Swisscontact North Macedonia

Directions Website Contact the organization

Swisscontact North Macedonia Our mission is simple yet powerful — to empower SMEs and entrepreneurs to thrive in a competitive and sustainable economy.

Together with local partners, we create opportunities for businesses to modernise, grow, and contribute to a greener future.

🏭 Кога секторот се менува, со кои предизвици се соочува вашиот бизнис?Флуктуирачките цени на репроматеријалите, недостиг...
14/10/2026

🏭 Кога секторот се менува, со кои предизвици се соочува вашиот бизнис?

Флуктуирачките цени на репроматеријалите, недостигот на квалификувана работна сила и сè поинформираните клиенти се меѓу предизвиците со кои денес се соочува секторот за ПВЦ и алуминиумска столарија.

Во прилогот во рамките на Бизнис објектив е земена за пример, компанијата Јанпласт од Кавадарци, која се стреми кон подобро искористување на производните капацитети, зголемување на продажбата и пристап до нови пазари а за таа цел, како прв чекор компанијата направи детална анализа на своето работење.

Во соработка со Швајцарскиот проект за модернизација, BizzBee Solutions, со бизнис советничката Наташа Размоска, во компанијата спроведоа бизнис дијагностика.

💬 Како што вели сопственикот на Јанпласт, Јанко Костов:
„Мислевме дека ги знаеме нашите тесни грла. Но, наодите и препораките покажаа дека постојат и други области што треба да се подобрат. Насоките добиени преку бизнис дијагностиката беа исклучително корисни за нас.“

💬 Според бизнис советничката, Наташа Размоска: „Дијагностиката не е само идентификување на предизвици, туку и откривање на потенцијалите за раст. Дали знаете каде се кријат можностите за развој на вашиот бизнис?“

🎥 Погледнете го прилогот и размислете што може да се примени и во вашата компанија.

Enjoy the videos and music you love, upload original content, and share it all with friends, family, and the world on YouTube.

09/10/2026

🔄 Она што не создава вредност не треба да се повторува само затоа што компанијата отсекогаш работела на тој начин.

Побрзото носење одлуки им овозможува на компаниите побрзо да учат, да се приспособуваат и да напредуваат.
Храброста во бизнисот значи да се прекинат неефикасните модели, критички да се преиспитаат ресурсите, производите и клиентите што не придонесуваат кон растот и приходите, и да се инвестира само таму каде што постои јасна деловна можност.

💬 „Не повторувајте ги истите модели што не создаваат вредност. Инвестиција во опрема без купувач не е бизнис-логика.“ Мануел Брковиќ, регионален експерт за МСП во Северна Македонија на подкастот .

▶️ Погледнете го видеото и запрашајте се: која одлука вашата компанија ја одложува, иако токму таа може да биде клучна за нејзиниот следен чекор во развојот?

08/10/2026

Сакате да влезете на европскиот пазар? Почнете да се однесувате како веќе да сте таму.

Мануел Брковиќ, регионален експерт за МСП во С.Македонија и соработник на Швајцарскиот проект за модернизација на подкастот даде свој осврт за начинот на работа на македонските компании.

Со неговото долгогодишно искуство во производствени мултинационални корпорации, укажа дека подготвеноста за нов пазар значи внимателно да се проценат:
✅ квалитетот на производот
✅ профитабилноста
✅ очекувањата на клиентите
✅ подготвеноста за тестирање нови можности

Започнете од близок пазар. Тестирајте ја вашата понуда, учете од искуствата, унапредувајте го пристапот и повторувајте го она што дава резултати.

▶️ Кој е следниот пазар што вашата компанија би можела да го истражи? Целиот подкаст можете да го видите преку линкот во коментар.

The data is talking. Is anyone making decisions? 🕹️На Startup Revolution AI Summit во Скопје, Благица Ефтимова од Швајца...
05/10/2026

The data is talking. Is anyone making decisions? 🕹️

На Startup Revolution AI Summit во Скопје, Благица Ефтимова од Швајцарската програма за претприемништво (Swiss EP) одржа главно обраќање на тема екосистем и податоци, со едно клучно прашање: кога податоците веќе постојат, која одлука ја менуваат?

