https://www.facebook.com/381573939228465/

JAGAIMö

Home
Myanmar
Kamayut
JAGAIMö

Let's share japan culture & traditional with each other 🤝

28/11/2025

📢ဂျပန်ပြည်တွင်း လုပ်ရှာနေသူများ Tokutei Katsudoe အလုပ်ခေါ်စာ

မင်္ဂလာပါခင်ဗျာ
ကျွန်တော်တို့ Willtec Myanmar Company တွင် ဂျပန်ပြည်တွင်းအလုပ်ရှာနေ သူများအတွက် အောက်ပါအလုပ်ခေါ်စာလေးရှိပါတယ်ခင်ဗျာ....

📌အလုပ်ငန်းအမျိုးအစား - ဌာနရုံးအသုံးအဆောင်များ၊ ပစ္စည်းကိရိယာများကိုဖောက်သည်နေရာသို ပို့ ဆောင်ပြီး တပ်ဆင်ပေးသည့် အလုပ် ဖြစ်ပါတယ်..
(Truck ဖြင့် ပို့ဆောင်မည်ဖြစ််ပြီးယာဉ်မောင်းသူနှင့် အတူတကွ သွားရောက်လုပ်ကိုင်ရမည်)

📌ခေါ်ယူမည့်ဉီးရေ- ကျား (၃) ဉီး

(ဂျပန်စာအ‌ခြေခံလောက်ပြောတတ်ရင်လျှောက်လိုရပါတယ်)
📌အလုပ်နေရာ -Sapporo

📌အခြေခံလစာ- တစ်နာရီ ၁၅၀၀ယန်း

⭕️အလုပ်ချိန်：8:00～17:00（နားချိန် 90 မိနစ်）
⭕️ပိတ်ရက်：တနင်္ဂနွေ & အများသုံးရုံးပိတ်ရက်

（4 ပတ်တွင် 6 ရက်ပိတ်ပြီး၊ စနေနေ့တွင် တပတ်ခြားတစ်ခါ အလုပ်ရှိ ပါတယ်ခင်ဗျာ ）

📌လက်ရှိ Sapporo တွင်နေထိုင်သာများသာမက တစ်ခြားနေရာမှ ကျောင်းသားများလည်းလျှောက်ထားနိုင်ပါသည်။

🔴စိတ်ဝင်စား၍လျှောက်ထားလိုပါက အောက်ပါ google form မှတစ်ဆင့်လျှောက်ထားနိုင်ပါတယ်ခင်ဗျာ

https://docs.google.com/forms/d/e/1FAIpQLSdBXrGfBeYw5MWTvjTC0I1HwItrqXAxcUeJXyvm0OJ4F0qfwA/viewform?usp=header

🍀"We are looking forward To MEET You"🍀

🟦WILLTEC MYANMAR Co.,Ltd.
လိပ်စာ-အမှတ်(၁၆၉)၊အခန်းနံပါတ် ၆(ဘီ)၊MTPကွန်ဒို၊ အင်းစိန်လမ်းမကြီး ၊သံလမ်းမှတ်တိုင်အနီး၊(၉)ရပ်ကွက်၊လှိုင် မြို့ နယ်။

10/12/2024

မင်္ဂလာပါခင်ဗျာ..
ဒီတစ်ပတ်မှာတော့ Business Japanese (လုပ်ငန်းခွင်သုံးဂျပန်ဘာသာစကား) ကျွမ်းကျင်လာစေရန်လေ့လာသင့်သောစာအုပ်(၅)အုပ် ကို ဖော်ပြပေးလိုက်ပါတယ်ခင်ဗျာ....

■ Business Japanese Sentences Manual

လုပ်ငန်းခွင်သုံးဂျပန် ဘာသာစကားနှင့်ဆိုင်သော ဗဟုသုတများနှင့် စာကြောင်းဖွဲ့စည်းပုံများကို လေ့လာနိုင်ပါတယ်။

Telegram Link - https://t.me/japanesebooksharing/9

■ Business Mannar For Email Writing

Email ရေးသားခြင်းနှင့်ဆိုင်သော ဆောင်ရန်ရှောင်ရန်များကို လေ့လာနိုင်ပါတယ်။

Telegram Link - https://t.me/japanesebooksharing/42

■ Practical Business Japanese

ဂျပန်စာအခြေခံကို ပိုင်နိုင်ထားပြီး လက်တွေ့အသုံးချလုပ်ငန်းခွင် သုံးဂျပန်ဘာသာစကားကို အသုံးချသွားချင်သူများအတွက် လေ့လာသင့်ပါတယ်။

Telegram Link - https://t.me/japanesebooksharing/43

■ Japanese For Work (Business Manners)

