Организација на жените на општина Свети Николе-owmsvn

Call Directions Website Contact the organization

Организација на жените на општина Свети Николе-owmsvn Здружение на граѓани - НВО (NGO) Тоа е нашата визија кон која постојано се стремиме.

НАШИТЕ ПРОГРАМИ

1.

ОЖОСВН е водечка сила на женското/граѓанското движење, која создава позитивни промени во општеството и придонесува за општа благосостојба на сите граѓани. Нашата мисија, пак, на која делуваме во континуитет, е подобриот живот на граѓаните и граѓанките, како и почитување на човековите права со акцент на правата на жените.

ЗДРАВСТВЕНА ПРОГРАМА

ПОДОБРА И ПОКВАЛИТЕТНА ЗАДРАВСТВЕНА ЗАШТИТА
Е ВО ИНТЕРЕС НА СЕКОГО

-Пружаме помош и поддршка на жени заболени и лекувани од малигни заболувања (психолошка поддршка, бесплатни перики, турбани и др.);
-Работиме на заштита, превенција и унапредување на здравјето на жените и девојките;
-Поттикнуваме грижа за себе и сопственото ментално и физичко здравје.

* НИКОЈ НЕ Е САМ ВО БИТКАТА *


2. ПРОГРАМА ЗА ДЕЦА И МЛАДИ

МЛАДИТЕ СЕ ДВИГАТЕЛИ И КРЕАТОРИ НА ПРОМЕНИТЕ ВО ЗАЕДНИЦАТА

-Работиме на надоградување на вашите знаења и вештини преку разни форми на неформално образование;
-Отвораме можности за учење и споделување на искуства со млади од други земји;
-Поттикнуваме младинско учество и развој на волонтерска работа;
-Нудиме многу други можности.

* НА ТЕБЕ ОСТАНУВА ДА ГИ ИСКОРИСТИШ МОЖНОСТИТЕ И
ДА БИДЕШ ДЕЛ ОД ПРОМЕНИТЕ! *


3. ПРОГРАМА ЗА ЧОВЕКОВИ ПРАВА

ЦЕЛИМЕ КОН ПОЧИТУВАЊЕ И УНАПРЕДУВАЊЕ НА ЧОВЕКОВИТЕ ПРАВА,
СО АКЦЕНТ НА ПРАВАТА НА ЖЕНИТЕ

-Ги промовираме основните човекови права и родовата еднаквост;
-Зголемено учество на жените и младите во донесувањето на одлуки;
-Работиме на превенција, заштита и елиминирање на сите форми на насилство и дискриминација.

* ВИЕ МОЖЕ ДА УЧЕСТВУВАТЕ НА НАШИ РАБОТИЛНИЦИ, ДА СЕ ЕДУЦИРАТЕ,
ДА ПОКРЕНУВАТЕ ИНИЦИЈАТИВИ И ЗАЕДНИЧКИ ДА ПРАВИМЕ
ПРОМЕНИ ВО ЗАЕДНИЦАТА! *


ОРГАНИЗАЦИЈА НА ЖЕНИТЕ НА ОПШТИНА СВЕТИ НИКОЛЕ (ОЖОСВН)

„Никој не може да направи сѐ, но секој може да направи нешто!“

🍼 Светската недела на доењето 2026 се одбележува од 1 до 7 август под мотото „Дајте приоритет на доењето: Создадете одрж...
01/08/2026

🍼 Светската недела на доењето 2026 се одбележува од 1 до 7 август под мотото „Дајте приоритет на доењето: Создадете одржливи системи за поддршка“. Целта е да се истакне важноста на доењето и да се поттикне создавање средина што ќе им овозможи на мајките успешна поддршка дома, на работното место и во здравствениот систем.

👶 Доењето е најдобриот почеток за секое бебе. Мајчиното млеко ги обезбедува сите потребни хранливи материи, го зајакнува имунитетот и го штити бебето од многу болести. Воедно, создава силна емоционална врска помеѓу мајката и бебето и придонесува за побрзо закрепнување и подобро здравје на мајката.

🩺 Некои мајки не можат да дојат поради здравствени причини, хормонални проблеми, недоволно количество млеко или поради терапија што не е безбедна за бебето. Во такви случаи, бебето се храни со адаптирано млеко, избрано по препорака на педијатар.

🥛 Адаптираното млеко ги обезбедува потребните хранливи материи за правилен раст и развој, па бебињата можат да растат здраво и со ваков начин на исхрана.

💙 Важно е мајките кои не дојат да не чувствуваат вина. Секој организам е различен, а најважно е бебето да биде нахрането, здраво и добро негувано.

🤝 Светската недела на доењето ја нагласува важноста на информирањето и поддршката за мајките и семејствата, бидејќи со соодветна помош доењето станува полесно и поуспешно.

