Национален младински совет на Македонија - НМСМ / NYCM / KRNM

01/06/2026

📅 Една година подоцна - нема ниту едно објавено истражување.

Без податоци, анализи и истражувања, младинските политики остануваат претпоставка наместо системски и информирани решенија.

📄 Истражувачкиот центар требаше да биде место што ќе ги следи потребите, предизвиците и состојбите со младите, а неговите наоди да помогнат во креирање поквалитетни политики и мерки.

📢 Младите заслужуваат политики базирани на реални податоци, а не на декларативни заложби.

01/06/2026

Учебната година завршува. Време е да зборуваме за тоа што следува.

▫️Што очекуваат младите од работодавачите?
▫️Што очекуваат работодавачите од младите?
▫️И дали навистина се слушаме меѓусебно?

На 10 јуни во Скопје, на STAR Форум 2026: Иста маса, различни перспективи, ќе ги собереме младите, бизнис секторот, институциите и образовните чинители на едно место за отворена и интерактивна дискусија за иднината на работата и можностите за младите.

Што те очекува?
🎤 Интерактивен форум со млади и претставници од бизнис секторот и институциите
💬 Простор да го споделиш своето мислење и да поставиш прашања
📋 Интерактивна зона со:
• CV Check и Speed Interviews
• Кариерни тестови и советување
• Информации за мерки и можности за млади
• Skills of the Future Lab
🤝 Вмрежување со компании, организации и други млади луѓе

📅 10 јуни 2026
🕔 17:00 – 20:00
📍 Хотел Парк, Скопје

Учеството е бесплатно, но бројот на места е ограничен.

Агендата на настанот е достапна на следниот линк: https://shorturl.at/JWQbv .
Пријави се најдоцна до 8 јуни преку следниот формулар: https://forms.gle/rB73usFGKx1onqXL8 .

Се гледаме на STAR Форум 2026!

Националниот младински совет на Македонија објавува повик за ангажирање на експерт или компанија за изработка на комуникациска стратегија и брендинг за потребит....

30/05/2026

📄 58 од 81 општина имаат службеник за млади.

Но прашањето е:
👉 дали младите добиваат реална поддршка?

Мониторингот покажува дека на дел од службениците им недостасуваат вештини и капацитети за работа со млади.

⚠️ Позицијата „службеник за млади“ не треба да биде само административна формалност.

📢 Потребна е професионализација на овие позиции, повеќе обуки и системска поддршка за да можат младите навистина да добијат простор, информации и вклучување во општините.

29/05/2026

📣 Во текот на изминатата недела, НМСМ учествуваше на панел дискусија во рамки на EUSAIR годишниот форум во Скопје, посветена на предизвиците поврзани со иселувањето на младите и потребата од долгорочни инвестиции во младите.

Дискусијата отвори прашања за предизвиците со кои се соочуваат младите, јазот помеѓу образовниот систем и пазарот на труд, како и потребата младите да имаат суштинска улога во процесите на донесување одлуки.

НМСМ истакна дека младите треба да бидат рамноправни партнери во креирањето политики, а не само нивни корисници. Дополнително, беше нагласено дека иселувањето на младите е поврзано и со довербата во институциите и квалитетот на живот, поради што е неопходно младинските политики да се третираат како долгорочен структурен приоритет со суштинска имплементација и активно вклучување на младите.

28/05/2026

🏘️ 81 општина.
👥 Илјадници млади.
📍 Само 13 младински центри.

Тоа значи дека во најголем дел од државата, младите сè уште немаат простор што е наменет за нив.

📉 Во 2025 година бројот на младински центри повторно се намалува, од 14 на 13.

А младинските центри не се „само простории“. Кога нема младински простор - нема ни еднакви можности за младите.

27/05/2026

Минатата недела на работниот состанок со службениците за млади на локално ниво ги презентиравме наодите од Мониторинг извештајот за спроведувањето на Законот за младинско учество и младински политики, со посебен фокус на функционирањето на локалните младински механизми во општините. 📊

Преку дискусија со службениците за млади разговаравме за предизвиците во воспоставувањето и функционирањето на локалните младински совети, младинските центри и локалните стратегии за млади, како и за потребата од поголема координација, поддршка и јасно дефинирани улоги на локално ниво.

Посебен акцент беше ставен на улогата на службениците за млади, кои треба активно да ги поврзуваат потребите и предизвиците на младите со локалните политики и процесите на донесување одлуки.

Настанот беше можност и за размена на искуства и практики од различни општини, како и отворање дискусија за тоа како младинските политики и механизмите предвидени со Законот можат да станат пофункционални и подостапни за младите.

Работниот состанок беше организиран од Програмата за развој на Обединетите нации (УНДП) во соработка со Министерството за социјална политика, демографија и млади, Заедницата на единиците на локалната самоуправа (ЗЕЛС) и Мрежата на асоцијации на локални власти од Југоисточна Европа (НАЛАС), во партнерство со UNFPA, UNESCO и UN Women. 🤝

26/05/2026

📉 Бројот на канцеларии за млади во општините продолжува да се намалува.

Иако во 2023 година биле регистрирани 18 канцеларии за млади - највисок број во анализираниот период, трендот во следните години покажува опаѓање.

🏢 Канцелариите за млади не треба да бидат привремена или формална обврска, туку функционален простор каде младите ќе можат активно да се информираат, вклучуваат и поврзуваат со локалните институции.

📢 Потребна е поголема посветеност на општините за воспоставување и одржување на канцеларии за млади како суштински механизам за младинско учество.

24/05/2026

📉 Имплементацијата на Националната стратегија за млади останува ограничена и под очекувањата.

Во 2025 година беше спроведена евалуација на Акцискиот план 2023–2025 за Националната стратегија за млади.

📄 Наодите покажуваат дека спроведувањето на Акцискиот план е само делумно и ограничено. Тоа значи дека голем дел од мерките и активностите што требаше да обезбедат подобри услови и можности за младите — сè уште не се целосно спроведени.

📢 Младинските политики не смеат да останат само планови и стратегии на хартија. Потребна е поефикасна, координирана и отчетна имплементација на мерките предвидени во Националната стратегија за млади.

22/05/2026

📉 Локалните младински совети исчезнуваат наместо да се развиваат.

Од вкупно 81 општина, само 24 имаат формирано локален младински совет — односно само 30% од општините во државата.

🪑 Без функционални локални младински совети, младите остануваат без простор за учество во одлуките што директно ги засегаат во нивните општини.

Потребна е итна и системска поддршка за воспоставување, функционирање и одржливост на локалните младински совети во сите општини.

20/05/2026

⏳ 6 години по законот.
📄 1 неуспешен обид во 2026.
🚫 Сè уште без Национално собрание на млади.

📢 Министерството за социјална политика, демографија и млади мора итно да ја преземе надлежноста врз Регистарот за форми на младинско организирање и да овозможи функционален процес.