ဂျပန်ကုမ္ပဏီတွေမှာ အလုပ်လုပ်နေရင်း လုပ်ငန်းခွင်ဆောင်ရန်ရ ရှောင်ရန် များနှင့်အတူ၊ အလုပ်မှာသတိထားသင့်တဲ့အချက်လေးတွေ အများကြီးကိုလေ့လာလို့ရ မယ့်စာအုပ်လေးဖြစ်ပါတယ်။

Telegram Link - https://t.me/japanesebooksharing/91

■ Japanese For Work (Phone Calls)

အလုပ်တွင် ဖုန်းလက်ခံပြောခြင်း၊ ဖုန်းဆက်ခြင်းနှင့် ဆိုင်သောအချက်များကို အသေးစိတ်လေ့လာလို့ရမယ့် စာအုပ်လေးဖြစ်ပါတယ်။

Telegram Link - https://t.me/japanesebooksharing/88

04/12/2024

Career Plan ဆိုတာဘာလဲ?
Interview မှာကုမ္ပဏီတွေကဘာလို့ Career Plan ကိုမေးကြတာလဲ?
ကိုယ့်ရဲ့ Career Plan ကိုအမေးခံရရင် ဘယ်လိုဖြေကြမလဲ?

☑ Career Plan ဆိုတာဘာလဲ?
နောင်အနာဂတ်မှာကိုယ်ကဘယ်လိုသူဖြစ်ချင်တာလဲ...ဥပမာ ရာထူး၊ အလုပ်အမျိုးအစား၊ အလုပ်နေရာစသဖြင့်...
ကိုယ်ဖြစ်ချင်တာကိုအကောင်အထည်ဖော်ဖို့အတွက် လိုအပ်တဲ့အရည်အချင်း၊အချက်အလက်တွေကို ဘယ်လိုဖြည့်ဆည်းသွာမှာလဲစတဲ့အကြောင်းအရာကိုဆိုလိုတာပါ
အလုပ်အင်တာဗျုးမှာမေးတာဖြစ်လို့ အိမ်ရှင်မကောင်းဖြစ်ချင်ပါတယ် လို့တော့ ဖြေလို့အဆင်မပြေဘူးပေါ့နော်

☑ Interview မှာကုမ္ပဏီတွေကဘာလို့ Career Plan ကိုမေးကြတာလဲ?
မေးရတဲ့အကြောင်းရင်းကတော့ အခြေခံအားဖြင့် ၃ခုရှိပါတယ်
(၁) အလုပ်အကြောင်းကိုသေချာနားလည်နေလားဆိုတာကိုသိချင်လို့
(၂) ကုမ္ပဏီရဲ့ Plan နဲ့ကိုက်ညီမှုရှိမရှိသိချင်လို့
(၃) ဒီလူဟာ ကိုယ့်ကုမ္ပဏီမှာအလုပ်လုပ်ပြီး အတူတူ developဖြစ်ချင်လားဆိုတာကို သိချင်လို့

☑ ကိုယ့်ရဲ့ Career Plan ကိုအမေးခံရရင် ဘယ်လိုဖြေကြမလဲ?
ဖြေတဲ့အခါစဥ်းစားလို့ရမဲ့ Point ၄ ခုကို ဖော်ပြလိုက်ပါတယ်

Point①: အရင်ဆုံးနောက်ဆုံးကိုယ်ဖြစ်ချင်တဲ့ goal ကိုပြောပါ
Point②: ကိုယ်လိုချင်တဲ့ goalကိုရောက်ဖို့ ဘယ်လိုအတွေ့အကြုံတွေလိုချင်တယ်ဆိုတာကိုပြောပါ
Point③: အခုလက်ရှိဘယ်လိုအားထုတ်လုပ်ဆောင်နေတယ်၊ ဘာတွေကိုလေ့လာနေတယ်ဆိုတာကိုပြောပါ
Point④: ၃နှစ်၊ ၅နှစ်၊ ၁၀နှစ်ဆိုပြီးခွဲပြီး Planကိုပြောပြနိုင်တာပိုကောင်းပါတယ်

Career Planကိုဖြေတဲ့အချိန်မှာသတိထားရမှာက အရမ်းစိတ်ကူးယဥ်ဆန်တဲ့အရာတွေကို မပြောမိဖို့နဲ့　အလုပ်နဲ့မသက်ဆိုင်တဲ့ ကိုယ်လုပ်ချင်တဲ့ ဖြစ်ချင်တဲ့အရာတွေကိုမပြောမိဖို့ပဲဖြစ်ပါတယ်...

03/12/2024

ဂျပန်မှာ လခစားတိုင်းဘောနပ်စ်ရရှိကြလား?

