Fondacija Nikola Kljusev

04/06/2026

🖌️🖼️Во рамки на проектот „Artistic journey to green future" кој Фондацијата го спроведува веќе втора година и преку кој се учат различни начини за заштита на животната средина, најмалите ќе направат Фестивал на тема „Малите за природата".
👉Овој фестивал ќе се одржи во ООУ „Љубен Лапе“ на 5ти јуни со почеток во 12часот. Во рамки на фестивалот ќе учествуваат и деца од предучилишна возраст од детската градинка „Мини фини буџетчиња“.
♻️На овој фестивал учениците ќе презентираат како ги рециклираат и ре-употребуваат материјалите во текот на образованиот процес и ќе дадат свој придонес и поттик кај другите, за заштита на животната средина.
ООУ "Љубен Лапе" Аеродром

03/06/2026

🇦🇿Фондацијата „Никола Кљусев“ беше домаќин на Меѓународен форум за вмрежување на жени претприемачки од Македонија и Азербејџан.
✍️Форумот беше предводен од професорката Јорданка Галева од Универзитетот „Гоце Делчев“ – Штип и Нена Неновска Ѓорѓиевска од Фондацијата „Никола Кљусев“, кои преку оваа иницијатива имаат заедничка цел – поттикнување на соработка, размена на искуства и создавање нови деловни можности помеѓу двете држави.
✔️На форумот беше истакната важноста на економското поврзување и зајакнувањето на улогата на жените во претприемништвото и меѓународната соработка.
👉Во рамките на настанот, жените претприемачки од Азербејџан, предводени од Ајѓун Ахмадова, основачка на Унијата за поддршка на развојот и образованието на жените од Баку, ги претставија своите компании, деловни активности и визии пред македонските претприемачки, отворајќи простор за дијалог, размена на идеи и воспоставување нови партнерства.
✔️Овој форум, кој нема да остане единствена иницијатива, претставува значаен чекор кон развивање на заеднички проекти и долгорочна соработка меѓу жените претприемачки од Македонија и Азербејџан. Се очекува воспоставените контакти и дискусии да прераснат во конкретни деловни иницијативи кои ќе придонесат за економско поврзување, меѓусебна поддршка и заеднички развој.
Фондацијата „Никола Кљусев“ и понатаму останува посветена на создавање платформи кои го поддржуваат женското лидерство, претприемништвото и меѓународното вмрежување, како и на градење мостови за соработка, особено со Унијата за поддршка на развојот и образованието на жените од Азербејџан.

21/05/2026

📢 ПОВИК ЗА ПРИЈАВУВАЊЕ ТРУДОВИ ЗА РОДОВАТА ЕДНАКВОСТ И ПОЛИТИЧКАТА ПАРТИЦИПАЦИЈА
✍️Во рамки на ЕУ проектот GEM (Gender Equality in Mobilization), Филозофскиот факултет на Универзитетот во Нови Сад распишува конкурс за студентски/младински трудови со фокус на теми како:
✔️родова еднаквост и политичко учество,
✔️демократски процеси и граѓански активизам,
✔️младинско учество во јавниот живот,
✔️инклузивно лидерство и општествени промени.

🔝Најдобрите десет автор(к)и ќе имаат можност да ги презентираат своите трудови и идеи на Меѓународниот младински симпозиум (GEM Youth Summit), кој ќе се одржи од 14-17 септември 2026 година на Универзитетот во Нови Сад. Исто така, дел од трудовите ќе бидат објавени во соодветни научни списанија во регионот.

👉Кој може да се јави на повикот?
• студент(к)и
• средношколци/ки
• млади истражувачи
• активисти (до 35 години)

🔊Посебен акцент во трудовите треба да се стави на:
• оригиналноста во размислување,
• граѓанската релевантност,
• младинската и женска перспектива

✍️Селекцијата на најдобрите трудови ќе го изврши стручно тело составено од научен кадар, експерти за младински прашања и граѓански активисти. Избраните трудови ќе бидат дел од официјалната програма на Самитот.

📚Рокот за пријавување на конкурсот е 15 јуни 2026 година на следниот линк
https://forms.gle/aUKA7A9ifL8ci4eY9
Рок за доставување на куси апстракти (до 400 зборови) е 1 август на следниот линк
https://docs.google.com/forms/d/e/1FAIpQLSdgLLC-f5yKyRGNMa0tE7t3rfMLCLo0LvqAw3JLhbV5Urqvkw/viewform
а одлуката за прифаќање ќе биде донесена не подоцна од 15 август 2026.

💻За повеќе информации и пријавување на овој повик контактирајте нè на [email protected]

06/05/2026

🇭🇷Од 27-ми април до 1-ви мај 2026, 6 претставници од градинки, основни и средни училишта посетуваа обука во Метковиќ, Хрватска во рамки на проектот "Artistic journey to green future".
👉Фондацијата „Никола Кљусев“ е партнерска организација во проектот кој е финансиран во рамки на програмата Еразмус+, а чиј носител е Основното училиште CEIP Mata Linares од San Vicente de la Barquera, Шпанија.
✍️Во рамки на обуката, учесниците имаа многу интересни активности кои понатаму можат да ги применат во наставата со своите ученици:
- Набљудување и идентификување на птици со помош на телескопи и двогледи на реката Неретва,
- посета на Археолошки музеј на Нарона, каде учесниците имаа можност да пишуваат на папирус,
- посета на работилница за рециклирање на пластика и производство на очила за сонце од рециклирана пластика во Дубровник.

