22/10/2026
Минатиот месец во рамките на проектот „Искористување на потенцијалот: Одржлив туризам во Национален парк Шар Планина“, финансиран од Prespa Ohrid Nature Trust - PONT, Планинарскиот клуб „Љуботен“ и Shara Mountain Info Center организираа студиска посета во Националниот парк Пелистер.
Во посетата учествуваа претставници на Планинарскиот клуб „Љуботен“, сместувачки капацитети кои функционираат на Шар Планина и се дел од High Scardus Trail, како и претставник на управата на Shar Mountain National Park.
За време на посетата го посетивме Информативниот центар на НП Пелистер, каде што имавме можност да го разгледаме и изложбениот простор, посветен на природните вредности и богатото наследство на паркот. Оваа посета ни овозможи подобро да се запознаеме со начинот на кој се презентираат природните богатства на заштитеното подрачје и со значењето на информирањето и едукацијата на посетителите.
Посебно значајна беше посетата на Хотел Молика Пелистер/Hotel Molika Pelister, единствениот сместувачки објект во рамките на Националниот парк Пелистер. Преку разговор со раководството на хотелот, имавме можност да се запознаеме со секојдневното работење, предизвиците во управувањето со сместувачки капацитет во заштитено подрачје, како и со можностите за соработка со управата на паркот, заедничка промоција и унапредување на искуството на посетителите.
Овие студиски посети се важна можност за размена на практични знаења, поврзување на туристичките чинители и запознавање со добри практики што можат да се применат и на Шар Планина. ☀️⛰️