်နိုင်ခြင်း (၂) အခြားဘဝ အရေးကြီးကဏ္ဍများထက် လောင်းကစားကိုဦးစားပေးလာခြင်း (၃) ဆုံးရှုံးမှုများနှင့်အတူ ဆိုးကျိုးများရှိနေသော်လည်း ဆက်လောင်းခြင်း စတဲ့ အဓိကလက္ခဏာတွေ ဖြစ်ပေါ်လာနိုင်ပါတယ်လို့ အသိပေးထားပါတယ်။

အထူးသဖြင့် စလော့ဂိမ်းနှင့် အွန်လိုင်းလောင်းကစားများဟာ လွယ်ကူစွာ ဝင်ရောက်နိုင်ပြီး ထပ်ခါတလဲလဲ လောင်းကစားနိုင်တာကြောင့် အန္တရာယ်ပိုများ နိုင်ပါတယ်။ အများဆုံးတွေ့ရတဲ့ ထောင်ချောက်ကတော့ “ရှုံးတာ ပြန်ရအောင် နောက်တစ်ကြိမ် ထပ်လောင်းမယ်၊ တစ်ခါလောက် စမ်းလောင်းကြည့်မယ်၊ သူဌေးဖြစ် ခွေးဖြစ်ကွာ” ဆိုတဲ့အတွေးပါ။

တစ်ကြိမ်မှ နောက်တစ်ကြိမ် နောက်တစ်ကြိမ်တွေ ဖြစ်လာပြီး လောင်း - ရှုံး - ပြန်လောင်း - အကြွေးတင် - ထပ်လောင်း ဆိုတဲ့ တဝဲလည်လည် သံသရာဝဲဂယက်ထဲ ဝင်ရောက်သွားနိုင်ပါတယ်။ နောက်ဆုံးမှာ ဆုံးရှုံးရတာက ငွေကြေးတစ်ခုတည်း မဟုတ်တော့ဘဲ မိသားစုရဲ့ ယုံကြည်မှု၊ လူမှုဆက်ဆံရေး၊ စိတ်ကျန်းမာရေးနဲ့ အနာဂတ် တွေလည်း ထိခိုက်လာနိုင်ပါတယ်။

မူးယစ်ဆေးနဲ့ လောင်းကစားဟာ တူညီတဲ့ အရာတွေတော့ မဟုတ်ပေမယ့် လမ်းမတူပေမယ့် ထောင်ချောက်တူတယ်။ နှစ်ခုစလုံးမှာ တူတာကတော့ စွဲလမ်းစေမှု၊ ထိန်းချုပ်နိုင်စွမ်း လျော့နည်းလာမှုနှင့် နောက်ဆက်တွဲ ဘဝပျက်စီးမှု ဆိုတဲ့ အန္တရာယ်တွေပါ။ ဒါကြောင့် ဒီပြဿနာတွေကို “သူ့အပြစ်ပဲ၊ သူ့ဘဝနဲ့သူပဲ” လို့ လွယ်လွယ်ကူကူ ဆုံးဖြတ်လိုက်တာထက် စွဲလမ်းမှုကို ကျန်းမာရေးနှင့် လူမှုရေးပြဿနာအဖြစ် ရှုမြင်နားလည်ဖို့ လိုပါတယ်။ လူတစ်ဦးကနေ စလိုက်ပေမဲ့ လူမှုအသိုင်းအဝိုင်း တစ်ခုလုံးကို ပျံ့နှံ့သွားနိုင်ပါတယ်။

မူးယစ်ဆေးနဲ့ လောင်းကစားကို တားဆီးဖို့ “မလုပ်ပါနဲ့ ၊တားဆီးရမယ်” ဆိုတဲ့ အပြောတွေနဲ့ မလုံလောက်ပါဘူး။ လူတစ်ယောက် ဘာကြောင့် မူးယစ်ဆေး စတင်သုံးစွဲလာသလဲ ? ဘာကြောင့် လောင်းကစားထဲ ဝင်ရောက်လာသလဲ ? ရပ်ချင်ပေမဲ့ ဘာကြောင့် မရပ်နိုင်တော့သလဲ ? ဒီမေးခွန်းတွေကို နားလည်နိုင်ကြဖို့လိုပါတယ်။

