Здружение за дислексија Ајнштајн

Call Directions Website Contact the organization

Здружение за дислексија Ајнштајн Ајнштајн е здружение на граѓани кое се стреми да создаде инклузивно општество за сите, особено за лицата со дислексија.

Здружението за дислексија Ајнштајн е непрофитна организација формирана во Декември 2013 година од родители на деца со дислексија и лица со дислексија.

Идејата за формирање на здружението произлезе пред се од недостигот на информации за дислексијата и останатите тешкотии во учењето. Барајќи решение и помош за тешкотиите со читање кај своите деца родителите се соочија со, неинформираност на институциите и недоволна стручност кај просветните работници.

Ние постoиме со цел да помогнеме на илјадници лица кои се соочуваат со специфични тешкотии во учењето и истите да ги актуелизираме во нашата држава.

Нашата мисија е:
Мисијата на Ајнштајн е подигање на јавната свест за дислексија и други потешкотии во учењето преку информирање и едукација на наставен и стручен кадар, млади, родители и другите граѓани, соработка со образовните институции и застапување на правата на лицата со дислексија и со други потешкотии во учењето

Нашата визија е:
Креирање инклузивно општество кое ќе има капацитет да ги исполни сите барања и потреби на лицата со специфични потешкотии во учењето.

15/09/2026

„Лекција е текст што треба да го научам за кога ќе ме прашаат да знам.“

Цел образовен систем во една детска реченица.

Овие резултати не смеат да бидат како и секое чудо – за три дена.

Премногу работи во образованието поминуваат без дебата и преиспитување.

Исто како со децата во училницата.

А ние очекуваме да размислуваат, поврзуваат, аргументираат и применуваат.

Не можеме да очекуваме од децата нешто што не им даваме можност да го вежбаат.
Промени мора да има!

09/09/2026

🎥 Следува ново видео од серијалот „Како да се подготвиш за интервју за работа?“

Подготовката за интервју може да биде предизвик за секој млад човек, а особено за младите со дислексија, АДХД и други состојби кои предизвикуваат специфични тешкотии во учењето.

Во новото видео, Катерина Златановска Попова споделува практични насоки кои можат да помогнат подготовката да биде полесна, поорганизирана и со поголема самодоверба.

Серијалот е дел од алатката „Како да се подготвиш за интервју за работа“, развиена во рамки на Erasmus+ проектот SkillCompass – Empowering Youth with Learning Differences through Inclusive Career Guidance Tools.
Следете нè – продолжуваме со уште практични совети за подготовка за интервју за работа. 🎯

📢 Го прошируваме стручниот тим на „АЈНШТАЈН“!Отворени сме за нови професионалци кои сакаат своето знаење и искуство да г...
04/09/2026

📢 Го прошируваме стручниот тим на „АЈНШТАЈН“!

Отворени сме за нови професионалци кои сакаат своето знаење и искуство да го вложат во директна работа со деца и да станат дел од нашиот Едукативно-терапевтски центар Ајнштајн.

🔎 Во моментов бараме:
🔹 Логопед
🔹 Специјален едукатор и рехабилитатор

Нудиме можност за вработување со скратено работно време, како и за надворешна професионална соработка, во зависност од взаемниот интерес и потреби.

📩 Деталите за позициите и начинот на аплицирање се на линкот 👇https://drive.google.com/file/d/18Wc7mSUi3_m7rk6NxTnaGDKSLG3_akJF/view?usp=sharing

📅 Рок за аплицирање: 25.09.2026

Познавате некој што би бил одличен дел од нашиот тим? Споделете го огласот со него. 💚

01/09/2026

1 септември е нов почеток. 🎒💙

Но вистински успешна учебна година нема да биде онаа во која само ќе ја завршиме наставната програма.

Ќе биде онаа во која секое дете ќе има свое место.

Во училницата.
Помеѓу другарчињата.
Во заедницата.

На сите ученици, родители, наставници и стручни служби им посакуваме успешна учебна година исполнета со повеќе разбирање, трпение и човечност.

Нека ова биде година во која инклузијата навистина ќе се живее. 💙

#ПрвиСептември #Инклузија #СекоеДетеЕВажно #Ајнштајн

Со длабока тага ја примивме веста за заминувањето на Роналд Д. Дејвис, човек кој остави значајна трага во областа на дис...
29/08/2026

Со длабока тага ја примивме веста за заминувањето на Роналд Д. Дејвис, човек кој остави значајна трага во областа на дислексијата ширум светот.

Неговото дело има посебно место во историјата на Здружението за дислексија Ајнштајн. Токму преку Дејвис методот, уште со основањето на Здружението во 2013 година, започна нашата работа и поддршката на лицата со дислексија во Македонија.

