ICOM Macedonia

Directions Website Contact the organization

ICOM Macedonia ИКОМ е невладина организација на музеи и музејски професионалци од целиот свет кои се грижат за културното и за природното наследство.

ИКОМ Меѓународен совет на музеите е организација формирана во 1946 година со цел да се создаде мрежа на музеи и на музејски професионалци од земјите од целиот свет, кои се грижат за културното и за природното наследство. Во таа мрежа се вклучи и Република Македонија со формирањето на Македонскиот национален комитет на 12 мај 1993 година и тој е верификуван од Извршниот совет на ИКОМ во Париз. Од тогаш до денес, националниот комитет израсна во професионално здружение. Во овој миг, кога го одбележуваме јубилејот 20 години, сакаме да ги потенцираме досегашните залагања и настојуваме да укажеме на понатамошните насоки.

Соочен со проблеми од недостаток на ресурси на почетокот, за Македонскиот национален комитет при Меѓународниот совет на музеите – МНК-ИКОМ можеме да констатираме дека во период од 20 години постоење, од првичната иницијатива, израсна во динамично здружение што создава професионални стандарди кои придонесуваат во создавањето квалитетна музејска дејност. Тоа е видливо во сите сегменти од неговите постигнати резултати, значајни на истражувачки и на издавачки план, од соработката на регионално ниво со другите национални комитети, учеството на конференции во одделни меѓународни комитети, соработките, советувањата, семинарите, средбите, јавните расправи, организираните форуми, средбите и состаноците, издавањето билтен и списание.

Во основа, патот од 20 години, кој и денес го следиме користејќи современи информациско-комуникациски технологи, нови знаења и вештини е ист и се темели врз нашиот императив да бидеме во чекор со постојаната прогресија на музејската дејност. Да создадеме авангарден простор во кој ќе се продуцираат нови идеи и позитивни резултати. МНК-ИКОМ и натаму е доследен на својот позитивен пристап кон работите и со таков ентузијазам ги најавуваме. Имајќи ги предвид современите теории и практики за идните достигнувања и тежнеења, го насочуваме МНК- ИКОМ во изборот на ефикасни стратегиски решенија: дисциплинирано спроведување на сите стандарди на професијата, развој на иницијативи и учество во креирање различни проекти, пишување и објавување стручни трудови, способност на насочување на личните амбиции кон општите стратегии и интереси, тимска работа, негување партнерски однос со поединци и со институции. Идните важни задачи ќе може да се организираат и успешно да се реализираат, во еден дел, благодарение и на фактот дека околу МНК-ИКОМ се придружуваат значителен број млади и посветени музејски работници.

Посакуваме и во годините што се пред нас да продолжи она што претходниците го направиле и се залагале за него.

Претставниците на Здружението МНК ИКОМ - председателот Благоја Варошанец, секретарот Валентина Тодороска и претставникот...
30/06/2026

Претставниците на Здружението МНК ИКОМ - председателот Благоја Варошанец, секретарот Валентина Тодороска и претставникот на ICOM SEE Маја Чанкуловска-Михајловска, учествуваа на Годишното собрание на Меѓународниот совет на музеи (ICOM), одржано на 24 и 25 јуни 2026 година во седиштето на УНЕСКО во Париз, и прославата на 80-годишнината од основањето на оваа најважна светска музејска организација.Централен дел од програмата беше 41-то Редовно годишно собрание на ICOM, на кое се изгласа ревидираниот Код на етика. Воедно, научната програма беше посветена на темата „Музеите го обединуваат поделениот свет“, кое ги собра музејските експерти од целиот свет за да разговараат за актуелните прашања и идните насоки за развој на музејските активности. За време на престојот во Париз, се одржаа и состаноци на регионалните сојузи на ICOM, вклучувајќи го и состанокот на Регионалната алијанса на ICOM SEE и ICTOP, на кој се дискутираше за заеднички проекти, зајакнување на регионалната соработка, размена на експертиза и подготовки за идните меѓународни активности.Учеството на претставници на Република С. Македонија на овој значаен годишен меѓународен собир претставува значајна можност за воспоставување нови и продлабочување на востановените партнерства, размена на искуства и вклучување на МНК ИКОМ во меѓународни проекти, со што дополнително се зајакнува видливоста и се придонесува за промоција на нашето културно наследство на меѓународната сцена.

