Синергија е здружение што ги спојува луѓето околу една идеја – да се живее подобро, поздраво и послободно. Работиме со млади, деца и семејства за да внесеме движење, знаење и грижа во секојдневието. „Фискултура“ е наш начин да го направиме тоа видливо. Здружението Синергија е невладина организација посветена на промовирање на здрав начин на живот и активно учество на младите во заедницата. Нашата
мисија е преку образовни и спортски програми да ја поттикнеме свеста за физичкото и менталното здравје, со особено внимание кон превенцијата и раното препознавање на здравствени предизвици.
Фискултура е програма развиена од Здружението Синергија, со цел да создаде простор каде физичката активност, здравите навики и заедништвото стануваат дел од секојдневието. Преку иницијативи кои комбинираат движење, едукација и психосоцијална поддршка, Фискултура ја приближува темата за здравје до деца, млади и семејства на достапен и практичен начин.
Програмата е наменета за сите кои сакаат да живеат поактивно, да се поврзат со заедницата и да го разберат здравјето како севкупен процес – физички, ментален и социјален.
