Блупринт група за реформи во правосудството

01/08/2025

Блупринт групата за реформи во правосудството се приклучува кон јавната реакција на Мрежа за заштита од дискриминација за предложениот кандидат за Народен правобранител.

❗️Функцијата Народен правобранител е длабоко поврзана со довербата на граѓаните во институциите. Законот изрично пропишува дека таа е неспоива со членување во политичка партија и тоа не само како формално ограничување туку како израз на неопходноста институцијата да биде независна, непристрасна и неподложна на партиски влијанија.

Реакција на:
Институт за човекови права (ИЧП)
Коалиција „Сите за правично судење“ (КСПС)
Македонско здружение на млади правници (МЗМП)
Хелсиншки комитет за човекови права
Центар за правни истражувања и анализи (ЦПИА)
Институт за европска политика (ЕПИ)

31/07/2025

🔗Блупринт групата за реформи во правосудството изразува сериозна загриженост за одлуката на Владaта на РСМ со која се поништи листата на кандидати за судија во Европскиот суд за човекови права и донесе одлука за основање на нова комисија за одново повторување на постапката за избор на кандидати.

❗️Сметаме дека е потребно објаснување за ваквото постапување односно за носење на одлуки со кои се фрла сомнеж за притисоци и влијанија кои негативно влијаат на принципите на владеење на правото и правната држава.

📣Како група која подолго време ја следи работата на правосудството во целина, потенцираме дека почитувањето на законите и постапките кои се предвидени согласно законските регулативи треба да бидат единствен императив и стандард преку кој се гарантира владеење на правото.

Целосната реакција може да ја најдете на линкот подолу 👇

31 Јул Владината одлука за поништување на листата на кандидати за судија во ЕСЧП е нетранспарентна и правно спорна Објавено 15:48h во Новости, Соопштениија by Блупринт ....

31/07/2025

🔗Во последниот период, сведоци сме на тренд на законски измени и најави кои се движат во иста насока: систематско намалување на критериумите за стручност при вршење на јавни функции.

❗️Владеењето на правото не се сведува само на постоење на закони – туку и на нивна примена од стручни, независни и одговорни институции..Ако државата системски го менува критериумот за стручност, тогаш ја нарушува сопствената способност да гарантира правна сигурност, еднаков третман и професионално постапување. Тоа директно влијае врз правата на граѓаните, пристапот до правда и квалитетот на јавните услуги.

📣Ги повикуваме институциите и пратениците да не прифаќаат решенија што ја разводнуваат стручноста и го поткопуваат јавниот интерес. Државата не смее да биде место каде што знаењето е пречка, а неподготвеноста квалификација.

Реакција на:
Институт за човекови права (ИЧП)
Коалиција „Сите за правично судење“ (КСПС)
Македонско здружение на млади правници (МЗМП)
Хелсиншки комитет за човекови права
Центар за правни истражувања и анализи (ЦПИА)

Целосната реакција може да ја прочитате на линкот подолу 👇

31 Јул Укинувањето на стручните критериуми за назначување на директор на БЈБ го поткопува владеењето на правото Објавено 15:40h во Новости, Соопштениија by Блупринт гр....

04/07/2025

❗️ Блупринт групата за реформи во правосудството изразува сериозна загриженост за начинот на кој Судскиот совет на Република Северна Македонија (ССРСМ) го спроведе изборот на ВД претседател на Основниот Кривичен суд Скопје на јавната седница одржана на 3 јули 2025 година.

📣 Како група која подолго време ја следи работата на правосудството во целина, потенцираме дека почитувањето на законите и постапките кои се предвидени согласно законските регулативи треба да бидат единствен императив и стандард преку кој се гарантира независноста и самостојноста на судиите. На тој начин се гарантира и владеење на правото, особено што, по препораките од Оценската мисија, ССРСМ се обврза дека ќе ги вложи сите напори да работи транспарентно, конзистентно и согласно законските одредби и процедури.