Македонскиот стартап екосистем не започнува од нула.
Имаме талент, организации за стартап поддршка, нови инвеститори и меѓународни партнери. Предизвикот е постоечкиот моментум да се претвори во реален раст на компаниите: производ што одговара на пазарот, клиенти кои плаќаат и меѓународна експанзија.

На самит посветен на AI, учесниците се потсетија на вредноста на HI, човечката интелигенција. AI може да помогне во анализата на стартап екосистемот, но одлуките сепак ги носиме ние, луѓето.

Предизвикот е да изберете една одлука што е во ваши раце и поставете ѝ четири прашања.

1. Што ни кажуваат податоците?
2. Каде застанува напредокот?
3. Кој може да го овозможи следниот чекор?
4. Кој резултат ќе покаже дека успеавме?

Затоа што бројката станува корисна само кога ја менува вистинската одлука.

🇨🇭 Швајцарската програма за претприемништво (Swiss EP) е иницирана од Државниот секретаријат за економски прашања на Швајцарија (SECO) и се имплементира од Swisscontact и J.E. Austin Associates.

🤝👔 Како регионалната соработка може да го зајакне текстилниот сектор? На 29 и 30 септември 2026 година, програмата   (Sw...
01/10/2026

🤝👔 Како регионалната соработка може да го зајакне текстилниот сектор?

На 29 и 30 септември 2026 година, програмата (Swiss Import Promotion Programme), имплементирана од Swisscontact, ги обедини партнерските организации за поддршка на бизниси од Албанија, Босна и Херцеговина, Северна Македонија и Србија на регионална работилница за текстилниот сектор во Тирана, Албанија.

Преку оваа иницијатива, SIPPO создава простор за размена на искуства, добри практики и заедничко креирање решенија кои ќе им помогнат на текстилните компании подобро да одговорат на новите барања на меѓународните пазари.

Во фокусот на работилницата беа:
▪️ Регионалната соработка за промоција на извозот
▪️ Новите барања за одржливост во текстилната и конфекциската индустрија
▪️ Практични решенија за поддршка на извозно ориентираните мали и средни претпријатија

Учесниците дискутираа како компаниите можат поуспешно да се подготват за барањата за одржливост преку:
✅ Примена на алатки како EcoDesign Readiness Assessment Tool (ERAT) и CO₂ Emission Measurement Tool
✅ Размена на регионални искуства и успешни практики
✅ Зајакнување на соработката со клучни швајцарски и европски организации, меѓу кои Sustainable Textiles Switzerland и EURATEX

Регионалната соработка носи конкретна вредност за организациите за поддршка на бизниси и компаниите преку:
▪️ Подобра размена на знаење и експертиза
▪️ Заеднички решенија за заеднички предизвици
▪️ Поефикасна поддршка за компаниите кои настапуваат на меѓународните пазари

Работилницата резултираше со:
🤝 Посилни регионални партнерства и нови можности за соработка
💡 Идеи за идни заеднички иницијативи
🌱 Заедничка посветеност кон поконкурентен и поодржлив текстилен сектор

Како следен чекор, партнерите ќе ги разгледуваат можностите за организирање регионална конференција за текстилниот сектор, како и развој на нови иницијативи.

За SIPPO, зајакнувањето на локалните институции и регионалните партнерства е клучно за создавање одржлив екосистем за извоз. Со поврзување на експертиза, знаење и заеднички искуства, организациите за поддршка на бизнисите можат да обезбедат поквалитетни и порелевантни услуги за извозно ориентираните компании.

🌿 Поддршка на текстилните компании во подготовката за новите барања за одржливост на ЕУНеодамна, програмата   (Swiss Imp...
28/09/2026

🌿 Поддршка на текстилните компании во подготовката за новите барања за одржливост на ЕУ

Неодамна, програмата (Swiss Import Promotion Programme) успешно ја пилотираше EcoDesign Readiness Assessment Tool (ERAT) во Северна Македонија, во соработка со Textile Trade Association - Textile cluster - Tekstilen klaster и текстилните компании Textile Solution, ALBATROS и Linea.

