20/07/2024
ခရီးသွားဟန်လွှဲ တောင်ယာတဲလေးတခုကို ဓာတ်ပုံရိုက်ခဲ့မိတယ်။
တောင်ယာစပါး၊ ပြောင်း၊ ချဥ်ပေါင်၊ သခွား၊ ရုံးပတီအစရှိသဖြင့် တပိုင်တနိုင်စိုက်ပျိုးထားမှန်း သွားမကြည့်ပေမဲ့ အလိုလိုသိနေတယ်။
တောင်ယာတဲဘေးနား သစ်ပင်ပေါ်က အိမ်ငယ်လေးကို လင့်စင်လို့ ခေါ်တယ် ။ ညဘက်ဆို အဲ့ဒီလင့်စင် အပေါ်မှာ အိပ်တယ်။ နေ့ခင်းဆို အောက်ကတဲမှာသာ အနေများပြီး ချက်ပြုတ်စားသောက်တဲ့ အိမ်ပေါ့။
ဘာအတွက်ဆောက်ထားတာလဲ ဆိုတော့ သူစိုက်ထားတဲ့ စပါးနဲ့ သီးပင်စားပင်တွေကို လာစားဖို့သေချာတဲ့ ဆင်ရဲ့ အန္တရာယ်ကို ကြောက်လို့။
ဆင်လာရင် လင့်စင်ပေါ်ကနေ ခြောက်လှန့်လွှတ်မဲ့ အစီအစဥ်တော့ ရှိမှာပေါ့လေ။
မရှင်းတာက အလံဖြူထောင်ထားတာ ဘာကြောင့်လဲလို့ စဥ်းစားမရ။ 🤔🤔
ဆင်ရေ မင်းငါ့ကို ဒုက္ခမပေးပါနဲ့ကွာ။ မင်းသနားမှ ငါထမင်းစားရမှာပါ။ မင်းကို ဘာအန္တရာယ်မှ မပေးပါဘူး။ ငါ့ကိုလည်း ဒုက္ခမပေးပါနဲ့။ ချမ်းသာပေးပါကွာ လို့များ စိတ်ကူးပြီး ရည်ရွယ်လုပ်ဆောင်ထားသလားလို့ စဥ်းစားနေမိပါတော့တယ်။
တောင်သူများ ဆင်အန္တရာယ် ကင်းဝေးကြပါစေ။
ကိုယ်စိုက်တာကိုယ်စားရပါစေ။