ဖြေရှင်းချက်ကတော့ တစ်ဦးချင်းစီ၊ တစ်စုတစ်ဖွဲ့ချင်းစီကို အပြစ်တင်ခြင်းထက် အသိပညာပေးမှု + မိသားစုအထောက်အပံ့ + ကျန်းမာရေးဝန်ဆောင်မှု+ လူမှုကာကွယ်ရေးအစီအမံ + ထိရောက်သော စည်းမျဉ်းစည်းကမ်း တို့ပေါင်းစပ်ထားတဲ့ လူမှုကာကွယ်ရေးစနစ်တစ်ခု ရှိဖို့လိုအပ်ပါတယ်။

မူးယစ်ဆေးနဲ့ လောင်းကစားဟာ လူ့အဖွဲ့အစည်းကို သတိပေးနေတဲ့ အချက်တစ်ခုရှိပါတယ်။

“ အနာဂတ်ကို ထုဆစ်ပုံဖော်ပြီး တည်ဆောက်ကြရမယ့် လူငယ်တွေဟာ ခဏတာအပျော်နဲ့ ခဏတာ အမြတ်ရဲ့ ထောင်ချောက်ထဲ မကျရောက်သင့်ပါဘူး။” မြင်း ကိုမစီးပါနှင့်။ ကျွဲ ကို ကံစမ်းပြီး ဘဝ ကို မလောင်းပါနှင့်။ ဘဝဟာ ဆေးတစ်လုံးနဲ့ စမ်းသပ်ဖို့ မဟုတ်သလို၊ လောင်းကြေးတစ်ကြိမ်နဲ့ ဆုံးဖြတ်ရဖို့ မိခင်များက ခဲရာခဲဆစ် မွေးဖွားပေးခဲ့ကြခြင်း မဟုတ်ပါဘူး။

မူးယစ်ဆေးကို လက်တွေ့ကျစွာ တားဆီးပါ။ လောင်းကစားကို ဘေးအန္တရာယ်ကဲ့သို့ သတိထားပါ။

“လူ့ဘဝဟာ ကံစမ်းဖို့အတွက်မဟုတ်၊ တည်ဆောက်ဖို့အတွက်သာဖြစ်တယ်။”

ရဲဘော်တေဇ

(ဖော်ပြပါအတွေးအမြင်ဆောင်းပါးသည် ရေးသားသူ ရဲဘော်တေဇ၏ အာဘော်သာ ဖြစ်ပါသည် - အယ်ဒီတာ)

#အတွေးအမြင် #ဆောင်းပါး #ရဲဘော်တေဇ

21/09/2026

🤍💟🤍

19/09/2026

လွိုင်ကော်က လူ​ထုအပေါင်းတို့ရေ
လူပီသစွာပျော်ပါးနိုင်ပါတယ်
စစ်ဖိနပ်အောက်တော့ပြားပြားမဝပ်မိစေဖို့
သတိပြုကြပါဗျာ

ဝါဒမှိုင်းတွေကို အသိသတိနဲ့ ဆင်ခြင်ကြပါ။

17/09/2026

ကယန်းတွေ ကယားတွေ ဘာတွေညာတွေများများလုပ်ကြ

မျက်ဖြူစိုက်လေ ဆရာကြိုက်လေပဲဟေ့

တိုင်းရင်းသားအချင်းချင်းခွဲတာလဲ တိုင်းရင်းသားတွေပါပဲ

ဒါပေမဲ့ ဖြစ်စဥ်တိုင်းမှာ အာဏာရှင်ရဲ့ပယောဂမကင်းသလို အာဏာရှင်တွေသာ အမြတ်ရသွားတာချည်း

မတူကွဲပြားမှုကနေ မတူညီညွတ်မှု ဆီကို
မရွေ့နိုင်ရင် သမိုင်းထဲမှာ အကျဥ်းကျနေရဦးမှာပဲ

မြန်မာ့ ပြည်တွင်းသမိုင်း အများစုမှ
သင်ယူစရာထက် သင်ခန်းစာရစရာတွေပိုများတယ်
ဒါကြောင့် သမိုင်းတွေတိုင်းကို ကိုးကွယ်ပြီး ဂုဏ်ဖော်လို့အဆင်ပြေမနေတာတော့ အမှန်

16/09/2026

ဖ င ်နိုင်သလောက် ပဲကြီးဟင်းစားတာဆိုရင်တော့ကောင်းပါတယ်
တစ်ကယ်တမ်းကတော့ တရားဝင်မထုတ်ပြန်ပဲ မိမိတို့အဖွဲ့အစည်းမှလွဲရင် အခြားအဖွဲ့အစည်းများတစ်ချို့၏ အုပ်ချုပ်ရေးနယ်မြေဒေသတွေဟာလည်း တစ်ချို့အရာတွေဟာ ထိုနည်းတူပါပဲ