ဂျပန်မှာလခစားဝန်ထမ်းဆိုရင် လူအများစုက ဘောနပ်စ် ဆုကြေးရှိတယ်လို့ထင်ကြပါတယ်
လက်တွေ့မှာ ၃၅% သောလုပ်ငန်းက ဆုကြေးမပေးနိုင်ကြဘူးဆိုတာ 2023 ခုနှစ် 厚生労働省(こうせいろうどうしょ)မှလုပ်တဲ့ နွေရာသီဘောနပ်စ် စစ်တမ်းအရသိရတာဖြစ်ပါတယ်

အထူးသဖြင့်စားဝတ်နေရေးနှင့်ပတ်သက်တဲ့ လုပ်ငန်းတွေက ဘောနပ်စ်ပေးတဲ့ ကုမ္ပဏီအရေအတွက်ရာခိုင်နှုန်းက ၄၅%သာရှိပြီး အနည်းဆုံးဖြစ်တယ်လို့သိရ

ဆက်ပြီး ဝန်ထမ်း ၅၀၀ ကျော်ရှိတဲ့ကုမ္ပဏီ ၉၆.၅% က ဘောနပ်စ်ပေးကြပြီး၊ ၅-၂၉ ယောက်သာရှိတဲ့အသေးစားလုပ်ငန်းက ၆၂.၃% သာဘောနပ်စ်ပေးကြတယ်လို့သိရပါတယ်

၂၀၂၃ ခုနှစ်ရဲ့ နွေရာသီ ဘောနပ်ပေးတဲ့ ပျမ်းမျှပမာဏက တဦးလျှင် ယန်း ၃၉.၇ သောင်းဖြစ်ပြီး၊
စားသောက်ဆိုင်လုပ်ငန်းက တဦးလျှင် ယန်း ၅.၉ သောင်းနှင့် အောက်ဆုံးမှာရှိတယ်လို့သိရပါတယ်

ကိုယ့်ရဲ့ ကုမ္ပဏီမှာ ဘောနပ်စ်ရှိတယ်၊ နွေရာသီ ဘောနပ်စ်က ယန်း ၃၉.၇ သောင်းအထက်ဆိုရင် ကုမ္ပဏီကောင်းမှာ အလုပ်ရနေတယ်လို့ အကြမ်းဖျင်းပြောလို့ရပါတယ်

ဘောနပ်စ်မရှိဘူး၊ လူမှုဖူလုံရေးဆားဗစ်လည်းမကောင်းဘူးဆိုရင် ပိုကောင်းတဲ့အလုပ်ကို ကြိုးစားပြောင်းယူသင့်

もっと自由のためにもっと稼ごう

Crd. မူရင်း post

30/11/2024

ဝင်ငွေခွန် ဘယ်လောက်ဆောင်ရလဲ သိချင်ကြတဲ့သူတွေအတွက်

ဝင်ငွေခွန်ဆိုတာကျွန်တော်တို့လုပ်အားခ အားလုံးရဲ့အပေါ်မှာဆောင်ရတဲ့အခွန်လို့တလွဲနားလည်ကြတဲ့သူတွေရှိပါတယ်

တကယ်တော့ ဝင်ငွေခွန်ဆိုတာ လုပ်အားခစုစုပေါင်းထဲမှ အောက်ပါ သက်သာခံစားခွင့်တွေကိုနှုတ်ပြီးမှဆောင်ရတာပါ

သက်သာခံစားခွင့်ကို 控除(こうじょ)လို့ခေါ်ပါတယ်၊သက်သာခံစားခွင့်နှုတ်ပြီးကျန်တဲ့ဝင်ငွေကို 課税所得(かぜいしょとく)လို့ခေါ်ပါတယ်

ဒါ့ကြောင့် ကျွန်တော်တို့သိထားရမှာက ဝင်ငွေခွန်ဆိုတာ 課税所得အပေါ်မှာဆောင်ကြရတာပါ
ဂျပန်မှာလုပ်အားခဝင်ငွေအပေါ် သက်သာခံစားခွင့်က ၁၅ မျိုးရှိပါတယ်