24/05/2026

Македонскиот национален комитет на Меѓународниот совет на музеите ИКОМ ги додели традиционалните награди во рамките на одбележувањето на 18 Мај, Меѓународниот ден...

Одбележувањето на 18 Мај - МЕЃУНАРОДЕН ДЕН НА МУЗЕИТЕ 2026 е традиционално организирано од страна на Здружението Македон...
22/05/2026

Одбележувањето на 18 Мај - МЕЃУНАРОДЕН ДЕН НА МУЗЕИТЕ 2026 е традиционално организирано од страна на Здружението Македонски национален комитет на Меѓународниот совет на музеите (МНК ИКОМ) уште од 1994 година.
На Советувањето на тема „Музеите што го обединуваат поделениот свет“, кое е во организација на МНК ИКОМ, и се одржа на 21.5.2026 година во НУ Музеј на Р.С Македонија, по осумнесетти пат беше доделена и награда „18 Мај - Меѓународен ден на музеите“ за особени достигнувања во музејската дејност за 2025 година.На советувањето присуствуваа државните советници Афет Јашари и Диме Маџовски во име на министерот за култура и туризам г-дин Зоран Љутков, воведно обраќање имаа Александар Ристевски, директор на НУ Музеј на Р.С Македонија, Државниот советник при Министерство за култура и туризам Афет Јашари, Председателката на МНК Син штит, Оливера Џартовска Тачевска, претставничката и член на И.Одбор на МНК ИКОМОС, Ана Алексовска Тутковска и претседателот на МНК ИКОМ, Благоја Варошанец.
Традиционалната награда „18Мај“ беше доделена во категориите:
-Награда Музеј на годината - НУ Музеј на современата уметност - Скопје и НУ Завод за заштита на спомениците на културата - Прилеп
-Награда Музејски проект на годината - Анета Светиева: Ретроспективна монографски проект *Скриени фантазми*
автори: Викторија Васева Димеска, д-р Ана Франговска и Маја Неделковска Брзанова, кустоси советници, НУ Национална галерија на Р.С Македонија
-Награда Музејски проект на годината - Спомен соба и биографски филм за Вера Кличкова - основачот на Етнолошкиот музеј и пионерот во создавање на етнолошки филмови во Македонија, автор на проектот: Елизабета Конеска, кустос советник, НУ Музеј на Р.С.Македонија
-Награда Музејски работник на годината - д-р Перо Арџанлиев, кустос советник во НУ Археолошки музеј на Македонија.
-Награда Надворешен музејски соработник - за порталот ОКНО.мк
Пофалници се доделија на следните колеги/институции:
-Пофалница Музејски проект на годината - Музејска сликовница "Македонките во битка - вистински приказни", автори на проектот: Даниела Митевска, кустос историчар и Ана Вишинова, едукатор историчар
-Пофалница Музејски проект на годината – „Велигден - Музејски едукативен проект”, автор: Владимир Благојевиќ, етнолог едукатор, НУ Музеј на РС Македонија

Горди сме на нашите колеги и стручните тимови на сите музеи во РС Македонија.

Советувањето е поддржано од Министерството за култура и туризам на Р.С Македонија во рамките на Годишната програма за финансирање на проекти од национален интерес во културата за 2026 година

Честит 18 мај!
18/05/2026

Честит 18 мај!

13/05/2026

Вечерва во 20:30 часот ќе биде отворена изложбата „92 настани + 1“.

Изложбата одбележува 70 години од уметничката практика на Кен Фридман и 60 години од неговото приклучување кон легендарното движење Флуксус, заедно со имиња како Јоко Оно, Џон Кејџ, Јозеф Бојс и Нам Џун Пајк.