မြင်အောင်ကြည့်ကြဖို့တော့လိုတာပေါ့ တစ်လောက ပို့စ်တင်ထားသလို နိုင်ငံရေးခေါင်းစီးတွေနဲ့ တည်ဆောက်ထားတဲ့တပ်တွေ ပေါင်းစည်းနိုင်ရေးဟာ ဒီကိစ္စတွေနဲ့ ဆက်စပ်နေတာပါပဲ

သူမသာ ကိုယ်အသုဘ ကို ဘယ်သူပိုနံလဲလုပ်မနေကြပါနဲ့

တစ်ကယ်တမ်း ဒီမိုကရေစီရနေတာ နောက်ခြမ်းတစ်ကွက်လောက်သာရှိနေသလိုပဲ 😅🤣 ဒါတောင် IEC အနေနဲ့ ခက်ခဲစွာ မြေပေါ်တစ်နည်း မြေအောက်တစ်ဖုံရုန်းကန်နေရတုန်း

နောက်တစ်ခုက ခေါင်းဆောင်ကြီးများက လူထုအတွက်ဆိုပြီး သူတို့ချင်းချင်းပဲ ခေါင်းချင်းဆိုင်ပြီး ဆုံးဖြတ်ထားတဲ့ ကိစ္စတွေကို ငါတို့မှာ အံ့သြဘနန်းဖြစ်ရ ဝေဖန်နေရနဲ့ ခေါင်းဆောင်ကြီးများအုပ်စုတွေကတော့ တူတူဝိုင်းကျချိန် ဟားတိုက်နေမလားမပြောတတ်

ကယန်းပြည်သစ်ပါတီ၏ အုပ်ချုပ်ရေးနယ်မြေဒေသ အားလုံးနှင့်ပတ်သက်၍သဘောထားထုတ်ပြန်ချက်။

​ရက်စွဲ။ ။ ၂၀၂၆ခုနှစ်၊ စက်တင်ဘာလ (၁၅)ရက်။

​၁။ ကယန်းဒေသတည်ငြိမ်အေးချမ်းရေးနှင့် လုံခြုံရေးဆိုင်ရာများကို တိုးမြှင့်လုပ်ဆောင်သွားမည်ဖြစ်သည်။ ကယန်းပြည်သစ်ပါတီ အုပ်ချုပ်ရေးနယ်မြေဒေသအားလုံးကို ရည်ညွှန်းသည်။ ကယန်းဒေသအတွင်းရှိ ကယန်းပြည်သစ်ပါတီ အုပ်ချုပ်ရေးနယ်မြေဒေသအတွင်းသို့ မည်သည့်အဖွဲ့အစည်းမှ အုပ်ချုပ်ရေး၊ စစ်ရေးနှင့် အခြားကိစ္စအရပ်ရပ်ကို ဝင်ရောက်စွက်ဖက်ခြင်း မပြုလုပ်ရန် ပြင်းထန်စွာတားမြစ်သည်။

​၂။ ၂၀၂၄ခုနှစ်၊ နိုဝင်ဘာလ (၂၈)ရက် ရက်စွဲအရ Stakeholders အစည်းအဝေးတွင် အားလုံးသဘောတူညီချက်အတိုင်း “ကရင်နီပြည်အတွင်းရှိ အုပ်ချုပ်ရေးလုပ်ငန်းများ ဆောင်ရွက်နေသော အဖွဲ့အစည်းများသည် ကယန်းဒေသအတွင်းရှိ ကယန်းပြည်သစ်ပါတီ အုပ်ချုပ်ရေးနယ်မြေဒေသများသို့ လုံးဝ(လုံးဝ) ဝင်ရောက်စွက်ဖက်ခြင်းမပြုရ” ဟု အဆိုပါအစည်းအဝေးတွင် ဆုံးဖြတ်အတည်ပြုခဲ့ပြီးဖြစ်ပါသည်။

​၃။ သို့ဖြစ်ပါ၍ အဆိုပါအစည်းအဝေးတွင် သဘောတူညီမှု ဆုံးဖြတ် ချက်အတိုင်း ကယန်းပြည်သစ်ပါတီမှ ကယန်းဒေသအတွင်းရှိ မိမိတို့၏အုပ်ချုပ်ရေးနယ်မြေဒေသအတွင်းသို့ ဝင်ရောက်စွက်ဖက်နှောက် ယှက်သည့် မည်သည့်လုပ်ရပ်များကိုမဆို ဆန့်ကျင်ကာကွယ်သွားမည်ဖြစ်ကြောင်း ထုတ်ပြန်လိုက်သည်။

