National Convention on EU in MK / Национална конвенција за ЕУ во МК

09/06/2026

💧 Водата е стратешки ресурс, а нејзината безбедност станува сè поважен приоритет во услови на климатски промени.

На заедничката сесија на Работната група 5 – Животна средина и Работната група 1 – Земјоделство и рурален развој дел од Националната конвенција за ЕУ во Северна Македонија, претставници на институциите, експертската заедница и граѓанскиот сектор дискутираа на тема:"Европските политики за вода во ерата на климатските промени: можностите за интегриран и мултисекторски пристап во Република Северна Македонија", презентирајќи ги европските политики за вода и националните проблеми, но и потребата од интегрирано управување со водните ресурси.

📖 Прочитајте повеќе за клучните пораки и препораки од настанот, а во продолжение погледнете и фотографии од сесијата.

🔗

Водата претставува стратешки ресурс чија заштита и одржливо управување се од суштинско значење за економскиот развој, безбедноста на храната, заштитата на животн....

08/06/2026

💧 Утре, 9 јуни, ја одржуваме заедничка сесија на Работните групи за животна средина (РГ-5) и земјоделство и рурален развој (РГ-1), посветена на: „Европските политики за вода во ера на климатски промени: можностите за интегриран и мулти-секторски пристап во Република Северна Македонија“.

🚰Водата сè повеќе се третира како стратешки ресурс, споредливо со енергетиката. Европската стратегија за водна отпорност (2025), предвидува над 50 мерки и поставува јасна рамка за климатска адаптација, економски развој и безбедност. За нас, усогласувањето со овие стандарди претставува и обврска и можност, но напредокот бара надминување на клучните предизвици: задоцнетото усвојување на новиот Закон за води, ограничената дигитализација и фрагментираното институционално управување.

🏦На настанот ќе учествуваат министрите за земјоделство, шумарство и водостопанство Цветан Трипуновски, животна средина и просторно планирање Муамет Хоџа, амбасадорката на Словачка Ивета Хрицова, како и стручњаци од универзитетите, јавниот и граѓанскиот сектор, а планирано е да се дискутира на три клучни теми: водна безбедност и климатска отпорност, интегрирано управување со води во земјоделството, и дигитализацијата на водените книги и институционалната транспарентност.

20/05/2026

Погледнете го видеото од прогласувањето на др. Сашко Кедев за Европска личност за 2025 година.

14/05/2026

Денес одржавме работна средба со министерот за внатрешни работи, г-дин Панче Тошковски. На средбата ја презентиравме досегашната работа на НКЕУ-МК и заеднички ги разгледавме можностите за идни активности и продлабочување на соработката, со посебен акцент на реформите во секторот за внатрешни работи и владеењето на правото. 🛡️⚖️

На средбата се дискутираше и за претстојната септемвриската сесија на НКЕУ-МК посветена на Кластер 1, чија организација е во полн тек.

Остануваме посветени на инклузивниот граѓански дијалог и активното учество на сите засегнати страни во процесот на евроинтеграција. 🤝

12/05/2026

На настанот посветен на 40-годишнината од членството на Шпанија и Португалија во Европската Унија, денес имавме можност да слушнеме повеќе за нивната преговарачка динамика, но и за придобивките што ги донело членството во ЕУ.

Покрај економскиот напредок и фактот дека БДП на двете земји е повеќекратно зголемен во изминатите децении, особено беше нагласено чувството на припадност, солидарност и заедништво што го носи европското семејство.

Благодарност до амбасадорите на Шпанија и Португалија, како и до Делегацијата на Европската Унија, за споделените искуства и инспиративната дискусија.

11/05/2026

🏦 Координаторите на Работните групи за поглавјата од Кластер 1, „Темели“ на консултативен состанок за дефинирање на следните чекори и идни активности на НКЕУ-МК. Подготовките на септемвриската сесија се во тек.

04/05/2026

📘„Нека владее правдата во Западен Балкан: Интеграцијата меѓу наследените прашања и новите предизвици“

Аналитички документ за јавни политики, подготвен врз основа на експертските дијалози и регионалните дискусии реализирани во рамките на Националните конвенции за Европската Унија во Република Северна Македонија, Србија и Албанија, со учество на претставници на институциите, граѓанското општество, академската заедница, судството, обвинителството и експертите од регионот.

Публикацијата нуди компаративен и аналитички осврт на состојбите поврзани со владеењето на правото во Западен Балкан, при што посебно внимание е посветено на:
🔹 организираниот криминал и ограничените, но видливи чекори кон институционален напредок;
🔹 корупцијата како системски и долгорочен предизвик, и покрај засилениот политички и нормативен дискурс за нејзино спречување;
🔹 политичката поларизација и нејзиното влијание врз реформската динамика и јавната дебата;
🔹 политичката стабилност, институционалниот капацитет и довербата во демократските институции;
🔹 регионалната соработка како предуслов за европска интеграција и постепена конвергенција кон европските стандарди.

Особено внимание е посветено на развојот на регионалните иницијативи за соработка – од Берлинскиот процес и заедничкиот регионален пазар, до новиот План за раст на Европската Унија за Западен Балкан, кој воведува нов модел на условеност, финансиска поддршка и постепена интеграција.

Во време на засилени геополитички предизвици и обновена дебата за иднината на европското проширување, оваа публикација претставува обид за подлабоко разбирање на комплексноста европскиот процес на Западниот Балкан.

📖 Публикацијата е издадена од Европското движење во Република Северна Македонија во рамките на НКЕУ-МК и

🤝 Поддржана од Делегацијата на Европската Унија во Република Северна Македонија The IPA Civil Society Facility Programme 2023 и Кралството Холандија, во рамките на МАТРА програмата, преку поддршка на проектот „Нека правдата владее со регионот“.

Линк до публикацијата:
https://nkeu.mk/wp-content/uploads/2026/01/FINAL-DJP-1-MK_compressed.pdf

02/05/2026

https://www.facebook.com/share/p/1CHCpsQCiP/

29/04/2026

Вчера одржавме заеднички состанок со дел од членовите на програмски совет на РГ-1 и РГ-5, на кој се разговараше за состојбите во поглавјата и идните активности. 🌿