1基礎控除(きそこうじょ)
အခြေခံသက်သာခံစားခွင့်

2配偶者控除(はいぐうしゃこうじょ)
အိမ်ထောင်ဖက်သက်သာခံစားခွင့်

3配偶者特別控除(はいぐうしゃとくべつこうじょ)
အိမ်ထောင်ဖက်သီးသန့်သက်သာခံစားခွင့်

4扶養控除(ふようこうじょ)
မှီခိုသက်သာခံစားခွင့်

5障がい者控除(しょうがいしゃこうじょ)
မသန်စွမ်းသက်သာခံစားခွင့်

6寡婦控除(かふこうじょ)
တခုလပ်/အိမ်ထောင်မရှိအမျိုးသမီးသက်သာခံစားခွင့်

7ひとり親控除(ひとりおやこうじょ)
အမိမစုံorအဖမစုံ သက်သာခံစားခွင့်

8勤労学生控除(きんろうがくせいこうじょ)
ကျောင်းသားသက်သာခံစားခွင့်

9社会保険料控除(しゃかいほけんりょうこうじょ)
လူမှုဖူလုံရေးခွန်သက်သာခံစားခွင့်

10生命保険料控除(せいめいほけんりょうこうじょ)
အသက်အာမခံကြေးသက်သာခံစားခွင့်

11地震保険料控除(じしんほけんりょうこうじょ)
ငလျှင်အာမခံကြေးသက်သာခံစားခွင့်

12小規模企業共済等掛金控除(しょうきぼきぎょうきょうさいとうかけきんこうじょ)
အသေးစားလုပ်ငန်းအာမခံကြေးစသည်သက်သာခံစားခွင့်

13医療費控除(いりょうひこうじょ)
ဆေးကုသစရိတ်သက်သာခံစားခွင့်

14雑損控除(ざっそんこうじょ)
ရန်သူမျိုး၄ ပါးသက်သာခံစားခွင့်(မင်းမပါ)

15寄附金控除(きふきんこうじょ)
အလှူသက်သာခံစားခွင့်

အထက်ပါအချက်တွေထဲက မိမိနှင့်ကိုက်ညိတဲ့အချက်တွေကို သက်သာခံစားခွင့်လျှောက်ယူရမှာဖြစ်ပါတယ်

ဒါဆို 課税所得သိရပြီဆိုတော့ ဝင်ငွေခွန်က ဒီ課税所得အပေါ်မှာမှ
ဓါတ်ပုံထဲက ဝင်ငွေပမာဏအလိုက် သတ်မှတ်ရာခိုင်နှုန်းအတိုင်း ဆောင်ရမှာဖြစ်ပါတယ်
ဒီရာခိုင်နှုန်းအပေါ်မှာမှ လှေကားထစ်လိုမျိုးတထစ်ပြီးတထစ် ၅% ကနေ ၄၅% အထိအခွန်တိုးသွားတာဖြစ်ပါတယ်

အကြမ်းဖျင်း ကိုယ့်年収(ねんしゅう)အပေါ်မှာအခွန်ဘယ်လောက်ဆောင်နေရလဲဆိုတာကို အောက်ပါ Link မှ Simulation တွက်ကြည့်လို့ရပါတယ်
https://www.mmea.biz/simulation/calculation/

ဒီ課税所得ထဲကမှ တခြားသက်သာခံစားခွင့်ကို 税額控除(ぜいがくこうじょ)လို့ခေါ်ပါတယ်
အိမ်အကြွေးရှိသူ/配当ဝင်ငွေရှိသူ/နိုင်ငံခြားမှာအခွန်ဆောင်ထားသူ စတဲ့ သက်သာခံစားခွင့်စသဖြင့်ရှိပါသေးတယ်

အထက်ပါအချက်တွေက ဂျပန်မှာနေတဲ့သူတိုင်း မသိထားလို့မရတဲ့ အခွန် ABC ဖြစ်ပါတယ်

ကျယ်ပြောလှတဲ့အခွန်စနစ်တွေများစွာရှိပါတယ်
…………

Crd - မူရင်းမှ

20/11/2024

Basic rules for wearing suits

ဒီနေ့မှာတော့အလုပ်လျှောက်တဲ့အခါဝတ်ရမဲ့ အနောက်တိုင်းဝတ်စုံ ရွေးချယ်တဲ့အခါ သတိထားရမဲ့ အချက်တွေကို ပြောပြပေးသွားပါမယ်

📌အမျိုးသားများ

ကုတ်အင်္ကျီက ပုံမှန် ကြယ်သီးနှစ်လုံးဖြစ်ပါတယ်။
အပေါ်ကြယ်သီးကိုပဲ တပ်ထားပြီး အောက်ကြယ်သီးကို ဖြုတ်ထားရမှာဖြစ်ပါတယ်။
ရှပ်အင်္ကျီက ကြယ်သီးအကုန်လုံးကို တပ်ထားရမှာဖြစ်ပါတယ်။ အင်္ကျီလက်ကိုဖော်ထားရမဲ့ အနေအထားကလည်း အရေးကြီးတဲ့အတွက်ကြောင့် သတိထားသင့်ပါတယ်။
(လက်ကိုအောက်ချထားတဲ့အနေအထားနဲ့ ရှပ်အင်္ကျီကို 1.5 CM လောက် ထုတ်ထားပါမယ်။)
နက်ခ်တိုင်ကိုလည်း အရမ်းကြီးမတောက်တဲ့ အဆင်ကို ရွေးချယ်ဖို့ တိုက်တွန်းပါတယ်။ အနက်ရောင် နက်ခ်တိုင်ကို မသုံးရပါဘူး။
ခြေအိတ်က အနက်ဒါမှမဟုတ်နက်ပြာစတဲ့အရောင်တွေကို သုံးဖို့ တိုက်တွန်းပါတယ်။
ပုံမှန်အားဖြင့် ရှူးဖိနပ်အရောင်က အနက်ရောင်ဖြစ်ပါတယ်။ ဖိနပ်ကြိုးကလည်း ဖိနပ်နဲ့အရောင်ဆင်တူဖြစ်ရပါမယ်

