10/07/2025
မုခ်ဦးပညာရေးမှ မြေပြင်ရှိ လူမှုအသိုင်းအဝိုင်းများအတွင်း အပြုသဘောဆောင်သည့် ပါဝင်နိုင်စွမ်းရရှိစေရန် လိုအပ်သည့် အသိပညာနှင့် ကျွမ်းကျင်မှုများ တည်ဆောက်နိုင်စေမည့် သင်ကြားရေး အရင်းအမြစ်အသစ်တစ်ခုကို ဖန်တီးလျက်ရှိပါသည်။ ထိုအရင်းအမြစ်သည် မြန်မာနိုင်ငံ၏ လက်ရှိဘဝအခြေအနေများနှင့် စပ်လျဥ်းသည့် လူမှုအသိုင်းအဝိုင်းအတွင်း နေ့စဥ်ကြုံတွေ့နေရသည့် ပြဿနာဖြေရှင်းခြင်းနှင့် ပတ်သက်သည့် စိန်ခေါ်မှုများကို အပြုသဘောဆောင်စွာ ကိုင်တွယ်နိုင်ရန် ရည်ရွယ်ပါသည်။ သင်၏ အကြံပြုချက်များသည် လူငယ်များနှင့် ၎င်းတို့၏ပတ်ဝန်းကျင်လူမှုအသိုင်းအဝိုင်းအတွက် အကျိုးရှိစေမည့် ကျွမ်းကျင်မှုများနှင့် ခေါင်းစဉ်များကို ဖော်ထုတ်နိုင်ရန် ကူညီပေးပါလိမ့်မည်။ ယခုဖန်တီးမည့် သင်ကြားရေးအရင်းအမြစ်ကို ပိုမိုလက်တွေ့ကျစေရန်နှင့် လက်ရှိအခြေအနေများထင်ဟပ်နိုင်ရန်အတွက် သင်တို့၏ အတွေ့အကြုံများနှင့် အမြင်သဘောထားများကို သိရှိလိုသောကြောင့် ဤဆွေးနွေးမှု
အစီအစဥ်တွင် ပါဝင်ပေးရန် လေးစားစွာ ဖိတ်ကြားအပ်ပါသည်။
ဆွေးနွေးမှုအစီအစဥ်တွင် ပါဝင်ရန် အောက်ပါ link တွင် စာရင်းသွင်းနိုင်ပါသည်။
https://forms.gle/gWSpF5fzKJT5fwWX7
မိတ်ဆွေတို့၏ အချိန်ပေးမှုအတွက် များစွာကျေးဇူးတင်ပါသည်။
