Swisscontact North Macedonia

03/06/2026

Што се менува прво кога една компанија почнува да работи по јасни стандарди и правила?

Според Грегор Лапух, ментор за РЕФА стандард од Словенија, кога компанијата работи со јасни стандарди, нејзините процеси стануваат потранспарентни, податоците се појасни. Брзо се детектира каде, во кој сектор и зошто се појавил проблемот.

РЕФА стандардот е методологија за нормирање и следење на работните учиноци, широко применета во производствените компании.

Во рамките на Швајцарскиот проект за модернизација, бизнис-советниците кои соработуваат со проектот ги надградија своите капацитети за примена на РЕФА стандардот, што ќе им помогне дијагностичките наоди да ги претворат во конкретни препораки и мерки за подобрување на работењето на компаниите.

02/06/2026

TTЗ – Текстилен кластер, во соработка со Швајцарската програма за промоција на увозот (SIPPO), ве поканува на вебинарот „Одржлив текстил: EcoDesign регулатива и алатката за проценка на подготвеноста за EcoDesign (ERAT)“ и дознајте како текстилните компании можат навремено да се подготват за претстојните регулаторни барања и да ја зајакнат својата конкурентност на европскиот пазар.

https://www.linkedin.com/posts/tta-textilecluster_ttz-textilecluster-sippo-activity-7467147753870098432-6OI7?utm_source=social_share_send&utm_medium=member_desktop_web&rcm=ACoAACc4tfsB5K9ZAjVaobJVlrlYRkPu0vztxSI

🎤 Вебинарот ќе го водат SIPPO експерти за одржлив текстил и ќе се одржи на англиски јазик.
📅 12 јуни 2026
🕘 09:30 часот
💻 Zoom
🔗 Пријавете се тука:
https://us06web.zoom.us/meeting/register/e4fw7C4FQsi-Rpi58UxATQ #/registration

18/05/2026

Дали македонските МСП носат одлуки врз основа на анализа или интуиција?

Проф. Марјан Петрески, универзитетски професор и истражувач на деловното работење, неодамна го постави ова прашање директно, а неговиот наод е јасен: фирми со слична големина и сектор покажуваат драматично различни резултати речиси секогаш поради едно — дали одлуките за цени, вработување или нови пазари се носат систематски или по инстинкт.

Воведувањето на систематски пристап во работењето е една од улогите на бизнис-советниците, соработници на Швајцарскиот проект за модернизација. Бизнис-советниците не го заменуваат искуството на сопственикот — тие го надградуваат. Целта е следната одлука, без разлика дали е за ново вработување, нов пазар или нова цена, да биде поткрепена со повеќе од чувство.

🔍 Доколку вашата компанија се соочува со слични предизвици, разгледајте го каталогот на бизнис-советници и пронајдете експертиза соодветна на вашите деловни потреби.
🔗Линк за превземање на каталогот: https://www.swisscontact.org/en/projects/modernisation-project

Одлуките базирани на податоци не се луксуз – тие се предуслов за опстанок на малите и на средните фирми - Прочитај повеќе на Економија и Бизнис. Економија и бизнис

14/05/2026

🌱 Зелената транзиција во туризмот станува прашање на конкурентност, а не само на одржливост.

Програмата ја поддржа работилницата „Одржлив туризам и ЕУ стандарди: Патот кон зелена трансформација“, организирана од страна на Стопанска комора на Северна Македонија Economic Chamber of North Macedonia и National Association for Incoming Tourism of Macedonia

Преференциите на европските туристи се дестинации и објекти што нудат одржливо и сертифицирано туристичко искуство. Примерот на Словенија, каде околу 90% од букирањата се поврзани со одржливи дестинации, покажува дека одржливоста станува и пазарна предност.

