17/11/2025
Të nderuar.
Shoqata Qytetare “Zëri i Lagjes” është një iniciativë që ka për qëllim forcimin e solidaritetit, përmirësimin e jetesës dhe nxitjen e aktiviteteve të dobishme për shoqërine dhe lagjen Cetinskë.
Misioni ynë është që, përmes aktiviteteve humanitare dhe shoqërore, të krijojmë një ambient më të mirë për të gjithë banorët e lagjes. Ne besojmë se ndryshimi fillon nga vetja dhe nga shoqëria ku jetojmë, ndaj “Zëri i Lagjes” synon të jetë ura që lidh banorët me njëri-tjetrin, si dhe me institucionet lokale e qendrore.
Shoqata është e hapur për çdo person që ka dëshirë të kontribuojë vullnetarisht për të mirën e lagjes sonë. Çdokush që ka ide, vullnet, apo thjesht dëshiron të ndihmojë, është i mirëpritur të bashkohet me ne.
Në të ardhmen, me mbështetjen e donacioneve nga banorët dhe me përkrahjen e institucioneve, synojmë të gjejmë një hapësirë (lokal) në lagjen Cetinskë, ku çdo banor mund të vijë, të shprehë problemet apo nevojat e tij, dhe së bashku të gjejmë zgjidhje të dobishme për të gjithë.
“Zëri i Lagjes” është një thirrje për bashkim, bashkëpunim e përkushtim. Në këtë grup janë të mirëseardhur të gjithë të rinjtë e lagjes pa dallim ngjyrave partiake, fetare e kombëtare.
Së bashku mund ta bëjmë lagjen tonë një vend më të mirë për të jetuar.
Ju faleminderit...