30/07/2026
🚀„Не чекаме промени – ги создаваме“!🎯Во следните 6 месеци ќе работиме со девојки од Свети Николе, помагајќи им да ги раз...
29/07/2026

🚀„Не чекаме промени – ги создаваме“!

🎯Во следните 6 месеци ќе работиме со девојки од Свети Николе, помагајќи им да ги развијат своите лидерски, комуникациски и застапувачки вештини. Заедно ќе учиме, ќе соработуваме и ќе покренуваме иницијативи што ќе донесат позитивни промени во нашата заедница.

💜 Денес со радост ги поздравуваме иницијативите кои ќе бидат дел од новиот циклус на грантова поддршка на Акција Здруженска и filia.die frauenstiftung!

✨️ Пред нив е период исполнет со идеи, посветеност и заедничка работа за промени што почнуваат токму во локалните заедници.

🍀 Во месеците што следуваат ќе се отвораат важни теми – од учество на жените во донесувањето одлуки, родова еднаквост и социјална правда, до сексуални и репродуктивни права и здравје, спречување на родово базираното и семејното насилство, економско јакнење на жените и градење посилни, посолидарни и поинклузивни заедници.

🫶 Веруваме дека секоја идеја има моќ да поттикне промена, а кога жените се здружуваат околу заедничка цел, таа промена станува реалност.

🥳 Честитки до сите наши грантисти!

IGI
Hike and heal - Mladiinfo
Здружение Ромска асоцијација за еднакви права Рота Штип
Организација ЖЕНА Делчево
ЛАГ Агро Лидер
Хуманитарно Здружение Мајка - Куманово
Zdruzenie Akva
Zdruzenie Radika-De
Граѓанска иницијатива на жени - ГИЖ Свети Николе
Forumi Gruas
Женска медиумска мрежа ,,Eднаква" - Синдикат на новинари и медиумски работници
Женски круг - Охрид
Организација на жените на општина Свети Николе-owmsvn

Општата цел на проектот е да се зајакне учеството и лидерството на девојки од Свети Николе во локалната заедница преку р...
23/07/2026

Општата цел на проектот е да се зајакне учеството и лидерството на девојки од Свети Николе во локалната заедница преку развој на нивните лидерски, комуникациски и застапувачки вештини и нивно активно вклучување во иницирање локални промени.

Како да аплицирате?
Прочитајте повеќе на следниов линк: https://womsvetinikole.org.mk/public/povik-za-angazhiranje-na-edukator-ka/

Краен рок за пријавување: 13 август (понеделник) 2026 година

📅 17 Јули – Светски ден на меѓународната правдаСветскиот ден на меѓународната правда е потсетник дека правдата, човекови...
17/07/2026

📅 17 Јули – Светски ден на меѓународната правда

Светскиот ден на меѓународната правда е потсетник дека правдата, човековите права и владеењето на правото се основа за мирно, демократско и инклузивно општество.

Овој ден нè повикува да ја зајакнеме нашата посветеност кон заштитата на човековите права, еднаков пристап до правда и одговорност за прекршувањата на меѓународното право. Само преку почитување на достоинството на секој човек и еднаквоста пред законот можеме да изградиме општество во кое никој нема да биде оставен без заштита.

Ние веруваме дека правдата не е само правен принцип, туку и предуслов за доверба, помирување и одржлив развој. Затоа продолжуваме да работиме за унапредување на човековите права, правната сигурност и еднаквите можности за сите.

Правдата започнува со одговорност, се гради со еднаквост и се остварува преку заедничка посветеност.

#СветскиДенНаМеѓународнатаПравда #ЧовековиПрава # #ожосвнОЖОСВН

На 14 јули во рамките на проектот „Заедно да превенираме и да се бориме против ракот на дојка – 2026“, финансиски поддрж...
16/07/2026

На 14 јули во рамките на проектот „Заедно да превенираме и да се бориме против ракот на дојка – 2026“, финансиски поддржан од Локална самоуправа на Општина Свети Николе, ОЖОСВН одржа практична работилница „Болки во вратот и ‘рбетот кои се шират во рацете и нозете” за жени заболени и лекувани од карцином на дојка и матка.

Целта на работилницата беше учесничките да ги осознаат најчестите причини за ова заболување со кое голем дел од популацијата се соочува, симптомоте, дијагностичките методи, како изгледа третманот и пред се превенцијата.

