Bamirësit Struganë

Call Directions Contact the organization

Bamirësit Struganë May God bless and reward your hard work.

Të nderuar bamirës,
"Bamirësit Struganë" është një shoqatë humanitare e themeluar në Strugë me të vetmin qëllim për të ndihmuar dhe ua zgjatur dorën atyre që kanë nevojë. Zoti u bekoftë dhe ua shperbleftë mundin tuaj.

---

Почитувани добротвори,
"Bamirësit Struganë" (Стружани добротвори) е хуманитарно здружение основано во Струга со единствена цел да им помогне и да им пружи рака на оние на кои им е потребно.
Нека Господ го благослови и награди вашиот труд.

---

Sevgili hayırseverler,
"Bamirësit Struganë" ihtiyacı olanlara yardım etmek ve onlara her konuda ulaşmak amacıyla, Struga'da kurulan bir insanî yardım derneğidir. Duyarlılığınız ve sıkı çalışmalarınızdan ötürü Allah yar ve yardımcınız olsun.

---

Dear charitable people,
"Bamirësit Struganë" (Charitable people of Struga) is a humanitarian association founded in Struga with the sole purpose of helping and reaching out to those in need.

09/11/2026
Shoqata Humanitare “Bamirësit Struganë” falënderon nga zemra kompanitë Vera Komerc dhe Ramiz Trans për dhurimin e druve ...
05/11/2026

Shoqata Humanitare “Bamirësit Struganë” falënderon nga zemra kompanitë Vera Komerc dhe Ramiz Trans për dhurimin e druve për ngrohje për dy familje në nevojë.

Me këtë ndihmë, dy familje do ta kalojnë dimrin me më shumë ngrohtësi dhe me një shqetësim më pak.

Faleminderit që na ndihmuat të jemi pranë tyre

APEL PËR NDIHMË DHE DONACIONE PËR TRAJTIMIN E S.S.Shoqatës sonë Humanitare “Bamirësit Struganë” i'u drejtuar për ndihmë ...
02/11/2026

APEL PËR NDIHMË DHE DONACIONE PËR TRAJTIMIN E S.S.

Shoqatës sonë Humanitare “Bamirësit Struganë” i'u drejtuar për ndihmë familja e S.S., 56 vjeç, i cili prej një viti e gjysmë po lufton me një sëmundje të rëndë, adenokarcinomën e mushkërive.

Pas analizave dhe biopsisë, ai filloi trajtimin me kimioterapi dhe më pas me terapi me tableta, por fatkeqësisht gjendja e tij shëndetësore u përkeqësua.

Familja u detyrua të udhëtonte drejt Turqisë për ekzaminime të mëtejshme. Pas kryerjes së PET-skanerit, u konstatua se sëmundja kishte dhënë metastaza. Atje, S.S. iu nënshtrua një operacioni për heqjen e një metastaze të madhe në bark, e cila i shkaktonte çdo ditë temperaturë të lartë deri në 39°C. Gjithashtu, ai iu nënshtrua edhe rrezatimit të kokës.

Të gjitha shpenzimet e deritanishme familja i ka përballuar vetë, por fatkeqësisht tashmë nuk ka më mundësi financiare për të siguruar terapinë e rekomanduar për 6 muajt e ardhshme, të cilen duhet ta filloje brenda dy javësh, e cila kushton 37.500 eur.

Prandaj, në këto momente të vështira, Shoqata Humanitare “Bamirësit Struganë” ju drejtohet me apel për ndihmë dhe mbështetje për S.S. Çdo donacion, sado i vogël qoftë, ka një vlerë të madhe dhe përfaqëson shpresë për vazhdimin e trajtimit të tij.

Ju falënderojmë nga zemra të gjithëve që do të ndihmoni, do ta shpërndani këtë apel ose do ta mbështesni S.S. dhe familjen e tij me lutjet dhe mendimet tuaja të mira.
Për donatorët brenda shtetit:
Emri i llogarisë: HZBS Nr. xhirollogarisë: 210-075048960117
Banka: NLB BANKA AD SKOPJE

Për transfere nga jashtë:
Emri i llogarisë: HZBS
IBAN: MK07210722000117340
SWIFT: TUTNMK22
Adresa: Karaorman 21, Strugë
Online:

WhyDonate: https://whydonate.com/fundraising/apel-per-ndihme-dhe-donacione-per-trajtimin-e-ss
Kontakt – Zyra:
Prapa postës
Tel: +389 71 313 991
E-mail: [email protected]

Bashkohuni me ne në aksionin për pagesën e faturave të energjisë elektrike!Edhe këtë herë, Shoqata Humanitare “Bamirësit...
30/10/2026

Bashkohuni me ne në aksionin për pagesën e faturave të energjisë elektrike!