Токму Славица Тасевска Николовска претседател и основач на здружението Ајнштај , го изучуваше овој пристап и стекнатото знаење го пренесе во работата со стотоци деца и семејства во Македонија.

Од тие први чекори израсна мисија која ја градиме повеќе од една деценија.

Со благодарност и почит се сеќаваме на човекот чие дело беше дел од самиот почеток на нашата приказна.

Почивај во мир, Рон Дејвис. 🕊️

It is with heavy hearts that we share the passing of Ronald D. Davis, founder of the Davis Method and creator of the programs that have changed how the world understands dyslexia, autism, and neurodivergent learning.

Ron grew up in a world he experienced as chaotic and painful. He didn't speak until he was 17. He couldn't read until his late 30s. And when he finally found his own way through it, he spent the rest of his life building a path for others to follow.

Ron believed that what he had created was not his to keep. It belonged to every facilitator who carried it forward, and every person whose life it changed. As he put it: "It cannot be unowned. If it's unowned, it will disappear." He entrusted that work to all of us, and the worldwide Davis community will continue to carry it forward.

Thank you, Ron, for everything you gave the world; for the millions of people who now see their own minds differently because of you; for seeing ability and possibility where others saw only limitations.

We'd love our community to share a memory of Ron, a photo, or the way his work has touched your life. Comment below, or tag us in your posts. We're gathering these to celebrate everything he gave the world.

Rest well, Ron. Your gift lives on in all of us. 💜🩵🤍

19/08/2026

🎯 Не дозволувај стравот да ја засени твојата вредност.

Во последниот дел од ова видео, Катерина споделува уште два совети:
✅ Ако одлучиш да зборуваш за дислексијата, АДХД или друга специфична тешкотија во учењето, фокусирај се и на своите силни страни.
✅ Интервјуто е важно, но не дозволувај да те совлада претерано размислување и стрес.

Запомни – интервјуто не е испит. Тоа е разговор во кој и ти и работодавачот откривате дали сте добар избор еден за друг.

🎥 Во следното видео ќе зборуваме за подготовките кога интервјуто веќе се приближува.

📚 Асистивната технологија отвора нови можности за учениците со дислексијаСо голема гордост го споделуваме текстот "Assis...
17/08/2026

📚 Асистивната технологија отвора нови можности за учениците со дислексија

Со голема гордост го споделуваме текстот "Assistive Technology for Dyslexia: A Student's Journey to Confidence and Access", чиј коавтор е нашата долгогодишна соработничка доц. д-р Маја Филиповска од Филозофски факултет - Скопје , во соработка со тимот на CAST (Center for Applied Special Technology).

Текстот ја раскажува приказната на ученичка со дислексија која, благодарение на асистивната технологија и соодветните образовни прилагодувања, успева да изгради поголема самодоверба и да ги подобри своите академски постигнувања.

Иако приказната доаѓа од САД, нејзината порака е универзална кога на учениците им се обезбедуваат вистинските алатки и соодветна поддршка, тие имаат можност да го покажат својот целосен потенцијал.

Како Здружение за дислексија АЈНШТАЈН, силно веруваме дека асистивната технологија треба да стане составен дел од инклузивното образование и во Македонија.

📖 Ви препорачуваме да го прочитате текстот:
https://www.cast.org/resources/assistive-technology-for-dyslexia-a-students-journey-to-confidence-and-access/

👏 Честитки до доц. д-р Маја Филиповска за оваа значајна меѓународна соработка и придонес кон унапредување на пристапното образование за учениците со дислексија.

Makenzie’s story shows how inclusive design, assistive technology, supportive teachers, and self-advocacy helped make learning more accessible.

14/08/2026

🎯 Добрата подготовка започнува со тоа да се познаваш себеси.

Во вториот дел од серијата, Катерина зборува за две важни теми:
✅ Запознај ги своите силни страни и научи како да ги истакнеш.
✅ Дали ќе ја откриеш својата дислексија, АДХД или друга специфична тешкотија во учењето на интервјуто, тоа е твоја лична одлука.

Интервјуто не е само место каде што работодавачот те запознава тебе, туку и можност ти да покажеш што можеш.

🎥 Следува последниот дел од ова видео!

07/08/2026

🎯 Интервјуто можеби е далеку… но подготовката започнува уште денес.

Во првиот дел од серијата, Катерина Златановска Попова споделува два едноставни, но важни совети:
✅ Стекнувај нови искуства и пробувај нови работи.
✅ Внимавај на својот дигитален отпечаток – работодавачите често ги проверуваат социјалните мрежи.

Малите чекори што ги правиш денес можат да направат голема разлика кога ќе дојде денот за интервју.

🎥 Следува вториот дел од серијата!

Address

Skopje

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+38978296885

Alerts

Be the first to know and let us send you an email when Здружение за дислексија Ајнштајн posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Здружение за дислексија Ајнштајн:

Shortcuts

Share