📌အမျိုးသမီးများ -

အင်္ကျီရဲ့အရှည်က ခါးအောက်လောက်အရှည်ကို တိုက်တွန်းပါတယ်။
ကုတ်အင်္ကျီကတော့ ကြယ်သီးနှစ်လုံးဆို အကောင်းဆုံးဖြစ်ပြီး ကြယ်သီးအကုန်လုံးကို တပ်ထားရပါမယ်။
ရှပ်အင်္ကျီကတော့ ကြယ်သီးအကုန်လုံးကိုတပ်ထားပြီး အပေါ်ဆုံးတစ်လုံးကိုတော့ ချန်ထားရပါမယ်။
စကတ်ရဲ့အရှည်ကို ထိုင်ခုံပေါ်ထိုင်တဲ့အခါ ဒူးခေါင်းအပေါ် 5cmလောက်မှာ ရှိနေရပါမယ်။
အသားကပ်ဘောင်းဘီရဲ့ အရောင်ကို အသားရောင်ရွေးဖို့ တိုက်တွန်းပါတယ်။
ဖိနပ်အမြင့်က 3-5 cm, အနက်ရောင်ကို စီးရပါမယ်။
တစ်နည်းအားဖြင့် ကိုယ့်ခန္ဓာကိုယ်နဲ့ လိုက်တဲ့ အနောက်တိုင်းဝတ်စုံကို ရွေးတာက ယုံကြည်ချက်ရှိစေပါတယ်။
ဒါကြောင့် အလုပ်ခန့်မဲ့သူ ကြည့်ရအဆင်ပြေရန်၊ ဂျပန်လုပ်ငန်းခွင်မှာအသားကျဖို့ရန်အတွက် အထက်ကအချက်တွေကို မှတ်သားထားသင့်ပါတယ်။

19/11/2024

ဂျပန်နိုင်ငံရောက်ရင် မဖြစ်မနေသွားသင့်သည့်နေရာ ( Shibuya Crossing )

နေ့စဉ် လူပေါင်း(၂)သိန်းခွဲခန့်ဟာမိုးမျှော်တိုက်များကြားက ဒီလူကူးမျဥ်းကြားကိုဖြတ်ပြီး အလုပ်သွားအလုပ်ပြန်လုပ်နေကြပါတယ်
ဒါ့အပြင် Shibuya ဘူတာသည် တစ်နေ့လျှင် ခရီးသည် ၂.၄ သန်းကို ပို့ဆောင်ပေးလျှက်ရှိပါတယ်။ Shibuya လမ်းဆုံကို "ကမ္ဘာ့အလုပ်အများဆုံးလမ်းဆုံ" လို့လဲခေါ်လေ့ရှိကြပါတယ်
တိုကျိုမှ Shibuya ဘူတာရဲ့ Hachiko ထွက်ပေါက်ကနေထွက်လိုက်ရင်Shibuya Crossing ကိုရောက်မှာပဲဖြစ်ပါတယ်
LED ကြော်ညာဆိုင်းဘုတ်ကြီးများ ပါတ်ပါတ်လည်နှင့် ဓာတ်ပုံဆရာများနှင့် ဓာတ်ပုံရိုက်ရတာ ကြိုက်နှစ်သက်တဲ့ သူတွေအတွက်တော့ မဖြစ်မနေသွား သင့်တဲ့ နေရာဖြစ်ပါတယ်
Shibuya Crossing ကို နယူးယောက်ရှိ Time Square၊ လန်ဒန်ရှိ Piccadilly Circus တို့နှင့် နှိုင်းယှဉ်ရလောက်တဲ့အထိ နာမည်ကြီးပါတယ်။

18/11/2024

“Opportunities don't happen, you create them.”