💡 За да се реплицира добрата пракса и врз македонските туристички компании потребна е поддршка во делот на:
• подобро позиционирање на европските пазари
• поефикасно управување со ресурси и трошоци
• поатрактивна и поквалитетна туристичка понуда

Како што посочи експертка Јана Апих, вистинската трансформација започнува кога одржливоста станува дел од секојдневното работење и долгорочната бизнис-стратегија.

СУБВЕНЦИИТЕ ПОМАГААТ, НО СВЕСТА Е КЛУЧНА ЗА ЗЕЛЕН ТУРИЗАМ - разговор со Јана Апих, експерт од Словенија за зелена туристичка транзиција - Прочитај повеќе на Економи....

13/05/2026

Во рамки на иновативниот парк N99 Deep Tech Park, на панелот посветен на стартапи и инвестиции, поддржан од
🇨🇭Швајцарската програма за претприемништво, експертите истакнаа дека развојот на силен стартап екосистем е долгорочен процес. Тоа е еволуција што се гради со години, па и со децении, и бара активен и континуиран придонес од сите релевантни актери.

Повторно беше нагласена важноста на усогласениот придонес од:
🔹 нови институционални чекори, како што е Агенција за иновации, научно технолошки развој и претприемништво (ИНОВА)
🔹 зголемениот ангажман на корпоративниот сектор
🔹 N99 Technologies како клучен елемент на иновациската инфраструктура
🔹 стартапи кои веќе бележат значаен напредок и успешно излегуваат на глобалниот пазар

Ваквата усогласеност меѓу клучните актери создава цврста основа за одржлив и долгорочен развој на стартап екосистемот.

05/05/2026

Поддршката на МСП значи вмрежување и градење на можности за соработка.
Токму преку вакви поврзувања, компаниите доаѓаат до вистинската експертиза и прават конкретни чекори кон поефикасен и поконкурентен раст.

30/04/2026

Најуспешните компании ја користат генерациската транзиција како момент за структурирање и професионализација – не како продолжување на старите навики.

Во пракса, често гледаме јаз помеѓу генерациите:
едната го носи искуството, другата – разбирањето на новиот пазар. Она што прави разлика е јасната слика за бизнисот и одлуки базирани на податоци.

🎥 Во ова видео на 360 stepeni, разговараше Мануел Брковиќ, кој во Македонија го поддржува Швајцарскиот проект за модернизација преку менторирање на бизнис-советници и на мали и средни претрпијатија.

Можете да погледнете и разберете зошто бизнис-дијагностиката е клучна алатка за успешна транзиција и одржлив раст.
👉 Дали вашиот бизнис е подготвен за следната генерација?

27/04/2026

Промената на генерација не е ризик – ако има јасна насока.

Многу семејни компании денес се соочуваат со предизвикот како да го пренесат бизнисот од првата на втората генерација, без да се изгуби стабилноста и потенцијалот за раст.
Приказната на ZAVAR Company, реализирана во соработка со 360 stepeni и Швајцарскиот проект за модернизација, покажува дека клучот е во структуриран пристап.

Преку соработка меѓу бизнис-советникот Симон Аврамовски од ПоинтПро консалтинг и сопственичката Марта Наумовска Грнарова, искуството и знаењето на првата генерација беа усогласени со новите пазарни реалности што ги носи втората генерација .

👉Дознајте како јасната анализа на процесите и заедничките приоритети помогнаа генерациската транзиција да стане можност.

24/04/2026

📈МСП и растот: дали одлуките се базираат на целосна слика?

Многу компании работат без јасна видливост на сопствените перформанси, што директно влијае врз профитабилноста и начинот на носењето одлуки.

Бизнис-дијагностиката, како што објаснува бизнис-советничката Ирина Аврамска Пашовска од "Финовејт" во видеото, обезбедува основа за информирано управување, тоа подразбира:

✔ идентификување тесни грла во процесите
✔ откривање неефикасности и скриени трошоци
✔ воведување финансиска видливост

💡Вистинската вредност е во одлуките што се носат врз основа на целосен увид.