Со позитивна енергија, дружење и меѓусебна поддршка, уште еднаш потврдивме дека заедно сме посилни. 💕💪

Прочитајте повеќе на следниот линк:
https://womsvetinikole.org.mk/public/rabotilnica-na-tema-bolki-vo-vratot-i-rbetot-koi-se-shirat-vo-racete-i-nozete/

15.07- Светски ден на младинските вештиниВо свет што постојано се менува, младите имаат потреба од знаења, вештини и мож...
15/07/2026

15.07- Светски ден на младинските вештини
Во свет што постојано се менува, младите имаат потреба од знаења, вештини и можности што ќе им помогнат да го изградат сопствениот пат кон успехот. Не станува збор само за стекнување знаење, туку и за можност тоа знаење да се претвори во акција. Денешниот свет има потреба од млади жени кои се подготвени да учат, да создаваат и да водат.
🌍 Кои вештини им се најпотребни на младите денес?
💻 Дигитални вештини – за сигурно и активно учество во современиот свет и на пазарот на трудот.
🚀 Претприемништво – за развивање идеи, поттикнување креативност и градење самодоверба за создавање сопствени можности.
👩💼 Лидерство – за да го подигнат својот глас, да донесуваат одлуки и да бидат двигатели на позитивни промени во заедницата.
🤝 Волонтерство – за стекнување нови искуства, развивање солидарност и активно придонесување кон општеството.
Покрај овие знаења, подеднакво важни се и животните вредности – емпатијата, солидарноста и ненасилната комуникација. Токму овие вештини им помагаат на младите да градат односи засновани на почит, разбирање и соработка и да придонесуваат за побезбедни и поинклузивни заедници.
Секој млад човек носи потенцијал. Наша задача е да создадеме простор, поддршка и можности тој потенцијал да се развива и да се претвори во успех.
✨ Да ги охрабриме младите девојки да веруваат во своите способности, да ги развиваат своите вештини и храбро да го следат својот пат. Кога инвестираме во вештините на младите девојки, инвестираме во поинклузивна, поиновативна и поодржлива иднина за сите.
#СветскиДенНаМладинскитеВештини #ДигиталниВештини #Претприемништво #Лидерство #Волонтерство #ОЖОСВН

🇫🇷Имавме чест да оствариме средба со претставници на Француската федерација „Професија, спорт и рекреација“ (Fédération ...
14/07/2026

🇫🇷Имавме чест да оствариме средба со претставници на Француската федерација „Професија, спорт и рекреација“ (Fédération française Profession Sport & Loisirs – FPSL) националниот директор Никола Вердон, одговорниот за европски прашања Корентен Бонежан и директорката на Центарот за обука на спортски едукатори Светлана Ѓорѓиевски.

На средбата разговаравме за можностите за идна соработка во областа на воведување на родовата еднаквост меѓу спортските професионалци и развојот на Еразмус+ проекти.

Особено нè радува што токму ОЖОСВН е препознаена како потенцијален партнер за нивните идни иницијативи, при нивната прва посета на Македонија и Балканот.

Веруваме дека ова е почеток нови можности за заедничко делување.

⚖️ Дали знаете кога имате право на бесплатна правна помош?Правните проблеми можат да го погодат секого, но навремените и...
14/07/2026

⚖️ Дали знаете кога имате право на бесплатна правна помош?

Правните проблеми можат да го погодат секого, но навремените информации и правниот совет можат да ви помогнат да ги заштитите вашите права. Не дозволувајте заблудите да ве спречат да донесете правилна одлука. 📄🤝

Информирајте се навреме – тоа е првиот чекор кон полесен пристап до правдата. ✅

Повеќе за оваа тема прочитајте на нашата веб страница на следниот линк:
https://womsvetinikole.org.mk/public/besplatnata-pravna-pomosh-poddrshka-za-gragjanite-koga-najmnogu-im-e-potrebna/

тел: 032 444 620 и 075 310 810
маил: [email protected]

Оваа активност е дел од проектот „Чекориме од зајакнување кон промена“ финансиски поддржан од The Kvinna Till Kvinna Foundation и Шведска

The Kvinna till Kvinna Foundation
Embassy of Sweden in Skopje

#БесплатнаПравнаПомош #ПристапДоПравда #ПравнаЗаштита #ОЖОСВН

Еден ден, многу насмевки и безброј спомени. На Матка растевме низ пријателство, доверба и моменти што нѐ поврзуваат. 🌱Ко...
13/07/2026

Еден ден, многу насмевки и безброј спомени. На Матка растевме низ пријателство, доверба и моменти што нѐ поврзуваат. 🌱

Кога девојките се поддржуваат, се охрабруваат и растат заедно, создаваат промени кај себе и во заедницата. 🫶🏻

The Kvinna till Kvinna Foundation
Embassy of Sweden in Skopje

Прочитајте повеќе: https://womsvetinikole.org.mk/public/rasteme-zaedno-vo-liderki-na-zaednicata-den-na-povrzuvanje-priroda-i-inspiracija-na-matka/

Address

Leninova No. 1
Sveti Nikole
2220

Opening Hours

Monday 09:00 - 16:00
Tuesday 09:00 - 16:00
Wednesday 09:00 - 16:00
Thursday 09:00 - 16:00
Friday 09:00 - 16:00

Telephone

032444620

Alerts

Be the first to know and let us send you an email when Организација на жените на општина Свети Николе-owmsvn posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Организација на жените на општина Свети Николе-owmsvn:

Share