24/12/2024
ကိန်းဂဏန်းများကြားက တွန်းအားတစ်ခု
၂၀၂၃ ခုနှစ် အချက်အလက်တွေအရ ကမ္ဘာတဝန်းမှာ HIV ရောဂါပိုးကူးစက်ခံရသူပေါင်း ၃၉.၉ သန်းရှိပါတယ်။ ပိုပြီး စိုးရိမ်စရာကောင်းတဲ့အချက်ကတော့ ထိရောက်တဲ့ ကုသမှုမရရှိခဲ့တဲ့ HIV ဝေဒနာရှင် ၉.၂ သန်းတောင် ရှိနေတာဖြစ်ပြီး လူခြောက်သိန်းကျော်ဟာ AIDS နောက်ဆက်တွဲလက္ခဏာတွေနဲ့ သေဆုံးခဲ့ကြရပါတယ်။
ဒီကိန်းဂဏန်းတွေအရ ကမ္ဘာပေါ်မှာ HIV ရောဂါပိုးရှိလျက်နဲ့ အကြောင်းအမျိုးမျိုးကြောင့် လိုအပ်တဲ့ကုသမှုမရရှိသူ သန်းနဲ့ချီရှိနေပြီး ကုသမှုမရရှိတဲ့အကြောင်းတွေမှာ ခွဲခြားဆက်ဆံခံရမှု၊ လမ်းပန်းဆက်သွယ်ရေးခက်ခဲမှုတွေက ထိပ်ဆုံးကပါဝင်နေပါတယ်။
ဒါ့အပြင် ဒီကိန်းဂဏန်းတွေက ကုသမှုမရရှိသေးတဲ့ HIV ဝေဒနာရှင်တွေဆီ ဆေးဝါးတွေ ရောက်ရှိအောင် ကြိုးပမ်းကြဖို့၊ HIV ရောဂါကူးစက်မှုကို နည်းနိုင်သမျှနည်းအောင် လျှော့ချကြဖို့ တစ်ကမ္ဘာလုံးအတွက် တွန်းအားတစ်ခုပဲဖြစ်ပါတယ်။ ဒါကြောင့် ခင့်မိတ်ဆွေတို့ကိုလည်း HIV ကူးစက်မှုနှုန်းလျှော့ချရေး နဲ့ ကုသမှုမရသေးတဲ့ HIVဝေဒနာရှင်တွေ ကုသမှုရရှိစေရေးလှုပ်ရှားမှုတွေမှာ တတ်နိုင်သမျှ ပူးပေါင်းပါဝင်ကြဖို့ ခင်က တိုက်တွန်းလိုက်ပါတယ်နော်။
