Основачката група за клубот беше формирана во јуни 1995 година, а официјалното одобрување и прославата за почеток на работата на клубот се случи на 9 март, 1996 година. Имаше специјална свеченост за РТК Скопје на 30 април, 1996 година во Фиренца, Италија во облaста 2070. Низ годините, во клубот членувале повеќе членови, а моментално имаме 15 активни членови.
Најзначајни акции
* Пролетта 2009 го
дина беше одбележана со акцијата ЖОЛТ АПРИЛ. Поттикнати од проблемот со кој се соочуваат лицата со оштетен вид во нашето општество, нашиот клуб ги избои скалите и приодните влезови на повеќе институции со жолта боја, која е лесно перцептивна за овие лица
* Најголемата акција на Ротаракт клуб Скопје е проектот ЧЕКОР КОН КУЛТУРАТА чија основна цел е зголемување на културната свест за дискреција и почитување на туѓата приватност кај граѓаните на Скопје преку поставување на жолти ленти. Овој проект е носител на наградата на Rotary International за најдобар проект на ниво на Европа за 2003 година.
* Проект за поддршка на борбата против точење на алкохол на малолетни лица, со поставување на плакати во скопските кафулиња, ресторани и диско-клубови
* Низ годините сме организирале бројни акции и проекти, како донација на нови пижами за пациентите на Клиниката за педијатрија во Скопје, акции за помош на раселените лица од кризните региони во нашата земја и за поддршка на раселените лица од кризата во Косово
* Нашиот клуб ја организираше првата Регионална конференција на Ротаракт клубовите од Југоисточна Европа, која се одржа во Скопје во септември, 1998 година
Традиционални акции
* На 1. декември секоја година, започнувајќи уште од 1998 година, организираме голема забава за активно промовирање на светската кампања за борба против сидата. Собраните средства ги користиме за печатење на брошури кои содржат информации за превенција од сида кои се дистрибуираат до средношколците низ Македонија
* На 31. октомври за Ноќта на вештерките ги посетуваме децата од Домот за деца со социјално воспитни проблеми и ја поттикнуваме нивната креативност преку цртање и изработка на фенери од тикви и најкреативните секогаш се наградуваат
* За Нова година, ги посетуваме децата од Домот за деца без родители, децата од Домот за деца со социјално воспитни проблеми и децата сместени на Клиниката за онкологија во Скопје на кои им подаруваме новогодишна елка и пакетчиња
* Дружење со лицата од Домот за стари лица преку рекреативни активности како што се прошетки во Градскиот парк
* Донирање на книги на библиотеките во нашиот град
* Организирање на забави, спортски турнири за да го
поттикнеме дружењето на младите од нашиот град
* Ротаракт клубот Скопје учествува на саемот за невладини организации со цел промоција на клубот и неговите активности