​ဗဟိုကော်မတီ
ကယန်းပြည်သစ်ပါတီ

15/09/2026

ဒီးမော့ဆို နောက်ခြမ်း Air Strike လုပ်သွားပါတယ်နော်
ခုလည်း နမ့်စန်ကနေ တောင်အရပ်ကိုဦးတည်တဲ့ လေယာဥ်ထပ်တက်လာနေပါတယ်။
စစ်ရေးလည်း ပြင်းထန်နေတာမို့
သတိနဲ့သွားလာနေထိုင်ကြဖို့
မေတ္တာရပ်ခံ အသိပေးအပ်ပါသည်။

14/09/2026

နိုင်ငံရေးမိတ်ဆက် သင်တန်း (Introduction to Politic )

ယနေ့ခေတ် ကမ္ဘာနှင့်အဝှမ်း ဖြစ်ပေါ်နေသော နိုင်ငံရေး၊ စီးပွားရေးနှင့် လူမှုအဖွဲ့အစည်းဆိုင်ရာ အပြောင်းအလဲများကို ထက်မြက်စွာ သုံးသပ်နိုင်ရန်နှင့် အခြေခံသဘောတရားများကို စနစ်တကျ လေ့လာလိုသူများအတွက် "နိုင်ငံရေးမိတ်ဆက် သင်တန်း" ကို ဖွင့်လှစ်လိုက်ပါပြီ။

───

ဤသင်တန်းတွင်

နိုင်ငံရေးသိပ္ပံ မိတ်ဆက် (Introduction to Political Science )

နိုင်ငံရေးဘောဂဗေဒ မိတ်ဆက် (Introduction to Political Economy)

ဖက်ဒရယ်စနစ် မိတ်ဆက် (Introduction to federalism)

ဂျန်ဒါ မိတ်ဆက် (Introduction to Gender)

လူထုလှုပ်ရှားမှုသမိုင်း မိတ်ဆက် (Introduction to Social Movement)

၅ ပတ်ကြာ သင်ကြားသွားမည်ဖြစ်ပါသည်။
───

📜သင်တန်း​လျှောက်လွှာပိတ်မည့်​ရက်: ​အောက်တိုဘာ ၂၁, ၂၀၂၆

🗓 သင်တန်းစတင်မည့်ရက်: ​အောက်တိုဘာ ၂၆, ၂၀၂၆

⏰ သင်တန်းအချိန်: ည ၇နာရီမှ ၉နာရီ (မြန်မာစံ​တော်ချိန်)

📍 နေရာ : Online (Zoom)

💰 သင်တန်းကြေး: အခမဲ့

📩 စာရင်းပေးသွင်းရန် ​အောက်ပါလင့်ကိုနှိပ်ပါ

🔗 Registration Link: https://docs.google.com/forms/d/e/1FAIpQLSeXBHPslEfcYaCCpbDwbfaTPQYkodCcFrfjiRRSC5Zx38uq_g/viewform?usp=publish-editor

11/09/2026

“သင်္ကန်းဝတ်တိုင်း ဘုရားသားတော် ဖြစ်သလား”

သာသနာ့အမည်ကို အသုံးချပြီး သာသနာ့ဂုဏ်သိက္ခာကို ဖျက်ဆီးနေသူများအကြောင်း

သင်္ကန်းဝတ်ထားတာနဲ့ ဘုရားသားတော် ဖြစ်ပြီလား?

ဒီမေးခွန်းက ရိုးရိုးလေးပါ။
ဒါပေမယ့် သာသနာ့အမည်ကို အသုံးချပြီး ကိုယ့်အကျိုးစီးပွားကို ရှာဖွေနေသူတွေ ပိုများလာတဲ့အခါ မေးသင့်တဲ့မေးခွန်းတစ်ခု ဖြစ်လာပါတယ်။