Целата реакција може да ја прочитате на линкот подолу 👇

04 Јул СООПШТЕНИЕ ЗА ЈАВНОСТ Објавено 14:37h во Новости, Соопштениија by Блупринт група Блупринт групата за реформи во правосудството изразува сериозна загриженост за ...

04/07/2025

❗️ Блупринт групата за реформи во правосудството ја истакнува својата загриженост за одлуката на Управниот одбор на Академијата за судии и јавни обвинители донесена на 235тата седница на 24.06.2025 година со која беше назначен посебниот советник на министерот за правда, Андреја Весов за член на Програмскиот совет на Академијата за судии и јавни обвинители.

📣 Aпелираме до надлежните институции за доследно почитување на законските одредби при избор и именување на членови во телата на Академијата, со цел да се заштити нејзината независност, стручност и интегритет. Само преку транспарентно и законито постапување може да се обезбеди доверба во процесите на обука и селекција на идните судии и јавни обвинители.

Целата реакција може да ја прочитате на линкот подолу 👇

04 Јул ЗАГРОЗУВАЊЕ НА НЕЗАВИСНОСТА И ЗАКОНИТОСТА НА АКАДЕМИЈАТА ЗА СУДИИ И ЈАВНИ ОБВИНИТЕЛИ Објавено 14:30h во Новости, Соопштениија by Блупринт група Блупринт групата...

17/10/2024

Блупринт групата за реформи во правосудството изразува загриженост за одлуката на Управниот одбор на Академијата за судии и јавни обвинители да го изврши изборот на Директор на Академијата по пат на тајно гласање со можност за избор на повеќе кандидати, без притоа да даде соодветно објаснување зошто е неопходно гласањето да биде тајно.

Тајното гласање за избор на Директор на институција која што е единствениот пат за некој да може да биде избран за судија или обвинител само го доведува во прашање кредибилитетот на изборот и остава простор за сомнеж кај јавноста за можни надворешни влијанија.

Прочитајте ја целосната реакција на следниот линк:

16 Окт ЗАГРИЖУВА ОДЛУКАТА НА УПРАВНИОТ ОДБОР НА АКАДЕМИЈАТА ЗА СУДИИ И ЈАВНИ ОБВИНИТЕЛИ ДА ГО ИЗВРШИ ИЗБОРОТ НА ДИРЕКТОР НА АКАДЕМИЈАТА ПО ПАТ НА ТАЈНО ГЛАСАЊЕ Обја....

26/06/2024

Реформите во правосудството- што се случи со независноста и ефикасноста во правосудсвото?" е наслов на завршната конференција на проектот на проектот „За правда - Граѓанските организации за независно и ефикасно правосудство“ кој го спроведе Блупринт група за реформи во правосудството, со поддршка на Фондација Отворено општество - Македонија .

На конференцијата се презентираа клучните резултати од работата на Блупринт групата за реформи во правосудството, додека претставници на институциите и граѓанските организации дискутираа за состојбите во три панели:
- Реформите во правосудството – што се случи со независноста и ефикасноста во правосудството?
- Што предвидува и какви импликации има новата Развојна секторска стратегија за правосудството 2024 – 2028
- Правосудството во Патоказот за владеење на правото за пристапување на ЕУ – дали и во колкава мерка Развојната секторска стратегија за
правосудството?

Повеќе за работата на Блупринт групата за реформи во правосудството на https://blueprint.org.mk/about/.

03/06/2024

Денеска одржавме тркалезна маса на тема „Унифицирана судска пракса – гарант за правната сигурност“.
Целта на настанот беше да се презентира документот за дискусија во кој се разработени состојбите и предизвиците при (не)унифицираност на судската пракса, како и да се воспостави дијалог меѓу релевантните засегнати страни за унапредување на состојбите во линија на целосно гарантирање на правната сигурност.

Настанот е шести по ред во низата тркалезни маси, на кои се покренуваат клучни прашања кои имаат негативно влијание во правосудството. Преку тркалезните маси влијаеме сите засегнати страни и клучни актери во областа да се заложат за надминување на предизвиците.