Публиката ќе има можност да ги види сите 92 дела/инструкции на Кен Фридман, како и ново дело создадено специјално за Скопје во соработка со Ѓоко Муратовски (+1).

🕢 19:30 — Предавање на Кен Фридман
🕣 20:30 — Отворање на изложбата

Изложбата ќе биде отворена до 10 јули 2026.

07/05/2026

Историчарот на уметност Благоја Варошанец од Музејот на современата уметност е реизбран за претседател на Македонскиот национален комитет на Меѓународниот Совет...

Нa Изборното Собрание на Здружението Македонски национален комитет на Меѓународниот Совет на музеите (МНК ИКОМ) што се о...
05/05/2026

Нa Изборното Собрание на Здружението Македонски национален комитет на Меѓународниот Совет на музеите (МНК ИКОМ) што се одржа во НУ Музеј на современата уметност – Скопје на 29.04.2026, Благоја Варошанец (вработен во НУ Музеј на современата уметност – Скопје) е ре-избран за претседател, за претседател на Собрание на МНК ИКОМ е избран Гордан Николов (вработен НУ Музеј на РС Македонија), а за секретар е избрана Валентина Тодороска (вработена во НУ Археолошки музеј на Р.С Македонија). За членови на Извршниот одбор се избрани: Маја Неделкоска Брзанова (НУ Национална галерија на Р.С Македонија – Скопје), Сашо Блажески (НУ Завод и Музеј – Охрид) и Јасмина Намичева (пензионер), сите со мандат од 2026-2029 година.

Меѓународниот совет на музеите (ИКОМ) со седиште во Париз е меѓународна мрежа на музеи и музејски професионалци формирана во 1946 година со цел да се создаде мрежа на музеи и на музејски професионалци од земјите од целиот свет, кои се грижат за културното и за природното наследство. ИКОМ (ICOM) денес брои над 60.000 професионални индивидуални членови во над 139 земја во светот, 120 национални комитети. Во таа мрежа се вклучила и Македонија со формирањето на Македонскиот национален комитет на 12 мај 1993 година, со документ верификуван од Извршниот совет на ИКОМ во Париз.

Почитувани колеги, членови на МНК ИКОМ,Во пресрет на одбележувањето на 18 Мај - МЕЃУНАРОДЕН ДЕН НА МУЗЕИТЕ 2026, ве изве...
04/05/2026