Edhe këtë herë, Shoqata Humanitare “Bamirësit Struganë” vazhdon të jetë pranë familjeve dhe personave që kanë më së shumti nevojë për ndihmë.

Me afrimin e muajve të dimrit, shpenzimet e familjeve rriten ndjeshëm, sidomos ato për ngrohje dhe energji elektrike. Për familjet me të ardhura të ulëta, kjo periudhë bëhet edhe më e vështirë, pasi shpesh të ardhurat nuk mjaftojnë as për nevojat më elementare.

Ftojmë të gjithë ata që kanë mundësi dhe dëshirë të na bashkohen në këtë aksion. Kushdo që dëshiron të ndihmojë, mund të paguajë drejtpërdrejt një faturë të EVN-së përmes linkut më poshtë, ose të kontribuojë sipas mundësive të veta.

Si gjithmonë, së bashku mund t’ia lehtësojmë sadopak barrën dikujt që po kalon një periudhë të vështirë.

🔗 Linku për pagesën e faturave: https://bamiresitstrugane.com/sq/electricity_bills

Faleminderit të gjithë donatorëve për mbështetjen dhe besimin e vazhdueshëm!

FALËNDERIM I VEÇANTË PËR DONATORIN TONË!Shoqata Humanitare “Bamirësit Struganë” shpreh mirënjohjen dhe falënderimin e si...
27/10/2026

FALËNDERIM I VEÇANTË PËR DONATORIN TONË!

Shoqata Humanitare “Bamirësit Struganë” shpreh mirënjohjen dhe falënderimin e sinqertë për donatorin tonë zemërgjerë, i cili dhuroi pajisje shumë të nevojshme për personat me aftësi të kufizuara dhe ata që kanë nevojë për kujdes të veçantë.

Falë këtij donacioni, shoqatës sonë iu dhuruan:

✅ 10 shtretër elektrikë për pacientë

✅ 10 karrige për transferimin e pacientëve

✅ 16 karroca elektrike për persona me aftësi të kufizuara

Këto pajisje do të jenë një ndihmë e madhe për personat në nevojë, duke ua lehtësuar përditshmërinë dhe duke u mundësuar më shumë rehati, lëvizshmëri dhe pavarësi.
Faleminderit nga zemra donatorit tonë për këtë gjest të madh human!
Mirësia juaj do të sjellë lehtësim dhe shpresë në jetën e shumë njerëzve.

Shoqata Humanitare “Bamirësit Struganë”

Shoqata Humanitare “Bamirësit Struganë” jemi shumë krenarë që edhe për vitin shkollor dhe akademik 2026/2027 po vazhdojm...
22/10/2026

Shoqata Humanitare “Bamirësit Struganë” jemi shumë krenarë që edhe për vitin shkollor dhe akademik 2026/2027 po vazhdojmë një nga misionet tona më të rëndësishme, financimin e bursave për nxënës dhe studentë.
Këtë vit kemi arritur ta rrisim numrin e bursave në 40. Për ne kjo është një kënaqësi e madhe, sepse çdo vit që ky mision vazhdon, ndjejmë se po japim një kontribut të vogël për arsimin dhe të ardhmen e të rinjve tanë.
Me keqardhje, nuk kemi mundur t’i mbulojmë të gjitha kërkesat që kanë ardhur për bursa. Jemi munduar që bursat t’i ndajmë te rastet që kanë më së shumti nevojë, te familjet me të ardhura të ulëta, familjet me fëmijë jetimë, familjet ku prindërit kanë probleme shëndetësore që i kufizojnë për të punuar, si dhe te rastet sociale.
U urojmë të gjithë bursistëve shumë suksese në këtë vit shkollor, shëndet dhe sa më shumë arritje në rrugën e tyre.
Kushdo që dëshiron të bëhet pjesë e këtij misioni, mund të kontribuojë:

