Myftinia Shkup

13/07/2026

🤝 Myftiu i Shkupit dr. Qenan ef. Ismaili, sot, më 13 korrik 2026, në zyrën e Myftinisë, u nderua me vizitën e hoxhës së nderuar mr. Basri ef. Kurtish, një personalitet i dalluar dhe imam në xhaminë Bashkësia Islame Shqiptare në Kopenhagë të Danimarkës, i cili shërben me përkushtim në jetën fetare të besimtarëve të kësaj ane.

☑️ Në këtë takim të frytshëm, bashkëbiseduan për aktivitetet fetare në qytetin e Shkupit, si dhe për zhvillimin e jetës fetare të besimtarëve në Danimarkë.

🤲 Lusim Allahun e Madhërishëm ta shpërblejë për këtë vizitë!

13/07/2026

12/07/2026

🕌 Nën jehonën e tekbireve, sot, më 12 korrik 2026, Myftiu i Myftinisë së BFI – Shkup, dr. Qenan ef. Ismaili, udhëhequr nga Reisul Ulemanë h. hfz. Shaqir ef. Fetai, Kryetarin e Komunës së Studeniçanit z. Ejup Abazi, ish-kryetarin e Komunës së Studeniçanit z. Azem Sadiki, personalitete të jetës publike, hoxhallarë, mysafirë dhe xhematlinj, morën pjesë në ceremoninë e hapjes së xhamisë së re në fshatin Alldincë.

🤝 Përfaqësuesit e BFI-së dhe mysafirët u mirëpritën ngrohtësisht nga këshilli i xhamisë dhe një numër i madh i xhematlinjve të kësaj ane.

🎙️ Në emër të këshillit të xhamisë, z. Ramadan Alili u dëshiroi mirëseardhje të pranishmëve dhe i falënderoi për pjesëmarrjen në këtë ceremoni.

🗣️ Me fjalë përshëndetëse të pranishmëve iu drejtua Kryetari i Komunës së Studeniçanit, z. Ejup Abazi.

📖 Në vazhdim, me fjalë urimi dhe përgëzimi u drejtua edhe Myftiu i Shkupit, dr. Qenan ef. Ismaili, ndërsa fjalën e rastit e mbajti Reisul Ulema h. hfz. Shaqir ef. Fetai, i cili përgëzoi besimtarët për këtë vepër madhështore dhe ua uroi hapjen e xhamisë në fshatin Alldincë.

🏅 Në përmbyllje të ceremonisë, Reisul Ulema dhe Myftiu i Shkupit ndanë mirënjohje për kryetarin e këshillit të xhamisë, z. Ramadan Alili, si dhe për kontribuuesit e kësaj vepre të bukur. Tubimi u përmbyll me duanë e rastit, të cilën e bëri h. Muharem ef. Ismaili.

🍯 Gjatë kthimit nga fshati Alldincë, Reisul Ulema h. hfz. Shaqir ef. Fetai dhe Myftiu i Shkupit dr. Qenan ef. Ismaili pranuan ftesën për të pushuar dhe për të qëndruar së bashku me disa xhematlinj nga fshati Koliçan i Epërm, të cilët i mirëpritën me mjaltë dhe muhabet të këndshëm.

🤲 Allahu i shpërbleftë me të mirat e Tij!

11/07/2026

🗓 Më datë 11 korrik 2026, u realizua ceremonia e duasë së hatmes në mektebin e xhamisë "Haxhi Hajredin" - Seravë, nga mualimja Ajla Sherifi.

✔️Mualimeja Ajla Sherifi në emër të prindërve u dëshiroi mirëseardhje të pranishmëve dhe përfaqësueseve të Myftinisë së Shkupit.