Почитувани колеги, членови на МНК ИКОМ,
Во пресрет на одбележувањето на 18 Мај - МЕЃУНАРОДЕН ДЕН НА МУЗЕИТЕ 2026, ве известуваме за Советувањето кое е традиционално организирано од страна на Здружението Македонски национален комитет на Меѓународниот совет на музеите (МНК ИКОМ) уште од 1994 година. Согласно ваквата востановена пракса на МНК ИКОМ, оваа година Советувањето е на темата „Музеите што го обединуваат поделениот свет“. Советувањето е поддржано од Министерството за култура на Република Северна Македонија, во рамките Годишната програма за финансирање на проекти од национален интерес во културата за 2026 година. Здружението Македонски национален комитет на Меѓународниот совет на музеите (МНК ИКОМ) во рамките на своите активности по повод одбележувањето на 18 Мај-Меѓународниот ден на музеите, и оваа година ве поканува на земете учество на традиционалното годишно Советување на тема „Музеите што го обединуваат поделениот свет“.Во однос на темата „Музеите што го обединуваат поделениот свет“ согледувањата/насоките се следните: Повеќе од 45 години, Меѓународниот ден на музеите (International Museum Day – IMD) се слави на 18 Мај. Секоја година, IMD мобилизира илјадници музеи ширум светот. Постојаниот раст на IMD ​​ја одразува неговата важност како платформа за културна размена, ангажман на заедницата и меѓународна соработка. Во 2026 година, IMD ќе ги истражува „Музеите што го обединуваат поделениот свет“, фокусирајќи се на тоа како музеите можат да дејствуваат како мостови преку културните, социјалните и геополитичките поделби, поттикнувајќи дијалог, разбирање, инклузија и мир во и меѓу заедниците ширум светот.Секоја година, на 18 мај, Меѓународниот совет на музеи (ИКОМ) го организира Меѓународниот ден на музеите (IMD), глобален настан кој ја истакнува трансформативната улога на музеите во општеството. Во 2026 година, IMD ќе ги истражува „Музеите што го обединуваат поделениот свет“, фокусирајќи се на тоа како музеите можат да дејствуваат како мостови преку културните, социјалните и геополитичките поделби, поттикнувајќи дијалог, разбирање, инклузија и мир во и меѓу заедниците ширум светот.Овогодинешната тема се надоврзува и на одбележувањето на 80-годишнината на ИКОМ, означувајќи пресвртница во тековната посветеност на организацијата за поддршка на музеите и нивната улога во општеството.Музеите како катализатори за поврзувањеМузеите се повеќе од простори за зачувување - тие се доверливи јавни простори каде што луѓето се среќаваат со приказни, предмети и еден со друг. Во време на социјална фрагментација, поларизација и нееднаков пристап до знаење и култура, музеите помагаат да се обноват врските меѓу генерациите, заедниците и границите.Наместо да ги бришат разликите, музеите создаваат услови во кои тие можат да бидат разбрани и почитувани. Со зачувување на наследството и меморијата, нудејќи можности за учење и размислување и обезбедувајќи простори за добредојде за различни гласови, музеите поттикнуваат дијалог, инклузија и мир.Темата за оваа година се усогласува со три цели за одржлив развој (SDGs):• SDG 10: Музеите придонесуваат за намалување на нееднаквостите преку промовирање на инклузивен пристап до културата и знаењето.• SDG 16: Музеите поддржуваат мирни и инклузивни општества преку поттикнување на дијалог, меѓусебно разбирање и почит.• SDG 17: Преку партнерства и соработка, музеите ја зајакнуваат глобалната соработка за одржлив развој.Глобална иницијатива со силен визуелен идентитетСекоја година, Меѓународниот ден на музеите мобилизира илјадници музеи ширум светот. Постојаниот раст на IMD ​​ја одразува неговата важност како платформа за културна размена, ангажман на заедницата и меѓународна соработка.За IMD ​​2026, ICOM развива привлечен визуелен идентитет кој ја одразува темата на поврзување и единство. Клучниот визуелен дел ќе ја нагласи идејата за мостови - симболични и реални - што обединуваат различни култури, перспективи и заедници. Преку внимателен дизајн, тој ќе ја изрази улогата на музеите во поттикнувањето на дијалогот и разбирањето во поделениот свет.ICOM обезбедува низа материјали за комуникација, вклучувајќи официјален постер, веб-банери и приспособлива графика достапна на повеќе јазици. Музеите можат да ги приспособат овие материјали со додавање на нивните логоа, прилагодување на боите и инкорпорирање на преводи додека го одржуваат основниот интегритет на дизајнот. Визуелните слики се дизајнирани да бидат достапни и во дигитален и во печатен формат, со што се обезбедува употребливост низ целиот свет.Колегите кои се заинтересирани со свои излагања поврзани со темата да се претстават на годинешното Советување по повод 18 Мај – Меѓународниот ден на музеите, ге замолуваме пополнетата пријава (испратена во прилог) да ја испратите на истава електронска адреса ([email protected]), најдоцна до 08.05.2026 година. За точниот датум и час на одржување на Советувањето ќе бидете дополнително известени

28/04/2026

Министерот за култура и туризам, Зоран Љутков, утре (вторник, 28 април 2026 година) во 19:00 часот во Музејот на современа уметност ќе се обрати на отворањето на изложбата на откупени ликовни дела на Конкурсот на Министерството за култура и туризам за 2026 година.

Address

Samoilova No. 17
Skopje
1000

Alerts

Be the first to know and let us send you an email when ICOM Macedonia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ICOM Macedonia:

Shortcuts

Share