Шаховски Сојуз на Град Скопје/Skopje Chess Union

29/12/2025

Отвореното првенство на Град Скопје во стандард шах ќе се одржи на 31.01. и 01.02 2026 година во СУГС Гимназија „Јосип Броз Тито“ во организација на Шаховскиот Сојуз на Град Скопје.

Првенството ќе биде организирано во четири категории и тоа за натпреварувачи до 8, до 10, до 12 и до 16 години.

Првенствата за натпреварувачи до 12 и до 16 години ќе бидат рејтингувани од ФИДЕ.
Право на учество имаат сите деца и младинци на возраст до 16 години.

Сите заинтересирани може да го пријават своето учество на mail [email protected] најдоцна до 28.01.2026 година.

23/12/2025

Во организација на СЗП на Град Скопје, со поддршка на Шаховскиот Сојуз на Град Скопје, денес се одржа традиционалната предновогодишна симултанка на пензионерите од пензионерските друштва активни на територијата на Скопје.

Оваа четврта Предновогодишна симултанка со ИМ Никола Николовски се одржа во Граѓанскиот Културен Центар, а на истата учествуваа пентаесетина пензионери.

Се надеваме дека и во иднина ќе се организираат слични активности, а како Сојуз секогаш ќе се обидуваме да ја поддржиме нивната организација.

30/11/2025

Chess4Girls2
- empower girls to play chess
- dismantle the myth "chess is no for girls"
- learning materials, articles and inspirational videos with GM Antoaneta Stefanova

https://youtu.be/AYyb8I8vmf4

Check our website: https://chess4girls2.com/

Funded by the European Union

Chess4Girls2 project funded by EU, Erasmus+ program, to empower young females to join the magical world of chess.

19/11/2025

Во организција на Шаховскиот Сојуз на Град Скопје со поддршка на Општина Кисела Вода денес во големата сала во општината се одржа обука за наставници од основните училишта на територијата на општината.
За време на настанот беа поделени шаховски гарнитури за секое основно училиште.
Се надеваме дека со овие активности ќе го зголемиме бројот на училишта кои се приклучуваат кон проектот „Шах во училиштата“ и шахот ќе биде подостапен за секое дете.

Голема благодарност до Општина Кисела Вода,
до градоначалничката Бети Стаменкоска-Трајкоска, и до Секторот за спорт за целокупната поддршка и соработка при реализирањето на шаховската манифестација.

13/11/2025

Join us in empowering the next generation of women chess players ♟️✨

https://chess4girls2.com

Funded by European Union

31/07/2025

Вчера во Hotel Sirius Spa&Wellness започна шаховскиот камп за девојчиња до 16 години.

На кампот учествуваат триесетина девојчиња од Македонија и Бугарија, истиот е дел од проектот Chess4Girls2 финансиран од Erasmus+ програмата.

Во наредните четири денови девојчињата ќе имаат одлична можност да се запознаат, другаруваат, научат нешто ново за шахот, но и за тоа како е да се биде успешен шахист.
Тренери на овој камп се: ВМ Петар Арнаудов, ВМ Григор Григоров, ВМ Владимир Георгиев, ИМ Велимир Куков.
Своите искуства како успешни женски шахистки со девојчињата ќе ги споделат: ВГМ Викторија Радева, ВГМ Крастева Белослава, (членки на женската репрезентација во шах на Бугарија) ВФМ Ивана Манова и Катерина Петровска (членки на женската репрезентација во шах на Македонија).

Кампот започна со симултанка на ВГМ Викторија Радева, ВГМ Крастева Белослава, ВФМ Ивана Манова и Катерина Петровска.

Шаховскиот Сојуз на Град Скопје е носител на проектот и истиот се реализира во соработка со Modern chess.
"This project is financed by the European Union - European Education and Culture Executive Agency (EACEA) within the program."

31/03/2025

Вториот настан од проектот Chess4Girls2 беше наменет за размена на искуства на тренерите и повозрасните шахистки, споделување на идеи/методолигии за работа со деца (особено со девојчиња) кои се предизвиците, начинот на работа и слично.
Обуката се одржа во Хотел Пирин, Сандански, Бугарија, а на истата учествуваа шаховски тренери, шахистки, светската шампионка во шах Stefanova, членките на женската шаховска репрезентација на Бугарија која е актуелен европски првак Krasteva и Radeva.
Во склоп на обуката се одржаа часови на кои учесниците имаа можност да ги слушнат мислењата на искусни тренери како да се работи со деца, но и да го подобрат своето шаховско знаење преку практични примери.
Цел на проектот е промоција на шахот помеѓу девојчињата до 16 годишна возраст, надминување на парадигмата дека шахот не е за девојчиња и да покажеме дека и девојчињата може да бидат успешни и во шахот и професионално и приватно.

Шаховскиот Сојуз на Град Скопје е носител на проектот и истиот се реализира во соработка со Modern chess.
"This project is financed by the European Union - European Education and Culture Executive Agency (EACEA) within the program."

21/12/2024

Како дел од проектот Chess4Girls2 минатиот викенд се одржа првиот состанок на работната група задолжена за реализација на истиот.
Цел на проектот е промоција на шахот помеѓу девојчињата до 16 годишна возраст, надминување на парадигмата дека шахот не е за девојчиња и да покажеме дека и девојчињата може да бидат успешни и во шахот и професионално и приватно.
Проектот вклучува серија на активности кои ќе се одвиваат во наредните дванаесетина месеци како подготовка на материјали за изучување на шахот, подготовка на материјали кои треба да ги поттикнат девојчињата да го практикуваат шахот, шаховски камп за девојчиња итн.

Шаховскиот Сојуз на Град Скопје е носител на проектот и истиот се реализира во соработка со Modern chess.

"This project is financed by the European Union - European Education and Culture Executive Agency (EACEA) within the program."

20/12/2024

Во организација на Сојузот на Здруженија на Пензионерите на Град Скпопје, а под покровителство на Шаховскиот Сојуз на Град Скопје денес се одржа третата традиционална предновогодишна симултанка.
На симултанката со ФИДЕ мајсторот Љубомир Хаџи Манев учествуваа околу дваесетина љубители на шахот.
Гости на симултанката беа претседателот на Шаховскиот Сојуз на Град Скопје, Ѓорѓи Миновски и сопственикот на Зегин господин Благој Механџиски.
Во оваа прилика имавме можност на кратко да поразговараме со господинот Благој Механџиски, да ги презентираме активностите на ШСГС и да разговараме за евентуална идна соработка и поддршка на шаховските активности.

18/12/2024

Вчера во хотел Континентал се одржа свеченото затварање на Скопје ОПЕН 2024.
Традиционалниот меѓународен турнир во стандард шах во организација на Шаховската Федерација на Македонија и Шаховскиот Сојуз на Град Скопје.
На турнирот и оваа година учествуваа значителен број на шахисти, повеќе од 200 шахисти од 18 земји од кои 41 со шаховски титули.

11/12/2024

Од свеченото отварање на традиционалниот меѓународен турнир Скопје ОПЕН на кој учествуваат повеќе од 200 шахисти од 18 земји.