Rotary Club Stip

25/06/2026

☀️ Во прекрасна и опуштена атмосфера на Premium Pool Штип, во друштво на нашите семејства, Ротари Клуб Штип одржа свечено примопредавање на претседателската функција.

Со голема чест, досегашниот претседател Владко Филипов му го предаде претседателството на новиот претседател Емил Попадинов, симболично означувајќи го завршувањето на една успешна ротаријанска година и почетокот на ново поглавје исполнето со нови предизвици и можности.

Зад нас оставаме година исполнета со многу енергија, посветеност, реализирани идеи и проекти, кои оставија значаен белег во нашата заедница. Година исполнета со нови идеи, иницијативи, заеднички дружби и пријателства што дополнително нè зближија како клуб.

Ротари не се само проектите што ги реализираме — Ротари се луѓето, пријателствата, подадената рака и желбата за позитивна промена.

На новиот претседател Емил Попадинов му посакуваме успешна и плодна ротаријанска година, исполнета со нови идеи, успешни проекти и многу моменти на гордост и заеднички успеси.

Честитки до Владкo Филипов и Митко Демировски за признанието од Rotary International - Paul Harris Fellow.

💙 Благодарност до сите членови, семејства и пријатели кои се дел од нашата ротаријанска приказна.

Service Above Self — Служење над себеси.

25/06/2026

🎼✨ На 21.04.2026 година, Ротари Клуб Штип, во соработка со ФРЛЗ (Фондацијата за развој на локалните заедници) и ДМУЦ „Сергеј Михајлов“, го организираше третиот по ред Донаторски Велигденски концерт во Домот на културата во Штип.

Во преполната сала, пред бројна публика, повеќе од 100 учесници, под маестралното водство на Маестро Тоше Митров, приредија вечер исполнета со музика, емоции и незаборавни моменти. Концертот допре до срцата на присутните и предизвика долг и искрен аплауз — аплауз што долго ќе се памети и ќе се прераскажува во нашиот град.

Овој настан уште еднаш покажа дека музиката има моќ да обединува, инспирира и поттикнува хуманост.

Собраните средства од концертот се наменети за реновирање на дел од училишните простории во кои учат учениците на ДМУЦ „Сергеј Михајлов“, со цел создавање подобри услови за образование и развој на младите таленти.

Изразуваме искрена благодарност до сите учесници, организатори, поддржувачи и посетители кои со своето присуство и придонес помогнаа овој настан да биде вистински успех.

Се надеваме и веруваме дека овој концерт ќе прерасне во убава традиција и ќе стане еден од најзначајните културно-хуманитарни настани во календарот на Општина Штип.

💙 Заедно создаваме подобра иднина.
💛 Заедно служиме на заедницата.

25/06/2026

✨ Со голема чест и благодарност споделуваме дека на 17.04.2026, во прекрасниот амбиент на Хотел Изгрев, Ротари Клуб Штип успешно ја реализираше својата Донаторска забава, со цел собирање средства за набавка и поставување фонтани за вода.

Вечерта беше исполнета со хуманост, пријателство и вистински ротаријански дух. Посебен момент беше донаторската аукција, каде што се продаваа вредни и уникатни предмети: уметнички слики, спортски дрес, икона, апартмани за одмор, како и ексклузивен Винјак од 1968 година од Винарија Имако.

Особено сме почестени од присуството на бројни ротаријанци и гости од клубови од Македонија и од странство, кои со своето присуство и поддршка ја направија оваа вечер незаборавна.

Од срце им благодариме на сите донатори, поддржувачи и пријатели кои придонесоа за успехот на овој настан. Вашата поддршка е доказ дека заедно можеме да создадеме вистински и трајни промени во нашата заедница.

🙏 Посебна благодарност до:

Винарија Имако
Винарија Кукутанов

Заедно продолжуваме да ја живееме ротаријанската мисија: Service Above Self – Служење над себеси 💙💛

1912

23/06/2026

16/06/2026

Благодарам за Rotary CLUB Kochani-Vinica, LetzCare a.s.b.l Luxembourg, Safet Alili, GNTC Fondi Humanitar

24/05/2026

Честит нека е денот на светите браќа Кирил и Методиј
Оние кои од Македонија го ширеа христијанството и писменоста

30/04/2026

Доказ за хуманоста што ја носиме сите во нас.
Rotary Club Stip

18/04/2026

18/04/2026

Почитувани пријатели и поддржувачи на Ротари, ве покануваме на Велигденски донаторски концерт во соработка со ФРЛЗ и ДМУЦ Сергеј Михајлов од Штип.
Билетите може да ги резервирате во приватна порака.