ဒီနေ့မှာတော့ Chris Grosserရဲ့ စကားတစ်ခွန်းကို ပြောပြသွားပါမယ်။
“အခွင့်အရေးဆိုတာ ကျွန်တော်တို့ဆီကို လာတာမဟုတ်ပါဘူး။ ကျွန်တော်တို့ကိုယ်တိုင်ဖန်တီးယူရမှာ ဖြစ်ပါတယ်။”

ကျွန်တော်တို့တွေဟာ အခွင့်အရေးဆိုတာ သူ့ဘာသူကျွန်တော်တို့ဆီရောက်လာတယ်လို့ အထင်မှားနေတတ်ကြပါတယ်။ အခွင့်အရေးဆိုတာ ကျွန်တော်တို့ဆီကို အမြဲရောက်လာတတ်တယ်လို့ သတ်မှတ်လို့မရပါဘူး။

အဲ့ဒီအစား အခွင့်အရေးကို ဖန်တီးယူဖို့လိုပါတယ်။ အဲ့အတွက် အလုပ်ကိုလည်း ကြိုးစားပမ်းစားမလုပ်လို့မရပါဘူး။

အလုပ်ကြိုးစားလျင် ဘေးသူတွေဆီက အာရုံစိုက်ခံလာရပြီး အခွင့်အရေးတွေဖန်တီးရတာလည်း လွယ်လာပါတယ်။

ဒါကြောင့် လူကြီးမင်းတို့ မစဥ်းစားလို့မရတဲ့ အရေးကြီးဆုံးတစ်ချက်က အလုပ်ကို ကြိုးစားပမ်းစားလုပ်ခြင်းဖြစ်ပါတယ်။ ကြိုးကြိုးစားစားအလုပ်လုပ်ပြီး များပြားတဲ့အခွင့်အရေးတွေကို ဖန်တီးလိုက်ပါ။

အခွင့်အရေးကို ရှာတွေ့ဖို့အကောင်းဆုံးနည်းလမ်းကတော့ သင်ယူခြင်းနဲ့ ရှာဖွေလေ့လာခြင်းဖြစ်ပါတယ်။ ပုံမှန်အတိုင်းရှာဖွေလေ့လာသွားမယ်ဆိုရင် ရောက်လာမဲ့အခွင့်အရေးတွေကို ဘယ်သူမှ တားလို့မရပါဘူး။

ဒါကြောင့် အမြဲကြိုးကြိုးစားစားအလုပ်လုပ်ပြီး မိမိအခွင့်အရေးကို မိမိကိုယ်တိုင်ဖန်တီးဖို့ မမေ့ပါနဲ့။

14/11/2024

ဂျပန်နိုင်ငံရှိ Yokohama (ယိုကိုဟားမား)တရုတ်တန်း အကြောင်း

တရုတ်အစားအစာတွေကြိုက်တဲ့ သူတွေအနေနဲ့ ဂျပန် ရောက်ပြီးဆိုရင် သေချာပေါက်သွားသင့်တဲ့နေရာကတော့ ယိုကိုဟားမား တရုတ်တန်းဖြစ်ပါတယ်။ ယိုကိုဟားမားတရုတ်တန်းဟာ တိုကျိုရဲ့တောင်ဘက်မှာရှိတဲ့ ယိုကိုဟားမားမြို့မှာ ရှိပါတယ်။
ဂျပန်မှာ အကြီးဆုံးတရုတ်တန်းဟာ ယိုကိုဟားမား တရုတ်တန်းဖြစ်ပြီး ဆိုင်ပေါင်း၆၀၀ကျော်ရှိပါတယ်။
တရုတ်စားသောက်ဆိုင်တွေကအစ တရုတ်မုန့်၊ အစားအ သောက်ပစ္စည်း၊ တိုလိုမိုလီပစ္စည်း၊ ဟင်းချက်ပစ္စည်းစသည်ဖြင့် ရောင်းနေတဲ့ဆိုင် တွေ စုနေပြီး တရုတ်နဲ့တပုံစံတည်းကျနေတာက ယိုကိုဟားမားတရုတ်တန်းဖြစ်ပါတယ်။
စားစရာ အနေနဲ့ သေချာပေါက်စားသင့်တာကတော့ ဝက်သားပေါက်စီပဲဖြစ်ပါတယ်။
တရုတ်အစားအစာကြိုက်နှစ်သက်သူများ ပိတ်ရက်မှာ ဆက်ဆက်သွားပြီး လည်ကြည့်ကြည့်ရှုဖို့ အကြံပေး ပါတယ်ခင်ဗျာ ။

