Përshefca që duam

21/04/2026

Romani "Unë Mario"
Një rrëfim i fuqishëm që vjen nga njëri prej nesh – Muhamet Ajeti

20/04/2026

Faleminderit E DIELA ME NE.

24/03/2026

Për shkak se degradoj debati deri në atë shkallë sa që më shumë u kritikuam Ne si Shoqatë se sa keqbërësit duam të sqarojmë që ata që kanë bërë këtë akt janë fëmijë ose të moshës ndër 18 vjet ne nuk deshëm ti publikojmë emrat por vendosëm që të bisedojmë direkt me prindërit e tyre, pra jo për arsye se duam të mbrojmë dikë e aq më pak për të mbrojtë keqbërësit gjithsesi na vjen keq për këto komente të ulëta!
Mesazhi ynë është: Të mësojmë të mendojmë pozitivisht dhe më e rëndësishme ne nuk duam të 'vrasim' tê sëmurin por sëmundjen.

23/03/2026

Shoqata “Pershefca që Duam” shpreh keqardhjen për dëmtimet e shkaktuara në këndin e lojërave, përfshirë edhe thyerjen e ulesës dhe dëmtime të tjera të pajisjeve. Nga verifikimet tona, personat përgjegjës për këto dëmtime janë të njohur.

Ne kemi vendosur që emrat e tyre të mos bëhen publikë dhe të mos i drejtohen asnjë organi, me shpresën që të reflektohet mbi gabimin e bërë dhe të mos përsëriten raste të tilla në të ardhmen.

Në të njëjtën kohë, apelojmë edhe për përgjegjësi më të madhe nga prindërit, duke kërkuar kujdes dhe mbikëqyrje më të shtuar ndaj fëmijëve, në mënyrë që të shmangen dëmtime të tilla dhe të ruhet siguria e hapësirave publike.

Ju bëjmë thirrje për bashkëpunim dhe mirëkuptim nga të gjithë, që këto ambiente të mbeten të sigurta dhe në shërbim të komunitetit dhe fëmijëve tanë.

19/03/2026

Sot patëm kënaqësinë dhe nderin që të shpërndajmë 270 dhurata për të gjithë nxënësit e shkollës fillore “Asdreni”.

Në prag të festës së bekuar të Bajramit, këto dhurata u shpërndanë me shumë dashuri dhe përkushtim, me dëshirën që t’u sjellim buzëqeshje dhe gëzim fëmijëve tanë.

Një falënderim i veçantë shkon për shoqatën “Përshefca” në Zvicër, e cila bëri të mundur financimin e këtyre dhuratave. Zoti i shpërbleftë me të mira për kontributin dhe humanizmin e tyre!

Gëzuar festën e Bajramit për të gjithë! 🤍

Falemnderojmë Shoqatën Përshefca që duam për dhurimin e 270 pakove për nxënësit për nder të Festës së Bajramit,
si dhe falemnderojmë Azem Esati nga fsh. Gllogjë i cili poashtu dhuroi 30 pako për nxënësit për nder të Festës së Bajramit
Zoti i shpërbleftë!

17/03/2026

Në këtë natë të bekuar të Natës së Kadrit, e cila është natë më e vlefshme se një mijë muaj, kujtojmë dhe falënderojmë Allahun për mundësinë që na dha të bëjmë vepra të mira gjatë këtij muaji të shenjtë.

Në fillim të muajit të bekuar të Ramazanit, falë mbështetjes dhe zemërgjerësisë së vëllezërve tanë nga diaspora, në veçanti Shoqata Pershefca Zvicër dhe Grupi Elit, u përgatitën dhe u shpërndanë paketa humanitare për familjet në nevojë.

Këto paketa u shpërndanë nga Shoqata “Pershefca që Duam”, duke arritur te shumë familje në nevojë, përfshirë edhe në Malësinë e Tetovës.

Allahu i shpërbleftë me të mira të gjithë ata që kontribuan dhe ndihmuan në këtë vepër bamirësie.
Allahu na pranoftë veprat e mira dhe na dhëntë mundësi të vazhdojmë gjithmonë në rrugën e bamirësisë.