Тркалезните маси се спроведени во рамки на Проектот „За правда – Граѓанските организации за независно и ефикасно правосудство“, спроведуван од Блупринт групата, под координација на МЗМП.

21/05/2024

На 20ти мај, во Хотел Солун, Блупринт групата на граѓански организации за реформи во правосудството, одржа Тркалезна маса на тема „Административна правда - Системски проблеми и недостатоци“. Целта на тркалезната маса беше да се покрене дискусија во однос на идентификуваните предизвици во исполнување на правата на граѓаните во управните и управно судските постапки.

На настанот се дискутираше за низа проблеми, особено за фактот дека управно-судските постапки се спори, не се решава по поднесените тужби во полна јурисдикција, институциите не постапуваат по насоките дадени од Управен суд и не се изрекуваат казни за непостапување по дадените насоки, додека на јавните расправи што ги закажува судот претставници од институциите многу ретко присуствуваат.

30/04/2024

Блупринт групата на граѓански организации организираше три тркалезни маси со цел да посочи на негативни состојби во правосудството и кои влијаат на пристапот до правда на граѓаните.

🔖На ден 21ви март 2024, се одржа тркалезна маса на тема „Надоместок на жртви од кривични дела со насилство – Што се случи со системот за исплата на паричен надоместок за ублажување на последиците од кривичното дело со насилство што го претрпела жртвата?“.

🔖На ден 12ти април 2024, се одржа тркалезна маса на тема „Како да се обезбеди пристап до вештак за корисниците на правото на бесплатната правна помош?„

🔖На 26ти април 2024, се одржа тркалезна маса на тема „Судии-поротници во кривичната постапка“.

Повеќе околу настаните прочитајте на линкот подолу ⬇️

30 Апр БЛУПРИНТ воспоставува дијалог со засегнати страни за негативни состојби во правосудството Објавено 15:49h во Новости by Блупринт група Блупринт групата на граѓ....

16/01/2024

Со одлуката на Управниот суд на РСМ во која се утврдува дека во Законот за Судски совет на РСМ никаде не е наведено дека Советот има надлежност да одлучува за изгласување недоверба на претседател на Советот, ниту за разрешување само од функција претседател на Советот, без претходно спроведена постапка за утврдување на одговорноста, уште еднаш се потврди дека Судскиот совет во изминатиот период беше тело кое работеше спротивно на законот и со тоа се загрози неговата легитимност, на која постојано потенцираше Блупринт група за реформи во правосудството, универзитетските професори, правните експерти, како и дел од дипломатскиот кор.

Управниот суд постапувајќи по тужбата на поранешната претседателка на Судскиот совет на РСМ против нејзино незаконско разрешување, донесе одлука У-5 бр.

29/12/2023

Блупринт групата за реформи во правосудството повикува на внимателно постапување во постапката за утврдување одговорност на Претседателката на Врховен суд на Република Северна Македонија.

Загрижува постапувањето на Советот за поведување постапка за утврдување одговорност на претседателката на Врховниот суд на РСМ каде како основ за утврдување на одговорност во оваа постапка е наведено неприсуството на претседателот на Врховниот суд на седниците на Судскиот совет, како и недоаѓање на состанок откако од нејзина страна беа изнесени наводи за притисоци врз Врховниот суд.

Дополнително, мора да потенцираме дека загрижувачки е што расправата на комисијата се одржa на 29.12.2023 година, односно на последниот работен ден од годината, непосредно пред новогодишните и божиќните празници. Ваквото постапување предизвикува потенцијален ризик од намалено вниманието на домашната јавност и меѓународните претставници за следење на седницата која е од исклучително значење за понатамошните состојби во правосудниот сектор, имајќи предвид дека станува збор за постапка која се води против претседател на највисокиот суд во државата.

Прочитајте повеќе на линкот подолу.

Скопје, 29.12.2023