30/04/2026

📣 ПОВИК ЗА УЧЕСТВО GEM SHADOWING PROGRAMME

Дали сакаш да видиш како навистина функционираат институциите?
Како се носат одлуки?
И како изгледа еден работен ден на жена лидер?

Проектот Gender Equality in Mobilization (GEM), поддржан од Европската Унија објавува повик за учество во GEM Shadowing Programme – единствена можност за млади девојки да поминат еден ден во институција и директно да ја следат работата на жена лидер.

👩🏻‍💻Што добиваш?
• присуство во институција/граѓански сектор/образовни установи/медиуми
• можност да следиш реални состаноци и процеси
• разговор 1-на-1 со жена лидер
• увид во тоа како изгледа јавниот и политичкиот живот одвнатре
• искуство што може да ти ја насочи иднината

👩‍🏫Кој може да аплицира?
• ученички во средно образование/студентки на високо-образовни институции/ девојки и млади жени на возраст од 15 до 30 години
• мотивирани и љубопитни
• заинтересирани за општествени теми и лидерство

💻Како да аплицираш?
Пополнете ја пријавата на следниот линк:
👉 https://docs.google.com/forms/d/e/1FAIpQLSe-tJunTsZJhtrr2RPwCvDYhSDV6y1VonqT9kUr_NtaZbilvA/viewform

📅 Рок за пријавување: 20.05.2026 година

📌 Бројот на учеснички е ограничен.

📢 Избраните кандидатки ќе бидат контактирани дополнително.

Ова не е обука.
Ова е реално искуство.

Биди таму каде што се носат одлуките.

Пријави се тука👇👇

Овој формулар е наменет за пријавување за учество во GEM Shadowing Programme. Програмата нуди единствена можност за ученички во средно образование/студентки и млади девојки ....

23/04/2026

На 23-ти април 2026, во просториите на Фондацијата се одржа GEM Incubator, активност во рамки на проектот Gender Equality in Mobilization - GEM. На оваа активност активно учество земаа ученици од средните училишта:
✔️Васил Антевски - Дрен
✔️Јосип Броз - Тито
✔️ПСУ САБА и
✔️Шаип Јусуф
✍️Активноста е наменета за обука на обучувачи, со која млади средношколки понатаму ќе треба да ги пренесат искуствата на своите соученици.
👉Темата на GEM Incubator-от беше јакнење на младите за и во политиката - противречности и предизвици.

27/03/2026

💻Два дена исполнети со многу интересни теми и размислувања за вештачката интелигенција, што да очекуваме од неа, колку може да ни помогне во образованието и во кој правец го движи светот?
✍️На конференцијата “AI in education” која се одржа вчера и денес присуствуваа професори од основни и средни училишта од Скопје.
👉Конференцијата е завршен настан на проектот “AI4Good” кој училиштето САБА во соработка со Фондација “Никола Кљусев” и партнерите University of Economics Katowice од Полска и меѓународната компанија за професионална едукација ISACA од Ирска, го спроведуваа во текот на изминатата година.

24/03/2026

Фондацијата “Никола Кљусев” Ве поканува на конференцијата “Вештачка интелигенција во образованието”

Заинтересираните професори и едукатори може да се пријават на линкот👇👇👇

https://docs.google.com/forms/d/e/1FAIpQLSc-f1VqWKWEOPLF4KV76lxkwJNJm_OE7or6DSPNgfrZSFFoQQ/viewform

14/03/2026

✍️На 6-ти и 12-ти март се одржаа ко креативните работилници составени од ученички од средни училишта во рамки на проектот GEM (Gender Equality in Mobilization).
👉Овие работилници се насочени кон поттикнување на граѓанското и политичкото учество кај младите жени.
👩‍🏫👩‍🎓Во текот на сесиите, учесничките дискутираа за предизвиците со кои се соочуваат девојките и жените при вклучувањето во јавниот простор, особено во контекст на општествените очекувања, стереотипите итн.
🏫Особен акцент беше ставен на важноста од поддршката што доаѓа од семејството, училиштето, институциите и пошироката заедница, како и на потребата од создавање безбедни и охрабрувачки простори каде младите девојки ќе можат слободно да ги споделуваат своите ставови.

05/03/2026

✍️Меморијалниот центар Фондација „Никола Кљусев“ започна со спроведување на активностите на проектот GEM - Gender Equality in Mobilization преку формирање на фокус групи.
👉На 4 март се одржаа две ко-креативни работилници на тема „Јакнење на жените за и во политиката“, а присутните дебатираа за тоа кои се бариери, но и предизвици да се биде политички активна жена, кои се системи за поддршка во нашето општество, дали постојат стереотипи и предрасуди спрема жените итн. Овие фокус групи беа составени од млади жени. Активноста ќе продолжи да се спроведува со уште две други фокус групи составени од ученички во средни училишта.