Progres Institute for Social Democracy

Home
Macedonia
Skopje
Progres Institute for Social Democracy

Contact information, map and directions, contact form, opening hours, services, ratings, photos, videos and announcements from Progres Institute for Social Democracy, Non-Governmental Organization (NGO), Skopje.

The Progress Institute is a political institute, established as a think tank, promoting social democratic values in Macedonia by helping the local SD parties to create, implement and promote their policies.

16/07/2026

📜❤️ Со доделувањето на сертификатите го заокруживме уште едно успешно издание на Летниот камп на СДММ. Изминатите денови беа исполнети со нови знаења, отворени разговори, идеи и дружење, а најважно од сè, со млади луѓе кои сакаат да бидат дел од позитивните промени. Благодарни сме на сите учесници што ја донесоа својата енергија и покажаа дека иднината се гради заедно.

11/07/2026

🏕️ Во рамките на инспиративните Summer Talks сесии на Летниот Камп, учесниците имаа можност отворено да дискутираат, да разменуваат идеи и да ги лоцираат клучните предизвици со организациските секретари на СДСМ, Љупчо Фармакоски и Зоран Трифуновски.

🗣️Преку директен дијалог, се фокусиравме на она што е најважно за младите луѓе:

- Добро управување и функционален систем како темел за градење доверба во институциите.
- Еднаквост и социјална правда кои гарантираат достоинствен живот за секого.
- Младински активизам кој креира конкретни јавни политики и решенија за подобра иднина.

✊🌹Младите покажаа интегритет, капацитет и визија за фер и солидарно општество. Кога социјалдемократските вредности се спојуваат со младинската енергија, резултатот е напредок и сигурна насока за сите нас.

08/07/2026

🏕️ Првиот ден од Летниот Камп во Охрид започна со активна работа и мотивирани млади луѓе подготвени за учење, дискусија и размена на идеи.

📚💡 Учесниците веднаш се вклучија во работата и преку интерактивни сесии започнаа со детална анализа и дискусија во три тематски групи. Во текот на денот, младите работеа на клучни теми поврзани со современите општествени предизвици: „Социо-економска правда и достоинствен живот“, „Еднаквост, безбедност и заштита од насилство“, како и „Добро управување, интегритет и функционален систем“.

🤝 Преку тимската работа и отворените дискусии, учесниците ги продлабочија своите знаења за основите на социјалдемократијата, родовата еднаквост, владеењето на правото и креирањето на конкретни прогресивни политики кои одговараат на потребите на граѓаните.

🎯 Вклучувањето на младите во политичките процеси е од суштинско значење, бидејќи тие не се само иднината, туку и активен дел од сегашноста кој има способност да ги препознава предизвиците и да предлага иновативни решенија. Со своето учество, младите директно придонесуваат во креирањето политики што ја обликуваат нивната социјална и економска сигурност.

🚀 Преку ваквите едукативни кампови, младите ги зајакнуваат своите капацитети за јавно застапување, учејќи како идеите да ги претворат во конкретни иницијативи и реално општествено влијание.

04/07/2026

🏕️🇲🇰 Вториот ден од Летниот Камп во Охрид го заокруживме со инспиративна и отворена дискусија во рамките на традиционалните „Summer Talks“.

🗣️Нашите специјални гости, Александар Трајановски, потпретседател на СДСМ и Андреј Жерновски, секретар за меѓународна соработка на СДСМ, споделија вредни искуства, знаења и стратегии со младите социјалдемократи.

✊Разговаравме за прогресивните социјалдемократски политики како движечка сила за новите генерации, за меѓународната соработка и позиционирањето на младите на европската сцена, како и за важноста на доброто управување, интегритетот и еднаквоста како темели на едно праведно општество.

🌞Низ отворен дијалог, младите уште еднаш покажаа дека имаат енергија, идеи и капацитет да ги креираат решенијата за подобра Македонија.

03/07/2026

😊📚 Со многу нови лица, свежа енергија и ентузијазам, оваа година голем дел од учесниците за првпат се дел од Летниот камп. Токму тоа му дава посебна вредност – нови идеи, нови пријателства и нова генерација млади кои сакаат да учат, да создаваат и да придонесуваат за подобра Македонија.

🏕️🤝💡 Летниот камп официјално го отворија претседателот на СДММ Трајче Стојчевски, директорот на Прогрес Институт Марко Михаилоски и Кидо Коениг од Институтот „Макс ван дер Штул“. По отворањето, учесниците беа дел од „Summer Talks“ со претседателот на СДСМ, Венко Филипче.

