Shoqata e Shkrimtarëve "Oeneum" - Tetovë

Shoqata e Shkrimtarëve "Oeneum" - Tetovë Kulturë, Art dhe Shkencë

NËNAT Di me i dashtë diSi malësorët e maleve të mia Dhimbjet me ua pi Si sytë jetë ku të rrit dashuriaMe këngët e mbet...
31/10/2024

NËNAT

Di me i dashtë di
Si malësorët e maleve të mia
Dhimbjet me ua pi
Si sytë jetë ku të rrit dashuria

Me këngët e mbetura, nëpër tela të çiftelisë
Si lulëkuqet krenari, livadheve, që lulëzojnë
Me nure syzezash, që i japin jetë, dashurisë
Si bardhoket ndër stane, shqip kur këndojnë

Di me i dashtë di
Si malësoret e maleve të mia
Dhimbjet me ua pi
Si sytë jetë ku të rrit dashuria

MBRËMË Mbrëmë ëndrra ma piu lumturinëShtegtimeve të pafundme, tej qytetitKu më mbeti ditari për dashurinë Brenda ca val...
30/10/2024

MBRËMË

Mbrëmë ëndrra ma piu lumturinë
Shtegtimeve të pafundme, tej qytetit
Ku më mbeti ditari për dashurinë
Brenda ca valëve të trazuara, të detit

Ku Bardhoken e lashë, si sirenë mbi gur
Mes stuhive të jetës, shtatore për dashuri
Cucë labe e pikturuar, shqipe, në flamur
Qëndisur me fisnikëri, me ngjyra krenari

Mbrëmë ëndrra ma piu lumturinë
Shtegtimeve të pafundme, për sytë dhe
Ku më mbeti ditari për dashurinë
Bardhokja ime, kënga e këngëve Atdhe

UNË, JA KU JAMMes robërisë e tradhtisëKam pasur e kam, sfida në jetëPër odeonin tim të lirisëShqiptarçe, ende udhëtojë v...
27/10/2024

UNË, JA KU JAM

Mes robërisë e tradhtisë
Kam pasur e kam, sfida në jetë
Për odeonin tim të lirisë
Shqiptarçe, ende udhëtojë vetë
Përtej udhës së Arbërisë

Deri te udhët e harresës ilire e më tej, arrita
Labirintet e mileniumeve, prekur i kam
Mes tri deteve e në maje të Olimpit u ngjita
Flakës së fitores i thashë: unë, ja ku jam

Pjella e pellazgëve, të Thotit
Bekuar, nga nëntë malet e Sharrit
I lindur në mes gjakut e lotit
Ju flas shqip, me gjuhën e të parit
Si odeon, që i pi retë e motit

MOTET E JETËSJanë shumë dredharakTë ndjellin, sikur aromat e pranverësDhe të pagëzojnë plakTë dukesh si ke dalë, te prag...
13/10/2024

MOTET E JETËS

Janë shumë dredharak
Të ndjellin, sikur aromat e pranverës
Dhe të pagëzojnë plak
Të dukesh si ke dalë, te pragu i derës

T’i marrin sytë, së bashku me shikimet
Kthehesh ku ishe, duke u zvarritur
Nëpër gishta, për t’i numëruar kujtimet
Udhës dredharake, që të ka kalitur

Edhe emrin, po ta ndryshojnë
Të japin, një emër të ri e plak, thirresh
Thirrjet veshëve të zhurmojnë
Të frikëson qielli e prej tokës dridhesh

JETËT TONAKah po ecin, jetët tona Mes stuhive të reja e me avaze të vjetraSi tradhtia ndër jehona Mes trojeve nën rrufe...
11/10/2024

JETËT TONA

Kah po ecin, jetët tona
Mes stuhive të reja e me avaze të vjetra
Si tradhtia ndër jehona
Mes trojeve nën rrufe, kapur me kthetra

Po i kthejmë shekujt, jerm po e kërkojmë lirinë
Me dritën e qirinjve, që na ka mbetur nëpër sy
Po i kthejmë motet, sikur e duam ende robërinë
Me gojët e huaja flasim, gojës tonë i vëmë dry

Kemi mbetur, pikë e pesë
Të harlisur, mes e përmes atdheut, plot kufi
Tradhtisë i kërkojmë besë
Që ndër mileniume po na rri, si gacat nën hi

VARGJET E NJË POEZIEFtohtë kanë vargjet, si lulja në krahnezëMes tyre kanë ngri germat, si sytë kur po verbohenAs prushi...
10/10/2024

VARGJET E NJË POEZIE

Ftohtë kanë vargjet, si lulja në krahnezë
Mes tyre kanë ngri germat, si sytë kur po verbohen
As prushi i shpirtit më, s’ka se si i ndezë
Mes faqeve të akullta, si jetët kur ikin, po harrohen

Ethe kanë, djersë të ftohta nga palca e shpirtit u dalin
Të ngrira rinë me mileniume, dielli i verës nuk i shkrinë
Zjarret e flakët e harlisura, duan bukurinë t’ua marrin
Të fshehur që e mbajnë, si robi në shpirt, që e ruan lirinë

As stuhitë e mbrapshta, s’mundin t’i trazojnë
Vargjet e poezisë rinë, me germat e ngrira edhe sot
Ftohtë kanë mes faqeve të akullta, zhurmojnë
Për penën që i shkruante, tokës Ilire me gjak dhe lot

NE QË LINDEMI PËR NJË DAKIKË KËNAQËSIE E mashtrojmë jetën apo ajo na mashtronQë na pru në këtë tokë e s’na la, të mbetem...
09/10/2024

