Здружение за култура -Транзен

27/04/2026

Претставата КРОТКА од учеството на Меѓународниот фестивал на монодрама Соло Акт 2026 во Габрово, Р. Бугарија се врати со две награди:

Наградата за најдобра сценографија ја доби уметникот Никола Пијанманов и наградата за најдобра авторска музика ја доби Ставро Ангелаков.

25/04/2026

Во периодот од 19.04 до 23.04.2026 година во Република Бугарија, во градот Белограџик беше одржана обука за "Дигитализација на музејски артефакти".

Обуката се одржа во рамките на проектот "MUSEINNO - Preserving past for the future, финансиран од Европската Унија преку програмата Erasmus+ KA220.

На обуката земаа активно учество претставници од Македонија, Србија и Бугарија и учесниците се стекнаа со вештини и знаења како да го презентираат движното и недвижно културно наследство и на практичен начин како да прават 3D модели за презентација.

Проектот е имплементиран од страна на четири организации Association "Svetlina za Belogradchik", TOC - Asocijacija za razvoj odrzivih zajednica, Association for culture and development of creative industries Kult-Tranzen, Black IT LTD.🇧🇬🇲🇰🇷🇸

22/04/2026

КРОТКА на фестивал во Габрово, Р. Бугарија.

30/03/2026

Најава за проект: DigiCBCTourism – RH2TF

Проектот DigiCBCTourism – RH2TF, финансиран во рамки на Програмата Interreg, има за цел да придонесе кон интегриран и инклузивен локален развој преку унапредување на одржливиот туризам и заштитата на културното наследство.

Проектот се фокусира на справување со заедничките предизвици во прекуграничниот регион, како што се негативните демографски трендови, економските нееднаквости, ограничените можности за вработување, недоволната дигитална трансформација и недоволно развиената туристичка инфраструктура.

Преку иновативен пристап, DigiCBCTourism ќе развие напредна GIS дигитална платформа (TechHeritage), која ќе овозможи мапирање, управување и промоција на културното наследство. Дополнително, проектот ќе вклучи изработка на 3D модели, виртуелни тури, виртуелен музеј, како и креирање на културни рути за дигитални номади и уметници.

Со овие активности, проектот има за цел да:

👉го зголеми туристичкиот интерес и посетеност за најмалку 20%;
👉ја зајакне локалната економија;
ги унапреди дигиталните вештини кај населението;
👉поттикне вработување и задржување на младите;
👉ја подобри прекуграничната соработка и поврзаност.

DigiCBCTourism претставува современ и одржлив модел кој ги комбинира културното наследство и дигиталната трансформација, со цел создавање долгорочни придобивки за локалните заедници и регионот во целина.

08/12/2025

Филмот ЛУКА на Ице Виранов од денеска е достапен на Јутуб каналот. Повелете!🎥🎬

Филмот ЛУКА го прикажува животот на група млади музичари од Струмица, кои во кризни времиња за опстојување на алтернативната културна сцена, се борат да најдат начини за израз на својата музичка креативност и иновативност. Во времиња на бесконечна општествена транзиција, младите уметници се принудени да бараат алтернативни патишта за творење и презентирање на својата авторска уметност, а истовремено му пркосат на потрошувачкиот свет во кој владее „Тезгата“ како евтин и брз начин на практицирање култура, свет кој има негативно и погубно влијание врз развојот на автентичната и чиста авторска креација.

Инструментите кои ги создаваат во своите ателјеа и импровизирани студија, наликуваат и на ликовни дела, на скулптури, нѐ навраќаат на времињата кога народниот анонимен гениј сам си ги создаваше четките и боите за да наслика слика, кога музичарот сам си го правеше инструментот за да го произведе звукот на својата музика.

A group of young musicians, from a small town in the heart of the Balkans, struggling through the endless societal transition, are finding innovative ways to...

01/12/2025

Сергеј Андреевски и Коста Милков на изложбата ЛИЦА во Галеријата Метаноја во Скопје.

01/11/2025

Во денешното издание на Културен печат! За изложбата ЛИЦА во Метаноја галерија - Metanoja Gallery

25/10/2025

Целата рецензија на д-р Коста Милков за изложбата ЛИЦА во Метаноја галерија - Metanoja Gallery

Портретот или автопортетот е интимно уметничко дело. Фокусот е на она најпрепознатливото кај една личност, лицето. Да се долови нечиј поглед, блесок во очите, насме....

25/10/2025

На изложбата ЛИЦА, дел од проектот „Несовршен простор 8“ во галеријата Метаноја во Скопје беше доделена наградата „Владимир Георгиевски“ на уметницата Мартина Спасовска.

Овогодинешното жири за наградата беа: Андреј Митевски - скулптор, Јасмина Котевска - историчарка на уметноста и претставникот на фамилијата Георгиевски, Фросина Георгиевска. Покрај традиционалната награда „Златен лист“, се доделува и парична награда од Здружението за култура Транзен.

Коста Милков, рецензентот на изложбата ќе напише за делото на Мартина: - „А што носи животот? На сликата „Unus Ex Vobis“ Мартина Спасовска како да се обидува да го одгатне тоа најтешко прашање. Директниот поглед со смелите очи полни пркос, се во контраст со „трепетот“ на кревкото лице. Толку многу на него укажува на ранливост. Сеедно погледот на младата жена не отстапува и бескомпромисно објавува, „ете ме, тука сум“. Насловот на латински „Unus Ex Vobis“ е интересна „коинциденција“. Во буквален превод тоа значи „Еден од вас“, а во латинскиот превод на евангелието според Јован 13:21 оваа фраза е кажана од Исус кога им вели на учениците, „Еден од вас ќе ме предаде“. Според Христијанското предание, Исус се отелотворува во општа човечка природа и тој се поистоветува со сето човештво. Но тој особено со поистоветува со отфрлените, со обесправените и со подјармените. Името на овој женски портрет може да има двојно комплементарно значење: „Јас сум една од многуте обесправени жени во светот“, и „еден од вас ме предаде“. Портретот и насловот го соголуваат срцето на секој набљудувач кој мора да си го постави прашањето како Исусовите ученици, „да не сум јас?“

Учесници на изложбата се авторите: Ниче Василев, Сергеј Андреевски, Томе Мишев, Синиша Новески, Ване Костуранов, Тони Попов, Никола Пијанманов, Вангел Срнаков, Стефан Младеновски, Мартина Спасовска, Никола Тренов и Игор Мишев.

Изложбата се реализира во рамките на Годишната програма на Министерството за култура и туризам Министерство за култура / Ministria e Kulturës во соработка со Метаноја галерија - Metanoja Gallery и фамилијата Георгиевски.

21/10/2025

Здружението за култура Транзен по осми пат ја организира изложбата „Несовршен простор“, која оваа година ќе се одржи на 23 октомври во Метаноја галерија - Metanoja Gallery ...

21/10/2025