11/11/2024

Sanjūsangen-dō ဘုရားကျောင်းအကြောင်း

ဂျပန်နိုင်ငံမှာဗုဒ္ဓဘာသာနဲ့ပတ်သက်လို့ ဘုရားကျောင်းတွေ၊ ရုပ်ပွားတော်တွေဟာ နေရာအနှံ့မှာ အများအပြားရှိပါတယ်။
ဒီတခေါက်မှာတော့ ဂျပန်နိုင်ငံ ကျိုတိုမြို့ မှာရှိပြီး ကမ္ဘာတဝှမ်းမှာလည်း နာမည်ကြီး ဗု ဒ္ဓဘာသာဘုရားကျောင်းတစ်ခုအဖြစ် ထင်ရှားတဲ့
Sanjūsangen-dou ဘုရားကျောင်းကိုပြောပြ‌ပေးသွားပါမယ်ခင်ဗျာ မီးဘေးနဲ့ကြုံတွေ့ခဲ့ရတာဖြစ်တဲ့အတွ က် လက်ရှိအဆောက်အဦးကတော့ (၁၂၆၆)ခုနှစ်မှာပြန်လည်တည်ဆောက်ထားတာပဲဖြစ် တယ်။
Sanjūsangen-dō မြောက်အမြားကို တွေ့မြင်နိုင်ပါတယ်။
ဘုရားကျောင်းထဲမှာမတ်တပ်ရုပ်ပွားတော် ဆူရှိပြီး ကိုယ်တွေ့ချင်တဲ့သူနဲ့ မျက်နှာချင်းဆင်တူတဲ့ ရုပ်ထုက (၁၀၀၁)ခုသောရုပ်ထုတွေထဲမှာရှိတယ်ဆိုတဲ့ အဆိုလဲရှိပါတယ်။
ဒါ့အပြင် လေနတ်ဘုရားရုပ်ထုနှင့် မိုးကြိုးနတ်ဘုရားရုပ်ထု (၂၈) ဆူကိုလဲတွေ့ရှိနိုင်မှာဖြစ်ပါတယ်။
ဒီလိုများပြားလှတဲ့ရုပ်ပွားတော်တွေက အခုချိန်မှာတော့ဂျပန်နိုင်ငံရဲ့တန်ဖိုးမဖြ တ်နိုင်တဲ့ ယဉ်ကျေးမှုနှင့်ဘာသာရေးဆိုင်ရာပြယုဂ်တစ်ခု အနေနဲ့တည်ရှိနေတာပဲဖြစ်ပါတယ်။

09/11/2024

Hotel ပိုင်း အလုပ်ခေါ်ခြင်း(Tokutei Visa)

ဂျပန်နိုင်ငံအနှံ့တွင် ရုံးခွဲများစွာရှိသည့် အဆင့်မြင့်အပန်းဖြေ Hotelတွင်လုပ်ကိုင်ရန် အတွက် အလုပ်ခေါ်စာလေးရှိပါတယ်ခင်ဗျာ။
အချိန်ပို ၁၀၀% ထောက်ပံ့မှုဖြင့် လစာဖြင့်ရရှိနိုင်မှာဖြစ်ပါ။

လစာ - 220000 Yen
နေရာ - ဂျပန်အနှံ့
အဆောင်စီစဉ်ပေးပါသည်။ (1万円～3万円)
အချိန်ပိုအလုပ်ဆင်းခြင်းအတွက် ၁၀၀% ထောက်ပံ့မှုရှိပါတယ်။
Reception, Restaurant, Housekeeping စတဲ့အပိုင်းတွေ ကိုလုပ်ဆောင်ရမည်ဖြစ်ပါတယ်ခင်ဗျာ။

လိုအပ်ချက်များ
• Tokutei Hotel အောင်လက်မှတ်ရှိထားသူ
• JFT A2 / JLPT အောင်လက်မှတ်ရှိထားသူ
• ဂျပန်စာ N2 Level ရှိပြီး ဂျပန်ဘာသာစကားအခက်အခဲမရှိပြောဆိုနိုင်သူ
• N2လက်မှတ်မရှိလည်းလျှောက်ထားနိုင်ပါသည်။
• Shift Systemဖြင့်အလုပ်လုပ်နိုင်သူ
• ဂျပန်ပြည်တွင်းအနှံ့အလုပ်လုပ်ကိုင်နိုင်သူ
အတွေ့အကြုံမရှိသေးသောသူများအတွက်လည်း Training ရှိတာမိုလို စိတ်မပူဘဲလျှောက်ထားနိုင်မှာဖြစ်ပါသည်။

စိတ်ဝင်စားပါက အောက်ပါ Google Formမှတဆင့်စာရင်းသွင်းလျှောက်ထားနိုင်ပါတယ်ခင်ဗျာ။
https://docs.google.com/forms/d/e/1FAIpQLScfCFGWUVHddeOTtltZ4NJRhAvl6PUz3X9nc6fB7kPIvlvSuw/viewform?usp=pp_url