NE QË LINDEMI PËR NJË DAKIKË KËNAQËSIE

E mashtrojmë jetën apo ajo na mashtron
Që na pru në këtë tokë e s’na la, të mbetemi pamëkate
Si e harlisur pastaj, me truall na mbulon
Kur më shumë e duam, kryet na e pret, me tehe shpate

Na i këput edhe fijet e lumturisë, sikur ne, lules petalet
Duke na u shndërruar në djall, ta ndjekim nga pas, na fton
Na shikon, nga qielli si engjëjt, pastaj fillon që të tallet
Me dashurinë e lumturinë tonë, si dielli dimrit kur kafshon

Ne rendim pas saj e ajo përsëri na mashtron
Si djalli kur na fton, nga dashuria të lindemi, si s’koti
Për një dakikë kënaqësie, që pas na trishton
Si s’mbetëm ku ishim themi, pa pika gjaku e pika loti

NË TOKËN E PROFETËVE S’di pse janë harlisur, nga mileniumi i riI kanë lidhur jetët, si shallin për kokëLuftërat i bëjnë,...
06/10/2024

NË TOKËN E PROFETËVE

S’di pse janë harlisur, nga mileniumi i ri
I kanë lidhur jetët, si shallin për kokë
Luftërat i bëjnë, për inate, jo për dashuri
Nëna e fëmijë i lënë, sikur hi përtokë
Turren, të hapin varre, sikur na korrin liri

Jetët e porsalindura, si armiqtë, po i shikojnë
Shkelin mbi kufoma, rrëkaja gjaku nuk i ngopin
Si djajtë e djallit, përtej vdekjeve, po shkojnë
Janë, si luftëtarë kryqëzatash, se njohin as Zotin

Rrinë përballë, sikurse lindja me perëndimin
Krenohen, me varret, që i hapin mbi tokë
Si të çmendurit ulërijnë, kush mbjell trishtim
Mes trupave të fëmijëve, mbetur pa kokë
Turren e s’ndalen, sikur djajtë në atdheun tim

CA FJALË TË BABAPLAKUTSi sot po më kujtohen ca fjalë të babaplakutDije bir, çmenduritë njerëzore s’kanë kufiTokat do të ...
04/10/2024

CA FJALË TË BABAPLAKUT

Si sot po më kujtohen ca fjalë të babaplakut
Dije bir, çmenduritë njerëzore s’kanë kufi
Tokat do të trishtohet, nga lumenjtë e gjakut
Nga lindja dhe perëndimi, do të shikoni hi

Nga djajtë e çoroditur, që tokës po ja pinë pasurinë
Ata që do ta shtrydhin dijen, me forcën e çmendurisë
Ditët e kobshme, do jua pikturojnë, për ardhmërinë
Më zi se tërmetet, do t’u marrin jetë, në emër të lirisë

As korrkam korbash, s’do të dëgjoni kurrë
Pa varre do të mbeteni, engjëjt do të trishtohen
Gjak e lot, do të pikturohet jeta, hi në gurë
Zoti e engjëjt, mes çmendurive, do të harrohen

PËR NJË JETË TË REKjo natë ka dhimbjeDashuria e heshtur, po rënkonKjo natë pretë lindjeDritë e hënës, po na e pikturonDu...
02/10/2024

PËR NJË JETË TË RE

Kjo natë ka dhimbje
Dashuria e heshtur, po rënkon
Kjo natë pretë lindje
Dritë e hënës, po na e pikturon

Duket si engjëll, në barkun e qiellit
Mbi tokë, bukurinë e humbur e kërkon
Duket e artë, me sytë rrezet e diellit
Me bebëzat e lindjes, sonte na vështron

Kjo natë ka dhimbje
Po na rënkon, si e heshtura dashuri
Kjo natë pretë lindje
Po e kërkon atdheun, ku jeta, ka liri

MES STUHIVE TË DREDHISËDjajtë jerm janë ngriturGjithandej rruzullit, të pagëzuar tokëEngjëjt i kanë çoroditurNë mes të q...
29/09/2024

MES STUHIVE TË DREDHISË

Djajtë jerm janë ngritur
Gjithandej rruzullit, të pagëzuar tokë
Engjëjt i kanë çoroditur
Në mes të qiellit, lartësojnë, një bokë

Duan një perandor, në vend të Perëndisë
Në shtatë kate të qiellit me njëmijenjë fe
Për histeri të lotëve, nga sytë e dashurisë
Që linden edhe vdesin, si popujt paatdhe

Mes stuhive të dredhisë
Ku po përplasin mes vete, kobzezat rrufe
Si dashuritë e djallëzisë
Për një Perëndi, lindur, nga njëmijenjë fe

ECJE NËPËR MILENIUMEPër ty moj Iliri e fjeturRrëkajat e gjakut, janë gurra liriePër plisa, që ke mbeturRrugë gjaku, abet...
27/09/2024

ECJE NËPËR MILENIUME

Për ty moj Iliri e fjetur
Rrëkajat e gjakut, janë gurra lirie
Për plisa, që ke mbetur
Rrugë gjaku, abetare e sy historie

Fshehur bibliotekave, ku i ruajnë fjalët e Zotit
Nga Kostandinopoja e deri në Vatikan, nën dhe
Me qytete e fortesa, ku po pikojnë pika të lotit
Nga mileniumet pellazge, kur kishim, një atdhe

Nga alpet e deri në pesë dete
Ku pinë germa, abetaren e historisë
Ti moj Iliri e fjetur, që mbete
Nën haresë, karshi syve të tradhtisë

Address

168 , Nr. 55
Tetovo
1200

Telephone

070 884 274

Website

Alerts

Be the first to know and let us send you an email when Shoqata e Shkrimtarëve "Oeneum" - Tetovë posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Shoqata e Shkrimtarëve "Oeneum" - Tetovë:

Shortcuts

Share

Category