EcHO Educational Humanitarian Organization

02/06/2026

Во рамките на проектот „Преку женски активизам и граѓански иницијативи до родово инклузивни и одговорни општини“, во текот на мај беа поднесени вкупно девет родово буџетски иницијативи до три општини, кои произлегуваат од претходно спроведени истражувања, родови анализи, јавни работилници и консултации со жени од локалните заедници.

Прочитајте повеќе на линкот:
⬇️⬇️⬇️
https://glasentekstilec.mk/2026/06/02/devet-inicijativi-tri-opsh*tni-edna-cel/

28/05/2026

Денес остваривме конструктивна работна средба со градоначалникот на Општина Штип, Иван Јорданов, на која, како претставнички на ЕХО Едукативно-хуманитарна организација, официјално ги предадовме трите родово буџетски иницијативи подготвени во рамки на проектот „Преку женски активизам и граѓански иницијативи до родово инклузивни и одговорни општини“. Иницијативите произлегуваат од претходно спроведено теренско истражување и родова анализа на проблемите и потребите на жените и девојчињата во Општина Штип, како и од дополнителни јавни работилници и консултативни средби со жени од заедницата, претставнички на институции и граѓански организации.
📌 Предложените иницијативи се однесуваат на:
✔️ унапредување на безбедноста и пешачката инфраструктура во населбите Суитлак и Деснаци;
✔️ развој на локална услуга за помош и нега за стари, изнемоштени лица и лица со попреченост;
✔️ хумано и одржливо решавање на проблемот со бездомните кучиња во Општина Штип.
За време на средбата, градоначалникот изрази подготвеност да иницира, поттикне и поддржи активности кои се во рамки на можностите и надлежностите на Општината, нагласувајќи дека станува збор за реални и значајни потреби на жените и граѓаните воопшто и важни иницијативи за подобрување на квалитетот на живот во Штип.
Средбата претставува уште еден важен чекор кон унапредување на дијалогот меѓу граѓанскиот сектор и локалната самоуправа, како и кон поголемо вклучување на граѓаните, особено жените, во процесите на креирање локални политики и буџети.

#ЧекорПоЧекорДоРодовоОдговоренБуџет
#ПравиченБуџет #ГраѓанскиАнгажман

Проектот „Преку женски активизам и граѓански иницијативи до родово инклузивни и одговорни општини“, е спроведуван од Гласен Текстилец во партнерство со ЕХО и ИНИ-Виница.
Проектот е поддржан од Владата на Швајцарија Embassy of Switzerland in North Macedonia преку Civica Mobilitas.
Содржината на оваа објава е единствена одговорност на Гласен Текстилец, ЕХО едукативно-хуманитарна организација и Иницијатива на невработени интелектуалци, и на ниту еден начин не може да се смета дека ги одразува гледиштата на Владата на Швајцарија, Цивика мобилитас, или организациите што ја спроведуваат.

28/05/2026

14/05/2026

📍 Вчера во просториите на Гласен Текстилец ја одржавме првата работилница на тема „Родово одговорно буџетирање - од проблем до иницијатива“, со обучувачката Бети Пејева од EcHO Educational Humanitarian Organization.

Заедно со учесничките разговаравме за тоа што значи општински буџет, зошто е важно родово одговорното буџетирање и како реалните проблеми од локалната заедница можат да се претворат во конкретни иницијативи и предлози до општината.

💬 Преку практични вежби, дискусии и групна работа се подготвуваа родово буџетски иницијативи и се отворија важни прашања за еднаков и праведен пристап до локалните ресурси.

Обуката е дел од проектот „Жени со глас за праведен буџет во Штип“, спроведуван од Гласен Текстилец, во рамки на проектот „Equitable Governance: Enhancing Gender Responsive Budgeting in North Macedonia“, имплементиран од Хелсиншки комитет за човекови права - Helsinki Committee for Human Rights, а финансиран од UN Women Skopje.

13/05/2026

📣 Преку локални иницијативи, застапување, младински активизам, зелени практики и јавни дебати, грантистите на Цивика мобилитас продолжија да отвораат прашања што директно влијаат врз квалитетот на животот на граѓаните.

📰 Новото издание на „Граѓански импулс“ носи преглед за активностите, иницијативите и промените што го одбележаа април.

🔎 Прочитајте повеќе на линкот во коментар 👇

#ГраѓанскиИмпулс
Embassy of Switzerland in North Macedonia

07/05/2026

Молкот го штити насилството, а јавното отворање на темите може да спаси животи. ЕХО со години укажува на потребата од навремена заштита, институционална одговорност и интегрирана поддршка за жените и девојките изложени на насилство. Затоа е од особена важност медиумите и новинарите професионално и континуирано да ги актуелизираат овие теми, поттикнувајќи поголема отчетност на институциите, но и охрабрувајќи ги жртвите да побараат помош и заштита.

Во последните два месеци низ полициските станици низ државата имало дури 309 пријави за семејно насилство, а најмалку 179 лица биле лишени од слобода. Овие статистики ...

27/04/2026

26/04/2026

📍 Отворен ден во #Штип, дел од кампањата „Буџетот не е неутрален“

На 24 април, во Штип се одржа отворен ден каде беа истакнати клучните приоритети на жените во Општина Штип: потребата од достапна грижа за стари и изнемоштени лица, побезбедни улици за мајките и децата преку изградба на тротоари и поставување лежечки полицајци, како и хумано и одржливо решавање на проблемот со уличните кучиња.

👩‍👧‍👦 Безбедни улици, достапна грижа и достоинствено живеење се основа за еднакви можности.
Кога буџетот ги препознава овие потреби, се создава заедница во која секоја жена може да се движи, работи и живее безбедно и сигурно.

#БуџетотНеЕНеутрален #РодоваЕднаквост #Штип #ЕднаквиМожности


Отворениот ден е дел од проектот „Преку женски активизам и граѓански иницијативи до родово инклузивни и одговорни општини“, спроведуван од Гласен Текстилец во партнерство со ЕХО - EcHO Educational Humanitarian Organization и ИНИ-Виница.

Проектот е поддржан од Владата на Швајцарија Embassy of Switzerland in North Macedonia преку Civica Mobilitas

Содржината на оваа објава е единствена одговорност на Гласен Текстилец, ЕХО едукативно-хуманитарна организација и Иницијатива на невработени интелектуалци, и на ниту еден начин не може да се смета дека ги одразува гледиштата на Владата на Швајцарија, Цивика мобилитас, или организациите што ја спроведуваат.

#ЧекорПоЧекорДоРодовоОдговоренБуџет
#РодоваЕднаквост #ПравиченБуџет #ЕднаквиМожности #ГраѓанскиАнгажман