23/09/2026
Меѓународен ден на знаковните јазици 🤟🏻
„За прв пат Меѓународниот ден на знаковните јазици се прославуваше на 23ти септември минатата, 2018 година на тема: „Со знаковен јазик, сите се вклучени!“ Според Светската федерација на глуви, има околу 72 милиони глуви луѓе ширум светот. Повеќе од 80% од нив живеат во земји во развој. Колективно, тие користат повеќе од 300 различни знаковни јазици.
Знаковните јазици се целосно природни јазици, структурно различни од говорните јазици. Постои и меѓународен знаковен јазик, кој го користат глувите лица на меѓународни состаноци и неформално, кога патуваат и се дружат.
Конвенцијата за правата на лицата со попреченост ја признава и промовира употребата на знаковните јазици. Јасно е дека знаковните јазици се еднакви во статусот на говорните јазици и ги обврзуваат државитe да го олеснат учењето на знаковниот јазик и да го промовираат лингвистичкиот идентитет на глувите заедници.
Резолуцијата со која се утврдува денот признава дека раниот пристап до знаковниот јазик и услугите на знаковен јазик, вклучително и квалитетно образование достапно на знаковен јазик, е од суштинско значење за растот и развојот на глувите лица и е клучно за постигнување на меѓународно договорените развојни цели. Ја препознава важноста на зачувувањето на знаковните јазици како дел од јазичната и културната разновидност. Исто така, се нагласува принципот „ништо за нас, без нас“ во однос на работењето со глувите заедници."
🤟❤️ На 23 септември од 18:00 часот ве покануваме на неформална дружба и мала работилница за знаковен јазик.
Не мора да знаеш знаковен јазик – доволно е да имаш желба да научиш нешто ново и да запознаеш нови луѓе! 🙌
📅 23 септември
🕕 18:00 часот
📍 Парк – кај Школка