Во периодот од 14 до 16 септември 2026 година, SIPPO експертот Симоне Зајсл (Simone Seisl) спроведе посети на компаниите, при што ERAT беше тестиран во практични услови.

🔹 ERAT е алатка што SIPPO ја развива за секторот текстил и облека во Албанија, Босна и Херцеговина, Северна Македонија и Србија. Нејзината цел е да им помогне на извозно ориентираните компании подобро да ја проценат својата подготвеност за новата Регулатива за еколошки дизајн на одржливи производи на ЕУ (ESPR) и поврзаните барања за одржливост.

Преку проценка на седум клучни области, вклучувајќи регулаторна усогласеност, ESG и одржливост, дизајн на производи, хемиска безбедност, еколошки отпечаток, транспарентност на синџирот на снабдување, подготвеност за Дигитален пасош на производи и циркуларност, компаниите добија јасна слика за своите силни страни и областите за понатамошен развој.

Воедно, процесот придонесе и за јакнење на капацитетите на TTA-TC, со цел организацијата во иднина уште поефикасно да ги поддржува текстилните компании во усогласувањето со новите европски стандарди за одржливост.

✅ Вредните сознанија и препораки добиени од пилотирањето во Северна Македонија ќе придонесат за понатамошно унапредување на ERAT алатката, која SIPPO ја развива за поддршка на текстилните компании низ Западен Балкан.

Од разбирање на новите барања до препознавање на конкретните чекори за подобрување, SIPPO им помага на извозниците да бидат подготвени за поодржлив и поконкурентен европски пазар.

🤝 B2B средби: Можност за бизнис дијагностика на домашни мали и средни претпријатијаСо какви предизвици се соочуваат комп...
24/09/2026

🤝 B2B средби: Можност за бизнис дијагностика на домашни мали и средни претпријатија

Со какви предизвици се соочуваат компаниите од соларниот и енергетскиот сектор и како можат да ги претворат во можности за раст?

На 5. годишна конференција на Solar Macedonia, Швајцарскиот проект за модернизација беше присутен со бизнис советници од СИМБИОТИКА - Институт за индивидуален и организациски развој, Планум Консалтинг и Davleo Consulting, кои разговараа со претставници на мали и средни претпријатија од секторот за тоа што им е потребно сега и каде планираат да растат.

🔔 Растот почнува со јасна слика за тоа каде компанијата е денес и кои предизвици треба да се надмине.
Заедно со бизнис советниците, преку бизнис дијагностиката се разгледува начинот на работа, се препознаваат областите со најголем потенцијал за подобрување и се даваат насоки за следни чекори.

📌 Што во вашата компанија сакате да решите или направите поинаку? Разговарајте со бизнис советник. Во каталогот погледнете со кои области се занимаваат, а флаерот ви објаснува како започнува бизнис дијагностиката.

https://www.swisscontact.org/_Resources/Persistent/c/d/b/3/cdb373de3b423202ba62890c86528118577dc61c/Business%20advisors%20catalog%20and%20business%20diagnostics%20flyer..pdf

🔋 Како да се создаде поголема вредност од инвестициите во обновливи извори на енергија? Како компаниите и енергетскиот с...
23/09/2026

🔋 Како да се создаде поголема вредност од инвестициите во обновливи извори на енергија? Како компаниите и енергетскиот сектор да се подготват за следната фаза на зелената транзиција? И што можеме да научиме од швајцарските и европските искуства?

Ова беа дел од клучните теми на 5. годишна конференција на Solar Macedonia, каде што Пабло Муњоз, директор за развој на бизнисот во Maxxen Energy од Цуг, Швајцарија, сподели искуства и практични примери за развојот на батериските системи за складирање енергија (BESS) и нивната улога во енергетската транзиција.

Со брзиот раст на соларниот сектор, складирањето на енергија станува сè поважно за поголема флексибилност, сигурност и ефикасност на енергетскиот систем. За Северна Македонија, ова е особено релевантно во услови на брзо зголемување на соларните капацитети.

