16/01/2026
https://www.facebook.com/photo/?fbid=875351418585279&set=a.124752913645137
Серијата на интервјуа продолжува со Павел Антевски, играч кој веќе три години е дел од нашиот клуб и кој сезонава настапува за помладите пионери..🔴⚫️
👍Еден од најстандардните во составот на генерацијата 2010, играч кој го отсликува борбеноста и победничкиот карактер.
Запознајте го Павел Антевски, во продолжение од интервјуто⬇️⬇️
👉1. На колку години започнавте да тренирате фудбал и каде беа вашите први почетоци ?
Антевски: 💬Со фудбал започнав на шест годишна возраст во фудбалската школа „Спорт Ефе“. Таму ги научив основите и уште тогаш ја засакав играта. Веќе три години сум дел од младинската Академија на ФК Вардар, што за мене е голем чекор напред и мотив да работам уште повеќе.
👉2. Пред две години успеавте со генерација 2010 да завршите како првопласирани во својата група на регионална скопска лига. Едно ваше видување за таа сезона, дали пред почетокот на истата верувавте дека ќе завршите на врвот ?
Антевски: 💬На почетокот бевме нов тим составен од играчи од две-три екипи и немавме големи очекувања. Но, како што одминуваше сезоната, почнавме сè подобро да функционираме како целина.Се создаде добра атмосфера и тимската игра стануваше се подобра.Тоа беше клучот за успесите и победите кои се нижеа за на крајот да стигнеме и до самиот врв.
👉3. Која е омилената позиција на теренот на која најмногу сакате да играте ?
Антевски: 💬Најдобро се чувствувам во средината на теренот, каде што имам најмногу контакт со топката и можам да го контролирам темпото на играта. Верувам дека можам да одговорам на повеќе позиции и секогаш сум подготвен да бидам таму каде што е потребно. Во моментов играм дефанзивна улога на позицијата лев бек и мислам дека добро одговарам на барањата и довербата на тренерот.
👉4. Сезонава со помладите пионери завршивте како третопласирани во есенскиот дел од сезоната, како ја видовте изминатата полусезона, дали сметате дека моменталниот пласман е реален за вашиот тим ?
Антевски: 💬Сметам дека моменталниот пласман не ги отсликува нашите вистински квалитети и можности. Имаме квалитетна екипа, но сè уште се вклопуваме како тим, бидејќи дел од играчите ни се приклучија неодамна. Имавме два нерешени натпревари во кои едноставно не одигравме на нашето ниво, како и еден пораз одигран во многу тешки услови ,на лош терен.
👉5. Што претставува за вас играњето во црвено-црниот дрес, кој е синонимот кој ве асоцира на Вардар ?
Антевски: 💬За мене играњето во црвено-црниот дрес е голема привилегија и исполнување на детскиот сон. Вардар го сакам од мал и од секогаш сум навивал за него. За мене е синоним за големина, борбеност и највисоки фудбалски стандарди. Тоа не е само фудбалска екипа, туку една голема фамилија. Да се биде дел од таков клуб значи и обврска, секогаш да го даваш својот максимум и да го носиш дресот со гордост.
👉6. Дали Павел има некој посебен ритуал пред натпревар ?
Антевски: 💬Немам некој посебен ритуал, но кога влегувам во игра секогаш се прекрстувам. Важно ми е да бидам психички и физички подготвен, фокусиран и смирен. Обично станувам порано, се подготвувам без брзање и се концентрирам само на натпреварот.
👉7. Се здобивте со повреда на последниот есенски првенствено натпревар. Како се чувствувате за каква повреда се работи и дали ќе го видиме Павел назад на терените ?
Антевски: 💬На последниот натпревар се повредив, но за среќа, не станува збор за ништо сериозно. Немам ништо скинато и не е потребна операција. Се работи за стрес фрактура, односно повреда која бара одмор и соодветна рехабилитација. Веќе се чувствувам подобро и со дисциплина и трпение се надевам на брзо враќање на терените.
👉8. Со три збора опишете го вашиот тим ?
Антевски: 💬Борбеност, квалитет, потенцијал
👉9. Што сака најмногу да правите во слободно време ?
Антевски: 💬Во слободно време сакам да се дружам, да гледам фудбалски натпревари, филмови и да одмарам.
👉10. Кои се очекувањата ваши за пролетниот дел од сезоната во првенството и Купот ?
Антевски: 💬Очекувам да играме тимски,доминантно и на повисоко ниво, да ги следиме инструкциите на тренерот и да го покажеме вистинскиот квалитет. Нашата цел е врвот на табелата и освојување на Купот.
👉11. Наброј три работи кои според вас се најважни за правилен развиток во професионален фудбалер ?
Антевски: 💬Најважни се дисциплината, посветеноста и истрајноста. Исто така, голема улога имаат и почитта кон тренерите и соиграчите.
👉12. Која е целта која сакате во иднина да ја остварите со фудбалот ?
Антевски: 💬Во моментов фудбалот го играм од љубов и затоа што ме прави среќен, а во иднина посакувам професионална кариера.