ဘုန်းကြီးဆိုတာ သင်္ကန်းဝတ်ထားတဲ့ ရဟန်းတစ်ပါးကို ခေါ်တာဖြစ်နိုင်ပါတယ်။
ဘုရားသားတော်ဆိုတာကတော့ သင်္ကန်းထက် ပိုလေးနက်ပါတယ်။
ဗုဒ္ဓဘာသာမှာ ရဟန်းဘဝရဲ့ အခြေခံဟာ ဝိနည်း ဖြစ်ပါတယ်။ ရဟန်းတစ်ပါးအတွက် လိင်ပိုင်းဆိုင်ရာ ကျူးလွန်မှု၊ ခိုးယူမှု၊ လူသတ်မှုနဲ့ မရှိတဲ့ အရိယာအဆင့်ကို လိမ်လည်ကြွားဝါမှုတို့လို ပြစ်မှုကြီးတွေကို Pārājika အဖြစ် သတ်မှတ်ထားပါတယ်။ ဆိုလိုတာက သင်္ကန်းဝတ်ထားခြင်းတစ်ခုတည်းနဲ့ ရဟန်းဘဝရဲ့ ဂုဏ်သိက္ခာကို အာမခံထားတာ မဟုတ်ပါဘူး။

သင်္ကန်းက အပြင်ပန်းကို ဖုံးပေးနိုင်တယ်။
ဝိနည်းက အတွင်းစိတ်ကိုတော့ ဖုံးမပေးနိုင်ဘူး။

ဒါပေမယ့် ကျွန်တော်တို့ လူ့အဖွဲ့အစည်းမှာ ထူးဆန်းတာတစ်ခုရှိပါတယ်။

တစ်ချို့က
“သီလရှိကြပါ” လို့ တရားဟောတယ်။
ကိုယ်တိုင်တော့ သီလကို အားလပ်ရက်ပေးထားတယ်။

“ဒေါသမထားကြပါနဲ့” လို့ ဆုံးမတယ်။
ကိုယ်မကြိုက်တဲ့သူတွေ့ရင်တော့ ဒေါသက မိုက်ခရိုဖုန်းကိုင်ထားတယ်။

“လောဘကို စွန့်ကြပါ” လို့ ဟောတယ်။
အလှူငွေစာရင်းရောက်လာရင်တော့ လောဘက သံဃာ့ဝိနည်းထက် ပိုမြန်တယ်။

“သာသနာကို ကာကွယ်ရမယ်” လို့ အော်တယ်။
ဒါပေမယ့် သာသနာရဲ့ အခြေခံတရားဖြစ်တဲ့ မေတ္တာ၊ ကရုဏာ၊ သီလနဲ့ အမှန်တရားတွေကိုတော့ အိမ်မှာထားခဲ့တယ်။

အဲဒီအခါ မေးစရာရှိလာပါတယ်
သာသနာကို ကာကွယ်နေတာလား။
သာသနာ့အမည်နဲ့ ကိုယ့်အာဏာကို ကာကွယ်နေတာလား။
ဗုဒ္ဓဘာသာဟာ လူတစ်ယောက်ကို သင်္ကန်းဝတ်ထားလို့ အလိုအလျောက် မှန်ကန်သူဖြစ်သွားစေတဲ့ ဘာသာတရား မဟုတ်ပါဘူး။
စကားကို နားထောင်ရုံမဟုတ်ဘဲ
အကြောင်းအကျိုးကို ဆင်ခြင်ဖို့၊
ကိုယ်တိုင်စစ်ဆေးဖို့၊
ကိုယ်တိုင်ကျင့်သုံးဖို့ သွန်သင်တဲ့ ဘာသာတရားပါ။

ဒါကြောင့် သာသနာ့အမည်ကို အသုံးချပြီး အမုန်းတရား ဖြန့်ဝေသူ၊ လူတွေကို ခွဲခြားစေသူ၊ အကြမ်းဖက်မှုကို အားပေးသူ၊ ကိုယ်ကျိုးစီးပွားအတွက် ယုံကြည်မှုကို အသုံးချသူတွေကို မေးခွန်းထုတ်တာဟာ ဗုဒ္ဓဘာသာကို စော်ကားတာ မဟုတ်ပါဘူး။

တစ်ခါတလေတော့

သာသနာကို ဝေဖန်တာထက်
သာသနာ့အမည်ကို အသုံးချပြီး သာသနာ့ဂုဏ်သိက္ခာကို ဖျက်ဆီးနေသူတွေကို မေးခွန်းမထုတ်နိုင်တာက ပိုအန္တရာယ်ကြီးပါတယ်။

ဘာကြောင့်လဲဆိုတော့ လူတစ်ယောက်ရဲ့ အကျင့်ပျက်မှုကို “ဘုန်းကြီးမို့ မပြောရဘူး” ဆိုပြီး ဖုံးကွယ်ထားလိုက်ရင် အမှားဟာ အမှန်ဖြစ်လာမှာ မဟုတ်ပါဘူး။