Според податоците од Солар Македонија и Министерството за енергетика, рударство и минерални суровини, во 2025 година биле додадени 210 MW соларен капацитет, додека за 2026 година се одобрени 96 проекти за складирање енергија, од кои 77 се поврзани со нови или постојни соларни централи.

Учесниците се запознаа со практични примери за развој на BESS проекти, различни деловни модели и начини на управување со ризици, од изградбата и оперативната сигурност до моделите за генерирање приходи.

✅ За компаниите, прашањето повеќе не е само како да произведат енергија, туку и како да создадат поголема вредност преку нејзино складирање и ефикасно управување.

Оваа активност е поддржана во рамките на Швајцарскиот проект за модернизација кој го спроведува Свисконтакт.

Започна со неколку ентузијасти, а прерасна во цел екосистем🏗️Тоа е приказната за стартап екосистемот во 🇲🇰 Северна Макед...
22/09/2026

Започна со неколку ентузијасти, а прерасна во цел екосистем🏗️

Тоа е приказната за стартап екосистемот во 🇲🇰 Северна Македонија во изминатата деценија.

Во 2015 година, екосистемот беше во своите рани фази. Оттогаш, помина низ неколку клучни развојни етапи:

🛠️ Поставување на темелите
🚀 Раст и забрзување
📉 Зрелост и предизвици
🌱 Одржлив и континуиран развој

Во текот на овие десет години се појавија бројни основачи, стартапи и заедници. Некои успеаја да се развијат, други згаснаа, но сите придонесоа кон градењето на денешниот екосистем.

Организациите за поддршка се развиваа и трансформираа, инвеститорите стануваа сè поактивни и отвораа нови извори на финансирање, а меѓународните партнерства се проширија и зајакнаа. Најважно од сè, самите претприемачи почнаа активно да ја обликуваат и поддржуваат заедницата.

📊 Во инфографикот подолу ја прикажуваме еволуцијата на стартап екосистемот во Северна Македонија од 2015 година до денес.

Во рамки на , ќе ја истражуваме неговата трансформација, ќе ги извлечеме најважните лекции од досегашниот развој и ќе погледнеме кон можностите што следуваат.

Следете нè и бидете дел од разговорот за иднината на македонското претприемништво. 👇

Како компаниите од прехрамбрената индустрија да одговорат на предизвиците со кои секојдневно се соочуваат – недостиг на ...
19/06/2026

Како компаниите од прехрамбрената индустрија да одговорат на предизвиците со кои секојдневно се соочуваат – недостиг на суровини и квалификувана работна сила, растечки производствени трошоци?

KIM е една од компаниите кои активно бараат одговор на овие прашања, работејќи последните години на проширување на пазарите и модернизација на производството.

„Со суровините се снаоѓаме, имаме кооперантски однос со неколку кооперанти, но тешко се наоѓаат инженери и технолози. Исто така, предизвикот за проширување на нови пазари не е само во одлуката да се излезе надвор, туку и во спремноста на компанијата – особено во маркетингот, продажбата и ресурсите“, изјави Славчо Јорданов, сопственик на КИМ Неготино.

Компанијата се вклучи во процес на бизнис-дијагностика на целокупното работење, во рамките на Швајцарскиот проект за модернизација.

Бизнис-советникот Златко Еделински појаснува дека дијагностиката токму ги адресира овие проблеми – таму каде недостасува работна сила, се бараат решенија за автоматизација и роботизација, а таму каде трошоците се високи, се применуваат мерки за енергетска ефикасност.

Експертите препорачуваат бизнис-дијагностиката да не се гледа како еднократен настан, туку како редовна пракса која дава структурирани податоци и им помага на сопствениците да носат информирани одлуки.

Прилогот го сними TV Telma за емисијата Бизнис објектив кој достапен преку линкот подолу.

Enjoy the videos and music you love, upload original content, and share it all with friends, family, and the world on YouTube.

Address

Str. 50 Divizija, No. 20a
Skopje

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Alerts

Be the first to know and let us send you an email when Swisscontact North Macedonia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Swisscontact North Macedonia:

Shortcuts

Share