Për donatorët brenda shtetit:
Emri i llogarisë: HZBS Nr. xhirollogarisë: 210-075048960117
Banka: NLB BANKA AD SKOPJE

Për transfere nga jashtë:
Emri i llogarisë: HZBS
IBAN: MK07210722000117340
SWIFT: TUTNMK22
Adresa: Karaorman 21, Strugë

Online:
https://whydonate.com/fundraising/aksion-per-bursat-studentore

Kontakt – Zyra:
Prapa postës
Tel: +389 71 313 991
E-mail: [email protected]

RASTI U MBYLL FALË DONATORËVE!Falë ndihmës suaj, u siguruan mjetet e nevojshme për trajtimin në Turqi të djalit 10 vjeça...
13/10/2026

RASTI U MBYLL FALË DONATORËVE!

Falë ndihmës suaj, u siguruan mjetet e nevojshme për trajtimin në Turqi të djalit 10 vjeçar që përballet me epilepsinë.

Shoqata Humanitare “Bamirësit Struganë” falënderon nga zemra të gjithë donatorët që iu përgjigjën thirrjes. Çdo kontribut i juaji ia lehtësoi barrën familjes dhe i dha shpresë për të vazhduar trajtimin.

Djalit i urojmë shëndet dhe trajtim të mbarë!

APEL PËR NDIHMË !Një djal 10-vjeçar, i cili nga mosha 3-vjeçare vuan nga epilepsia, ka përsëri nevojë për ndihmën tonë.F...
13/10/2026

APEL PËR NDIHMË !
Një djal 10-vjeçar, i cili nga mosha 3-vjeçare vuan nga epilepsia, ka përsëri nevojë për ndihmën tonë.
Familja e tij ka provuar trajtimin në Maqedoni, por pa sukses dhe prej 3 vitesh, prindërit e dërgojnë në Turqi, me shpresën që djali i tyre një ditë të ketë një fëmijëri më të qetë.
Gjashtë muaj më parë, falë ndihmës së donatorëve tanë, arritëm t'ia mbulojmë shpenzimet e trajtimit. Tani djali duhet të shkojë përsëri në Turqi për kontrollet e radhës dhe vazhdimin e trajtimit.
Për kontrollet mjekësore, udhëtimin dhe qëndrimin 6 net në Turqi, familjes i nevojiten rreth 3.000 euro, shumë të cilën nuk ka mundësi ta sigurojë vetë.
Ju bëjmë thirrje të gjithëve që keni mundësi, të ndihmoni me aq sa mundeni. Edhe një donacion i vogël do të thotë shumë për këtë familje.
Faleminderit të gjithëve që e ndihmuat herën e parë. Shpresojmë që së bashku t'ia dalim edhe këtë herë!

Për donatorët brenda shtetit:
Emri i llogarisë: HZBS Nr. xhirollogarisë: 210-075048960117
Banka: NLB BANKA AD SKOPJE

Për transfere nga jashtë:
Emri i llogarisë: HZBS
IBAN: MK07210722000117340
SWIFT: TUTNMK22
Adresa: Karaorman 21, Strugë

Online:
WhyDonate: https://whydonate.com/fundraising/trajtim-per-djalin-10-vjecar-me-epilepsi-

Kontakt – Zyra:
Prapa postës
Tel: +389 71 313 991
E-mail: [email protected]

02/10/2026

Përfundoi rinovimi i shtëpisë së Emin Braçedit

Sot kemi kënaqësinë të ndajmë me ju përfundimin e rinovimit të shtëpisë së Emin Braçedit. Kjo u bë e mundur falë donatorëve që iu bashkuan thirrjes sonë dhe ndihmuan secili sipas mundësive të veta.

Shoqata Humanitare “Bamirësit Struganë” i falënderon nga zemra të gjithë donatorët për besimin dhe mbështetjen. Një falënderim të veçantë ia drejtojmë edhe Emin Kinezit për ndihmën dhe angazhimin e tij gjatë këtij rinovimi.

Faleminderit të gjithëve që u bëtë pjesë e kësaj pune të mirë!

Address

Karaorman 21
Struga
6330

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+38971313991

Website

Alerts

Be the first to know and let us send you an email when Bamirësit Struganë posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Bamirësit Struganë:

Shortcuts

Share

Nearby non profit organizations