သင်္ကန်းက အမှားကို အမှန်မပြောင်းပေးနိုင်ပါဘူး။
ဘွဲ့တော်က အကျင့်ပျက်မှုကို သီလမဖြစ်စေနိုင်ပါဘူး။
ပရိယတ္တိတတ်မြောက်မှုက ပရိယတ်အတိုင်း မကျင့်ရင် အကျိုးမပြည့်စုံပါဘူး။

တကယ်တော့ သာသနာကို အမည်ဖျက်တာ ဘယ်သူလဲဆိုတာ မေးရင်

အပြင်က ဘာသာခြားတစ်ယောက်ကိုပဲ လက်ညှိုးထိုးဖို့ မလိုပါဘူး။
သာသနာ့အမည်နဲ့ လောဘကို လွတ်လပ်ခွင့်ပေးသူ၊
သာသနာ့အမည်နဲ့ ဒေါသကို တရားဝင်အောင်လုပ်သူ၊
သာသနာ့အမည်နဲ့ အမုန်းကို ဖြန့်သူ၊
သာသနာ့အမည်နဲ့ လူတွေကို ခွဲခြားသူ တွေကိုလည်း ပြန်ကြည့်ဖို့လိုပါတယ်။

အဲဒီလိုလူတွေကြောင့် ထိခိုက်တာက သူတို့ရဲ့ ကိုယ်ပိုင်ဂုဏ်သိက္ခာတင် မဟုတ်ပါဘူး။

သာသနာကို ယုံကြည်တဲ့ လူငယ်တစ်ယောက်ရဲ့ ယုံကြည်မှု၊
အလှူရှင်တစ်ယောက်ရဲ့ စိတ်ရင်း၊
လူ့အဖွဲ့အစည်းရဲ့ ဘာသာရေးအပေါ် ယုံကြည်မှု တွေပါ ထိခိုက်လာနိုင်ပါတယ်။

ဒါကြောင့် ဘုန်းကြီးတစ်ပါးကို လေးစားတာနဲ့ သူ့ရဲ့ အမှားကို မေးခွန်းထုတ်တာဟာ ဆန့်ကျင်ဘက်မဟုတ်ပါဘူး။

လူကို လေးစားနိုင်တယ်။
အမှားကိုတော့ မလေးစားနိုင်ဘူး။

သာသနာကို ရိုသေနိုင်တယ်။
သာသနာ့အမည်နဲ့ လုပ်တဲ့အမှားကိုတော့ မကာကွယ်သင့်ဘူး။

နောက်ဆုံးတော့

ဘုန်းကြီးနဲ့ ဘုရားသားတော် ဘာကွာလဲ။

သင်္ကန်းနဲ့ မကွာပါဘူး။

အကျင့်နဲ့ ကွာပါတယ်။
ဝိနည်းနဲ့ ကွာပါတယ်။
တရားကို ဘယ်လောက်အထိ ကိုယ်တိုင်ကျင့်သုံးသလဲဆိုတာနဲ့ ကွာပါတယ်။

ဘုရားသားတော်ဆိုတာ
ဘုရားရှင်ရဲ့ နာမည်ကို အသုံးချပြီး လူတွေကို အုပ်ချုပ်ဖို့ ကြိုးစားသူ မဟုတ်ပါဘူး။

ဘုရားရှင်ရဲ့ တရားကို ကိုယ်တိုင်ကျင့်ပြီး
အခြားသူတွေအတွက် အလင်းဖြစ်အောင် နေထိုင်သူ ဖြစ်သင့်ပါတယ်။

သင်္ကန်းအောက်မှာ
လောဘ၊ ဒေါသ၊ မောဟတွေကို ဖုံးကွယ်ထားနိုင်ပေမယ့် အကျင့်နဲ့ အချိန်ကတော့ အားလုံးကို ဖော်ထုတ်ပေးပါလိမ့်မယ်။

ဒါကြောင့် သာသနာကို ကာကွယ်ချင်ရင်
သင်္ကန်းကိုပဲ မကာကွယ်ပါနဲ့။

ဝိနည်းကို ကာကွယ်ပါ။
သီလကို ကာကွယ်ပါ။
မေတ္တာနဲ့ ကရုဏာကို ကာကွယ်ပါ။
အမှန်တရားကို ကာကွယ်ပါ။

အဲဒါမှ ဘုရားရှင်ရဲ့ သာသနာကို ကာကွယ်ခြင်း ဖြစ်ပါလိမ့်မယ်။

08/09/2026