100 Илјади поети за промена

Directions Website Contact the organization

100 Илјади поети за промена 15 јубилејно издание - 100 Илјади поети за промена - 27 септември, 2025 година Стиховите ослободуваат посебно кога во нив имаат силна порака!

Темите кои се најчеста инспирација за авторите и поетите вклучени во ова движење обработуваат содржини од општествениот и социјален живот, мирот, одржливоста, природните ресурси, заштита на планетата Земја. Проблемите поврзани со глобалното затоплување, природните промени, со содржината на ранливите групи, желбата за поубав свет и подобро утре!

Преку овој проект ќе се согледа дали поезијата и пишаниот збор се доволно моќни да направат позитивна промена во државата, промена во начинот на размислување, односот на луѓето, обидот да се инспирираат и мотивираат луѓето за барем минимална промена. Да се промени гледиштето на светот со зборови, мисли, активистичка поезија, социјална, општествена опсервација на моментални состојби на умот и телото, размислувања и разговори со самите себе, внатрешни промени наспроти големата слика.

Струмица е веќе трет пат дел од ова глобално движење кое служи за подигање на свеста кај граѓаните за секојдневните проблеми со кои се соочуваме секојдневно, поети имаат единствена можност преку сопствената ангажирана поезија да проговорат за сите овие проблеми. Се гледаме наскоро со активности кои ќе го промовираат ова движење и нашата заедничка мисија! 100 000 Поети за Промена, Струмица 2013 може да започне!

ПОЕЗИЈАТА Е ЧИН НА ПРОМЕНА100 Илјади поети за промена – Струмица, Македонија - 16 Издание - 2026 годинаВо време кога све...
01/01/2026

ПОЕЗИЈАТА Е ЧИН НА ПРОМЕНА

100 Илјади поети за промена – Струмица, Македонија - 16 Издание - 2026 година

Во време кога светот зборува пребрзо, а слуша премалку, поезијата повторно ја презема својата најстара улога - да биде совест, отпор и надеж. „100 Илјади поети за промена“ не е само глобално поетско движење, туку жив доказ дека зборот сè уште има моќ да допре, да разбуди и да поврзе.

Во Струмица, овој настан се случува како средба на гласови, култури и визии, каде локалното станува дел од светското, а личното добива универзално значење. Поетите, уметниците и учесниците не настапуваат само со стихови, туку со одговорност - кон времето во кое живееме и кон светот што го оставаме зад себе.

Ова е простор каде поезијата не се чита само за убавина, туку за мир, за човечност, за еколошка и општествена свест, за достоинство и дијалог. Секој прочитан стих е мал, но значаен чин на спротивставување на рамнодушноста. Секој глас е потсетник дека промената не мора да биде гласна за да биде длабока.

Од Македонија, преку Струмица, „100 Илјади поети за промена“ испраќа порака дека културата не е луксуз, туку нужност; дека зборот не е слаб, туку трпелив; и дека поезијата, и денес, знае да го пронајде патот до човекот.

Зашто кога зборот е искрен,
кога стихот е одговорен,
промената веќе не е идеја -
туку процес што започнува овде и сега.

Поезијата не е бегство од светот, туку начин да се соочиме со него.

Во Струмица, зборот повторно станува простор на слобода, совест и надеж.

„100 Илјади поети за промена“ нè потсетува дека јазикот има моќ да поврзува, да лекува и да отвора нови хоризонти - таму каде што молкот одамна се вкоренил.

Среќна Нова 2026 година, пријатели! :)

Address

Strumica
2400

Alerts

Be the first to know and let us send you an email when 100 Илјади поети за промена posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 100 Илјади поети за промена:

Shortcuts

Share