🫶Во текот на викендот учесниците ќе работат во тематски групи посветени на социо-економска правда и достоинствен живот, еднаквост, безбедност и заштита од насилство, како и добро управување, интегритет и функционален систем. Пред нас е викенд исполнет со едукација, дебати, работилници, тимска работа, нови знаења и уште повеќе дружење. Почнуваме!

01/07/2026

📸 Една генерација. Шест тематски групи. Идеи што прераснуваат во јавни политики.

Минатата недела успешно заврши третиот модул на Политичката академија за социјална демократија 2026 во Тирана.

Учесниците и менторите работеа на конкретни решенија за современите општествени предизвици, преку анализа, дијалог и тимска работа.

🔜 Останете со нас за финалните резултати и предлозите за јавни политики.

Следната генерација можеби започнува токму со тебе. 🫵🏼

27/06/2026

🇲🇰 🇦🇱 Со посетата на Собранието на Република Албанија го заокруживме третиот модул на Политичката академија за социјална демократија 2026 во Тирана. Учесниците присуствуваа на презентација за работата на Националниот совет за европска интеграција и неговата улога во следењето на преговарачкиот процес со Европската Унија, како и за значењето на парламентарниот надзор, транспарентноста и соработката меѓу институциите во процесот на пристапување кон ЕУ.

Во изминатите денови учесниците работеа интензивно во тематски групи, анализираа општествени предизвици, развиваа предлози за јавни политики и ги претставија своите идеи пред останатите учесници. Преку соработка, дијалог и размена на знаења, направија уште еден важен чекор во развојот на вештини за креирање политики базирани на факти и демократски вредности.

Благодарност до сите учесници, ментори и предавачи за нивната посветеност, како и до нашите партнери Kalevi Sorsa Foundation, Friedrich-Ebert-Stiftung Office Skopje и Olof Palme International Center за континуираната поддршка.

Следува продолжување на менторската работа и финализирање на предлозите за јавни политики.

26/06/2026

👋🏕️ Уште неколку дена не делат до одржувањето на Летниот Камп.. дотогаш прочитајте го искуството на Здравко Димитров, учесник од 2023 година.

💬 „Во 2023 година, бев учесник на Летниот Камп. Темите кои се изучуваа се шаренолики, а во фокус беше ставена социјалдемократијата како идеологија. Покрај тоа, дел од темите беа социјална правда, екологија и евроинтеграции. Секое предавање носи своја убавина, но дефинитивно сесиите за јавно говорење секојпат оставаат најдобар впечаток. Освен теоретската основа, практичното вежбање со искусни говорници е црешата на шлагот на целата обука“, вели Здравко Димитров.

✊Тој вели дека преку јавни дискусии, дебати и политичко ангажирање, поединецот придонесува кон општото добро и праведноста во општеството.

🗣️„Младите треба да бидат дел од политиката бидејќи светот останува на нив, а тие треба да го направат светот поубаво место за живеење. Што би биле политиката и државата за 15 години без млади? Дружете се, активирајте се, едуцирајте се. СДММ е и мора да биде силата на партијата, не само декор, а кампот е вистинското место за вклучување и политичко-партиска социјализација, афирмирање и етаблирање. Од овде започнувало, започнува и ќе започнува секоја промена“, истакнува Димитров.

25/06/2026

🇲🇰🤝🇦🇱 Регионална соработка и размена на идеи

Во рамки на Модул 3 од Политичката академија за социјална демократија 2026, учесниците имаа заедничка сесија со алумнисти на Политичката академија од Албанија, организирана од Fondacioni "Qemal Stafa".

Средбата беше можност за отворен дијалог и размена на искуства, идеи и перспективи за социјалдемократските вредности, младинското политичко учество и европската иднина на Северна Македонија и Албанија.

Ваквите регионални поврзувања придонесуваат за градење партнерства, меѓусебно учење и заеднички одговори на предизвиците со кои се соочуваат нашите општества.

24/06/2026

💡 Од идеи до решенија.

Учесниците на Политичката академија за социјална демократија 2026 денес работат во тематски групи, анализирајќи предизвици, разменувајќи искуства и развивајќи предлози за јавни политики базирани на факти и реални потреби.

Преку дијалог, тимска работа и заедничко учење, се создаваат прогресивни решенија за посилна демократија, поголема еднаквост и подобар квалитет на живот за сите.

Address

Skopje
1000

Website

http://www.progres.org.mk/

Alerts

Be the first to know and let us send you an email when Progres Institute for Social Democracy posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Progres Institute for Social Democracy:

Want your organization to be the top-listed Non Profit Organization in Skopje?