Оваа страница е создадена со цел долгогодишниот проблем на енормното загадување на воздухот да стане минато, а иницирана е од институционалната пасивност години наназад да се справат со истиот. Иницијалниот почеток во 2011та година беше Општина Аеродром, која алармантно се издвојува во водечката тројка на најзагадени општини во Република Македонија.
Ние се залагаме загадувањето на воздухот да стане приоритет на сите надлежни институции и за спроведување на конкретни мерки кои ќе се справат со сите сценарија кои доведуваат до аеро загадувањето и кои ќе ги заштитат граѓаните од истото.
Нашата цел е една, Воздух Сега, и немаме намера да поддржиме или нападнеме одредена политичка партија. Имаме намера да ја зголемиме свеста кај граѓаните за состојбата на воздухот, причинителите за негово загадување, позитивните пракси за намалување на истото, иновативни решенија, да ги информираме граѓаните за можностите за акција, за надлежните институции кои се должни да преземат мерки за негово намалување и да посочиме каде истите тие институции не ја извршиле/извршуваат својата законски пропишана должност и да бараме одговорност и отчетност од истите.
Членството во групата (https://www.facebook.com/groups/vozduhsega/) и вклучувањето активисти на оваа страница е отворено за секој кој сака Воздух Сега без разлика на политичката, верска, родова припадност, возраст, секој кој оправдано ја има изгубено довербата во институциите и трпението поради долгогодишното непреземање на мерки.
Оваа страница не е место за политички пресметки, национализам, лични пресметки, говор на омраза, себепромоција, маркетинг и истите нема да се толерираат.
ЕДНОСТАВНО РЕЧЕНО: НИЕ ГРАЃАНИТЕ СЕ ЗДРУЖУВАМЕ САМО СО ЕДНА ЦЕЛ: ***** В О З Д У Х С Е Г А!!! *****
Email:
[email protected]
[email protected]