🎤 Mualimeja Mubera J. Asani në fjalën e rastit në emër të Myftiut foli mbi rëndësinë mësimit të Kuranit Famëlartë dhe bazave kryesore të besimit islam si dhe përgëzoi nxënëset për arritjen e tyre në këtë shkallë. Pas programit të begatë që u realizua, përfaqësuesja e Myftinisë bëri edhe shpërndarjen e certifikatave për 17 nxënësit ndërsa mualimes Ajla Sherifi iu dhurua mirënjohje në shenjë respekti dhe falenderimi për kontributin e dhënë, duke u përmbyllur me duanë e hatmes së Kuranit Fisnik.

🤲 Lusim Allahun Fuqiplotë që mualimen ta shpërblejë për kontributin e dhënë ndërsa nxënëseve Allahu të ju japë shëndet dhe tua plotësojë gjitha dëshirat e hajrit.

11/07/2026

🤝 Myftiu i Shkupit dr. Qenan ef. Ismaili, me ftesë të Kryetarit të Forumit të Boshnjakëve të Maqedonisë dhe Qendra për Kujtesë Aktive dhe Vizualizimin e Historisë, prof. dr. Dzemil Bektovic, së bashku me mr. Seadin Bilali, drejtor në Rijasetin e BFI - së, mori pjesë në seancën kushtuar përkujtimit të gjenocidit të Srebrenicës, një nga plagët e paharruara në historinë e njerëzimit, e cila u realizua në hapësirat e Komunës së Çairit.

🏛️ Në këtë ngjarje përkujtimore morën pjesë Kryetari i Këshillit Komunal të Çairit dr. Muhamed Murtezi, deputetë të Kuvendit, si dhe personalitete të shumta të jetës akademike, politike dhe shoqërore.

🤲 Me lutje drejtuar Allahut Fuqiplotë, që kurrë më të mos përsëriten tragjedi të tilla.

10/07/2026

🤝 Myftiu i Shkupit dr. Qenan ef. Ismaili, me ftesë të Kryetarit të Lidhjes Nacionale të Boshnjakëve, h. Xhevat Hot, udhëhequr nga Reisul Ulema h. hfz. Shaqir ef. Fetai, mori pjesë në seancën përkujtimore të organizuar nga Komiteti për Marrëdhënie Ndërmjet Bashkësive, kushtuar përkujtimit të gjenocidit të Srebrenicës, një nga plagët e paharruara në historinë e njerëzimit.

🏛️ Në këtë ngjarje përkujtimore morën pjesë edhe Kryetari i Kuvendit të RMV-së, z. Afrim Gashi, deputetë të Kuvendit, si dhe personalitete të shumta të jetës akademike, politike dhe shoqërore.

🤲 Qoftë i përjetshëm kujtimi për viktimat e pafajshme dhe kurrë më të mos përsëriten tragjedi të tilla.

10/07/2026

📕Komisioni për vlerësim të nxënësve të mektebeve në përbërje: Mubera Jashari Asani dhe Rejhane Hasani anëtarë, vizituan nxënësit e mektebit të xhamisë "Mehmet ef. Sadik" - Vizbeg.

✏️ Gjatë kësaj vizite, komisioni bëri kontrollimin dhe vlerësimin e njohurive të nxënësve në bazë të planprogramit mësimor të Myftinisë së Shkupit.
Bazat e mësim besimit i mësuan te mualimja hfz. Ilzan Kurti

🤲Allahu e shpërbleftë mualimen për kontributin e dhënë ndërsa nxënësve t'u japë shëndet e shumë suksese.

10/07/2026

Sot, me datë 10 korrik 2026, me fillim në ora 12:30 transmetohet edicioni i 315-të në kuadër të emisionit "Këshilla e Xhumasë" në valët 88.4 në Radio Vati e realizuar në studion e TVMyftinia.
Mysafir i këtij edicioni është h. Refet ef. Zaimi, i cili do të ligjërojë në temën:
"Mësime nga hixhreti".
Emisionin e udhëheq referenti i Myftinisë së Shkupit hfz. Irfan ef. Sulejmani.