07/03/2026

NJOFTIM

Ju njoftojmë se z. Safer Esati do të jetë përgjegjës për grumbullimin e mjeteve për ndërtimin e shtëpive të Bekim dhe Xhevair Fejzullahut, duke përfaqësuar diasporën në Gjermani.

Të gjithë ata që dëshirojnë të kontribuojnë mund të bëjnë pagesat edhe përmes PayPal në këtë email:
📧 [email protected]

Për informata shtesë ose kontribute mund të kontaktoni në:
📞 +49 171 3753105

Falënderojmë veçanërisht z. Safer Esati për angazhimin dhe gatishmërinë e tij për të ndihmuar në këtë iniciativë humane.

19/02/2026

Urime muaji i shenjtë i Ramazanit 🌙
Qoftë ky muaj i mbushur me paqe, shëndet, begati dhe mirësi për të gjithë.
Allahu na i pranoftë agjërimet, lutjet dhe veprat e mira,
dhe na e mbushtë jetën me dritë, harmoni dhe dashuri.

Ramazan të bekuar për të gjithë ✨

02/11/2025

Të dashur bashkëfshatarë,
aksioni për ndërtimin e shtëpisë së Bekim dhe Xhevair Fejzullahut ka nevojë urgjente për ndihmën tuaj!
Çdo kontribut, sado i vogël, ndihmon të ndërtohet shtëpia e shpresës.

Le të bashkohemi tani – çdo dorë, çdo zemër ka rëndësi.
Bashkë mund ta bëjmë këtë ëndërr realitet! 🤍

03/09/2025

Të dashur bashkëfshatarë,
aksioni për mbledhjen e mjeteve financiare për ndërtimin e shtëpisë së Bekim dhe Xhevair Fejzullahut vazhdon.
Çdo ndihmë është një tullë për ndërtimin e shtëpisë së shpresës.
Bashkë do ia dalim.

28/07/2025

Një ditë që preku zemrat – një kujtim që do të jetojë gjatë!

Më 27 korrik 2025, Shoqata “Pershefca që duam” organizoi me dashuri dhe përkushtim dreken tradicionale në bjeshkët e Çaushicës, duke bashkuar banorët e fshatit Pershefce me pjesëtarët e dashur të diasporës.

Edhe pse nuk pati muzikë si herave tjera , kjo ditë ishte më e bukur se çdo festë – një ditë e mbushur me natyrë, miqësi dhe emocione të paharruara.

Pjesëmarrësit patën mundësinë të ecin drejt ujvarës mahnitëse dhe më tej deri tek stani i epërm, duke shijuar ajrin e pastër dhe pamjet e mrekullueshme të bjeshkëve tona. Një moment i veçantë ndodhi gjatë ecjes drejt ujvarës, kur grupi u përball rastësisht me një tufë dhish të egra, një takim që mbeti në kujtesën e të gjithëve si dhuratë e rrallë nga natyra.

Për më guximtarët, u organizua edhe një atraksion i veçantë adrenaline – lëshimi me tel çeliku (zipline) nga një anë në tjetrën e malit, duke shtuar emocione të forta dhe buzëqeshje të sinqerta.

Bjeshkët e Çaushicës u mbushën me jetë, me të qeshura, biseda të ngrohta dhe kujtime të reja që do të tregohen për vite me radhë.

Faleminderit të gjithëve që ish*t pjesë e kësaj dite të paharruar. Sepse Pershefca nuk është vetëm një vend – është një ndjenjë që na bashkon përherë.

26/07/2025

Të nderuar bashkëfshatarë, lidhur me organizimin për ditën e nesërme "Dreka në Çaushiçë" nëse dikush ka vende të lira ne mjetet e tyre të transportit ose dikush ka dëshirë në mëyrë vullnetare të marr mjetin e tij psh. traktor apo mjet tjeter, do kishim dashur të merni me vete personat të cilët nuk kanë sigurar mj. transporti deri në bjeshkë.Nisja do bëhet në orët e mëngjesit dhe do të takohemi para objetkit të Xhamisë.
Ju faleminderit.