06/11/2024

ရိုးရာယဥ်ကျေးမှုအနုပညာကို စိတ်ပါဝင်စားသူတိုင်း ဖတ်သင့်သော Sashikoအကြောင်း

Sashiko သည် Edo ခေတ် (1615-1868)ရိုးရာချည်ထိုးတစ်မျိုးဖြစ်ပါတယ်။ ထိုအချိန်က အထည်တွေ က အဖိုးတန်ပစ္စည်းတွေ ဖြစ်ပြီး အဝ တ်အစားများက လျှော်ပင်နှင့်ပြုလုပ်ထားသောကြောင့် စုတ်ပြဲလွယ်ခဲ့ပါတယ်။ ထိုအကြောင်းအရာကြောင့် စုတ်ပြဲနေသောအပိုင်းကို အကောင်းတိုင်းဖြစ် အောင်ပြန်လည်ပြုပြင်ခြင်းသည် လိုအပ်သောကျွမ်းကျင်မှုတစ်ခုဖြစ်လာပြီး အချိန် ကြာလာသည်နှင့်အမျှ သမိုင်းဝင်အနုပညာတစ်ခုဖြစ်လာခဲ့ပါတယ်။

Address

Kamayut

Telephone

+959443881177

Website

facebook.com

Alerts

Be the first to know and let us send you an email when JAGAIMö posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Kamayut?

Jagaimo ဆိုတာဘာလဲ?

Jagaimo ဆိုတာက organization တစ်ခုရဲ့ နာမည်လေးပါ အာလူးကို Japan လိုရေးထားတာပါ အာလူးဆိုတဲ့ အတိုင်းပဲ ရောက်တတ်ရာရာပြောမယ် အကြောင်းအရာလေးတွေ ပျော်ပျော်ပါးပါး မျှဝေကြမယ်😉 ဖွဲ့စည်းရချင်းရည်ရွယ်ချက်ကတော့ Japan နိုင်ငံ ကို အလုပ်နဲ့ သွားတာပဲဖြစ်ဖြစ်၊ ကျောင်းတက်တာပဲဖြစ်ဖြစ်၊ အလည်အပတ်ပဲဖြစ်ဖြစ် ဘာကြောင့် သွားသွား ပြင်ဆင်သင့်တာတွေကို မပြင်ဆင်လိုက်ရလေခြင်းမဖြစ်ရလေအောင် ပြောပြမယ်၊ သိချင်တာလေးတွေမေးကြမယ်၊ သတိထားပြီး ဆောင်ရန်ရှောင်ရန် လေးတွေပြောပြမယ် 😜 ဘယ်လိုလူတွေနဲ့ ဖွဲ့စည်းထားလဲဆိုရင် ရည်ရွယ်ချက်တစ်ခုအတွက် ပန်းတိုင်ကို လျှောက်လှမ်းနေကြတဲ့ လူတွေနဲ့ ဖွဲ့စည်းထားမယ် ငါဘယ်သူလဲ ဆိုတာတွေထားခဲ့ ပြီး သိချင်တဲ့ မေးခွန်းတွေ ပြောပြချင်တဲ့အကြောင်းအရာတွေ ရင်ဖွင့်ချင်တဲ့ကိစ္စတွေ ကို ယူဆောင်လာပြီး အားလုံးနဲ့ မျှဝေခံစားလို့ရပါတယ်🤗 Jagaimo မှာ ပါဝင်ရင်းနဲ့ သူငယ်ချင်းအသစ်တွေ ရရှိနိုင်မယ် အခွင့်အလမ်းအသစ်တွေရရှိနိုင်မယ် အများကြီးရနိုင်တာကတော့မေးခွန်းတွေပါ ကိုယ်တိုင်တွေးထားတဲ့ Japan နဲ့ ကိုယ်တိုင်ကြုံတွေ့တဲ့ Japan မတူတော့တဲ့ အဖြစ်ပျက်မျိုးမရှိရလေအောင် Jagaimo မှာ ရင်ဖွင့်ပြီး သိရှိနိုင်ပါတယ် ဒါတွေဟာ Confidence တိုးလာနိုင်စေမယ့် အကြောင်းအရင်းတစ်ခုဖြစ်စေမယ်လို့လဲမျှော်လင့်ထားတယ်။ အဲ့နေ့ မှာ ပြောသွားမယ့်sample titleလေးတွေကိုဖော်ပြပေးထားပါတယ် ဟင်းချက်ပျင်းတဲ့ လူ Japan ရောက်သွားတဲ့ အခါ Japan ကို ရောက်ရင် ဘယ်နေရာကို အသွားချင်ဆုံးလဲ Japan ရောက်ပြီး ကိုယ်မတွေ့ကြုံချင်တဲ့ ကိစ္စကဘယ်လိုမျိုးလဲ Japan လူမျိုးသူငယ်ချင်းတစ်ယောက်အကြောင်း ဘာတွေပြင်ဆင်ပြီးပြီလဲ Japan မှာကြုံတွေ့မဲ့ လူနေမှုဘဝကို ဘယ်လိုစိတ်ကူးယဉ်ထားလဲ Japan မှာ Ninja တကယ် ရှိလားစတဲ့ ခေါင်းစဉ် တွေနဲ့ ပျော်ပျော်ပါးပါး ပြောသွားကြမှာဖြစ်ပါတယ်