Вилсон Македонија - Wilson Macedonia

28/02/2026

Оваа година Денот на ретки болести го одбележуваме поинаку.

Денес, на 28 февруари, ќе бидеме дел од „Библиотека на ретки приказни“ – простор каде болеста не се објаснува со дијагноза, туку преку животот на човекот што живее со неа.

Како Вилсон Македонија, ќе ја раскажеме приказната за Вилсоновата болест – не само низ медицинските факти, туку низ секојдневието: како изгледа животот со хронична терапија, што значи навремена дијагноза, со какви предизвици се соочуваат пациентите и семејствата, и колку е важна поддршката од системот и заедницата.

Ако сакате да слушнете вистинска приказна, да поставите прашања и да дознаете повеќе – дојдете.

Зад секоја ретка болест стои човек. А секоја приказна заслужува да биде слушната.

Честит Ден на ретките болести ❤️💙💚💛🩷💜

Ве очекуваме во Дајмонд Мол во Кафе Литература во 12 ч. да ги запознаете лицата зад дијагнозите, да седнете со лице и слушнете приказна 🫂

✅️ Затоа што реткоста не значи небитност, а нашите приказни не се шепот 🦓📚🫶

06/12/2025

Денес го одбележуваме Меѓународниот Ден на Вилсонова Болест – ден посветен на свесност, рана дијагноза и поддршка за пациентите и семејствата кои се соочуваат со оваа ретка болест. Заедно градиме поголема видливост, емпатија и разбирање 🩵

03/12/2025

Сабота, 6 декември е Меѓународниот Ден за Вилсонова Болест.

Вилсон Македонија, како дел од Глобалната Алијанса на пациентски организации за Вилсонова болест , со гордост го одбележува вториот меѓународен ден за подигање свест за Вилсонова Болест.

Овој ден го одбележува роденденот на д-р Самуел Александер Киниер Вилсон, американско-британски невролог кој ја откри оваа ретка генетска болест на црниот дроб во 1911 година.

25/10/2025

🎥 ВИДЕО АЛЕРТ! 😁 Нашата 10та „ПОДАЈ РАКА“ – 10 години заедништво! 🌟

На 12.10 заедно ја прославивме јубилејната, десетта трка „Подај рака“ за лицата со Вилсон – ден полн со енергија, насмевки и хуманост. 💙

И сега, како што е ред, да резимираме и да се заблагодариме на сите што беа дел од овој јубилеј:

🏃‍♀️ 58 тима на штафетната трка (или 200+ храбри трчачи!)
🏃‍♂️ 11 јуниорски тима (браво дечки!)
👧 93 деца во детската трка (нашите најслатки😍)
🐶 29 миленици во трката со сопствениците (нашите најхаотични😅)
🤝 и мнооогу поддржувачи кои беа тука да навиваат, донираат и споделуваат љубов.

Благодарение на сите вас, оваа година собравме 135.750 денари 🙌, кои ни овозможуваат да ја продолжиме нашата мисија и да создаваме услови за лицата со Вилсонова болест да имаат што е можно поквалитетен живот.

Огромна благодарност до нашиот главен спонзор ОКТА, и сите други поддржувачи кои ја прават оваа приказна возможна: MPG Skopje, LG West Balkan, Konekt, Tag Timing Macedonia, Kiradjiev Training Systems, Вип кетеринг, Фрагмент Комуникации и Борографика. Ви благодариме, особено за континуираната поддршка низ годините.

🎙Капа долу за ДЈ Славе што направи топ атмосфера, како и за нашата водителка Milena Antovska Stankovska која оваа година со својата насмевка и позитивна енергија нè водеше низ целиот ден. Голема благодарност и до фотографите Vasko Jovanov, Igor Pirkovski и Mihaela Beldedovska со тимот, Ivan Milosev и Максим Кралев кои ја доловија магијата на секој момент! И се разбира, Marjan Dimic кој стои зад секој дизајн на Подај Рака, сите овие 10 години. 🫶

Погледнете го видеото и повторно почувствувајте ја атмосферата – трчањето, смеата, аплаузите, милениците и сите тие мали моменти што ја прават „Подај рака“ посебна. Затоа што ова не е само настан – ова е заедница што трча со срце. 💙

🔗 За крај, еве ги и официјалните резултати од трките: 👉 https://www.tagtiming.mk/podajraka/results2025.htm

Ви благодариме што веќе 10 години докажувате дека секој чекор, секоја насмевка и секоја подадена рака за лицата со ретки болести значи навистина многу.

Продолжуваме понатаму!🙏

17/10/2025

Уште една тура слики, зашто не можеме да им се изнагледаме :)) Фала најмногу Mihaela Beldedovska, Ivan Milosev и Maksim Kralev https://www.facebook.com/share/1BALukiX1W/ за овие супер фотки!

https://www.facebook.com/media/set/?set=a.820304440580919&type=3

17/10/2025

13/10/2025

Леле луѓе каква атмосфера направивте на оваа јубилејна ПОДАЈ РАКА! 🤩 Дефинитивно ни ја направивте незаборавна оваа 10ка! Фала ви бескрајно на сите што дојдовте, подадовте рака, насмевки и прекрасна енергија 😍 и секако, огромно фала за фотографиите до Pirkovski 🙌

12/10/2025

#ПодајРака низ годините, благодарение на едниствениот 👑 Неизмерно фала што си зад секој дизајн на Вилсон и секоја чест што ни ја овозможи оваа прекул колекција! ❤️🙌🏻

12/10/2025

Благодарност до .od.ajnstajn за прекрасното видео, а и до сите прекрасни луѓе на него што ја направија оваа јубилејна #подајрака незаборавна 🥰💙💛

12/10/2025

Sakam Da Kazam ❤️ #подајрака2025

Деца и родители заедно трчаа на хуманитарната трка „Подај рака за лицата со Вилсон“, што по 10. пат се одржа […]